Roberto De Zerbi «Hoffenheim»ga qarshi o'yin haqida fikr bildirdi

«Tottenxem» bosh murabbiyi Roberto De Zerbi «Hoffenxaym»ga qarshi o'rtoqlik uchrashuvidan so'ng o'z fikrlari bilan o'rtoqlashdi.

«Bu yaxshi o'yin va foydali kun bo'ldi, chunki biz jismoniy holatimizni yaxshilab olishimiz kerak edi. Shu sababli, har bir futbolchi maydonda 75 daqiqa harakat qilishiga qaror qildik, ertaga esa kecha o'ynamagan futbolchilar bilan maydonga tushamiz.

Birinchi bo'limda to'psiz harakat qilishda qiynaldik, chunki «Hoffenxaym»ning uslubi barchaga ma'lum: u o'ziga xos va boshqacha. Ular juda ko'p harakatlanishadi va pozitsiyalarini tez-tez almashtirib turishadi. Ikkinchi bo'limda yaxshiroq himoyalandik, to'p bilan esa o'yinimiz yaxshi chiqdi deb o'ylayman: hujumlarni yaxshi boshladik va ko'plab vaziyatlar yaratdik.

Bunday uslubdagi jamoaga qarshi o'ynash biz uchun sinov bo'ldi. O'yinga tayyorgarlik ko'rayotganda, ma'lum bir pozitsiyadagi raqib futbolchisi siz uchun mo'ljal bo'ladi. Ammo raqib doimiy ravishda joyini o'zgartirsa, futbolchilar butun maydon bo'ylab tarqalib ketishadi va ko'plab o'yinchilar to'p chizig'i ortida qolib ketishadi».