Oktyabr oyida tayinlangani e'lon qilingan Lyuindon uch yil davomida City Football Group'da jismoniy tayyorgarlik va o'yinchilar salomatligi bo'yicha direktor lavozimida ishlagan. Ungacha esa Lawn Tennis Association (LTA) va Angliya regbi terma jamoasida faoliyat yuritgan mutaxassis o'z ishini fevral oyida, ya'ni Frenk iste'foga chiqarilishidan bir kun oldin boshlagan.
Lyuindon klubdagi jarohatlar bilan bog'liq muammolar yuzasidan tekshiruv o'tkazdi va muhim o'zgarishlarni boshlab berdi. Jumladan, o'yinchilar bilan individual ishlashga e'tibor kuchaytiriladi. Jamoa tarkibi to'rt-olti kishilik guruhlarga bo'linib, har bir guruhga alohida fizioterapevt va sport fani bo'yicha mutaxassis biriktiriladi.
G'oya shundan iboratki, xodimlar har bir o'yinchiga ko'proq vaqt ajratib, ularning individual xususiyatlarini yaxshiroq tushunishlari kerak. Bu tibbiy va sport shtabiga asosliroq qarorlar qabul qilish hamda o'yinchining jarohatlar tarixi va o'z pozitsiyasi talablaridan kelib chiqib, mashg'ulot jarayoniga kichik, ammo muhim tuzatishlar kiritish imkonini beradi.
Mashg'ulot bazasida ham o'zgarishlar ro'y bermoqda. Lyuindon trenajyor zali xonalari orasidagi devorlarni buzib tashlashga qaror qildi. Bu jismoniy tayyorgarlik va tiklanish bilan bog'liq barcha yo'nalishlarni birlashtirish, xodimlar o'rtasidagi hamkorlikni yaxshilash hamda qulayroq muhit yaratishga xizmat qiladi. Uzoq muddatli jarohatdan tiklanayotgan futbolchilar endilikda jamoa va murabbiylar shtabidan uzilib qolganliklarini his qilishmaydi.
Izohlar (0)
Izoh qoldirish uchun tizimga kiring.
Hozircha izoh yo'q. Birinchi bo'lib fikr bildiring!