Roberto De Zerbi yangi himoyachi transferi va Dejan Kulusevskining holati haqida

Roberto De Zerbi yangi o'ng qanot himoyachisini sotib olish rejasi haqida:

Ayni damda, menimcha, bunga hojat yo'q. Bizda Archi Grey bor, u markaziy yarim himoyada o'ynashni afzal ko'radi, lekin o'ng qanot himoyasida ham juda yaxshi harakat qila oladi. Men tarkibda 25-26 nafar futbolchi bo'lishini istamayman, menga 21-22 nafar o'yinchi yetarli, nazarimda bu kifoya.

Roberto De Zerbi Jed Spensning ketganidan xafa:

Jedning ketganidan juda xafaman, chunki uni yaxshi ko'raman. Bizning munosabatlarimiz a'lo darajada, u juda yaxshi yigit va muhim futbolchi. Ammo yakunda men uning 38 ta o'yinning barchasida maydonga tushish istagini hurmat qilishim kerak — men unga buni kafolatlay olmayman.

Dejan Kulusevskining holati haqida:

U mashg'ulot o'tkazmoqda, lekin umumiy guruhda emas, individual murabbiy bilan ishlayapti. Men uni diqqat bilan kuzatyapman, chunki birinchidan, u buni juda og'ir qabul qilyapti. Insoniy nuqtai nazardan, bu uning uchun oson davr emas va har birimiz bu vaqtda uni qo'llab-quvvatlayapmiz. Bundan tashqari, u o'ziga xos futbolchi, nostandart o'yinchi. Agar u formada bo'lsa va o'ynashga tayyor bo'lsa, u o'yin taqdirini o'zgartira oladi — u Xavi Simons kabi noyob futbolchi.