#West Bromwich Albion — yangiliklari

🚨 Niko Gonsales bugun kechqurun tibbiy ko'rikdan o'tish uchun Taynsaydga yetib keladi. U "Manchester Siti"dan "Nyukasl"ga 50 million funt sterling evaziga o'tishi kutilmoqda.

24 yoshli yarim himoyachi kelishuvni yakunlash uchun klub vakillari bilan birga avtomobilda Nyukaslga yo'l oldi.

Klub transferni ertangi "Vest Bromvich"ga qarshi Kubok bahsiga qadar e'lon qilishi mumkin. Ushbu transfer klub uchun jiddiy qadam hisoblanadi va "Nyukasl" uchun juda ijobiy haftani yakunlab beradi.

Klub transfer oynasi yopilgunga qadar yana bir hujumkor futbolchini o'z safiga qo'shib olishni rejalashtirmoqda. Biroq "Nyukasl" faqat o'zi istagan futbolchini xarid qiladi, shunchaki variantlar kamligi uchun shoshilinch qaror qabul qilmaydi.

⭐ Keith Downie

Karlos Korberan klub rahbariyatiga tarkibni ikki nafar futbolchi — Arnau va Ramazani bilan kuchaytirish iltimosi bilan murojaat qildi. Bosh murabbiy ularning transferi jamoa uchun muhim qadam bo'lishi va natijalarga bevosita ta'sir ko'rsatishiga ishonmoqda.

Korberanning fikricha, har ikki o'yinchi jamoaga sifat, chuqurlik va variativlik qo'shishga qodir. Murabbiy ularning kelishi bilan tarkib raqobatbardoshroq bo'lishini va jamoa yaqin mavsumdayoq natijalarini sezilarli darajada yaxshilashini kutmoqda.

Korberan, shuningdek, rahbariyatga ushbu transferlar uning sport qarashlariga mos kelishini va jamoa oldiga qo'yilgan vazifalarni to'liq amalga oshirish uchun zarurligini ma'lum qildi. Endilikda murabbiy klub uning talablarini inobatga olib, Arnau va Ramazanining transferi bo'yicha muzokaralarni boshlashini kutmoqda.

«Neftchi» futbol klubi finlyandiyalik hujumchi Marcus Forss bilan shartnoma imzolaganini rasman ma’lum qiladi.

1999-yil 18-iyunda Finlyandiyaning Turku shahrida tug‘ilgan Marcus Uolevi Forss — markaziy hujumchi sifatida faoliyat yuritadigan, zarur holatlarda har ikki qanotda ham o‘ynay oladigan futbolchi. Uning bo‘yi 1,82 metr, asosiy oyog‘i — o‘ng oyoq.

Forss futbolchilik faoliyatining katta qismini Angliyaning professional futbol tizimida o‘tkazgan. 13 yoshida «West Bromwich Albion» akademiyasiga qo‘shilgan futbolchi keyinchalik «Brentford» tizimida faoliyatini davom ettirgan va 2018-yilda klubning asosiy jamoasida debyut qilgan.

«Brentford» safida Forss 2018–2022-yillar davomida to‘p tepdi. 2019/20-yilgi mavsumda ijara asosida «AFC Wimbledon» safida harakat qilib, 18 ta liga uchrashuvida 11 ta gol urdi. Keyinchalik «Hull City» safida ham ijara asosida o‘ynadi.

2022-yil yozida Marcus Forss «Middlesbrough» futbolchisiga aylandi. Angliyaning Championship ligasida jamoaning muhim hujumchilaridan biri bo‘lgan Forss klub safida barcha musobaqalarda 90 dan ortiq uchrashuvda maydonga tushib, 18 ta gol qayd etdi.

2025/26-yilgi mavsumni esa ijara asosida «Bolton Wanderers» safida o‘tkazdi.

Marcus Forss — Finlyandiya milliy terma jamoasi a’zosi. U mamlakatining U17, U18, U19 va U21 terma jamoalarida ham o‘ynagan. 2020-yil noyabr oyida Finlyandiya bosh jamoasida debyut qilgan. Ilk xalqaro uchrashuvida Fransiyaga qarshi maydonga tushib, debyutini gol bilan nishonlagan. Forss Finlyandiyaning EURO-2020 tarkibidan ham joy olgan. Terma jamoa safida hozirga qadar 21 ta uchrashuvda 2 ta gol qayd etgan.

Marcus Forss endi o‘zining Angliyadagi katta futbol tajribasini Farg‘onaga olib keladi.

Marcus, «Neftchi»ga xush kelibsiz!