Oleksandr Zinchenko: Konte bilan munosabatlar va «Napoli»dagi o'zgarishlar haqida
Oleksandr Zinchenko Konte va Allegri o'rtasidagi farqlar, Gabriel Jezusning potensiali hamda «Siti»ga qarshi o'yinlar haqida fikr bildirdi.
🔘Konte bilan nima noto'g'ri ketdi?
«Bunday holatlar bo'lib turadi, bu katta muammo emas: o'z faoliyating davomida hamma bilan ham til topisha olmaysan va bu normal holat. Men yagona emasman; ba'zida odamlarning futbolga bo'lgan qarashlari turlicha bo'ladi. Bu tabiiy».
🔘Siz Gabriel Jezus bilan «Manchester Siti»da besh yil birga o'ynagansiz. Bu hujumchi «Napoli»ga nima bera oladi?
«Sifat. To'p bilan muomalada, pas berish va golli vaziyatlar yaratishdagi sifat. Ehtimol, bizda Rasmus yoki Lorensodan farq qiladigan bunday profildagi o'yinchi yo'q. Agar u kelsa, bizga yordam bera oladi. Bundan tashqari, o'z tajribasi evaziga: u g'alaba qozonishni biladi. Bu muhim, nima bo'lishini ko'ramiz».
🔘Bugungi kunga qaytadigan bo'lsak, Allegri va Konte o'rtasidagi farqni ko'ryapsizmi?
«Konte juda qattiqqo'l, ko'proq professional munosabatlarga e'tibor qaratadi. Futbol, futbol, futbol. U faqat futbol haqida o'ylaydi. O'yinchilar bilan shaxsiy aloqalar yo'q. Allegri esa, aksincha, biroz xotirjamroq, norasmiyroq va men ko'rganimdek, u shaxsiy munosabatlarga ko'proq ahamiyat beradi. Har bir murabbiy individual, men esa ko'plab turli murabbiylar bilan ishlaganman».
🔘Vergara Italiyaning umidlaridan biri hisoblanadi. Unga qanday maslahat bergan bo'lardingiz?
«Biz unga vaqt berishimiz kerak: men kelganimda uning yoshi 18 deb o'ylagandim, aslida esa 23 yoshda edi. Belgiya va Angliyada 17-18 yoshdayoq asosiy tarkib o'yinchisiga aylanasiz, lekin bu yerda falsafa boshqacha: bu uning jamoadagi ilk to'liq mavsumi bo'ladi. Antonio shunchaki har kuni o'sishi, o'ynashi kerak. U o'zini juda yaxshi ko'rsatyapti, bizga katta yordam beradi».
🔘Bugun Chempionlar ligasi qur'a tashlash marosimi bo'lib o'tadi. «Siti»ga qarshi o'ynash uchun Manchesterga qaytishni istarmidingiz?
«Yo'q, ularga qarshi o'ynash menga yoqmaydi. «Siti» doim mening jamoam bo'lib qoladi, bu normal holat, men u yerda o'n yil bo'lganman. Bosib o'tgan yo'limiz va g'alabalar hech qachon o'zgarmaydi: raqib sifatida u yerga borish menga yoqmaydi».
🔘5 sentyabr kuni «Inter» «Napoli» bilan «Meazza»da o'ynaydi. Maydonga De Bryuyne, Jon Stounz va Manuel Akanji tushadi: Gvardiolaning afsonaviy «Siti»sidan bir parcha...
«Men Jon va Manuelni juda yaxshi bilaman: ta'tilda ular bilan ko'rishib turamiz, oilalarimiz vaqt o'tkazishadi. Ularni yana ko'rish yoqimli bo'ladi; o'ylayman-ki, ular baxtli va eng muhimi shu».
🔘Yakshanba kuni «Napoli» «Komo»ni qabul qiladi. Raqib haqida nima deya olasiz?
«Biz ikkalamiz ham yuqori saviyada o'ynayapmiz va endigina boshlayotgan bo'lsak ham, shunday deb ayta olaman. Bu oson o'yin bo'lmaydi».
