Roberto De Zerbi Richarlison, Solanke va Bergvall haqida fikr bildirdi

🎤Roberto De Zerbi Risharlison bilan bog'liq vaziyatga izoh berdi:

Agar uni qaydnomadan tashqarida qoldirish qarorini o'zim qabul qilganimda, afsuslangan bo'lardim. Ammo bu qaror hatto klub tomonidan ham qabul qilinmadi. Bu uning o'zi qabul qilgan qarorning natijasidir.

Menga achinarli, chunki ro'yxatda bitta o'yinchim kamaydi. Risharlison — yaxshi inson. Men u bilan ko'p marta gaplashdim va qolishga ko'ndirish uchun vaqt sarfladim. Ammo agar haqiqatni bilasizmi deb so'rasangiz — ha, bilaman. So'nggi bir oy, so'nggi 45 kun ichida nimalar bo'lganini bilaman. Hammasi tushunarli, lekin men xafa emasman.

Klub so'nggi 45 kun ichida u bilan bog'liq nimalar qilganini va Risharlisonning xulq-atvori qanday bo'lganini bilaman. Buni tushuntira olmayman, chunki bu noto'g'ri, lekin menga achinarli, chunki hammasi boshqacha bo'lishi mumkin edi. Hatto bu hikoyaning oxiri ham, menimcha, yaxshiroq bo'lishi mumkin edi.

Ehtimol, Risharlison uchun qaydnomaga kiritilish, klubda baxtli bo'lish va ehtimol, shartnomani uzaytirish yaxshiroq bo'lardi, chunki u hali ham muhim o'yinchi. U o'tgan mavsumda biz uchun muhim edi va biz buni unutmasligimiz kerak. Ammo biz so'nggi 45 kunni ham unutmasligimiz kerak.

🎤Roberto De Zerbi Solanke va Marmush bog'lamasi haqida:

Bilmayman. Ehtimol.

Ular birga o'ynashlari mumkin. Ular navbat bilan zaxira o'rindig'ida qolishlari mumkin. Hozir bizga ularning kamida bittasi kerak, lekin ular birga maydonga tushishlari mumkin. Buni aynan qachon sodir bo'lishini bilmayman, lekin Marmushni imzolaganimizda, u boshqa hujumchi bilan yoki yolg'iz o'zi o'ynay olishini o'ylagan edik.

Marmush hozir yaxshi o'ynamoqda. Nottingemda u yaxshi o'yin o'tkazdi, fantastik emas, hujum vaziyatlarida ideal so'nggi qarorni qabul qilmadi, lekin u faol edi. U har qanday vaziyatda xavfli ko'rinardi. U aqlli o'yinchi, futbolni yaxshi tushunadi, to'p qayerga borishini biladi. Hozircha u menga yoqmoqda.

🎤Roberto De Zerbi Dominik Solankening jismoniy holati haqida:

U qaytishga yaqin deb o'ylayman. Dom Solanke — biz uchun asosiy o'yinchi. O'z sifatlari, xarakteri va darajasi bo'yicha u jamoa uchun juda muhim.

U allaqachon juda yaqin. Nyukasl va Nottingemga qarshi ikki o'yindan so'ng, u keyingi o'yinda yoki seshanba kuni asosiy tarkibda maydonga tushishi mumkin.

🎤Roberto De Zerbi Lukas Bergvall bilan bo'lgan suhbat tafsilotlarini oshkor qildi:

Biz uch kun oldin gaplashdik va men shunday dedim: «Lukas, sen kabi o'yinchi Brentford bilan o'yinda yo'qotganing kabi ikkita to'pni yo'qotishi mumkin emas». Ayniqsa, o'sha o'yinda, o'yinning o'sha pallasida. Sen asosiy tarkibda o'ynayapsan. Sening sifatlaring haqidagi fikrimni o'zgartira olmayman, chunki sen katta talantsan, lekin yakunda tajribangni oshirishing kerak. Ha, o'yinlar orqali tajriba orttirishing mumkin, lekin nimalar ustida ishlashimiz va nimani yaxshilashimiz kerakligini tushunish zarur.

U rozi bo'ldi. U aqlli yigit. Kecha uning onasi va otasi bilan gaplashdim. Ajoyib insonlar. Endi men uning otasi bilan aloqada bo'lishni istayman, chunki o'yinchiga yordam bermoqchiman. Men unga futbolchi sifatida yordam berishdan oldin, inson sifatida yordam bermoqchiman, chunki unda kelajak uchun ulkan salohiyat bor. Biz transfer bozorida u bo'yicha takliflarni qabul qilmadik — va bular katta takliflar edi. Shuning uchun klub va murabbiy tomonidan ishonch darajasi juda yuqori deb o'ylayman.

Ehtimol, ha, biz ko'p pul sarflagandirmiz, lekin bizda sotish va pul olish mumkin bo'lgan o'yinchilar bor. Va agar biz Lukasni sotmagan bo'lsak, bunga sabab barchamiz ishonamiz: bizda kelajak uchun ulkan salohiyatga ega futbolchi bor. Ammo hozirning o'zida ham u yaxshi o'yinchi.