Trent Aleksander-Arnold "Real Madrid" himoyachisi sifatidagi intervyusida "Liverpul"dan ketganidan keyingi bosim va Angliya terma jamoasidan chetda qolgani haqida gapirdi.
"Liverpul"dan ketib, "Real Madrid"ga o'tganimdan keyingi tazyiqlarmi? Internetdagi haqoratlar yoki ijtimoiy tarmoqlar orqali keladigan tahdidlar — bu 2026-yildagi hayotning achinarli qismi. Shuning uchun men bundan uzoqroq yurishga harakat qilaman.
"Liverpul" muxlislarining hushtakbozligi va mendan ko'ngli qolganini qabul qila olaman. Buni tushunaman. Ammo umid qilamanki, bir kun kelib ular hayotimdagi qarorlarimni biroz bo'lsa-da tushunishadi.
"Liverpul" muxlislarining menga bo'lgan nafrati og'riq beradi, chunki men klubga juda ko'p narsa berganman va 20 yil davomida katta fidoyiliklar qilganman".
"Angliya terma jamoasining JCH-2026 uchun qaydnomasiga kiritilmaganimmi? Rostini aytsam, turnir oldidan umidlarim katta edi. Menga qo'ng'iroq qilib, terma jamoaga chaqirilmaganimni aytishganida, Madriddagi uyimda edim. Telefon suhbatidan keyin o'zimni butunlay bo'shashgan va ezilgan holda his qildim.
Yoz uchun hech qanday reja tuzmagan edim, chunki JCHda o'ynashga umid qilgandim. Qanday bo'lmasin, faoliyatimni yakunlamagunimcha, tarkibda bo'lamanmi yoki yo'q, Angliya terma jamoasi o'yinchisi bo'lib qolaman. Angliya sharafini himoya qilish men uchun eng oliy sharaf".
Izohlar (0)
Izoh qoldirish uchun tizimga kiring.
Hozircha izoh yo'q. Birinchi bo'lib fikr bildiring!