Manuel Noyer «Bude Glimt»ga qarshi o'yin va Chempionlar ligasidagi maqsadlar haqida

Manuel Noyer ertangi «Bude Glimt»ga qarshi o'yin haqida:

Biz hali tahlilni yakunlamadik. Kuchli jamoaga qarshi o'ynashimizni bilamiz. Ular tipik norveg jamoasi; kurashishni bilishadi, shuningdek, yaxshi futbol ham ko'rsata olishadi. Ularda Chempionlar ligasi tajribasi bor va ular katta nomlardan qo'rqmasliklarini ko'rsatishgan.

Biz ularning boshqa top-klublarga qarshi qanday o'ynaganini bilamiz. Ular qo'rquvsiz harakat qilishadi, yo'qotadigan hech narsalari yo'q. Jamoada barqarorlik ham bor; murabbiy ularni 2018-yildan beri boshqarib kelmoqda. Hammamiz ularni kamsitib bo'lmasligini bilamiz.

Noyer darvozada kim o'ynashi — o'zi yoki Urbig haqida:

Buni ikkalamiz ham hal qilmaymiz; bu murabbiy va murabbiylar shtabining ishi. Biz muloqot qilamiz, ertangi o'yin uchun oldindan kelishilgan reja yo'q.

Ikkalamiz ham har doim o'ynashimiz mumkinligini hisobga olib tayyorgarlik ko'ramiz. Tarkibni murabbiy hal qiladi; menda ertaga men o'ynayman degan his bor va aynan shunday tayyorgarlik ko'ryapman.

Noyer Chempionlar ligasi g'olibligi uchun asosiy da'vogarlar haqida:

So'nggi yillardagi finalchilar. «Barselona»da ham yaxshi tarkib bor. Favoritlar pley-off bosqichi yaqinlashgani sari aniqroq bo'ladi. Hammada ko'tarilish va pasayishlar bo'ladi; men odatiy favoritlar bo'lishini kutyapman.

Noyer «Bavariya»ga Chempionlar ligasida g'alaba qozonish uchun nima yetishmayotgani haqida:

Hammasi mayda detallarda. Bizda teng o'yinlar bo'lgan, jumladan, o'tgan yilgi «Real» va «PSJ»ga qarshi bahslar. Bizda salohiyat bor. Tajriba ham bizga yordam beradi. Bizda bu bosqichga qaytish istagi bor.

Bizning katta maqsadimiz — Chempionlar ligasi g'olibi bo'lish. Biz achchiq mag'lubiyatlarni boshdan kechirdik, ammo bu bizga qo'shimcha motivatsiya beradi, chunki kelasi yozda Madridda [finalda] o'ynashni istaymiz.