Inter'ning «oltin dubl» mavsumiga bag'ishlangan hujjatli film chiqadi
Inter Media House klubning 2025/26-yilgi «oltin dubl» mavsumiga bag'ishlangan «Solo Noi. Una stagione da Double» hujjatli filmini taqdim etadi.
Skudettodan Italiya Kubogigacha: 2025/26-yilgi mavsumning aqlbovar qilmas yo'li hujjatli filmda jonlanadi. «Solo Noi. Una stagione da Double» («Faqat biz. Oltin dubl mavsumi») — bu Inter Media House loyihasi bo'lib, u parda ortidagi sirlarni ochadi va mavsumni uning asosiy qahramonlari bilan birga ichkaridan ko'rsatib beradi. Film dushanba, 5-oktyabrdan boshlab Sky Primafila (so'rov bo'yicha), DAZN va One Football platformalarida eksklyuziv tarzda pay-per-view formatida taqdim etiladi.
Stefano Akkorsi ovozi ushbu sayohatga hamrohlik qilib, kadrlar va ushbu tarixiy yutuqning markazida bo'lganlar — futbolchilar, murabbiy, murabbiylar shtabi va oliy rahbariyatning e'tiroflariga ritm hamda chuqurlik bag'ishlaydi. Bu klub tarixiga kirgan «oltin dubl» nishonlanishigacha bo'lgan eng yashirin lahzalarni abadiy xotirada qoladigan voqealar bilan bog'lab turuvchi hikoya chizig'idir.
Daniele Mari