#Rodriqo Mendosa — yangiliklari

❗ Rodrigo Mendosa:

«Mening orzuim — «Atletiko Madrid»da muvaffaqiyat qozonish. Men ijaraga ketishni istamagandim. Men shu yerda bo'lishni va o'ynashni xohlayman.

Oson yo'li ketib, qayerdadir ko'proq o'yin amaliyotiga ega bo'lish edi. Birinchi kundanoq men jahon darajasidagi futbolchilar yonida o'z o'rnimni topishni istaganman. Bu qiyin sinov, ammo u meni kuchliroq qiladi.

Llorente va Pubily — men o'rnak oladigan misollar. Pubilyga qarang: u o'ynamay boshlagandi, hozir esa qayerdaligini ko'ring. U jahon chempioni va asosiy tarkibning shubhasiz futbolchisi. Men uning yo'lidan borishni istayman, chunki jamoada muvaffaqiyat qozonishni orzu qilaman».

🚨 MARCA xabariga ko'ra, Rodriqo Mendosa mavsumoldi tayyorgarlik jarayonida o'zining munosib ekanligini isbotlash uchun vaqtni boy bermadi.

Yarim himoyachi o'z mahoratini namoyish etib, jamoa tarkibidan joy olish uchun kuchli nomzodga aylanmoqda.

Mashg'ulotlarda u hujumlarni tashkil etishda samarali bo'g'in ekanligini, shuningdek, raqib jarima maydonchasiga xavfli yorib kirish qobiliyatini ko'rsatdi.

«Atletiko»da asosiy tarkib uchun raqobat o'tgan mavsumdagiga qaraganda keskinroq bo'lishi kutilayotgan bo'lsa-da, Mendosa jamoada muhim rol o'ynash niyatida ekanini ko'rsatmoqda.

Klubda ham Obada Vargas, ham Mendosa uchun ijara eng yaxshi rivojlanish yo'li bo'lishi mumkin degan fikrlar bor. Biroq Mendosa Simeone qo'l ostidagi kundalik mashg'ulotlardan ko'ra uning o'sishi uchun yaxshiroq muhit yo'qligiga ishonchi komil.

U «Atletiko» safida rivojlanishda davom etish niyatida. U qachon imkoniyatga ega bo'lishidan qat'i nazar, jamoada o'z o'rni uchun kurashishni istaydi.