Dani «Xetafe»dagi taqdimotida «Real»dagi faoliyati haqida gapirdi
Dani «Xetafe»dagi taqdimotida yangi raqami, jamoaga kelishi va «Real Madrid»dagi faoliyati hamda muxlislar bilan xayrlashuvi haqida fikr bildirdi.
Dani «Xetafe»dagi taqdimotida:
U menga 12-raqam va 14-raqam o'rtasida tanlov berishdi, rostini aytsam, 14-raqam ko'proq yoqdi. Umid qilamanki, bu raqam menga Xoselu keltirgan omadni olib keladi — u juda yaxshi o'ynagan edi. Shunday ekan, ishonchim komil: men uchun ham hammasi omadli kechadi.
Rostdan ham, bu yerdagi kutishlar bunchalik yuqori bo'lishini tasavvur qilmagandim. Meni juda iliq kutib olishdi – texnik rahbariyat ham, murabbiylar shtabi ham, futbolchilar ham, «Xetafe» muxlislari ham... Rostini aytsam, juda baxtliman: uyga qaytdim va qulog'imgacha tabassum qilib yuribman.
«Madrid» bilan xayrlashuvmi? Biz bu sahifani o'tgan may oyida, o'sha aqlbovar qilmas xayrlashuvni boshdan kechirganimizda yopib bo'lganmiz. Men yana bir bor barcha muxlislarga o'sha kuni menga o'zlarini qanday his qildirishganlari uchun minnatdorchilik bildirmoqchiman. Bu eng baxtli kunlardan biri edi, u umuman qayg'uli emasdi. Men butun jamoatchiligimiz menga ko'rsatgan e'tirofni chin dildan his qildim va bu hozirgacha davom etmoqda, savdo markaziga borganimda odamlar barcha o'tgan yillardagi sadoqatim uchun menga rahmat aytishda davom etishmoqda. Men buni qadrlayman. Rostini aytsam, bolaligimda bunchalik muvaffaqiyatli karyeradan bahramand bo'lishimni hech qachon tasavvur qilmagan bo'lardim.