#Xayrullo Bozorov — yangiliklari

Chap ustun yangiliklari

Neftchi va Paju Frontier FC o'rtasida hamkorlik o'rnatildi

Neftchi va Paju Frontier FC o'rtasida hamkorlik o'rnatildi

Farg‘onaning Neftchi va Koreyaning Paju Frontier FC klublari o‘rtasida hamkorlik memorandumi imzolandi.

Neftchi va Koreyaning Paju Frontier FC futbol klubi o‘rtasida hamkorlik yo‘lga qo‘yildi.

Paju milliy futbol markazida Farg‘onaning Neftchi hamda Koreyaning Paju Frontier FC futbol klublari o‘rtasida hamkorlikni yo‘lga qo‘yishga bag‘ishlangan uchrashuv bo‘lib o‘tdi.

Tadbirda viloyat hokimi Xayrullo Bozorov futbol shunchaki sport turi emas, balki millionlab insonlarni bir maqsad atrofida birlashtiradigan, ularga zavq va ko‘tarinki kayfiyat bag‘ishlaydigan, xalqlar o‘rtasidagi do‘stlik rishtalarini mustahkamlaydigan muhim vosita ekanini ta’kidladi.

Ayniqsa, Koreya Respublikasida tahsil olayotgan va mehnat qilayotgan farg‘onalik hamda vodiylik yoshlarning birlashib, Neftchi Koreya futbol jamoasini shakllantirgani va mahalliy musobaqalarda munosib ishtirok etayotgani yuqori baholandi.

O'ng ustun yangiliklari

Xayrullo Bozorov «Neftchi» jamoasi bilan uchrashdi

Xayrullo Bozorov «Neftchi» jamoasi bilan uchrashdi

Farg‘ona viloyati hokimi Xayrullo Bozorov «Neftchi» jamoasi futbolchilari va murabbiylar shtabi bilan uchrashuv o‘tkazdi.

Farg‘ona viloyati hokimi Xayrullo Bozorov «Neftchi» jamoasi futbolchilari va murabbiylar shtabi bilan uchrashuv o‘tkazdi.

Samimiy va ochiq muloqotda jamoa oldida turgan vazifalar, mavsumning hal qiluvchi uchrashuvlariga tayyorgarlik, hamjihatlik va mas’uliyat masalalari muhokama qilindi.

Uchrashuvda «Neftchi» o‘zining shonli nomi va boy tarixi bilan birga, bugun xalqaro maydonlarda o‘zbek futboli sha’ni va obro‘sini ham himoya qilayotgani ta’kidlandi. Bu esa har bir futbolchi va murabbiydan yuksak professionallik, fidoyilik hamda umumiy maqsad yo‘lida birlashishni talab etadi.

«Neftchi» — millionlab muxlislarning mehri, ishonchi va umidini mujassam etgan jamoa. Maydonga tushgan har bir futbolchi klubimiz tarixi, Farg‘ona faxri va yurtimiz sharafi uchun kurashayotganini chuqur his qilishi kerak. Bugun barchamizni birlashtiradigan mezon — jamoa manfaati va g‘alabaga bo‘lgan intilishdir, — dedi viloyat hokimi.

Muloqotda jamoa atrofidagi turli mish-mish va muhokamalarga ham to‘xtalib, bor e’tibor va kuchni mashg‘ulotlarga, o‘yin intizomiga hamda maydonda natija ko‘rsatishga qaratish zarurligi qayd etildi. O‘zaro ishonch, ahillik va bir-birini qo‘llab-quvvatlash hal qiluvchi pallada jamoaning asosiy tayanchi bo‘lishi lozimligi ta’kidlandi.

Bu yil chempionlik uchun qo‘yilgan maqsadga erishish yo‘lida beshta o‘yin qoldi. Endi har bir uchrashuv — final, har bir ochko — oltinga teng.