Barchasi Transfer Matbuot Natijalar Umumiy ↔ Bog'langan

Paxtakor — yangiliklari

Paxtakor va bog'liq yangiliklar

Faridjon Farhodov: «Paxtakor chempionlikni himoya qilish uchun bor imkoniyatini ishga soladi»

Faridjon Farhodov: «Paxtakor chempionlikni himoya qilish uchun bor imkoniyatini ishga soladi»

Paxtakor futbolchisi Faridjon Farhodov OKMKga qarshi kechgan bahs va jamoaning chempionlik maqsadlari haqida gapirdi.

Faridjon Farhodov (Paxtakor futbolchisi):

Bahs ikkala jamoa uchun ham qiyin o‘tdi. OKMK bejizga o‘z mintaqasida peshqadamlikni qo‘lga kiritmaganini yana bir bor his qildik. Paxtakor ikki yildan buyon mazkur musobaqada g‘oliblikni qo‘lga kiritib kelmoqda. Bu yil ham chempionlikni himoya qilish uchun bor imkoniyatlarimizni ishga solamiz.
Toshkent shahri hokimi «Paxtakor» jamoasi bilan uchrashdi

Toshkent shahri hokimi «Paxtakor» jamoasi bilan uchrashdi

Toshkent shahar hokimi Shavkat Umurzoqov «Paxtakor» futbol klubi rahbariyati, murabbiylar shtabi va futbolchilar bilan uchrashuv o‘tkazdi.

“Paxtakor”: an’analarni saqlab qolish va yangi yutuqlar sari olg‘a intilish

🏟 Futbol — turli avlod, kasb va qarashga ega bo‘lgan insonlarni umumiy ishtiyoq, umid hamda g‘alabaga bo‘lgan ishonch bilan birlashtiruvchi millionlar o‘yini.

Toshkent shahar hokimi Shavkat Umurzoqov “Paxtakor” futbol klubi jamoasi — ma’muriyat va murabbiylar shtabi vakillari, jismoniy tayyorgarlik bo‘yicha mutaxassislar, jamoa sardori hamda futbolchilar bilan uchrashdi.

“Paxtakor” — milliy boylik, poytaxt va mamlakatimiz sporti tarixining bir qismi. Ushbu merosni asrab-avaylash klubni zamonaviy tendensiyalarga mos ravishda izchil rivojlantirishni talab etadi. O‘sish uchun muhim poydevor allaqachon mavjud: “Paxtakor” akademiyasi futbolchilarni tayyorlash bo‘yicha CIES Football Observatory global reytingida 46-o‘rinni egalladi.

🏟 Uchrashuvda zamonaviy futbol iste’dodlarni izlab topish, ularning kasbiy mahoratini oshirish, munosib mehnat sharoitlarini yaratish va halol sport raqobatini qamrab olgan butun bir ekotizim ekanligi ta’kidlandi. Uning negizini olimpiya qadriyatlari, o‘zaro hurmat va sog‘lom raqobat ruhi tashkil etadi.

💬 Uchrashuv jamoa a’zolari, jumladan, jamoa sardori bilan ochiq va samimiy muloqot ruhida o‘tdi. Unda klub faoliyatiga oid dolzarb masalalar, ularni hal etish bo‘yicha takliflar hamda ulkan maqsadlarga erishish uchun zarur shart-sharoitlar muhokama qilindi. Zamonaviy menejmentni joriy etish va “Paxtakor” tarixiga munosib imijni shakllantirishga alohida e’tibor qaratildi.

📈 Shuningdek, klubning moddiy-texnik bazasini yangilash va yaxshilash, xususan, futbolchilarni reabilitatsiya qilish va salomatligini tiklash, ularning jismoniy holatini bir maromda saqlash hamda mas’uliyatli o‘yinlarga to‘laqonli tayyorgarlik ko‘rish uchun zarur uskunalar bilan jihozlash masalalari ko‘rib chiqildi.

▫️ Umumiy vazifa: klub o‘yinchilarining fikr-mulohazalari asosida — jamoa an’analarini asrab-avaylash, uning salohiyatini to‘liq ro‘yobga chiqarish va yangi marralarni zabt etishdan iborat.

Paxtakor va Air Force o'rtasidagi o'yin oldidan matbuot anjumani bo'lib o'tdi

Paxtakor va Air Force o'rtasidagi o'yin oldidan matbuot anjumani bo'lib o'tdi

Elit Chempionlar Ligasi 3-turi doirasidagi "Paxtakor" va "Eyr Fors" uchrashuvi oldidan matbuot anjumani bo'lib o'tdi.

Elit Chempionlar Ligasi 3-turidan avval "Madina Xalqaro" stadionida matbuot anjumanida Emilian Karas va Bashar Resan qatnashdi.

Karas: - "Eyr Fors" juda yaxshi jamoa va ertangi bellashuv juda qiyin kechishini kutyapmiz. Ular juda tartibli va uyushqoq holda o'ynashadi. Himoyada raqibga bo'sh hudud qoldirmaslikka intilishadi. Shu sababli maydonda jang bo'ladi.
Futbolda barcha jamoa g'alaba qozonishni istaydi. Buni xohlamagan murabbiy yoki futbolchining o'zi yo'q. Biz yutuq uchun maydonga tushamiz. Maydonda nimalar bo'lishini o'yin ko'rsatib beradi.
Resan: - Bu yerda ekanimizdan xursandman. Sobiq jamoamga qarshi o'ynayman. "Paxtakor"ni iliq kutib olishgani uchun rahmat aytaman. "Eyr Fors" Iroqning eng kuchli klublaridan biri va doimo Osiyo klublar musobaqalarida ishtirok etadi. Ertaga juda qiziqarli o'yin bo'ladi deb o'ylayman. Biz g'alaba uchun harakat qilamiz, uch ochko bilan uyga qaytsak yanada xursand bo'lardik.
Paxtakor 3:1 Bunyodkor: "Sherlar" muhim g'alabani qo'lga kiritdi

Paxtakor 3:1 Bunyodkor: "Sherlar" muhim g'alabani qo'lga kiritdi

Superliga 23-turidan o'rin olgan "Paxtakor" - "Bunyodkor" uchrashuvi mezbonlarning 3:1 hisobidagi g'alabasi bilan yakunlandi.

Superliga, 23-tur doirasida "Paxtakor" va "Bunyodkor" jamoalari o'rtasidagi bahs yakunlandi.

Uchrashuv 3:1 hisobida "Paxtakor" foydasiga hal bo'ldi. Gollar mualliflari: Tahsin (42-daqiqada), Doston Hamdamov (73-daqiqada) va Chinedu (90+2-daqiqada). "Bunyodkor" safida yagona golga Abdunabiyev (62-daqiqada) mualliflik qildi.

Ushbu muhim g'alabadan so'ng "Sherlar" turnir jadvalida peshqadamlikni o'z qo'llariga olishdi.

Bog'liq yangiliklar

Emilian Karas: Maydonda futboldan ko'ra regbi o'ynash mumkin

Emilian Karas: Maydonda futboldan ko'ra regbi o'ynash mumkin

Paxtakor bosh murabbiyi Emilian Karas mag'lubiyatdan keyin maydon sifati va jamoaning ruhiy holati haqida fikr bildirdi.

O'yindan keyin jamoamiz murabbiyi Emilian Karas matbuot anjumanida qatnashdi.

Bahsdan avval maydon muammo tug'dirishi mumkinligini bilardik. Bu yerda kam xato qilgan jamoa yutardi. Afsuski, biz bunga yo'l qo'ydik va raqib bundan foydalandi. Maydonga moslashib o'ynay olmadik. Ushbu maydonda futboldan ko'ra regbi o'ynash mumkin.

Mezbonlarda g'alabaga xohish juda yuqori bo'ldi. Butun jamoa oxirgi daqiqagacha shunga harakat qildi. Futbolda ham hayotdagi kabi yaxshi va yomon lahzalar bo'ladi. Bu barchada yuz beradi. Hozir ruhiy tushkunlikdan chiqishga intilamiz.

Superliga: Sentyabr oyining eng yaxshi murabbiyi nomzodlari e'lon qilindi

Superliga: Sentyabr oyining eng yaxshi murabbiyi nomzodlari e'lon qilindi

Superligada sentyabr oyining eng yaxshi murabbiyi bo'lishga nomzodlar ro'yxati e'lon qilindi.

⚽️ Superliga. Sentyabr oyining eng yaxshi murabbiyi (nomzodlar)

🟡 Kamoliddin Tojiyev (Paxtakor) — 3 o‘yin, 3 g‘alaba, to‘plar farqi 8:2

🔵 Ro‘ziqul Berdiyev (Nasaf) — 3 o‘yin, 3 g‘alaba, to‘plar farqi 13:3

🟡 Mirjalol Qosimov (OKMK) — 3 o‘yin, 2 g‘alaba, 1 mag‘lubiyat, to‘plar farqi 4:4

🔵 Timur Kapadze (Navbahor) — 3 o‘yin, 2 g‘alaba, 1 durang, to‘plar farqi 8:4

🟡 Anvar G‘ofurov (Surxon) — 3 o‘yin, 2 g‘alaba, 1 mag‘lubiyat, to‘plar farqi 3:3