Superliga 23-turidan o'rin olgan Neftchi va Xorazm jamoalari o'rtasidagi bahs 2:2 hisobidagi durang bilan yakunlandi.
Superliga 23-turidan o'rin olgan bahsda Neftchi va Xorazm jamoalari durang qayd etishdi.
Uchrashuvda gollar mualliflari: Rafael Tavaresh, 8 (0:1), Stipe Peritsa, 25 (1:1), Rafael Tavaresh, 36 (1:2), Jamshid Iskanderov, 62 (2:2).
Neftchi futbolchilari navbatdagi uchrashuvga tayyorgarlikni boshladi. Vladimir Yovovich va Boyan Siger umumiy guruh mashg‘ulotlariga qaytishdi.
Asosiy tarkib navbatdagi uchrashuvga tayyorgarlikni davom ettirmoqda.
Nazorat uchrashuvidan so‘ng bir kunlik qisqa hordiq chiqargan asosiy tarkib futbolchilarimiz bugun yana mashg‘ulotlarga qaytdi. Jamoamiz navbatdagi muhim bellashuvga tayyorgarlik jarayonini yuqori kayfiyat va jiddiy yondashuv bilan davom ettirmoqda.
Quvonarlisi, jarohatini to‘liq davolab, safga qaytgan tajribali futbolchilarimiz — Vladimir Yovovich va Boyan Siger umumiy guruh mashg‘ulotlariga qo‘shilib, jamoadoshlari bilan birgalikda to‘laqonli shug‘ullanishdi. 🔙
Bugungi ertalabki mashg‘ulotlarda asosiy e’tibor futbolchilarning jismoniy tayyorgarligi, chidamliligi va texnik mahoratini yanada takomillashtirishga qaratildi. Mashg‘ulot davomida futbolchilar yuqori tempda ishlagan holda, murabbiylar shtabi tomonidan berilgan barcha topshiriqlarni katta mas’uliyat va intizom bilan bajardilar.
Neftchi klubi himoyachisi Nurmuhammad Abdug'aniyev O'zbekiston milliy terma jamoasi safida ilk bor maydonga tushib, debyutini nishonladi.
Nurmuhammad Abdug'aniyev — milliy jamoada debyut!
"Neftchi" klubining 2007-yilda tavallud topgan yosh himoyachisi Nurmuhammad Abdug'aniyev O'zbekiston milliy terma jamoasi safida debyut qildi!
Qisqa vaqt ichida "Neftchi" asosiy jamoasidan joy olib, murabbiylar ishonchini qozongan Nurmuhammad faoliyatidagi navbatdagi muhim qadamni tashladi.
Yosh himoyachimiz avvalroq "Qizilqum"ga qarshi uchrashuvda "Neftchi" asosiy jamoasi safida debyut qilgan edi. Endi esa u mamlakat bosh jamoasi libosida ilk bor maydonga tushdi.
O'zbekiston — Suriya uchrashuvida Nurmuhammad Abdug'aniyev bahsning 86-daqiqasida maydonga tushib, milliy terma jamoadagi debyutini nishonladi.
Nurmuhammad, milliy jamoadagi ilk qadaming muborak! Yurtimiz sharafini himoya qilish yo'lidagi yangi bosqichingizda omad tilaymiz!
Lokomotiv bosh murabbiyi Neftchiga qarshi kechgan bahsdan so'ng jamoaning o'yini, taktik o'zgarishlar va mavsumdagi maqsadlar haqida fikr bildirdi.
- Shuhrat Muhammadiyevning almashtirilishi sababi nima - taktikami yoki unda jarohat bormidi?
- Yo‘q, taktik. Maydon markazida bizga kuch yetishmayotgan edi. Masalan, Shuhrat qanotda harakat qilishi kerak edi, ishlari biroz o‘xshamadi. Dastlabki 25-30 daqiqada yaxshi o‘ynadik, keyin esa markazni boy berishni boshladik. Shunda biz markazni kuchaytirishga qaror qildik. Markazni biroz kuchaytirib, bir himoyachini olib tashladik.
- O‘yin oldidan jamoangiz 3-4-3 sxemasida o‘ynaydi deb o‘yladim, chunki bundan oldin doim 4-3-3 yoki 4-2-3-1 sxemasida o‘ynagansizlar. Dastlabki 30 daqiqa teng kurashlar ostida o‘tdi, lekin Sizlarda golli vaziyat bo‘ldi, Tupliyev gol ursa, 1:0. Raqibda vaziyatlar deyarli yo‘q edi. Keyin 30-daqiqadan boshlab, menga shunday tuyuldiki, “Neftchi” ustunlikni qo‘lga oldi va 70-daqiqagacha ular sizlarni shunchaki ezib tashlashdi. Sizlar kuchli bosimga qaramay, to‘rt himoyachili sxemaga o‘tdingiz. Aynan Yo‘ldoshevni o‘ngga o‘tkazdingiz va jamoa nimadir qilishga urindi. Va Shushnyarning xatosi... Aytaylik, u joylashishga ulgurmagani sababli gol yuzaga keldimi?
- Ha, kichik xato. U bir oydan beri o‘ynamayapti. Shuning uchun, o‘tgan o‘yinda 20 daqiqa maydonga tushganini hisobga olmaganda, bu uning uchun birinchi o‘yin. Albatta, bunday paytda sezgirlik hisssi biroz yo‘qoladi. Balki unga to‘pga bunchalik erta sakrash kerak emas edi. Yana bir bor aytaman, bu kichkina vaziyat va o‘yinni hal qildi. Ha. Birinchi taymning so‘nggi 15 daqiqasida biz o‘z rejamizni amalga oshira olmadik, o‘yinni qanday boshlagan bo‘lsak, shunday davom ettira olmadik. Keyin pozision jihatdan ba’zi hududlarni yo‘qota boshladik. Va keyin buni o‘zgartirish kerakligini his qildik.
- Demak, bu taktik emas, individual xato bo‘ldi, shundaymi? Chunki siz to‘rt himoyachiga o‘tdingiz, keyin Abrayev, Bahodirov maydonga tushdi va oxirgi 15 daqiqada hatto Iskandarov ham shunchaki to‘pni tepib yuborganidan hayratdalandim. Jamoangiz hatto oxirida gol urishlari ham mumkin edi.
- Ha. Umuman olganda, Jasur hujumda to‘pni yo‘qotdi. U yotgan edi, biz ular to‘pni chiqarib yuborishadi deb o‘yladik, lekin raqib o‘yinni davom ettirdi. Balki bizning futbolchilarimiz shu vaziyatda biroz to‘xtab qolishdi va konsentratsiyani yo‘qotishdi. Aytishim mumkinki, biz orqa chiziqda biroz ko‘proq to‘pni ushlashimiz kerakligini tushundik. Birga-bir vaziyatlar baribir bo‘ladi, chunki himoyachilar soni hujum qiladiganlardan kamroq. Odatda bunday vaziyatlarni biz osonroq hal qilardik, biroq bu safar o‘xshamadi. Bu tezkor, bir lahzalik qaror. Uni aybdor deb ayta olmaymiz. Gol o‘tkazib yuborilsa, bu vaziyatning oxiridan boshlanmaydi. Bu maydonning yuqori qismidagi birinchi vaziyatdan boshlanadi. Jamoa gol o‘tkazib yuborganda, hamma aybdor bo‘ladi. Men hech qachon bir kishiga yuklashni yoqtirmayman.
- “Lokomotiv” mavsumning ikkinchi qismida “Paxtakor” va “Navbahor” bilan durang o‘ynadi va bugun, afsuski, “Neftchi”ga yutqazdi. Agar medallar uchun kurashayotgan shu uchlikni olsak, jamoangiz o‘yin sifati bo‘yicha shu kuchli uchlikka qanchalik yaqin deb hisoblaysiz? Tarkib bo‘yicha men “Lokomotiv”ni yuqoridagi uch jamoa bilan solishtira olmayman, umuman yaqin ham emassizlar.
- Bu savolga javob berish qiyin. Ayni paytda klublarning sifati, ular qanday jamoa tuza olishi va biz nima qila olishimiz o‘rtasida katta farq bor. Ularning o‘yinchilari sifati yaxshiroq deyishingiz mumkin. Men o‘zim bunday demagan bo‘lardim. Buni qog‘ozda, maoshlar narxida o‘qish mumkin. Bizning o‘yinchilarimiz ular bilan qanchalik kurashishga tayyorligiga kelsak, ha, oradagi farq unchalik uzoq emas. Baribir biroz farq bor. Bu bizning Superligaga qaytganimizdagi birinchi yilimiz. Tarkib yangidan yig‘ilgan. Bu o‘yinchilarning ko‘pchiligi o‘tgan yili jarohatlar yoki quyi ligada o‘ynagani sababli maydonga tushmagan. Shunday ekan, bunday jamoalar bilan kurasha olayotganimiz biz uchun yoqimli. Biz hozir keyingi yilga qanday qilib yaxshiroq bo‘lishimiz mumkinligini izlayapmiz. Biz o‘zimizning darajamizga qaytishni xohlaymiz.
Paxtakor darvozaboni Vladimir Nazarov AFC Elit Chempionlar Ligasi 1-turi ramziy terma jamoasiga kiritildi.
Jamoamiz darvozaboni Vladimir Nazarov AFCning Elit Chempionlar Ligasi 1-turi uchun ramziy jamoasidan o'rin oldi!
AFC Osiyo Chempionlar ligasi elit bosqichi 1-turining ramziy terma jamoasini e'lon qildi. Undan o'zbekistonlik futbolchilar ham o'rin oldi.
AFC Paxtakor posboni Vladimir Nazarov va Neftchi himoyachisi Koffi Kouaoni Elit chempionlar ligasi 1-turining ramziy jamoasiga kiritdi
Nurmuhammad Abdug'aniyev O'zbekiston milliy terma jamoasiga jalb etildi.
Nurmuhammad Abdug'aniyevning hikoyasi davom etadi 😉
2026-yil 20-sentabr — O‘zbekiston milliy terma jamoasiga jalb etildi
«Neftchi» himoyachisi Koffi Kouao Osiyo Chempionlar Ligasi elit bosqichi 1-turidan keyin ramziy terma jamoaga kiritildi.
Koffi Kouao — AFC Champions League Elite ramziy terma jamoasida!
Jamoamizning qanot himoyachisi Koffi Kouao AFC Champions League Elite 2026/27 musobaqasining 1-turidan so‘ng tuzilgan ramziy terma jamoa tarkibidan joy oldi! 🔥
«Neftchi» — «Al-Quwa Al-Jawiya» — 1:0
Koffi Kouao — 1 assist
90 daqiqa maydonda
Koffi, davom etamiz! 💪🔥
Britaniyalik jurnalist Martin Lowe “The Asian Game” nashrida “Neftchi” bosh murabbiyi Islombek Ismoilov haqida tahliliy maqola chop etdi.
Osiyo futbolini qariyb 10 yildan buyon yoritib kelayotgan britaniyalik futbol jurnalisti Martin Lowe “The Asian Game” nashrida “Neftchi” bosh murabbiyi Islombek Ismoilov haqida maxsus tahliliy maqola e’lon qildi.
Martin Lowe — Osiyo futboli bo‘yicha ixtisoslashgan mustaqil jurnalist va “The Asian Game” nashrining Senior Contributori. U 2019-yilgi AFC Osiyo Kubogi vaqtida Al Jazeera English telekanali hamda Football Nation Radio orqali futbol muxlislariga tanilgan. Ushbu maqolani o‘zbek tiliga tarjima qilib, muxlislarimizga taqdim etamiz
ISLOMBEK ISMOILOV — O‘ZBEK FUTBOLINING YANGI QIYOFASI
Martin Lowe | The Asian Game | 13-sentabr, 2026
Chorak asrlik tanaffusdan so‘ng “Neftchi”ning AFC Champions League Elite musobaqasiga qaytishi klub tarixidagi muhim voqea bo‘ldi. O‘zbekistonning amaldagi chempioni tarixida ilk bor turnirning liga bosqichida ishtirok etmoqda.
Jamoa boshqaruvida esa o‘z rekordini o‘rnatishga tayyor turgan yangi murabbiy — Islombek Ismoilov bor. U turnir tarixidagi eng yosh bosh murabbiy bo‘lish arafasida edi.
Ismoilov bu yutuqni ancha oldindan ko‘zlagan. U dekabr oyida “Neftchi” bosh murabbiyi etib tayinlanganidan ko‘p o‘tmay, ushbu kelajakdagi rekord haqidagi xabarni ijtimoiy tarmoqlarida ulashgan. Kimlargadir qariyb to‘qqiz oy oldindagi natijani nishonlash biroz erta tuyulishi mumkin edi. Ammo Ismoilov uchun bu uning tobora yuqorilab borayotgan murabbiylik faoliyatidagi navbatdagi bosqich edi.
Neftchi bosh murabbiyi Islombek Ismoilov OCHL Elit tarixida uchrashuv o'tkazgan va g'alaba qozongan eng yosh murabbiyga aylandi.
ISLOMBEK ISMOILOV — OCHL ELIT TARIXIDAGI REKORDLAR SOHIBI!
Kecha “Al-Quwa Al-Jawiya” ustidan qozonilgan g‘alaba “Neftchi” uchun nafaqat muhim uch ochko, balki tarixiy natija bilan ham yodda qoldi.
Jamoamiz bosh murabbiyi Islombek Ismoilov bir kunda OCHL Elitning ikkita yosh rekordini yangiladi:
🔸 OCHL Elit tarixida uchrashuv o‘tkazgan eng yosh bosh murabbiy;
🔸 OCHL Elit tarixida g‘alaba qozongan eng yosh bosh murabbiy.
Shu tariqa, Islombek Ismoilov o‘z nomini Osiyo futbolining nufuzli musobaqasi tarixiga muhrladi.
Ayniqsa, Osiyo futbolini yaqindan kuzatuvchi xorijlik jurnalistlarning Islombek Ismoilov haqidagi e’tiroflari uning murabbiy sifatidagi salohiyatiga bo‘lgan xalqaro e’tibor tobora ortib borayotganini ko‘rsatmoqda.
“Neftchi” — tarix yaratishda davom etmoqda!
Neftchi OCHL Elita doirasidagi ilk o'yinida Air Force jamoasini mag'lub etdi. Zoran Marushichning goli farg'onaliklarga tarixiy g'alabani taqdim etdi.
"NEFTCHI"DAN OCHL ELITDA TARIXIY VA SHONLI GʻALABA!
Bahs farg‘onaliklarning ketma-ket tezkor hujumlari bilan boshlandi. Shunday bo‘lsa-da, o‘yindagi ilk xavfli vaziyatni mehmonlar 3-daqiqada yaratishdi. Raqib hujumchisi darvozabon bilan deyarli bir vaziyatga chiqib borgan mahalda Botirali Ergashev ishonchli harakat qilib, jamoani muqarrar goldan qutqarib qoldi. Shundan so‘ng futbolchilarimizda bir qancha qulay imkoniyatlar yuzaga kelgan bo‘lsa-da, ulardan unumli foydalanishning imkoni bo‘lmadi. Birinchi bo‘lim golsiz durang bilan yakunlandi — 0:0.
Ikkinchi bo‘lim ham kutilganidek farg‘onaliklarning shiddatli va tezkor hujumlari bilan boshlandi. Vakillarimiz mehmonlar darvozasi oldida ketma-ket xavfli vaziyatlarni sodir etishdi. Ratino, Koffi Kouau va Zoran Marushich tomonidan yo‘llangan kuchli zarbalar raqib darvozabonining mahorati evaziga qaytarildi.
Uchrashuv davomida ulkan ustunlikka ega bo‘lgan jamoamiz, nihoyat, 82-daqiqada o‘z maqsadiga erishdi! O‘ng qanotdan havolatib uzatilgan to‘pga hammadan baland sakragan Zoran Marushich bosh bilan raqib darvozasini aniq nishonga oldi va stadionni larzaga keltirdi — 1:0! ⚽️ Navbatdagi hujumlarda hisobni yanada yirik ko‘rinishga keltirish uchun qulay imkoniyatlar bo‘ldi, biroq ushbu urinishlar samarasiz yakunlandi.
Hakam tomonidan ikkinchi bo‘limga qo‘shib berilgan 6 daqiqada ham vakillarimiz tartibli himoyalanib, ustunlikni saqlab qolishdi. Shu tariqa, "Neftchi" musobaqadagi ilk uchrashuvidayoq muhim va qimmatli g‘alabani qo‘lga kiritdi!
AFC CHAMPIONS LEAGUE ELITE 2026/2027
14 sentyabr 1-tur
Farg‘ona shahar, "Istiqlol" o‘yingohi soat 18:45
"NEFTCHI" 1:0 "AIR FORCE"
Gollar: Zoran Marushich, 82'(1:0)
Bosh hakam: Adei Alnaqbi (BAA)
Yordamchi hakamlar: Sabet Al-Ali (BAA), Ali Rashid Alnuaimi (BAA)
Zaxira hakami: Suhail Almulla (BAA)
VAR: Easa Khalifa Alhajeri (BAA)
AVAR: Sultan Abdulrazzaq Al Marzooqi (BAA)
Nazoratchi: Yosef Mirza Rustom (Saudiya Arabistoni)
Komissar: Kemel Tokabayev
"Neftchi": 1.Botirali ergashev, 4.Boyan Ciger, 5.Ikromjon Alibayev, 7.Abrorbek ismoilov(71.Bilolxon. Toshmirzayev,46), 15.Nurmuhammad Abdug‘aniyev, 18.Stipe Perica(9.Xurshid G‘iyosov, 72), 22.Alisher Odilov(20.Anvarjon G‘ofurov,88), 31.Yan Sasse(32.Zoran Marushich,56), 34.Farrux Sayfiyev, 52.Koffi Kouao, 77.Ratinyo
Zaxiradagilar: 16.Ibrohim Shokirov, 45.Akbar To‘rayev, 3.Mishel Augusto, 17.Azizbek Muratov, 21.Muxsinjon Ubaydullayev, 27.Nurbek Sarsenbayev, 30.Rustambek Fomin, 88.Markus Forss
Bosh murabbiy: Islombek ismoilov
«Neftchi» futbol klubi finlyandiyalik hujumchi Marcus Forss bilan shartnoma imzolaganini rasman ma’lum qildi.
«Neftchi» futbol klubi finlyandiyalik hujumchi Marcus Forss bilan shartnoma imzolaganini rasman ma’lum qiladi.
1999-yil 18-iyunda Finlyandiyaning Turku shahrida tug‘ilgan Marcus Uolevi Forss — markaziy hujumchi sifatida faoliyat yuritadigan, zarur holatlarda har ikki qanotda ham o‘ynay oladigan futbolchi. Uning bo‘yi 1,82 metr, asosiy oyog‘i — o‘ng oyoq.
Forss futbolchilik faoliyatining katta qismini Angliyaning professional futbol tizimida o‘tkazgan. 13 yoshida «West Bromwich Albion» akademiyasiga qo‘shilgan futbolchi keyinchalik «Brentford» tizimida faoliyatini davom ettirgan va 2018-yilda klubning asosiy jamoasida debyut qilgan.
«Brentford» safida Forss 2018–2022-yillar davomida to‘p tepdi. 2019/20-yilgi mavsumda ijara asosida «AFC Wimbledon» safida harakat qilib, 18 ta liga uchrashuvida 11 ta gol urdi. Keyinchalik «Hull City» safida ham ijara asosida o‘ynadi.
2022-yil yozida Marcus Forss «Middlesbrough» futbolchisiga aylandi. Angliyaning Championship ligasida jamoaning muhim hujumchilaridan biri bo‘lgan Forss klub safida barcha musobaqalarda 90 dan ortiq uchrashuvda maydonga tushib, 18 ta gol qayd etdi.
2025/26-yilgi mavsumni esa ijara asosida «Bolton Wanderers» safida o‘tkazdi.
Marcus Forss — Finlyandiya milliy terma jamoasi a’zosi. U mamlakatining U17, U18, U19 va U21 terma jamoalarida ham o‘ynagan. 2020-yil noyabr oyida Finlyandiya bosh jamoasida debyut qilgan. Ilk xalqaro uchrashuvida Fransiyaga qarshi maydonga tushib, debyutini gol bilan nishonlagan. Forss Finlyandiyaning EURO-2020 tarkibidan ham joy olgan. Terma jamoa safida hozirga qadar 21 ta uchrashuvda 2 ta gol qayd etgan.
Marcus Forss endi o‘zining Angliyadagi katta futbol tajribasini Farg‘onaga olib keladi.
Marcus, «Neftchi»ga xush kelibsiz!
Neftchi jamoasi Osiyo Chempionlar Ligasi elit bosqichi doirasida Iroqning Air Force klubiga qarshi maydonga tushadi.
FARG‘ONAGA KATTA FUTBOL QAYTMOQDA!
Oradan yillar o‘tib, sevimli jamoamiz yana Osiyoning eng oliy sahnasi — Elit OCHL musobaqasida yurtimiz sharafini himoya qiladi. «Istiqlol» stadioni maydonida Iroqning «Air Force» klubiga qarshi kechadigan ertangi bahs oldidan vakillarimiz so‘nggi rasmiy mashg‘ulotlarni yakunlashdi.
Murabbiylar shtabining ko‘rsatmalari, futbolchilarning ko‘zidagi ishonch va g‘alabaga bo‘lgan chanqoqlik — barchasi bugungi suratlarda! Ertaga bizga faqat g‘alaba kerak
Neftchi jamoasi navbatdagi uchrashuvga tayyorgarlik ko'rmoqda. Stipe Perica muxlislar sovrinini qabul qilib oldi, Yan Sasse esa jamoaga qabul qilindi.
Sevimli jamoamiz navbatdagi uchrashuvga puxta hozirlik ko‘rmoqda. Bugun kechki mashg‘ulotlarni boshlashdan avval "Neftchi" – "Surxon" uchrashuvining eng yaxshi futbolchisi deb topilgan Stipe Pericaga "Muxlislar mehri" sovrini tantanali ravishda topshirildi. Shu bilan birga, bugun jamoamizning yangi a’zosi Yan Sasse ham jamoadoshlari tomonidan, an’anaga ko‘ra, jonli koridor orqali tantanali ravishda olqishlandi.
“Andijon” futbolchisi Imeda Ashortia “Qo'qon-1912”ga qarshi kechgan vodiy derbisidagi g'alaba va o'z goli haqida fikr bildirdi.
Imeda Ashortia: “Gol urganim va jamoaga uch ochkoni qo'lga kiritishda yordam berganimdan xursandman”
“Andijon”ning vodiy derbisi doirasida “Qo'qon-1912” klubiga qarshi uchrashuvida 90+1-daqiqada gruziyalik Imeda Ashortia g'alaba keltiruvchi golga mualliflik qildi.
Ushbu futbolchi klub matbuot xizmati uchun o'z fikrlari bilan o'rtoqlashdi.
“Avvalo, barcha narsa uchun Xudoga shukr aytaman. Kechagi o'yin, deyarli barcha uchrashuvlar kabi, biz uchun juda muhim edi. Ayniqsa, bu derbi bo'lgani uchun uning ahamiyati katta edi. «Paxtakor»dan uchralgan mag'lubiyatdan keyin psixologik jihatdan uch ochko olish biz uchun juda muhim edi.
O'z golim haqida gapiradigan bo'lsam, yana bir bor barcha narsa uchun Xudoga shukr aytaman. Gol urganim va jamoaga uch ochkoni qo'lga kiritishda yordam berganimdan xursandman. O'z muxlislarimiz qarshisida bu o'yinni qiyin bo'lsa-da, oxirigacha yetkazib, g'alaba qozonganimiz juda hissiyotli lahzalarga boy bo'ldi.
Hozir esa oldimizda juda muhim davr turibdi. Shu tarzda davom etishimiz, o'yin sifatini ham, natijalarni ham yanada yaxshilashimiz kerak. Xudo xohlasa, buning uddasidan chiqamiz”, - dedi Imeda “Andijon” klubi matbuot xizmatiga.
👍
Farg'onaning Neftchi klubi o'z safiga qo'shib olingan braziliyalik futbolchilar Michel Augusto va Yan Sasseni muxlislar qarshisida tanishtirdi.
Istiqlol stadioniga tashrif buyurgan muxlislarimiz uchun jamoamiz safiga qo‘shilgan ikki nafar braziliyalik futbolchi — Michel Augusto va Yan Sasse ning jonli tanishtiruv marosimi bo‘lib o‘tdi!
Birgalikda — yangi g‘alabalar sari!
Olg‘a, Neftchi!
Braziliyalik hujumkor yarim himoyachi Yan Sasse rasman Farg‘onaning «Neftchi» klubi safiga kelib qo‘shildi.
Yan Sasse — «Neftchi»ning yangi futbolchisi!
Yhan Medeiros Sasse 1997-yil 24-iyunda Braziliyaning Porto Alegre shahrida tug‘ilgan. Hujumkor yarim himoyachi sifatida faoliyat yuritadigan futbolchining bo‘yi 1,73 metr, asosiy oyog‘i esa — chap oyoq.
Faoliyati davomida Coritiba, Vasco da Gama, Çaykur Rizespor, América-MG, Wellington Phoenix va Espérance safida to‘p tepgan. Turli chempionatlarda 100 dan ortiq rasmiy uchrashuvlarda maydonga tushgan.
Espérance safida Ligue 1 doirasida 60 ta uchrashuvda 18 ta gol urgan. 2024/25 mavsumida esa chempionatda 27 o‘yinda 10 ta gol qayd etgan.
Sasse 2025-yilgi Klublar o‘rtasidagi Jahon chempionatida ham ishtirok etgan. U Flamengo, Los Angeles FC va Chelseaga qarshi jami 3 ta uchrashuvda 156 daqiqa maydonda bo‘lgan.
Transfermarkt bo‘yicha futbolchining eng yuqori bozor qiymati — 1,4 mln yevro.
Endi esa braziliyalik futbolchining yangi manzili — Farg‘ona!
Yan Sasse — «Neftchi»ga xush kelibsan!
Neftchi klubi braziliyalik himoyachi Mishel Augusto hamda ispaniyalik mutaxassislar Xavyer Lopes Blanko va Xose Manuel Gonsalesni jamoa safiga qo'shib oldi.
NEFTCHI OILASIGA XUSH KELIBSIZ!
Bugun kechki mashg‘ulotlar boshlanishidan avval jamoamizda ajoyib va samimiy muhit hukm surdi. Klubimizning yangi a’zolari — braziliyalik himoyachi Mishel Augusto hamda ispaniyalik tahlilchi mutaxassis Xavyer Lopes Blanko va ispaniyalik reabilitolog (jarohatlardan tiklanish bo‘yicha mutaxassis) Xose Manuel Gonsales futbolchilar tomonidan an’anaviy "jonli koridor" orqali ko‘tarinki kayfiyatda kutib olindi.
Yangi mutaxassis va futbolchimizga "Neftchi"ning zafarli odimlarida ulkan muvaffaqiyatlar tilaymiz!
Paxtakor bosh murabbiyi Kamoliddin Tojiyev Andijon ustidan qozonilgan g‘alabadan so‘ng matbuot anjumanida jamoa va transferlar haqida gapirdi.
Kamoliddin Tojiyev: «O‘yin to‘liq nazoratimizda o‘tdi»
«Paxtakor» - «Andijon»(3:0) o‘yindan keyin mezbonlar ustozi Kamoliddin Tojiyev matbuot anjumanida ishtirok etdi.
Assalomu alaykum. O‘yin haqida keladigan bo‘lsak, uchrashuvni to‘liq o‘z qo‘limizda o‘tkazdik — birinchi bo‘limda ham, ikkinchi bo‘limda ham. Vaziyatlar yaratdik va imkoniyatlarimiz gol bilan yakunlandi, gol urdik. Undan oldingi o‘yinlarda vaziyat yaratib, gol ura olmay turgan edik, bu safar esa yaratilgan vaziyatlardan gol urdik va g‘alaba qozondik. Yigitlarga ham har doimgidek rahmat deyman. Bizda fidoyilik oxirigacha bo‘ldi, kurashishdi va g‘alaba qozondik.
— Hisob 3:0, raqib bir futbolchi kam qoldi. Zaxiradan maydonga, adashmasam, bitta yosh o‘yinchi tushdi...
Ular ham yoshlar ligasida juda qiyin o‘yin o‘tkazishdi. O‘zi jami o‘n bitta odamimiz bor. U-21da ham ular kecha 1:2 yutqazib turgan paytda, oxiri 3:2 yutishdi. O‘shanda ham ular juda ko‘p kuch yo‘qotdi. Sardor ikkita gol urganiga, undan oldin ham gol urgandi, o‘shanga Sardorga imkoniyat berdik. Ular ham kecha ko‘p kuch yo‘qotdi. Ko‘plab yigitlar yoshlar milliy jamoasiga ketishgan edi.
— «Neftchi»ga qarshi o‘yin Kamoliddin Tojiyev uchun oxirgi imkoniyat deyilgandi. Lekin siz hali ham jamoani boshqaryapsiz. Umuman olganda, hozirgi holatda ishlash qanchalik qiyin bo‘ldi? O‘sha gaplar to‘g‘rimi edi?
O‘tgan safar ham aytdim, bunaqa gap yo‘q, rahbariyatdan ham, hech qayerdan bunday gap bo‘lgani yo‘q. Bilmayman, kim buni qayerdan chiqardi, unday gap yo‘q edi. Jamoa yutqazmayapti-da. To‘g‘ri, durang o‘ynab qo‘yyapmiz, hali ham chempionlik uchun kurashyapmiz. Bilmayman, qayerdan bu gap chiqdi.
— O‘zingiz uchun ishlash qanday bo‘lyapti? Bu gaplar hozir ta’sir qilmaydimi, bosim bormi?
Hamma narsaga ahamiyat beraverilsa, qiyin bo‘ladi.
— O‘qimaysizmi, mediani?
O‘qiymiz. Lekin biz faqat jamoaga, keyingi o‘yinga tayyorgarlikka e’tibor qaratib, o‘shaning ustida ishlaymiz.
— Muhammadrasul Abdumajidov transferi bo‘yicha. O‘shanda ham asosiy aybdor deb Kamoliddin Tojiyev ko‘rsatildi. Aslida nima bo‘ldi, rostdan klub uni qo‘yib yuborishni istamagandimi?
Birinchidan, klubga rasmiy xat kelgani yo‘q edi. Klub ham buni yozib chiqdi — rasmiy xat kelmadi, faqat agentidan xat keldi. Ikkinchidan, Rasulning o‘zi ham jamoani hozir tashlab ketishni xohlamadi, «Men qolaman», dedi. Uchinchidan, u yanvarda allaqachon shartnoma imzolab bo‘lgan va «Brest»ga ketadi, bir yilga ijaraga.
— Demak, qishda aniq ketadi hozirgi paytda?
Ha, yanvarda aniq ketadi, bir yilga.
— Iroq «Paxtakor» translyatsiyalarni xarid qilgan. Shundan keyin iroqlik futbolchilarda sermahsullik oshyapti. Bu tasodifmi yoki...
Ularga ham aytaman: «Sizlarni Iroqda ham ko‘rsatishyapti, chiqib yaxshi o‘ynashlaring, o‘zingizni ko‘rsatishlaring va jamoaga yordam berishlaring kerak», deb. Bundan oldin Bashar ham gol urardi, Zayd ham gol urgan.
— Kamoliddin aka, sizni va «Paxtakor» rahbariyatining qarorlarini tanqid qilayotganlar bor: Hamraliyev, Xolmatov, Azmiddinov kabi futbolchilarni berib yubordi, eronlik esa jarohat olib qoldi. Nega ularni qo‘yib yuborib, Abdumajidovni qo‘yib yubormadi, deyishyapti...
Bizning transfer oynamiz yopilgandan keyin chiqishdi. Undan oldin rasmiy xat bilan chiqqanida, biz hech qachon ushlab o‘tirmaymiz. Biz har doim qo‘yib yuboramiz. O‘tgan yili ham Muhammadrasulni mavsum o‘rtasida Belgiyaga qo‘yib yuborgandik. Shunchaki, bu safar shunday vaziyatga tushib qoldiki, transfer oynasi yopilib bo‘lgan edi. Undan oldin aytishganda, biz Hamraliyevni qo‘yib yubormasdik, Azmiddinov bor edi, uni bemalol qo‘yib yuborardik. Bunga rasmiy xat kerak, klubga rasman murojaat qilish kerak.
— Vladimir Nazarov milliy jamoaga borib yuradigan darvozabon edi. Menimcha, o‘sha «Neftchi»ga qarshi Superkubokdagi xatosidan keyin ancha o‘ynamay qo‘ydi. Adashmasam, may oyidan beri o‘ynamayapti. Shu haqida nima deysiz?
Unga ham imkoniyat beramiz. U ham mashg‘ulotlarda ishlayapti, xafagarchiligi yo‘q. Ishlayapti, kutyapti. Biz ham uni ko‘ryapmiz va unga imkoniyat beramiz, u ham o‘ynaydi. Hali o‘yinlarimiz ko‘p.
— Klub rahbari Jahongir Ortiqxo‘jayev «Paxtakor»da qoladigan bo‘ldimi yoki ketadimi? Hali rasmiy xabar chiqmadi.
Jahongir Ortiqxo‘jayev hali ham biz bilan klubda, hamma joyda birgamiz. Gapirishyapti ketdi deb, lekin rasman ketganlari yo‘q, hamon klubda.
— «Neftchi» — «Nasaf» o‘yini natijasini bilib turganmidingiz?
Yo‘q, faqat birinchi bo‘limdan keyingi hisobni bildim. Bizning oldimizda o‘z o‘yinimiz turibdi, o‘zimizning o‘yinlarimizni yutsak bo‘ldi.
— «Nasaf»dan shunday g‘alabani kutgandingizmi?
Yo‘q, kutmagandik.
Championat.asia va Transfermarkt talqiniga ko'ra, Aleksandr Xomyakov avgust oyining eng yaxshi murabbiyi, Vladimir Rodich va Husayn Norchaev eng yaxshi futbolchi.
Championat.asia hamda Transfermarkt nashri talqiniga ko’ra Superligada avgust oyining eng yaxshilari deb topildi.
Ikki sayt hamkorligi doirasida Superliganing avgust oyidagi eng yaxshi murabbiyi va eng yaxshi futbolchisi aniqlandi. Avgust oyida Superliganing eng yaxshi murabbiyi Aleksandr Xomyakov bo'ldi. Uning boshchiligida Buxoro 5 ta o'yinda 3 ta g'alabaga erishdi (jumladan, O'zbekistonning amaldagi chempioni Neftchi ustidan 4:1 hisobida), shuningdek, safarda Paxtakor bilan durang o'ynadi (o'yin davomida 0:2 hisobida ortda qolib, 2:2). Xomyakov 44% ovoz to'pladi.
⚽ Superligada oyning eng yaxshi futbolchisi deb bir vaqtning o'zida ikki o'yinchi tan olindi: Buxoro vingeri Vladimir Rodich va Navbahor hujumchisi Husayn Norchaev 28 foizdan ovoz yig'ishdi. Rodich hisobida 5 ta o'yinda gol+pas tizimi bo'yicha 3+1 ochko bor, ular orasida Paxtakorga urilgan gol va Neftchiga qarshi g'alabali o'yindagi ikkita samarali harakat (bitta gol va bitta assist) mavjud.
Paxtakor klubi Osiyo Chempionlar ligasi saralash bosqichi doirasida 11 avgust kuni "Al-Husayn"ga qarshi maydonga tushadi.
Elit Chempionlar ligasi saralash o'yiniga tayyorgarlik boshlandi. 11 avgust kuni "Al-Husayn"ga qarshi maydonga tushamiz.
Jamoamiz bosh murabbiyi Islombek Ismoilovning “Neftchi” - “Xorazm” uchrashuvidan soʻng bildirgan fikrlari.
Jamoamiz bosh murabbiyi Islombek Ismoilovning “Neftchi” - “Xorazm” uchrashuvidan soʻng fikrlari
Birinchi liga 16-turidan o'rin olgan Qo'qon-1912 va Neftchi jamoalari o'rtasidagi bahs yakunlandi. Afsuski, jamoamiz mag'lubiyatga uchradi.
Birinchiligi, 16-tur
Qo'qon-1912 ⚔️ Neftchi 1:2
Uchrashuv yakunlandi. Afsuski jamoamiz to’liq ustunlik qilgan bahsda mag’lub bo’ldik
Farg‘onaning "Neftchi" klubi rahbariyati, murabbiylar shtabi va futbolchilari Farg‘ona shahridagi "G'amxo'rlik" markaziga tashrif buyurib, bolalar holidan xabar olishdi.
Farg‘onaning "Neftchi" futbol klubi nafaqat yashil maydonda, balki undan tashqarida ham o‘zining ijtimoiy mas’uliyatini chuqur his etgan holda ezgu tashabbuslarini davom ettirmoqda. Bugun jamoamiz rahbariyati, murabbiylar shtabi va futbolchilari Farg‘ona shahridagi nogironligi bo‘lgan bolalar uchun ixtisoslashtirilgan "Gʻamxo‘rlik" markaziga tashrif buyurishdi.
Klub a’zolari markaz tarbiyalanuvchilari hamda ularga mashaqqatli ta’lim-tarbiya berib kelayotgan fidokor ustozlarning holidan xabar oldilar. Bolajonlar bilan yaqindan suhbatlashib, uchrashuv davomida jamoamiz tomonidan ularga esdalik sovg‘alari va shirinliklar topshirildi. Zero, jamoamizning eng katta kuchi — mana shunday samimiy insonlarning duosi va xalqimiz bilan birdamligidadir!
Neftchi bugungi uchrashuvda jarohat olgan besh nafar futbolchisiz maydonga tushadi. Jamoa tarkibida Bojan Ciger, Izzatillo Po‘latov va boshqalar yo‘q.
Bugungi uchrashuvda jarohatlar sabab quyidagi futbolchilar jamoaga yordam bera olmaydi:
• Bojan Ciger
• Izzatillo Po‘latov
• Ibrohim Halil Yo‘ldashev
• Vladimir Jovovich
• Abdulla Abdullayev
⚠️ Ularning yo‘qligiga qaramay, “Neftchi” bugungi bahsda bor kuchi bilan kurashadi!
Kim maydonda bo‘lishidan qat’i nazar — biz jamoamizga ishonamiz!
Neftchi klubi himoyachisi Nurmuhammad Abdug'aniyev O'zbekiston milliy terma jamoasiga ilk bor chaqiruv oldi.
Nurmuhammad Abdug'aniyev — milliy terma jamoaga chaqirildi!
Neftchi klubining yosh himoyachisi Nurmuhammad Abdug'aniyev O'zbekiston milliy terma jamoasiga chaqirildi!
2007-yilda tug'ilgan Nurmuhammad, qisqa vaqt ichida Neftchining asosiy jamoasida o'zini namoyon etib, murabbiylarning ishonchini qo'lga olmoqda.
Endi esa, yosh futbolchimizning faoliyatidagi yangi va muhim bosqichi — O'zbekiston milliy terma jamoasi tarkibiga chaqirilishi!
Qizilqum jamoasiga qarshi o'tgan o'yinida debyut qilgan himoyachimiz, bugun milliy terma jamoaning e'tiboriga tushdi.
Neftchi jamoasi, Nurmuhammadni bu chaqiriq bilan tabriklaydi. Yurtimiz sharafini muhofaza qilish yo'lidagi birinchi qadamingiz muborak bo'lsin, Nurmuhammad!
Neftchi jamoasi uchrashuvda muhim g‘alabani qo‘lga kiritdi. O‘yin 1:0 hisobida yakunlandi.
Uchrashuv yakunlandi.
Jamoamizdan chiroyli va muhim g‘alaba! 1:0
Farg‘onaning Neftchi va Koreyaning Paju Frontier FC klublari o‘rtasida hamkorlik memorandumi imzolandi.
Neftchi va Koreyaning Paju Frontier FC futbol klubi o‘rtasida hamkorlik yo‘lga qo‘yildi.
Paju milliy futbol markazida Farg‘onaning Neftchi hamda Koreyaning Paju Frontier FC futbol klublari o‘rtasida hamkorlikni yo‘lga qo‘yishga bag‘ishlangan uchrashuv bo‘lib o‘tdi.
Tadbirda viloyat hokimi Xayrullo Bozorov futbol shunchaki sport turi emas, balki millionlab insonlarni bir maqsad atrofida birlashtiradigan, ularga zavq va ko‘tarinki kayfiyat bag‘ishlaydigan, xalqlar o‘rtasidagi do‘stlik rishtalarini mustahkamlaydigan muhim vosita ekanini ta’kidladi.
Ayniqsa, Koreya Respublikasida tahsil olayotgan va mehnat qilayotgan farg‘onalik hamda vodiylik yoshlarning birlashib, Neftchi Koreya futbol jamoasini shakllantirgani va mahalliy musobaqalarda munosib ishtirok etayotgani yuqori baholandi.
Osiyo Elit Chempionlar Ligasi 1-turi doirasidagi Neftchi – Air Force uchrashuvi uchun chiptalarning 75 foizi sotib bo‘lindi.
75% CHIPTALAR SOTIB BO‘LINDI!
Xabaringiz bor, sevimli jamoamiz ertaga Osiyo Elit Chempionlar Ligasi musobaqasining 1-turida maydonga chiqadi.
“Neftchi” – “Air Force” uchrashuvi uchun chiptalar 10-sentyabr kuni tushlikdan so‘ng sotuvga chiqarilgan edi. Chiptalarning olib-sotarlik va chayqovchilik yo‘li bilan sotilishining oldini olish maqsadida 10–11-sentyabr kunlari bir kishiga 4 donadan, 12–13-sentyabr kunlari esa 2 donadan chipta xarid qilish imkoniyati yaratildi.
Ayni paytga kelib, uchrashuv uchun chiqarilgan chiptalarning 75 foizi sotib bo‘linganini ma’lum qilamiz.
📌 Ertaga, 14-sentyabr kuni chiptalar sotuvi “Istiqlol” stadioni kassalarida soat 09:00 dan 15:00 gacha davom etadi.
🎟 Hurmatli muxlislar, stadionda jamoamizni qo‘llab-quvvatlash imkoniyatini qo‘ldan boy bermaslik uchun chiptalarni o‘z vaqtida xarid qilishingizni so‘raymiz.
Lokomotiv bosh murabbiyi Mirko Yelichich Mash'alga qarshi o'yin, jamoaning maqsadlari hamda o'zining murabbiylik falsafasi haqida gapirdi.
Mirko Yelichich: - "Mash’al"ni oxirigacha kurashayotgani bilan tabriklayman. Ular maydonda qo‘rqmay harakat qilishmoqda. O‘yin oson kechmadi. To‘liq 90 daqiqa "yopiq" futbol o‘ynab bo‘lmasligini bilardik. Baribir zonalar ochilib qolardi. To‘xtovsiz bosim qilishimiz kerak muhim edi.
- Jamoa to‘rtinchi o‘ringa ko‘tarilib oldi. Bu siz uchun nimani anglatadi?
- To‘qqizta o‘yin qoldi. Biz musobaqa jadvaliga qaramayapmiz. O‘yinimizni yaxshilashni maqsad qilganmiz. Birinchi navbatda jamoa o‘yini va uni yaxshilash. Shunda ko‘nglim to‘ladi.
- Demak, bugungi o‘yindan qoniqdingizmi?
- Menga nechanchi o‘rinni egallashimiz muhim emas, ochig‘i. Muhimi, ushbu mavsumdan ko‘proq futbolchilarni tarbiyalash. Faqat egallaydigan o‘rnimiz eng muhimi emas.
- Ja’far Bahodirovni maydonga tushirishingizga sabab hisob bo‘ldimi yoki o‘yindan oldin ham shuni reja qilganmidingiz?
- Jamoaga ko‘proq kuch kerak edi. Temurxo‘ja va Sardor charchab qolishdi. Abduholiqov to‘psiz ham ko‘p harakat qilmoqda. Ja’far esa kuchga to‘la bo‘lib maydonga tushdi.
- To‘rt kundan so‘ng Kubokda "Bunyodkor" bilan o‘ynaymiz, keyin esa besh kun o‘tar-o‘tmas "Neftchi" bilan. Tiklanishga vaqt yetyaptimi?
- Yo‘q. Shunchaki qanday tiklanish tizimi o‘zgaradi. Biz hozir e’tiborni o‘yindagi jarayonlarga qaratdik. Shuning uchun, hozir qanday yo‘l tutishni bilamiz. "Bunyodkor"ga qarshi "Mash’al" bilan qilgan o‘yinimizni qilmaymiz.
- Yelichich jamoalari juda barqaror o‘yin namoyish etadi va sekinlik bilan o‘yinni yaxshilab boradi. Qaysi mashhur murabbiylarni kuzatasiz va ulardan nimalarni o‘rganasiz?
- Mening sevimli jamoam - "Liverpul". Klopp davridagi futbol yoqardi. Juda intensiv edi. O‘yinni nazorat qilish bo‘yicha esa "Barselona", o‘z vaqtida Byelsa ham "Lids"da yaxshi ishlagandi. Hozir "Komo"ni misol sifatida keltira olaman. Fabregas ko‘p narsani o‘zgartirdi. Men uchun muhimi pozision o‘yin.
«Andijon» bosh murabbiyi Islom Ahmedov «Qo‘qon-1912»ga qarshi o‘yindan so‘ng o‘z fikrlari bilan o‘rtoqlashdi.
Islom Ahmedov: «Raqib ochiq o‘ynaganida balki imkoniyatlarimiz yanada ko‘proq bo‘lardi»
«Andijon» - «Qoʼqon-1912» (2:1) oʼyinidan so‘ng jamoamiz ustozi Islom Ahmedov matbuot anjumanida qatnashdi.
Bugungi qiyin kechgan g‘alaba bilan muxlislarimizni tabriklaymiz. Qolaversa, o‘yinchilarimizga har qanday bosimni ko‘tarib, oxirigacha kurashib, xarakter ko‘rsatishgani uchun katta rahmat. O‘yin og‘ir kechishini bilardik. Baribir 5 ta himoyachi bilan o‘ynayotgan jamoani yorib o‘tish juda qiyin edi. Raqib o‘yinini o‘rganib chiqqandik, ular asosan qarshi hujumlardan foydalanishadi. Birinchi bo‘limda aynan shu holatdan foydalanib gol urib ketishdi. Umuman olganda, jamoamizdagi barcha futbolchilar yaxshi harakat qilishdi.
— O‘yin davomida jamoangiz ko‘plab burchak zarbalariga ega bo‘ldi. Bu ham yangi bir taktik sxemaga o‘xshadi. Ammo ko‘pi omadsiz yakunlandi. Bunga alohida tayyorgarlik ko‘rilganmidi?
Har o‘yinga tayyorgarlik ko‘rib boramiz. Lekin burchak to‘plarining asosini olib qolamiz va unga biroz elementlarni qo‘shamiz. Xohlaysizmi-yo‘qmi, raqib jamoa ham sizni o‘rganib chiqadi. Ko‘rinib turibdiki, «Qo‘qon-1912» jamoasi bizni juda yaxshi o‘rganib chiqqan. Shu bois qayerdadir o‘ylaganlarimiz amalga oshmadi.
— To‘g‘ri, jamoangiz g‘alaba qozondi. Ammo, menimcha siz o‘yindan qoniqmadingiz-a?
Yo‘q, unday demagan bo‘lardim. Raqib ochiq o‘yin ko‘rsatganida balki imkoniyatlarimiz yanada ko‘proq bo‘lardi. Baribir chuqur himoyaga yotib olgan jamoani yorib o‘tish qiyin. Ko‘proq individual harakatlar ish beradi. Ikkinchi taymda futbolchilarimizni individual harakatlari ko‘proq foyda berdi. Agar raqib 5 ta himoyachi bilan emas, ochiqroq o‘ynaganida ko‘proq vaziyatlarimiz ham bo‘lishi mumkin edi.
— Jarima zarbalaridan foydalanish holati kam. Qolaversa, «Qo‘qon-1912» birinchi zonani yopib pressingga o‘tdi. Futbolchilar ko‘proq orqaga o‘ynadi. Ikkinchi bo‘limda esa qilingan o‘zgarishlar yana o‘zini oqladi. Qo‘qonliklarni pressing qilishini bilib, shunga yarasha taktika tanlanganmidi?
O‘zimizni zonada raqib u qadar pressing qilmadi. Ha, Nimelini oldinroqda kutib olishdi. Lekin oralarida ochiq joylar bor edi. Ikkinchi zonada ularni maydoniga o‘tganimizda barcha o‘yinchilari himoyalanishdi. Ochiq hududlarni yorib o‘tish uchun shoshilgandan ko‘ra orqa paslar bilan yorib o‘tishga harakat qilishdi.
— «Andijon» futbolchilari oxirgi paytlarda bir qator qizil kartochkalar olyapti. Jamoa ichki muhitida o‘zgarishlar bormi?
Xudoga shukr, muhitimiz yaxshi. Bu ko‘proq hissiyotlarga bog‘liq. Chempionatimizda baribir toliqish ham bo‘ladi. Ko‘proq hissiyotlar bilan bog‘lagan bo‘lardim. Atayin qo‘pollik qilaman deb o‘ynashmayapti.
— Hissiyot deyapsiz-u, lekin shu narsa bo‘lib ham yetakchi klublarga qarshi o‘yinlarda yuz beryapti. Bu esa jamoani og‘ir holatga tushirib qo‘ymoqda. Masalan, «Paxtakor», «Neftchi» kabi o‘yinlarda kuzatildi. Balki ruhshunos kerakmi? Hissiyotini ham jilovlay olish professional futbolchiga xos.
To‘g‘ri aytyapsiz. Baribir kuchli jamoalarga qarshi mas’uliyat ikki barobar bo‘ladi. Shuning uchun futbolchilarimiz mas’uliyatni o‘ta o‘z bo‘yniga olishib, o‘zini boshqara olmay qolishyapti. Shuni evaziga kartochkalar kelib chiqyapti.
— «Andijon»ning navbatdagi o‘yini O‘zbekiston Kubogi doirasida 15-sentabr kuni «Bobur arena»da «Olimpik Mobiuz»ga qarshi bo‘lib o‘tadi. Bo‘lajak raqib Superliga vakili emasligini hisobga olganda o‘yinga futbolchilarni ruhiy tarafdan tayyorlash borasida murabbiylarga qo‘shimcha qiyinchilik tug‘dirishi mumkin, deb o‘ylaysizmi?
Albatta, qiyinchilik tug‘diradi. Baribir kuchli jamoalar bilan boshqacha tayyorgarlik bo‘ladi. Bunday raqiblarga qarshi esa biroz bo‘shashishlik bo‘lishi mumkin. Lekin iloji boricha harakat qilamiz. Maqsadimiz oxirigacha borib, Kubokni qo‘lga kiritish. Shuning uchun aksincha bunday jamoalar kuchli klublarga qaraganda, ikki barobar xavfli bo‘ladi. Shuning uchun o‘yinchilarga har tomonlama tushuntirib boramiz. Maksimal tayyorgarlik ko‘ramiz.
Neftchi klubi 14-sentyabr kuni AFC Chempionlar Ligasi Elitasi doirasida Iroqning Air Force jamoasiga qarshi bahs olib boradi.
Navbatdagi bekat – Elit chempionlar ligasi!
Xabaringiz bor, jamoamiz 14-sentyabr kuni AFC Chempionlar Ligasi Elitasidagi ishtirokini boshlaydi.
Musobaqaning 1-turida jamoamiz Iroqning «Air Force» klubiga qarshi maydonga tushadi.
Neftchi – Air Force
14.09.2026 | 18:45
“Istiqlol” stadioni
Superliga 21-turidan o'rin olgan "Neftchi" va "Surxon" jamoalari o'rtasidagi uchrashuvda farg'onaliklar 2:1 hisobida g'alaba qozonishdi.
Superliga 21-turidan o'rin olgan "Neftchi" va "Surxon" jamoalari o'rtasidagi uchrashuv yakunlandi. Istiqlol stadionida bo'lib o'tgan bahsda farg'onaliklar 2:1 hisobida g'alabani tantana qilishdi.
Uchrashuvdan olingan fotolavhalar taqdim etildi.
Braziliyalik markaziy himoyachi Michel Augusto «Neftchi» futbolchisiga aylandi. U yangi mavsumdan boshlab Farg‘ona klubi sharafini himoya qiladi.
Michel Augusto — RASMAN «Neftchi» futbolchisi!
«Neftchi» himoya chizig‘ini Braziliya futbol maktabining vakili bilan kuchaytirdi!
Braziliyalik markaziy himoyachi Michel Augusto Modesto Rafael dos Santos yangi mavsumdan boshlab Farg‘ona klubi sharafini himoya qiladi.
23 yoshli Michel Augusto 2003-yil 20-may kuni Braziliyaning Avaré shahrida tug‘ilgan. Bo‘yi — 1,90 metr. Markaziy himoyachi sifatida harakat qiladigan Michel jismoniy kuchi, ishonchli himoyasi va maydondagi xarakteri bilan ajralib turadi.
Michel Braziliyaning eng mashhur futbol akademiyalaridan biri — «Palmeiras» tarbiyalanuvchisi.
U klub akademiyasidan boshlab asosiy jamoagacha bo‘lgan yo‘lni bosib o‘tdi va «Palmeiras» safida Braziliya A Seriyasida maydonga tushdi.
Michel yoshlar darajasidanoq Braziliya terma jamoalari e’tiborida bo‘lgan.
Braziliya terma jamoasi safida O‘zbekiston U-20 terma jamoasiga qarshi maydonga tushgan!
Bu esa Michelning xalqaro tajribasi va yuqori darajadagi futbol muhitida shakllanganini yana bir bor ko‘rsatadi.
Shuningdek, u 2023-yilda Michel Braziliya U-23 terma jamoasi bilan Panamerika o‘yinlarida ishtirok etib, chempionlikni qo‘lga kiritdi. Turnir davomida himoyachi 4 ta uchrashuvda maydonga tushdi.
Michelning faoliyatidagi muhim yutuqlar:
• 2× Libertadores — «Palmeiras»
• Braziliya A Seriyasi
• Braziliya Kubogi
• Recopa Sudamericana
• Paulista chempionati
• Panamerika o‘yinlari — Braziliya U-23
Endi esa yangi sahifa — Farg‘ona va «Neftchi»!
Osiyo Elit Chempionlar Ligasi oldidan jamoamiz himoya chizig‘iga Braziliya futbol maktabidan yangi kuch qo‘shildi.
«Paxtakor»ga qarshi o'yindan so'ng «Andijon» ustozi Islom Ahmedov mag'lubiyat sabablari, tarkibdagi o'zgarishlar va Dragan Cheran haqida gapirdi.
Islom Ahmedov: «Mag‘lubiyat uchun muxlislarimizdan uzr so‘raymiz»
«Paxtakor» - «Andijon» (3:0) bellashuvdan keyingi matbuot anjumanida jamoamiz ustozi Islom Ahmedov jurnalistlarning savollariga javob berdi.
— Assalomu alaykum. Alamli mag‘lubiyatga uchradik. Buning uchun Andijondan tashrif buyurgan muxlislarimiz oldida uzr so‘raymiz. O‘yinga keladigan bo‘lsak, o‘ziga xos reja qilgandik. Birinchi taymda hisobni ushlab turgan holda ikkinchi taymda yangi kuchlarni qo‘shib, harakat qilamiz, deb shunday reja asosida ishlagan edik. Lekin 20-daqiqagacha o‘yinchilarimiz yaxshi o‘ynadi. Ana shu bitta burchak to‘pidan gol o‘tkazib yuborganimizdan keyin hammasi buzilib ketdi — rejamiz. Ortian ikkinchi golni ham o‘tkazib yubordik. Bolalar muvozanatni yo‘qotib qo‘yishdi. Shuning hisobidan ko‘p narsani topshirib qo‘ydik. O‘rtani berib qo‘ydik. Ikkinchi taymda yangi kuchlarni maydonga tushirish holatida rejamiz bor edi. Yana qizil kartochka kutilmaganda rejamizni buzib yubordi.
— Sizning jamoangizni kuzataman, ko‘raman, jangovar xarakter bilan va har doim siz faqat hujumda o‘ynaysiz. Lekin ba’zi joylarda sizning jamoangizga balans yetishmayapti. Shu evaziga qandaydir salbiy natijalar kuzatilmayaptimi?
— To‘g‘ri aytyapsiz. Agar hisob 0:0 shunday holatda bo‘lganida, ya’ni siz aytgandek, tavakkalchilikka yo‘l qo‘ymasdan, himoyachini tushirib, o‘sha hisobni saqlab qolish mumkin edi. Lekin biz endi 0:2 hisobida yutqazayotgan edik. Shuning uchun baribir oldinga o‘tmasak bo‘lmas edi. Hujum qilib, hisobni tenglashtirishga, tavakkalchilik qildik.
— To‘g‘ri aytyapsiz, lekin «Paxtakor»ga qarshi birinchi uchrashuvda 0:0 hisobi qayd etilgandi va o‘shanda siz markaziy himoyachi Chalasan chetlatilgach, baribir hujum haqida o‘ylagandingiz...
— Unda bizda Aleksandr Andronikashvili bor edi. U shunday pozitsiyada, ya’ni oxirgi himoyachi bo‘lib o‘ynay olardi. Chunki u avvalgi jamoasida shu pozitsiyada o‘ynagan. Shuning uchun uni pastga tushirib turib, ya’ni oldiga o‘yinchi chiqarardik. Bu o‘yinda yutqazayotgan edik, shuning uchun endi himoyani ushlagandan ko‘ra, tavakkal qilib, oxirigacha kurashdik, baribir 2:0 ga yutqazdingizmi, 3:0 ga yutqazdingizmi, baribir mag‘lubiyat. Shu bois hujumlar qilib, hisobni yaqinlashtirishga harakat qildik.
— Afsuski, bu safar yana qizil kartochka bo‘ldi. Balki asosiy tarkibda Artyom Potapov emas, balki Eldor Adhamov tushganida vaziyat boshqacha bo‘lishi ham mumkin edi. Bunga fikringiz qanday?
— Darvozabonlar bo‘yicha murabbiyimiz bilan maslahatlashamiz. Darvozabonlar murabbiyi bor. Oxirgi o‘yinlarda Potapov yaxshi turgandi. Darvozasi daxlsizligini saqlayotgandi. Yaxshi turgan darvozabonni almashtirib yuborish noto‘g‘ri bo‘ladi, deb o‘ylagandik. Shuning uchun unga imkoniyat bergandik.
— Dragan Cheran nega zaxirada qoldi?
— Rejamiz bo‘yicha Draganni maydonga tushirish bor edi. O‘yindan oldin o‘zi gaplashgandik, ikkinchi taymda u bilan kuchaytirishni reja qilgan edik. Lekin qizil kartochka hammasini o‘zgartirib yubordi. Bizda Bekzod Sulaymonov ham bor va u himoyachi rolida ham o‘ynay oladi, hujumga borib-kelib o‘ynaydi. Shuning uchun shu o‘yinchini tushirdik-da. Qizil kartochka hamma rejamizni buzib qo‘ydi.
— Birinchi davrani olib qaraydigan bo‘lsak, birinchi davrda Babayan keldi. 7 ta o‘yin o‘tkazdi. 2 ta g‘alaba, 5 ta mag‘lubiyat bo‘ldi. Siz «Qo‘qon-1912» bilan o‘yindan boshladingiz. O‘rtamiyona jamoalarga qarshi barqaror ochko to‘pladingiz. Mana, ikkinchi davra boshlandi, «Neftchi»ga, «Paxtakor»ga imkoniyat boy berildi. Islom Ahmedov effekti faqat o‘rtamiyona jamoalar uchunmi yoki katta jamoalarni ham yuta oladimi?
— Birinchi davrada «Bunyodkor» bilan o‘ynaganimizda, ular uchinchi o‘rinda edi va yaxshi jamoa edi. Masalan, «Xorazm» ham uncha pastda emas edi. Birinchi davradagi «Paxtakor» yoki «Neftchi» bilan o‘yinni solishtiradigan bo‘lsak, natija bo‘yicha yutqazdik. Lekin o‘yin bo‘yicha, hujumkorlik, to‘p nazorati bo‘yicha yaxshiroq edik. Ya’ni, yutqazishni yutqazishdan farqi bor. Hujumlar qilyapmiz, to‘p nazorati bor, har xil harakat qilyapmiz, qayerdadir o‘zimizning xatolarimizdan ham gol o‘tkazib yuborib, shunday bo‘ldi. «Neftchi» bilan ham birinchi taym yomon o‘ynamaganimiz yo‘q. Unda hamma tomonlama ustunlik qildik. Faqat aytganimizdek, yana qizil kartochka hisobiga yutqazgandik.
— Birinchi davraga nisbatan o‘yin uslubi o‘zgardi, harakat ko‘paydi, nisbatan tezlik qo‘shildi. Jamoada «qurol» bormi? Misol uchun, Xomyakov paytida standartlarda xavfli edi. Ikkinchi qavatda imkoniyat bermasdi. Hozir «Andijon»da «qurol» bormi?
— To‘g‘ri aytyapsiz. Bizda bo‘ydoq o‘yinchilarimizdan Boake va Cheran bor. Lekin Dragan ko‘proq orqaroqdan pas beradi. Shuning uchun shu o‘yinchilarimizning kuchli tomoni — ular to‘pni yaxshi nazorat qila oladi. Intellekti yaxshi. Futbolchilarimizning salohiyatidan kelib chiqib, kesuvchi paslar, oralaridan uzatiladigan paslarni qo‘llaymiz. Standart holatlardan ham ikki-uchta jamoaga gol urganmiz. Biz ko‘proq to‘p nazorati, hujumkorlikka e’tibor beryapmiz.
— Potapov o‘rtamiyonalarga qarshi yaxshi o‘ynadi. Eldor Adhamov jamoaning asosiy darvozaboni, jamoa kuchli raqib bilan o‘ynayotgan edi. Yana uni asosiy tarkibda tushirsa bo‘lmasmidi?
— Agar hamma narsani oldindan bilganimizda, shunga tayyorgarlik ko‘rardik. Oldindan hech narsani bila olmaysiz. Masalan, qilgan rejalarimiz o‘xshamadi. Chunki o‘yin buzilib ketdi. Boshqacha reja qilgandik. Kutilmaganda boshida ikkita gol o‘tkazib yubordik, ikkinchi taymda keyin darvozabonimiz qizil kartochka olib qoldi. Rejalarimiz buzilib ketdi.
— O‘zbekiston chempionatining eng yaxshi legionerlaridan biri deb aytiladigan Cheran zaxirada qoldi. O‘tgan o‘yinda ham ikkinchi taymda maydonga tushgandi. Gap-so‘zlarga qaraganda, murabbiylar shtabi bilan biroz kelishmovchilik bo‘lgan. Bu qanchalik rost?
— Yo‘q, oramizda hech qanday muammo yo‘q. Dragan bilan yaqin munosabatdamiz. E’tibor bergan bo‘lsangizlar, Draganni oxirgi o‘yinlarda faqat ikkinchi taymda tushiryapmiz, o‘yinni kuchaytirib beryapti. Chunki to‘pni nazorat qilyapti, shoshilmaslikka undayapti. Ya’ni, o‘yinni boshqaryapti. Raqiblar charchagan holatda bo‘sh hududlar topib, o‘yinni o‘z qo‘liga olayotgandi. O‘yindan oldin Dragan bilan har doim gaplashamiz. Shu reja asosida ish tutmoqchi edik, lekin rejamiz o‘xshamadi. Maydonga tushmaganiga baribir futbolchining kayfiyati tushishi mumkin, mag‘lubiyat ham baribir ta’sir qiladi.
— Demak, o‘zi shu rolga ko‘nyaptimi? Unda norozichilik bo‘lmayaptimi?
— Yo‘q, yo‘q. Aytayapman-ku, u bilan bu borada gaplashib turamiz, o‘zi menga aytadi: «Men ikkinchi taymda tushib, yordam beray. Chunki raqiblar charchaganda», deydi. O‘zidan chiqadi, tashabbus. Lekin asosiy tarkibda ham qo‘yaveraman. Lekin ikkinchi taymda tushib, yordam beray, deydi.
Superliga 2026 19-turidan o'rin olgan Mash'al va Navbahor bahsida mehmonlar minimal hisobda g'alaba qozonishdi.
Superliga 2026, 19-tur.
Mash'al 0:1 Navbahor
Gol: Jaloliddinov, 20
Fikr qoldirish va reaksiya uchun tizimga kiring.
