Inter Luka Rejani bilan qiziqmoqda
«Inter» Dortmundning «Borussiya» klubi himoyachisi Luka Rejani bilan qiziqmoqda. BILD xabariga ko'ra, tomonlar o'rtasida dastlabki aloqalar o'rnatilgan.
BILD xabariga ko'ra, «Inter» Luka Rejani bilan qiziqib qoldi. 2007-yilda tug'ilgan yosh himoyachi 2024-yilda «Sassuolo» yoshlar jamoasidan taxminan 5 million yevro evaziga Dortmundning «Borussiya» klubiga o'tgan edi.
«Inter» allaqachon futbolchining agentlari bilan bog'langan va Rejani Italiyaga qaytish istiqbolidan mamnun ekani aytilmoqda. Biroq, «Borussiya» o'z iqtidorli futbolchilarini sotish niyatida emasligi sababli, bu transfer murakkab ko'rinmoqda.
Rejani joriy mavsumda asosiy jamoada debyut qildi va Bundesligada sakkizta o'yinda maydonga tushdi.