#Karlos Korberan — yangiliklari

Karlos Korberan klub rahbariyatiga tarkibni ikki nafar futbolchi — Arnau va Ramazani bilan kuchaytirish iltimosi bilan murojaat qildi. Bosh murabbiy ularning transferi jamoa uchun muhim qadam bo'lishi va natijalarga bevosita ta'sir ko'rsatishiga ishonmoqda.

Korberanning fikricha, har ikki o'yinchi jamoaga sifat, chuqurlik va variativlik qo'shishga qodir. Murabbiy ularning kelishi bilan tarkib raqobatbardoshroq bo'lishini va jamoa yaqin mavsumdayoq natijalarini sezilarli darajada yaxshilashini kutmoqda.

Korberan, shuningdek, rahbariyatga ushbu transferlar uning sport qarashlariga mos kelishini va jamoa oldiga qo'yilgan vazifalarni to'liq amalga oshirish uchun zarurligini ma'lum qildi. Endilikda murabbiy klub uning talablarini inobatga olib, Arnau va Ramazanining transferi bo'yicha muzokaralarni boshlashini kutmoqda.

Aymar Blaskes faoliyatini "Valensiya"da davom ettirishga tayyor, ammo klub unga haqiqatan ham ishonch bildirayotgani borasida kafolat olishni istamoqda. Futbolchining asosiy maqsadi - joriy mavsumda La Ligada debyut qilish.

Shartnomani uzaytirish bo'yicha muzokaralar davom etmoqda. "Valensiya" agar futbolchining asosiy jamoadagi maqomi bo'yicha shart bajarilsa, kelishuvni ikki yilga, ya'ni 2027-yilning 31-yanvariga qadar uzaytirishi mumkin.

Korberan Blaskesning iqtidorini yuqori baholaydi va hozircha uni qo'yib yuborishni istamayapti. Futbolchining o'zi esa, agar istalgan kafolatni olmasa, ijaraga ketishga qarshi emas.

Bunday vaziyatda, agar "Valensiya" baribir futbolchini vaqtincha qo'yib yuborishga qaror qilsa, "Saragosa" ijara variantlaridan biri bo'lishi mumkin.

"Valensiya" bosh murabbiyi Karlos Korberan tarkibni "Jirona"ning ikki nafar futbolchisi bilan kuchaytirmoqchi. OAV xabarlariga ko'ra, "ko'rshapalaklar" qiziqishlari doirasiga ukrainalik vinger Viktor Tsigankov hamda himoyachi Arnau Martines kirgan.

Ta'kidlanishicha, aynan Korberan har ikki o'yinchini o'z jamoasida ko'rishni istamoqda. Biroq, ushbu transferlarning amalga oshishi ko'p jihatdan klub egasi Piter Limning moliyaviy ko'magiga bog'liq bo'lib, u tarkibni kuchaytirish uchun qo'shimcha mablag' ajratishi mumkin.

Shu tariqa, yozda Tsigankov va Martines bir vaqtning o'zida "Jirona"dan "Valensiya"ga o'tishi mumkin.

AS xabariga ko'ra, himoyachi Arnau Martines «Valensiya»ga o'tish istiqbolini ijobiy baholamoqda. Bunda jamoa bosh murabbiyi Karlos Korberan muhim rol o'ynadi, u futbolchi bilan bo'lgan bir nechta shaxsiy suhbatlarda klubning sport loyihasi va uning jamoadagi roli haqida batafsil ma'lumot bergan.

Olingan ma'lumotlarga ko'ra, «Valensiya» futbolchini to'liq sotib olish shart emas, balki uning iqtisodiy huquqlarining bir qismini xarid qilish variantini ham ko'rib chiqmoqda.

Arnau Martinesning o'zi hozircha boshqa qarorlar qabul qilishga shoshilmayapti va klubdan rasmiy taklif kelishini kutmoqda, shundan so'ng u faoliyatini davom ettirish bo'yicha keyingi variantlarni baholaydi.