Anri: "Oltin to'p-2026"? Bu yil hammasi o'tgan yilgidek oddiy emas. Eslaysizmi, qanday aytganimni: "Dembele, Dembele, Dembele"? O'shanda hammasi yaqqol ko'rinib turgandi — aynan u g'olib bo'lishi tushunarli edi.
O'ylaymanki, bu yil hammasi biroz murakkabroq. Keynni olaylik. Bu mening fikrim emas, lekin o'tgan mavsumda Germaniyaning eng yaxshi o'yinchisi deb rasman Olise topildi. Agar Angliyadagi odamlardan JCHda kim o'zini eng yaxshi ko'rsatganini so'rasangiz, ular Bellingem deb aytishadi. Ammo uning "Madrid"dagi mavsumi, balki, unchalik ham yorqin bo'lmagandir.
Keyin — Rodri. U JCHni ajoyib o'tkazdi va turnirning eng yaxshi futbolchisi deb topildi, lekin klub mavsumi davomida unchalik ko'p o'ynamadi. Yamal? Aytish mumkinki, u JCHda omadsiz ishtirok etdi, chunki turnirga jarohat bilan kelgan edi.
Xolandga o'tamiz. Qanday qilib istalgan vaziyatdan va istalgan burchakdan gol uradigan odamni chetlab o'tish mumkin? Lekin, o'ylaymanki, u baribir yuqorida sanab o'tgan ba'zi futbolchilardan ortda qoladi.
Kvaratsxeliya JCHda ishtirok etmadi. Undan keyin — Messi. O'ylaymanki, agar Argentina JCHda g'olib chiqqanida, unga "Oltin to'p"ni topshirishardi. Lekin Argentina g'alaba qozonmadi.
Yakunda Olise va mening favoritim — Mbappe qolmoqda. Menga Mbappe hech narsa yutmadi deyishlari mumkin. Ammo, esimda qolishicha, tarixda "Oltin to'p"ni birorta ham sovrin yutmagan futbolchi olgan hollar bo'lgan.
Men uchun favorit — Mbappe. Qarang, u individual tarzda nimaga erishdi: YeChL to'purari, La Liga to'purari va JCH to'purari. Oliseda assistlar bo'yicha shunga o'xshash vaziyat. Agar o'ylab ko'rsangiz, Mbappe jahon chempionatlarida qancha gol urgan — bu shunchaki aqldan ozish.
Shaxsan men "Oltin to'p"ni Mbappega bergan bo'lardim, Oliseni esa ikkinchi o'ringa qo'yardim.
Ronsero (AS gazetasi direktor o'rinbosari): "O'ylaymanki, aynan Mbappe "Oltin to'p"ni oladi. Lekin men uni Rodriga bergan bo'lardim".
Izohlar (0)
Izoh qoldirish uchun tizimga kiring.
Hozircha izoh yo'q. Birinchi bo'lib fikr bildiring!