Romain Molina «Monako» rahbariyatini tanqid qildi

🚨 «Ba'zi agentlarning 8 ta joni bor, uning esa 12 ta», — Romen Molina. «Monako»dagi tarkibiy va moliyaviy vaziyat bo'yicha yangi tafsilotlar paydo bo'lmoqda:

Futbol olamidagi jarayonlarni yoritib boruvchi fransiyalik jurnalist Romen Molinaning so'zlariga ko'ra, «Monako» Chempionlar ligasidagi ishtirokning yo'qligi, tarkibiy defitsit va Rybolovlev tomonidan yangi moliyaviy mablag'lar kiritilmayotgani sababli futbolchilarni taxminan 100 million yevroga sotishni rejalashtirmoqda. Biroq, bu raqamni yakuniy haqiqat deb qabul qilishga hali erta, chunki 15-avgust kuni L’Équipe nashri reja deyarli yakunlanganini va faqat Balogunni sotish qolganini yozgan edi.

Shunga qaramay, bu ma'lumot Teze va Kererning ketishi mumkinligi haqidagi xabarlar fonida mantiqiy ko'rinadi.

Jurnalist Tiago Skuro haqida kinoya bilan shunday fikr bildirdi:

«Ularda («Monako») hali ham Tiago Skuro ishlamoqda. O'ylaymanki, bir kuni dunyo oxiri keladi va u yagona omon qolgan odam bo'lib qoladi — bunga ishonchim komil, boshqa izohi yo'q. Men ba'zi agentlarning sakkizta joni borligini aytgan edim, uning esa, chamasi, o'n ikkita joni bor».