Stipe Perica taqdirlandi va Yan Sasse jamoaga qabul qilindi
Neftchi jamoasi navbatdagi uchrashuvga tayyorgarlik ko'rmoqda. Stipe Perica muxlislar sovrinini qabul qilib oldi, Yan Sasse esa jamoaga qabul qilindi.
Sevimli jamoamiz navbatdagi uchrashuvga puxta hozirlik ko‘rmoqda. Bugun kechki mashg‘ulotlarni boshlashdan avval "Neftchi" – "Surxon" uchrashuvining eng yaxshi futbolchisi deb topilgan Stipe Pericaga "Muxlislar mehri" sovrini tantanali ravishda topshirildi. Shu bilan birga, bugun jamoamizning yangi a’zosi Yan Sasse ham jamoadoshlari tomonidan, an’anaga ko‘ra, jonli koridor orqali tantanali ravishda olqishlandi.
