Voetbal International xabariga ko'ra, "Ayaks" Stiven Bergxays bilan xayrlashishi va Viktor Tsigankovni transfer qilishi mumkin.
👤 "Ayaks" Stiven Bergxays bilan xayrlashishga tayyor.
Voetbal International xabariga ko'ra, 34 yoshli yarim himoyachi, agar o'zi xohlasa, yozgi transfer oynasida klubni tark etishi mumkin. Bundan tashqari, "Ayaks" o'ng qanot vingeri pozitsiyasi uchun Viktor Tsigankovni o'z safiga qo'shib olishga yaqin turibdi.
Viktor Tsigankov «Jirona»dan ketishni so'radi. Futbolchi bilan «Valensiya» va «Sevilya» qiziqmoqda.
🚨 OAV xabariga ko'ra, Viktor Tsigankov «Jirona» rahbariyatidan uni qo'yib yuborishni so'ragan.
👀 Vaziyatni «Valensiya» va «Sevilya» klublari diqqat bilan kuzatib bormoqda. Agar futbolchi erkin agent sifatida o'tsa, uning 3,5 million yevrolik maoshi klublar uchun maqbul bo'lishi mumkin. Qolaversa, o'yinchi maoshini kamaytirishga ham tayyor.
⚠️ Shu bilan birga, bir jihat bor: o'tgan mavsumda Tsigankov mushaklaridagi jarohatlar tufayli taxminan 52 kunni o'tkazib yuborgan.
Karlos Korberan "Valensiya" tarkibini "Jirona" futbolchilari Viktor Tsigankov va Arnau Martines bilan kuchaytirmoqchi.
"Valensiya" bosh murabbiyi Karlos Korberan tarkibni "Jirona"ning ikki nafar futbolchisi bilan kuchaytirmoqchi. OAV xabarlariga ko'ra, "ko'rshapalaklar" qiziqishlari doirasiga ukrainalik vinger Viktor Tsigankov hamda himoyachi Arnau Martines kirgan.
Ta'kidlanishicha, aynan Korberan har ikki o'yinchini o'z jamoasida ko'rishni istamoqda. Biroq, ushbu transferlarning amalga oshishi ko'p jihatdan klub egasi Piter Limning moliyaviy ko'magiga bog'liq bo'lib, u tarkibni kuchaytirish uchun qo'shimcha mablag' ajratishi mumkin.
Shu tariqa, yozda Tsigankov va Martines bir vaqtning o'zida "Jirona"dan "Valensiya"ga o'tishi mumkin.
Fikr qoldirish va reaksiya uchun tizimga kiring.