Natan Souza uchun kurash qizg'in pallada
«Real Betis» himoyachisi Natan Souza «Barselona», «Chelsi» va «Manchester Yunayted» qiziqishlari doirasiga tushib qoldi.
Bir qator manbalar «Chelsi» «Real Betis»ning 25 yoshli markaziy himoyachisi Natan Souza transferi uchun imkoniyat eshiklarini ochganini xabar qilmoqda.
Joriy mavsumda ajoyib sport formasini namoyish etayotgan braziliyalik futbolchi «Barselona» va «Manchester Yunayted»ning ham jiddiy qiziqishiga sabab bo'lmoqda.
«Barselona» ayni damda futbolchi uchun asosiy da'vogar hisoblanadi: klub himoyachini qo'lga kiritish poygasida yetakchilik qilmoqda va transferni yanvar oyidayoq rasmiylashtirishga intilmoqda.