Paxtakor akademiyasi dunyoning eng kuchli 50 ta akademiyasi qatoriga kirdi
FC PAKHTAKOR ↗ ●●●●● Umumiy 👁 33

Paxtakor akademiyasi dunyoning eng kuchli 50 ta akademiyasi qatoriga kirdi

Shveytsariyaning "CIES Football Observatory" tadqiqot markazi dunyoning 49 ta oliy divizion ligasida faoliyat yuritayotgan akademiya bitiruvchilari soni (15 dan 21 yoshgacha bo'lgan davrda klubda kamida 3 mavsum o'tkazgan futbolchilar), ular ishtirok etgan uchrashuvlar darajasi, maydondagi daqiqalar va o'rtacha yosh ko'rsatkichlari asosida yillik global reytingni e'lon qildi.

Yangi-langan reytingda "Paxtakor" akademiyasi 50,3 ball bilan 46-o'rinni egalladi. 2025 yilgi reytingda jamoamiz akademiyasi 34,1 ball bilan 90-o'rinni egallagandi.

"Paxtakor" akademiyasida tarbiyalangan 59 nafar futbolchi faoliyat yuritmoqda. Ularning 6 nafari ayni paytda "Paxtakor"ning asosiy jamoasida o'ynamoqda.

Klubimiz bu borada Osiyo futbol konfederatsiyasi klublari orasida top-60 talikka kirgan yagona jamoa sifatida qit'ada 1-o'rinni egallab, Braziliyaning "Kruzeiro" (49,8), Ukrainaning "Shaxtyor" (48,4), Angliyaning "Arsenal" (46,6), Xorvatiyaning "Xayduk" (46,2) va Portugaliyaning "Portu" (45,5) klublarini ortda qoldirdi.

Reytingda Portugaliyaning "Benfika" klubi birinchi, Argentina-ning "River Pleyt" va "Boka Xuniors" klublari ikkinchi va uchinchi o'rinlarni egallagan.

Ulashish

Izohlar (0)

Hozircha izoh yo'q. Birinchi bo'lib fikr bildiring!