Bahodir Mirzayev O‘zPFL Ijroiya qo‘mitasiga saylandi. OKMK klubi vakili ikkinchi turda g‘olib chiqdi.
⚽️Umumiy yig‘ilish Markaziy mintaqadan Bahodir Mirzayevni Ijroiya qo‘mitasiga sayladi
Birinchi turda Bahodir Mirzayev va Shavkat Saidov 50 foizdan kam ovoz olgani tufayli, Liga Ustaviga ko‘ra ikkinchi tur o‘tkazildi va unda OKMK klubi vakili g‘alaba qozondi
Superligada sentyabr oyining eng yaxshi murabbiyi bo'lishga nomzodlar ro'yxati e'lon qilindi.
⚽️ Superliga. Sentyabr oyining eng yaxshi murabbiyi (nomzodlar)
🟡 Kamoliddin Tojiyev (Paxtakor) — 3 o‘yin, 3 g‘alaba, to‘plar farqi 8:2
🔵 Ro‘ziqul Berdiyev (Nasaf) — 3 o‘yin, 3 g‘alaba, to‘plar farqi 13:3
🟡 Mirjalol Qosimov (OKMK) — 3 o‘yin, 2 g‘alaba, 1 mag‘lubiyat, to‘plar farqi 4:4
🔵 Timur Kapadze (Navbahor) — 3 o‘yin, 2 g‘alaba, 1 durang, to‘plar farqi 8:4
🟡 Anvar G‘ofurov (Surxon) — 3 o‘yin, 2 g‘alaba, 1 mag‘lubiyat, to‘plar farqi 3:3
Superliga 22-tur doirasidagi So'g'diyona hamda OKMK jamoalari o'rtasidagi uchrashuv durang bilan yakunlandi.
Superliga 22-tur doirasidagi So'g'diyona - OKMK uchrashuvi 0:0 hisobida yakunlandi.
Bugun soat 11:00 da O‘zbekiston kubogining finalga qadar bo‘lgan juftliklari aniqlanadi.
Bugun soat 11:00 da O‘zbekiston kubogining finalga qadar bo‘lgan juftliklari aniqlanadi.
OKMK bosh murabbiyi Mirjalol Qosimov "Xorazm"ga qarshi kechgan O'zbekiston kubogi bahsi haqidagi fikrlari bilan o'rtoqlashdi.
Mirjalol Qosimovning “Xorazm”ga qarshi o’yindan so’ng bildirgan fikrlari
— O'yin haqida fikringiz?
— Ikki jamoa ham g'alaba uchun harakat qildi. O'z imkoniyatlarimizdan foydalanib keyingi bosqichga chiqdik. Kubok bahslari bitta o'yindan iborat bo'lgani uchun yarimta vaziyatni ham golga aylantirishga to'g'ri keladi. Kecha ko'rdik, "Andijon" jamoasi 2:0 hisobida oldinda bora turib uchrashuv 2:2 hisobida tugadi va "Andijon" penaltilar seriyasida g'alaba qozondi.Bugun "Xorazm" jamoasi ham jangovor o'yin ko'rsatdi, oxirigacha kurash olib bordi. Qiziqarli o'yin bo'ldi deb hisoblayman. Keyingi bosqichga chiqqanimizdan xursandman. Endi chempionatning navbatdagi turiga hozirlik ko'ramiz. Stadionga kelgan muxlislarga ham o'z minnatdorchiligimizni bildiramiz.
— O'yinga bir kun qolganida "Xorazm"ga yangi murabbiy tayinlandi. Bu sizning tayyorgarligingizga qanday ta’sir qildi?
— Albatta, o'yindan oldin har bir detalni inobatga olamiz. Raqib safida bugun ayrim yetakchilar o'ynamadi va boshqalar o'zini ko'rsatishga harakat qildi. Bu o'z navbatida boshqa o'yinchilarga imkon beradi. Bugun Kubokka xos bo'lgan dramatik o'yin guvohi bo'ldik.
Paxtakor bosh murabbiyi Kamoliddin Tojiyev OKMKga qarshi o'yindan so'ng jamoaning o'yini va kelgusi rejalar haqida fikr bildirdi.
"Paxtakor" bosh murabbiyi Kamoliddin Tojiyev OKMKga qarshi o’yindan so’ng o’z fikrlarini bildirib o’tdi.
— O'yin haqida fikringiz?
— Yaxshi o'yin bo'ldi. Bahs qiyin kechishini bilardik va shunga yarasha hozirlik ko'rgandik. Bugun ko'p vaziyatlar yaratdik va unumli foydalandik. Avvalgi o'yinlarda ham ko'p vaziyat yuzaga keltirib, foydalana olmay kelayotgandik. G'alaba bilan hammani tabriklayman. Yigitlarga rahmat aytaman.
— "Paxtakor" oxirgi ikkita o'yinda ayniqsa hujumda yaxshi harakat qildi va bir nechta gollar urdi. Engillik yuzaga kelishining sababi nimada?
— Mashg'ulotlarda doim hammasi yaxshi bo'lishi uchun ishlaymiz. Omadimiz kelib gollar uryapmiz. Bundan hammamiz xursandmiz. Yanayam ko'proq to'p kiritishga intilamiz.
— Bugun realizatsiya zo'r bo'ldi: to'rtta imkoniyat va uchta gol. Adashmasam, OKMKda 6-7ta vaziyat bo'ldi. Agar hisob 2:2 yoki 3:3 bo'lib qolganida "Paxtakor" yana qo'sha olarmidi?
— Bu - o'yin, vaziyatlarni yuazaga keltirdik va ulardan foydalandik. Olmaliq jamoasi standartlarda kuchli ekanini futbolchilarimizga alohida uqtirgandik. Bugun raqibga imkon bermadik deb o'ylayman. Sal erkin harakat qilgan paytimiz ham bo'ldi. Kamchiliklar ustida ishlaymiz.
— Hisob 2:0dan keyin ham qarshi hujumlardan foydalanib hisobni 4:0ga keltirish mumkin edi.
— To'g'ri, bugun qarshi hujumga ko'p marta chiqdik. To'g'risi, yanada yaxshi o'yin ko'rsatishimizga maydon holati yo'l qo'ymadi. Hali mavsum uzun, yoshlarga ham imkon beramiz.
— Jamoa "Al Ahli" bilan o'yinga tiklanishga ulguradimi?
— Bugundan shuning ustida ishlaymiz.
— Yaqinda Ro'ziqul Berdiev va Aleksandr Xomyakov O'zbekistondagi eng yaxshi hujumkor jamoa deb OKMKni aytishgandi.
— Aslida men ham ularning fikriga qo'shilaman. OKMK yaxshi jamoalardan biri. Jamoani tajribali murabbiy boshqaryapti, tarkibi ham kuchli. OKMK oxirigacha kurashib futbol o'ynaydigan jamoa. Ham o'zi o'ynaydi, ham raqibga imkon beradi. Olmaliqda g'alaba qozonish oson emas. Hozirgi OKMK oldingilarga nisbatan kuchliroq. Bu yerda boshqa jamoalarga qiyin bo'ladi deb o'ylayman.
— Elit OCHLdagi raqib "Al Ahli"ni qanchalik o'rgandingiz?
— Bu jamoa o'yinlarini kuzatib boryapmiz va tahlil qilyapmiz. Har 3-4 kunda maydonga tushayotganimiz sababli yigitlarda toliqish bor. To'rt nafar futbolchimiz jarohat olgan. Zaxiramizda birgina Nasrullaev bor edi, qolganlar esa yoshlar. Albatta, "Al Ahli" bilan qiyin bo'ladi, lekin o'zimizni ko'rsatishga harakat qilamiz.
— "Paxtakor" ishlari yurishib ketishi, uchtalab gol urib g'alaba qozonishi uchun Ortiqxo'jaev ketdi degan gaplar chiqishi yoki jamoadan Kubokdan chiqib ketishi kabi intriga kerakmidi?
— Biz ham birinchi davrada chempion bo'lmoqchi bo'ldik, endi shunaqasi ham bo'p turadi.
OKMKga qarshi o'yindan so'ng Sergey Tokov o'z fikrlari bilan o'rtoqlashdi.
Matbuot anjumani. Sergey Tokovning OKMKga qarshi o'yindan so'ng bildirgan fikrlari
Mirjalol Qosimov “Xorazm”ga qarshi o'yindan so'ng o'z fikrlari bilan o'rtoqlashdi.
Matbuot anjumani. Mirjalol Qosimovning “Xorazm”ga qarshi o’yindan so’ng bildirgan fikrlari
Superliga 20-turidan o‘rin olgan bahsda OKMK o‘z maydonida “Xorazm”ni Siavash Haqnazari goli evaziga mag‘lub etdi.
Superliga doirasida OKMK “Xorazm”ga qarshi bahs olib borib, 1:0 hisobida g‘alaba qozondi. “Konchilar” muhim uch ochkoni qo‘lga kiritdi.
Uchrashuvning dastlabki daqiqalaridan OKMK hujumkor futbol namoyish etdi. 13-daqiqada Nodir Abdurazzoqovning zarbasi darvozaning tashqi tomoniga tegdi. Oradan ikki daqiqa o‘tib esa OKMK hisobni ochdi. Siavash Haqnazari maydon markaziga yaqin hududdan yo‘llagan aniq zarbasi bilan jamoamizni oldinga olib chiqdi.
“Xorazm”ning 17-daqiqadagi goli o‘yindan tashqari holat sabab hisobga olinmadi.
19-daqiqada Aziz Xolmurodov xavfli hujumni yakunlab, zarba berdi. “Xorazm” darvozaboni Umidjon Ergashev to‘pni qaytardi. 21-daqiqada “Xorazm” jarima maydonidagi vaziyat VAR orqali ko‘rib chiqildi, biroq penalti belgilanmadi. 26-daqiqada Nodir Abdurazzoqov birga-bir vaziyatga chiqdi, ammo darvozabon yana seyv bilan OKMKning ikkinchi goliga yo‘l qo‘ymadi.
Ikkinchi bo‘limda OKMK hisobdagi ustunlikni saqlab qolish bilan birga, qarshi hujumlarda xavfli vaziyatlar yaratdi. 51-daqiqada Aziz Xolmurodovning zarbasini Ergashev qaytardi. 75-daqiqada esa Hazratjon Tursunqulovning kuchli zarbasi ham darvozabon tomonidan bartaraf etildi.
Qolgan vaziyatlarda OKMK himoyasi ishonchli harakat qilib, minimal ustunlikni saqlab qoldi. Yakuniy hushtakdan so‘ng OKMK 1:0 hisobidagi g‘alabani rasmiylashtirdi va noxush an’anaga barham berdi!
Superliga. 20-tur.
OKMK FK — “Xorazm” 1:0
Gollar: Siavash Haqnazari (15)
Bosh hakam: Nayim Qosimov. Yordamchi hakamlar: Zufar Eliboyev, Elnur Doniyorov. Zaxira hakami: Salohiddin Akramov. VAR: G‘ayrat Jo‘rayev. AVAR: Dias Galeyev. Nazoratchi: Bobur Haydarov. Komissar: Akmal Rahmatov.
OKMK tarkibi: 23.Hamidullo Abdunabiyev, 3. Shahzod Toirov, 4. Mirjamol Qosimov (28. Arihiro Sentoku, 84), 5. Giorgi Papava, 7. Dilshod Ahmadaliyev, 9. Aziz Xolmurodov (27. Urosh Koyich, 74), 10. Asadbek Sobirjonov, 17. Nodirbek Abdurazzoqov (21. Hazratjon Tursunqulov, 74), 19. Ahmadullo Muqimjonov, 44. Abror Karimov, 88. Siavash Haqnazari.
“Xorazm” tarkibi: 77. Umidjon Ergashev, 9. Sardorbek Azimov (71. Umid Sultonov, 61), 13. Elzio Lohan (6. Nurjahon Muzaffarov, 46), 15. Diyor Ortiqboyev, 17. Danil Nugumanov, 22. Sunnatulloh Hamidjonov (12. Maksim Shiryayev, 46), 25. Matiya Rom, 55. Azizbek Pirmuhammadov, 90. Ulug‘bek Hoshimov, 94. Rustam Abduhamidov (79. Aziz Ahrorov, 79), 96. Rafael Sabinyo (34. Suhrob Izzatov, 61).
Ogohlantirishlar: Rafael Sabinyo (39), Diyor Ortiqboyev (82).
Birinchilik 11-turi doirasidagi bahsda Qo'qon-1912 jamoasi OKMKga qarshi o'yinda yirik hisobda mag'lubiyatga uchradi.
Birinchiligi, 11-tur
Qo'qon-1912 0:5 OKMK
Uchrashuv yakunlandi. Afsuski jamoamiz deyarli bir bo'lim bir kishi maydonda harakatlangan bahsda yirik hisobda mag'lub bo'ldi
OKMK klubi Odilbek Abduhamidov va Sanjarbek Odilbekov bilan shartnoma imzolaganini rasman e'lon qildi.
OKMK klubi o'z safiga yangi futbolchilarni qo'shib oldi. Olmaliqliklar Odilbek Abduhamidov va Sanjarbek Odilbekov bilan shartnoma imzolaganini ma'lum qildi.
Odilbek Abduhamidov va Sanjarbek Odilbekov OKMK safiga kelib qo'shildi.
OKMK bosh murabbiyi Mirjalol Qosimov O'zbekiston Superligasida iyul oyining eng yaxshi murabbiyi deb topildi.
⚽️ Iyul oyining eng yaxshi murabbiyi — Mirjalol Qosimov (OKMK).
«Andijon» klubi tarkibida yangi o'zgarishlar yuz berdi. Jamoaga Ali Abdurahmonov va Arihiro Sentoku kelib qo'shildi, Aziz Xolmurodov hamda Abubakr Rizo Turdialiyev ketdi.
Jamoamizda navbatdagi o'zgarishlar:
⤴️ Ali Abdurahmonov, Arihiro Sentoku
⤵️ Aziz Xolmurodov, Abubakr Rizo Turdialiyev
Jamoada tarkib o'zgarishlari amalga oshirildi. Ivan Peshich va Ali Abdurahmonov jamoaga kelib qo'shildi, Aziz Xolmurodov va Abubakr Tizo Turdialiyev ketdi.
Jamoamizda navbatdagi o'zgarishlar:
⤴️ Ivan Peshich, Ali Abdurahmonov
⤵️ Aziz Xolmurodov, Abubakr Tizo Turdialiyev
Eslatib o'tamiz, Ivan Peshich kechagina jamoamiz bilan shartnoma imzolagandi!
OKMK Ivan Peshichni o'z safiga qo'shib oldi.
OKMK Ivan Peshichni o'z safiga qo'shib oldi. 🟡
OKMK futzal jamoasi bosh murabbiyi Aleksandr Petrov bilan tuzilgan mehnat shartnomasi o‘zaro kelishuvga ko‘ra bekor qilindi.
OKMK futzal jamoasi bosh murabbiyi Aleksandr Petrov bilan tuzilgan mehnat shartnomasi tomonlarning o‘zaro kelishuviga ko‘ra bekor qilindi.
Aleksandr Petrov 2014-yildan boshlab to 2026-yilga qadar – salkam 12 yil davomida Olmaliq futzalida samarali faoliyat olib bordi. U jamoamiz rivoji, klub o'yin falsafasining shakllanishi va uning mamlakatning eng yetakchi jamoalaridan biriga aylanishiga munosib hissa qo‘shdi. Tajribali mutaxassis qo‘l ostida jamoamiz ichki arenalarda yuzlab yorqin g‘alabalar va unutilmas tantanalarni taqdim etdi.
Unga ko‘ra, Aleksandr Petrov boshqaruvida jamoa 5 karra O‘zbekiston chempioni, 3 karra kumush medali va 1 bor bronza medali sovrindori, shuningdek, 4 karra O‘zbekiston Kubogi sohibi hamda 3 karra O‘zbekiston Superkubogi sohibi bo‘lgan.
Aleksandr Petrov boshqaruvida OKMK futzal jamoasining qo‘lga kiritgan yutuqlari:
2014/15 — Chempion (Ilk tarixiy chempionlik)
2015/16 — Chempion
2016/17 — Chempion
2016/17 — O‘zbekiston Kubogi sohibi
2018 — Chempion
2018 — O‘zbekiston Kubogi sohibi
2019 — Chempion
2019 — O‘zbekiston Kubogi sohibi
2020/21 — Vitse-chempion
2020/21 — O‘zbekiston Kubogi sohibi
2020/21 — O‘zbekiston Superkubogi sohibi
2021/22 — Vitse-chempion
2021/22 — O‘zbekiston Superkubogi sohibi
2022/23 — Vitse-chempion
2022/23 — O‘zbekiston Superkubogi sohibi
2023/24 — Bronza medali sovrindori
OKMK futbol klubi rahbariyati, jamoamiz a’zolari va minglab sodiq muxlislari nomidan Aleksandr Petrovga ko‘p yillik fidokorona mehnati, tarixiy g‘alabalari va klubimiz taraqqiyotiga qo‘shgan beqiyos hissasi uchun chuqur minnatdorchilik bildiramiz. Biz bilan butun boshli oltin davrni yaratgan qadrli murabbiyimizga mustahkam sog‘lik, oilaviy baxt va kelgusi professional faoliyatida yangi cho‘qqilarni zabt etishini tilab qolamiz!
ISLOHOTLAR VA KELAJAKKA NIGOH
Ta'kidlash joizki, bugungi kunda O'zbekiston futzal federatsiyasi tomonidan e'lon qilingan keng ko'lamli islohotlar fonida mamlakatimiz futzali mutlaqo yangi tizimga o'tmoqda. Unga ko'ra, Oliy liga klublari endilikda alohida mustaqil yuridik shaxs (MChJ) sifatida davlat ro‘yxatidan o‘tib, to'liq mustaqil boshqaruv va moliyaviy faoliyat tizimiga o‘tadi. Shuningdek, tarkibni 18 nafardan 25 nafargacha cheklash, futzalchilarni uchta aniq toifaga ajratish hamda 2009-yilda tug'ilgan yosh iqtidorlarga muntazam o'yin amaliyoti berish kabi qat'iy talablar joriy etilmoqda.
Aynan mana shu tub yangilanishlar va islohotlar davrida OKMK futzal jamoasi ham o'z taraqqiyotining mutlaqo yangi bosqichiga qadam qo'ymoqda. Klubimiz ushbu zamonaviy talablarga hamohang ravishda o'z boshqaruv tizimini takomillashtirib, yangicha tarkib toifalari va yangilangan murabbiylar shtabi bilan yangi mavsumga hozirlik ko'rmoqda.
Tez orada jamoamizning kelgusi rejalari hamda yangi mavsum oldidan bo'layotgan qizg'in tayyorgarlik jarayonlari haqida batafsil ma'lumot beramiz.
O‘zbekiston ayollar milliy terma jamoasi a’zosi Asalxon Aminjonova faoliyatini Qozog‘istonning "Qiziljar" klubida davom ettiradigan bo‘ldi.
O‘zbekiston ayollar milliy terma jamoasi a’zosi Asalxon Aminjonova faoliyatida navbatdagi muhim qadamni tashladi. 19 yoshli futbolchi faoliyatini Qozog‘istonning "Qiziljar" klubida davom ettiradi. Bu transfer nafaqat uning shaxsiy rivojlanishi, balki o‘zbek ayollar futbolining xalqaro maydondagi navbatdagi yutug‘i sifatida ham e’tiborga loyiq.
Asalxon Aminjonova 2007 yil 22 aprel kuni Farg‘ona viloyatining Rishton tumanida tavallud topgan. Uning professional futbolchilik faoliyati 2021 yilda OKMK tizimida boshlandi. O‘sha mavsumda u OKMK U-16 jamoasi bilan O‘zbekiston U-16 chempionatida bronza medallarini qo‘lga kiritdi. Shuningdek, OKMK-2 safida Birinchi liga chempionligini nishonlab, yoshligidanoq jamoaviy muvaffaqiyatlarga munosib hissa qo‘sha oldi.
2022 yildan boshlab Asal OKMKning asosiy jamoasi safida maydonga tusha boshladi. Uning iqtidorli o‘yini ko‘p o‘tmay milliy terma jamoa murabbiylari e’tiborini tortdi va 2023 yilda ilk bor O‘zbekiston ayollar milliy terma jamoasiga chaqirildi. O‘sha yili Xanchjouda o‘tkazilgan Osiyo o‘yinlarida terma jamoamiz tarixiy natija qayd etib, musobaqani to‘rtinchi o‘rinda yakunladi. Aminjonova ham ushbu muvaffaqiyatga hissa qo‘shgan futbolchilardan biri bo‘ldi.
2023 yil Tojikistonda tashkil etilgan U-17 CAFA chempionati esa Asalning faoliyatidagi eng yorqin sahifalardan biriga aylandi. U O‘zbekiston U-17 terma jamoasi bilan musobaqa g‘olibiga aylandi va yuqori saviyadagi o‘yini evaziga turnirning eng yaxshi futbolchisi deb e’tirof etildi.
Iqtidorli futbolchi 2024 va 2026 yillarda O‘zbekiston U-20 terma jamoasi safida Osiyo chempionatida ishtirok etdi. 2026 yilda esa milliy terma jamoamiz bilan kattalar o‘rtasidagi Osiyo chempionatida ham maydonga tushib, xalqaro tajribasini yanada boyitdi.
Bugun Asalxon Aminjonovaning "Qiziljar" klubiga ko‘chib o‘tishi uning faoliyatidagi yangi bosqichni boshlab bermoqda. Xorij chempionatidagi o‘yinlar yosh futbolchining mahoratini yanada oshirishi, milliy terma jamoamiz uchun esa yanada tajribali va kuchli futbolchi sifatida qaytishiga xizmat qilishi shubhasiz.
Asalxon Aminjonovaga Qozog‘istondagi faoliyatida ulkan muvaffaqiyatlar tilaymiz. Ishonamizki, uning xorijdagi tajribasi o‘zbek ayollar futboli rivojiga xizmat qiladi va Asal hamda uning avlodi vakillari kelajakda O‘zbekiston ayollar milliy terma jamoasini Jahon chempionati sari yetaklaydigan futbolchilar safidan joy oladi.
O'zbekiston futboli mavsumini kuz-bahor tizimiga o'tkazish bo'yicha Liga ishchi rejasi taklif qilindi. Yakuniy qaror barcha tomonlar bilan kelishilgan holda qabul qilinadi.
Umumiy yig'ilish vakillariga klublar futboli mavsumini kuz-bahor tizimiga o'tkazish bo'yicha Liga ishchi rejasi taklif qilindi
Bu borada yakuniy qaror bevosita klublar, O'zbekiston futbol assotsiatsiyasi, futbol jamoatchiligi vakillari va boshqa tegishli tashkilotlar bilan kelishilgan tartibda qabul qilinadi
Superliganing 22-turida OKMK "So‘g‘diyona" mehmoni bo‘lib, irodali g‘alabani qo‘lga kiritdi.
Superliga doirasidagi “So‘g‘diyona” va OKMK jamoalari o‘rtasidagi uchrashuv yakuniga ko‘ra, olmaliqliklar 1:2 hisobida g‘alaba qozondi.
Bahsning dastlabki daqiqalaridan boshlab jamoalar hujumkor futbol namoyish etdi. OKMK bir necha bor xavfli hujumlar uyushtirgan bo‘lsa-da, “So‘g‘diyona” 25-daqiqada hisobni ochishga muvaffaq bo‘ldi. Burchak zarbasidan uzatilgan to‘pni Filip Ivanovich bosh bilan aniq zarba orqali darvozaga yo‘llab, mezbonlarni oldinga olib chiqdi.
Birinchi bo‘limning qolgan qismida OKMK hisobni tenglashtirishga harakat qildi. Biroq Biroq “So‘g‘diyona” himoyasi ishonchli harakat qildi va jamoalar tanaffusga 1:0 hisobida yo‘l oldi.
Ikkinchi bo‘lim boshlanishi bilan OKMK tarkibida uchta o‘zgarish amalga oshirildi. Bu o‘zgarishlar mehmonlarning hujumdagi faolligini oshirdi. 83-daqiqada standart vaziyatdan keyin yuzaga kelgan vaziyatdan Papava unumli foydalanib, hisobni tenglashtirdi — 1:1.
Oradan atigi to‘rt daqiqa o‘tib, OKMK yana bir bor raqib darvozasini ishg‘ol qildi. 87-daqiqada Sentokuning uzatmasidan so‘ng Nodir Abdurazzoqov bosh bilan aniq zarba yo‘llab, jamoasini hisobda oldinga olib chiqdi — 1:2.
Har ikki gol epizodlari VAR tomonidan tekshirildi va hakamlar tomonidan gollarni hisoblash bo‘yicha yakuniy qaror tasdiqlandi.
Uchrashuvning qo‘shib berilgan daqiqalarida “So‘g‘diyona” hisobni tenglashtirishga urinib ko‘rdi. Biroq OKMK futbolchilari himoyada ishonchli harakat qilib, yakuniy hushtakkacha ustunlikni saqlab qoldi.
Natijada OKMK uchrashuv davomida hisobda ortda borishiga qaramay, ikkinchi bo‘limning so‘nggi qismida ikkita gol urib, 1:2 hisobida kambek g‘alabasini qo‘lga kiritdi.
Superliga. 22-tur.
“So‘g‘diyona” — OKMK 1:2
Gollar: Filip Ivanovich (24) — Giorgi Papava (82), Nodirbek Abdurazzoqov (87)
Bosh hakam: Ahrol Risqullayev
Yordamchi hakamlar: Alisher Usmonov, Adhamjon Rixsiboyev
To'rtinchi hakam: Feruzbek Xidoyatov
VAR hakami: Abdurashid Xudoyberganov
AVAR hakami: Shoxruh Maqsudov
Nazoratchi: Rustam Bobomurodov
Kamissar: Oybek Davletmuratov
"So'g'diyona": 27.Milan Mitrovich, 6.Behruzbek Asqarov (7.Petar Michin, 46), 22.Abdulazizxon Abdurashidov (18.Igor Golban,71) 3.Islomjon Qobilov, 4.Behruz Jumatov, 13.Filip Ivanovich, 10.Javohir Qahramonov (33.Shohjahon Sultonmurodov,65) 32.Nodirjon Soyibov, 8.Jamshid Boltaboyev, 28.Samandarjon Mavlonqulov (19.Zabihillo O'rinboyev, 46), 14.Lyupcho Doriyev.
Zaxira: 74.Bayram Najafaliev, 20.Fazliddin Omonkeldiyev, 9.Jenan Zaymovich, 77.Oybek Nurmatov, 2.Zoir Jo'raboyev
"OKMK": 23.Hamidullo Abdunabiyev, 3.Shahzod Toirov (44.Abror Karimov, 46), 6.Avazbek O'lmasaliyev, 88.Siavash Haqnazari (11.Ali Abdurahmonov, 74), 4.Mirjamol Qosimov (28.Arihiro Sentoku,46), 5.Giorgi Papava, 9.Aziz Xolmurodov (27.Urosh Koyich, 74), 19.Ahmadullo Muqimjonov, 8.Abubakr Rizo Turdialiyev, 17. Nodirbek Abdurazzoqov, 77.Ivan Peshich (10.Asadbek Sobirjonov, 46)
Zaxira: 21.Hazratjon Tursunqulov, 35.Javohir Ilyosov, 22.Saidafzalxon Ahrorov, , 28.Abror Sarimsoqov
Ogohlantirishlar: Avazbek O'lmasaliyev (62), Nodirbek Abdurazzoqov (89), Ali Abdurahmonov (90+4), Urosh Koyich (90+5) — Behruz Jumatov (90+5)
O'zbekiston kubogi chorak finali doirasidagi OKMK va Guliston jamoalari o'rtasidagi uchrashuv Olmaliqda bo'lib o'tadi.
OKMK O'zbekiston kubogi chorak finalida «Guliston» jamoasi bilan bahs olib boradi.
Uchrashuv Olmaliqda bo’lib o’tadi.
Vali Sultonov OKMKga qarshi kechgan O'zbekiston Kubogi uchrashuvidan so'ng o'z fikrlari bilan o'rtoqlashdi.
Vali Sultonovning OKMKga qarshi o’yindan so’ng bildirgan fikrlari
— O'yin haqida fikringiz?
— Uchrashuv juda chiroyli va qiziqarli kechdi. Avvalambor Olmaliq jamoasini g'alaba bilan tabriklayman. Bazan chempionatda ham shunday qiziq o'yinni ko'rmasligimiz mumkin. Bir so'z bilan aytganda, muxlislarga yoqadigan futbol kechdi desa bo'ladi.
— Bundan 13 kun avval "Xorazm" shu stadionda OKMK mehmoni bo'lgandi. Albatta, shu o'yinni ham ko'rib chiqqan bo'lishingiz tabiiy. O'sha bahs bilan solishtirganda nimalarni o'zgartira oldingiz?
— To'g'ri savol berdingiz. Jamoani kecha qabul qilib oldim va endi birinchi mashg'ulotni o'tkazdik. Bugun esa Kubokda rasmiy uchrashuvda maydonga tushdik. Afsus, to'liq tarkib bilan o'ynay olmadik, 6-7 nafar futbolchimizda jarohat bor va ular uyda qolishgan. Ko'rsatilgan o'yin uchun futbolchilarga rahmat aytaman, oxirigacha kurash olib bordik.
Mirjalol Qosimovni juda hurmat qilaman, buni ko'pchilik biladi, u kishini o'zimga ustoz deb hisoblayman. Shogird ustozdan o'tmasa, shogird emas deyishadi-ku, bugun shunga yaqin kelgandik. Olmaliq jamoasiga O'zbekiston Kubogida omad tilab qolaman.
OKMK O‘zbekiston Kubogi 1/8 finalida «Xorazm»ni mag‘lub etib, chorak finalga yo‘l oldi. Siavash Haqnazari dubl qayd etdi.
OKMK jamoasi O‘zbekiston Kubogi 1/8 final uchrashuvida «Xorazm»ni 2:1 hisobida mag‘lub etib, chorak final yo‘llanmasini qo‘lga kiritdi! 🔥
Uchrashuvning dastlabki daqiqalarida jamoalar ehtiyotkor harakat qildi. OKMK bir necha bor xavfli hujumlar uyushtirib, hisobni ochishga yaqin keldi. 60-daqiqada esa hakam tomonidan belgilangan penaltini Siavash Haqnazari aniq ijro etib, jamoamizni oldinga olib chiqdi — 1:0.
«Xorazm» 87-daqiqada hisobni tenglashtirib, uchrashuvni yanada keskinlashtirdi — 1:1. Biroq so‘nggi daqiqalarda OKMK bosimni oshirdi. VAR ko‘rigidan so‘ng jamoamiz foydasiga yana bir penalti belgilandi. 90+9-daqiqada Siavash Haqnazari imkoniyatdan unumli foydalanib, dublini rasmiylashtirdi va OKMKga muhim g‘alabani taqdim etdi — 2:1.
O‘zbekiston kubogi. 1/8 final.
OKMK FK — «Xorazm» 2:1
Gollar: Siavash Haqnazari (60, pen), (90+9, pen) — Umidbek Sultonov (87).
Bosh hakam: Umidjon Rahimjonov. Yordamchi hakamlar: Sardor Sodiqov, Abdurahmon Shukurullayev. Zaxira hakami: Sanjar Nazarov. VAR: Doston Rahmonov. AVAR: Shohnur Yo'ldoshev. Nazoratchi: Baxtiyor Tog'aev. Komissar: Diyor Xotamqulov.
OKMK: 23.Hamidullo Abdunabiyev, 4.Mirjamol Qosimov, 5.Giorgi Papava, 6.Avazbek O'lmasaliyev, 7.Dilshodbek Ahmadaliyev, 8.Abubakr Rizo Turdialiyev, 9.Aziz Xolmurodov, 17.Nodirbek Abdurazzoqov, 19.Ahmadullo Muqimjonov, 27.Urosh Koyich, 88.Siavash Haqnazari.
Zaxira: 1.Muhammad Ubaydullayev, 3.Shahzod Toirov, 10.Asadbek Sobirjonov, 11.Ali Abdurahmonov, 21.Hazratjon Tursunqulov, 22.Saidafzalxon Ahrorov, 28.Arihiro Sentoku, 30.Abror Sarimsoqov, 77.Ivan Peshich.
«Xorazm»: 77.Umidjon Ergashev, 5.Abbosjon Otaxonov, 6.Nurjahon Muzaffarov, 9.Sardor Azimov, 10.Rafael Tavares, 12.Maksim Shiryayev, 22.Sunnatulloh Hamidjonov, 34.Suhrob Izzatov, 79.Azizjon Ahrorov, 88.Abror Xo'sinov, 96.Rafael Sabino Dos Santos.
Zaxira: 33.Nikolo Stoshich, 3.Ravshonbek Sultanov, 7.Timur Ismoilov, 11.Danila Ejov, 17.Daniil Nugumanov, 23.Sarvar Bekchanov, 41.Ismandiyor Ummatov, 55.Azizbek Pirmuhammedov, 71.Umidbek Sultonov.
Ogohlantirishlar: Ahmadullo Muqimjonov (31), Avazbek O’lmasaliyev (76), Asadbek Sobirjonov (90+1) — Nurjahon Muzaffarov (73), Sunnatulloh Hamidjonov (77), Abbosjon Otaxonov (90+13).
OKMK bosh murabbiyi Mirjalol Qosimov "Paxtakor"ga qarshi o'yindan so'ng hakamlik qarorlari va jamoaning natijalari haqida o'z fikrlarini bildirdi.
OKMK bosh murabbiyi Mirjalol Qosimov “Paxtakor”ga qarshi o’yindan so’ng o’z fikrlarini bildirib o’tdi.
— O'yin haqida fikringiz?
— Qiziqarli o'yin guvohi bo'ldik. Natija qoniqarsiz, lekin o'yinimiz yomon emas. Yana eski kasalimiz qo'zg'adi: gol ura olmadik. Bahs boshida oson golni o'tkazib yubordik. Shundan keyin kuch topib oldinga bordik. Gol urishga muvaffaq bo'ldik, lekin qaysi sababga ko'ra ofsaydni aniqlashdi, tushunmadim. Birinchi marta VAR orqadan chiziq chizishini ko'rishim, hayron qoldim. Lekin na iloj, kinoda aytadi-ku: qozi pochcha, chiqargan qonunlariz hamma narsaga to'g'ri kelaveradi. Yangi qoida chiqib biz bexabar qoldikmi, yoki ma'lumotlardan orqadamizmi - bilmadim. Juda uyatli ko'rindi, shaxsan men tushunmadim. "Paxtakor"ni g'alaba bilan tabriklayman. Gol urmasang vaziyat uchun ochko bermaydi. Yigitlarimizning kayfiyati tushib ketdi. Endi keyingi o'yinga hozirlik ko'ramiz.
— Ikkinchi bo'limda etarlicha vaziyatlar yaratildi. Jamoangiz nechanchi o'yindirki 0:2 hisobida ortda borib ham ko'p vaziyatlarga ega bo'lyapti. Ammo hisob tenglashish o'rniga raqib uchinchi golni urdi. Buni qanday izohlaysiz?
— Aytdim-u bir vaziyatda golimizni hisobga olishmadi. Yangi qonun chiqqan bo'lsa kerak. Buning ustiga futbolchimiz uch metrdan to'p kirita olmadi. Tanaffusga 2:1 hisobida chiqib ketganimizda ikkinchi bo'lim boshqacha kechishi mumkin edi. Mashg'ulotlarda yigitlar bilan gaplashyapmiz. Xatolarni tushuntiramiz. Hisob 3:0 bo'lganida ham o'yin tempi tushib kyetmadi. Oxirigacha kurash kechdi.
— Murabbiy sifatida jamoangiz ko'rsatayotgan futboldan qoniqyapsizmi?
— Qo'l ostimdagi futbolchilardan minnatdorman. Natijaga kelsak, yanada yuqorida bo'lishni maqsad qilgandik. Bunga o'zimiz aybdormiz. Avgust oyida hammasi "Nasaf" bilan o'yindan boshlandi. "Nasaf"ga yutqazmasligimiz kerak edi. "Surxon" bilan "Dinamo"ni yutishimiz, Buxoroda yutqazmasligimiz kerak edi. Hamma o'yinlarda vaziyat bo'lyapti. Baribir menda bugungi o'yin bo'yicha savol qolyapti: urgan golimizda ofsayd bormidi-yo'qmidi. Balki kamerani ko'paytirish kerak. Chiziqni sal haqiqatga yaqinroq chizish kerak. Chunki bu ham muxlislar kayfiyatiga ta’sir qiladi. Jamoa bilan ishlash o'zi emas. Futbol bu koptokni ber - o'ynayveradi degani emas. Bu bilan bahona qilmayapman, bor gapni aytyapman. Biz ko'p ochko yo'qotdik, lekin maqsadimiz sovrindorlar qatoriga kirish. Buning uchun oxirigacha kurashamiz.
— OKMK o'rtamiyona jamoa bo'lib qolmay sovrindorlar qatorida yurishi uchun nima qilish kerak deb hisoblaysiz?
— Qisqa aytganda yaratilgan vaziyatlardan foydalanib gol urish kerak. Shunda g'alaba qozonasiz va tepada yurasiz.
— 2024 yil OKMK chempionatda ikkinchi o'rinni olgandi. Natijalar pasayib qolsa, odamlar Mirjalol Qosimov o'sishdan to'xtab qoldi, o'n yil oldingi Qosimov emas, jamoaga yangi qon kerak deyapti.
— Endi hammaning o'z shaxsiy fikri bor. Tilning suyagi yo'q. Hozir hamma mutaxassis. Lekin bu erga kelib ishlab ko'rishsa biladi. Noliydigan joyim yo'q, biz muxlislarga yoqadigan futbol namoyish etyapmiz. Har doim yuqori natija ko'rsatishga harakat qilganman. Men birovning fikriga qarab yashamayman.
Superliga 21-turida OKMK o'z maydonida «Paxtakor»ga 1:3 hisobida imkoniyatni boy berdi. Uchrashuv tafsilotlari va tarkiblar bilan tanishing.
Superliga 21-turidan o'rin olgan OKMK va «Paxtakor» jamoalari o'rtasidagi bahs 1:3 hisobida yakunlandi. OKMK uchrashuvni mag'lubiyat bilan yakunladi.
Uchrashuvning dastlabki daqiqalaridan jamoamiz hujumkor harakat qilishga intildi. 17-daqiqadan boshlab OKMK bir qator xavfli hujumlar uyushtirdi. Qosimovning burchak zarbasidan keyin O'lmasaliyevning bosh bilan yo'llagan zarbasi ustunga tegdi. Shuningdek, Abdurazzoqov, Qosimov va Xolmurodov ishtirokidagi hujumlarda hisobni ochish uchun imkoniyatlar yuzaga keldi. 17-daqiqada turli bahslarga sabab bo'layotgan Giorgi Papavaning goli offsayd sabab hisobga olinmadi.
Biroq 24-daqiqada mehmonlar hisobni ochdi. Oradan ko'p o'tmay «Paxtakor» yana bir gol urib, tanaffusga 0:2 hisobida chiqib ketdi. Birinchi bo'lim yakunida OKMK Xolmurodovning bosh bilan yo'llagan zarbasi orqali farqni qisqartirishga yaqin keldi.
Ikkinchi bo'limni jamoamiz faol boshladi. 50–58-daqiqalar oralig'ida Xolmurodov, Haqnazariy va Qosimovning zarbalari orqali gol urish imkoniyatlari yuzaga keldi. Biroq 64-daqiqada «Paxtakor» hisobni 0:3 ga yetkazdi.
OKMK murabbiylar shtabi o'yin davomida bir nechta almashtirishlarni amalga oshirib, hujum chizig'ini kuchaytirdi. 66-daqiqada bir vaqtning o'zida uch futbolchi — Sentoku, Koyich va Abdurahmonov maydonga tushirildi. Keyinchalik Tursunqulov va Peshich ham o'yinga qo'shildi.
81-daqiqada OKMK hisobni qisqartirdi. Muqimjonovning jarima zarbasidan oshirilgan to'pni Papava boshi bilan darvozaga yo'lladi. Gol VAR orqali tekshirilib, yakunda hisobga olindi — 1:3.
Uchrashuvning so'nggi daqiqalarida jamoamiz yana bir necha bor hujum qilishga urindi, biroq hisobni o'zgartirishning imkoni bo'lmadi.
Superliga. 21-tur.
OKMK — «Paxtakor» 1:3
Gollar: Giorgi Papava (83) — Ayman Husseyn (4), Ibrohim Ibragimov (25), Dostonbek Hamdamov (65)
Bosh hakam: Firdavs Norsafarov
Yordamchi hakamlar: Ruslan Serazitdinov, Farhod Usmonov
Zaxira hakami: Sanjar Ahmadov
VAR: Nayim Qosimov
AVAR: Timur Gaynullin
Nazoratchi: Vladislav Seytlin
Komissar: Bekzod Aripov
OKMK tarkibi: 23.Hamidullo Abdunabiyev, 3.Shahzod Toirov, 4.Mirjamol Qosimov (11.Ali Abdurahmonov, 66), 5.Giorgi Papava, 6.Avazbek O'lmasaliyev, 7.Dilshodbek Ahmadaliyev, 9.Aziz Xolmurodov (27.Urosh Koyich, 66), 10.Asadbek Sobirjonov (77.Ivan Peshich, 81), 17.Nodir Abdurazzoqov (21.Hazratjon Tursunqulov, 76), 19.Ahmadullo Muqimjonov, 88.Siavash Haqnazari (28.Arihiro Sentoku, 66).
«Paxtakor» tarkibi: 35.Sanjar Quvvatov, 4.Zaid Tahsin, 7.Hojiakbar Alijonov, 8.Dilshod Saitov, 9.Ibrohim Ibragimov, 17.Dostonbek Hamdamov (34.Sherzod Nasrullayev, 69), 21.Bashar Resan, 23.Abdurauf Bo'riev, 27.Sardor Sobirxo'jayev (13.Muhammadali Dilshodbekov, 90+2), 29.Ayman Husseyn (26.Davron To'laganov, 78), 55.Muhammadrasul Abdumajidov.
Ogohlantirishlar: Shahzod Toirov (33), Ibrohim Ibragimov (39), Sardor Sobirxo'jayev (74).
Olg'a, «konchilar» ⛏️
OKMK futbolchisi Siyavash Haqnazari «Xorazm»ga qarshi o'yindan so'ng Tribuna.uz nashriga bergan intervyusida o'z goli haqida fikr bildirdi.
Siyavash Haqnazari: «Bu faoliyatimdagi eng chiroyli gol emas»
OKMKning eronlik futbolchisi «Xorazm»ga qarshi bellashuvdan keyin Tribuna.uz uchun eksklyuziv intervyu berdi.
Championat.asia sayti talqiniga ko'ra, OKMK — "Xorazm" uchrashuvining eng yaxshi futbolchisi deb Umidjon Ergashev topildi.
Championat.asia sayti talqiniga ko'ra, OKMK — "Xorazm" (1:0) uchrashuvining eng yaxshi futbolchisi — Umidjon Ergashev ⭐️
Oliy liganing 17-turidan o'rin olgan OKMK-W va Neftchi-W jamoalari o'rtasidagi bahs OKMKning yirik g'alabasi bilan yakunlandi.
Oliy liga | 17-tur
OKMK-W 5:0 Neftchi-W
Yodgora Yusupova 18', 36'
Nozima Ergasheva 22'
Shaxzoda Alixanova 45+1'
Ziyoda Omonqulova 85'
Superliga 19-turidan o'rin olgan bahsda Andijon o'z maydonida Xorazmni mag'lub etdi. Uchrashuv taqdirini Martin Boakye hal qildi.
Superliga 19-turidan o'rin olgan bahsda Andijon o'z maydonida Xorazm bilan kuch sinashdi.
Uchrashuv taqdirini 87-daqiqada Martin Boakye tomonidan kiritilgan yagona gol hal qildi.
Superliga 16-turida OKMK safarda Bunyodkor ustidan 3:1 hisobida g'alaba qozondi.
Superliga 16-turidan o'rin olgan bahsda Bunyodkor va OKMK jamoalari to'qnash kelishdi.
Uchrashuv 1:3 hisobida OKMK foydasiga hal bo'ldi.
Gollar: Dmitri Pletnyov (26) — Siavash Haqnazari (33, pen), Nodirbek Abdurazzoqov (39), Aziz Xolmurodov (42)
Olg'a, konchilar ⛏️
Sharof Muhitdinov OKMKga qarshi o'yinda kiritgan goli orqali Superligadagi barcha jamoalarga gol kiritgan futbolchiga aylandi.
Sharof Muhitdinov OKMKga qarshi o'yinda kiritgan goli orqali Superligadagi barcha jamoalarga gol kiritgan (Nasafdan tashqari) futbolchiga aylandi 🔵
«Xorazm» jamoasi OKMK darvozaboni Umidjon Ergashevni ijaraga oldi.
«Xorazm» jamoasi OKMK darvozaboni Umidjon Ergashevni ijaraga oldi.
Surxon klubi Termizdagi stadion maysasi talablarga javob bermagani sababli, uy uchrashuvlarini vaqtincha Olmaliqdagi OKMK stadionida o'tkazadi.
Termiz shahridagi stadion maysasining hozirgi holati qoniqarsiz ekani hamda O‘zbekiston Professional Futbol Ligasi (PFL) tomonidan belgilangan talab va standartlarga to‘liq javob bermasligi sababli, jamoamiz Superliga doirasidagi uy uchrashuvlarini vaqtincha Olmaliq shahridagi OKMK stadionida o'tkazadi.
Klubimiz tomonidan Termizdagi stadion maysasini belgilangan standartlar darajasiga keltirish bo‘yicha tegishli ishlar olib borilmoqda. Stadion PFL talablariga to‘liq mos holatga keltirilgach, jamoamiz o‘z uy uchrashuvlarini yana Termiz shahrida o'tkazishni rejalashtirmoqda.
Jamoada tarkib o'zgarishlari ro'y berdi: Asadullo Toshpo'latov va Diyorbek Rahmatullayev qo'shildi, Ozodbek Tojiyev va Elbekjon Yo'lchiyev ketdi.
71 — Jamoamizda navbatdagi o'zgarishlar:
⤴️ Asadullo Toshpo'latov, Diyorbek Rahmatullayev
⤵️ Ozodbek Tojiyev, Elbekjon Yo'lchiyev
OKMK klubi Ivan Peshichning transferini rasman e'lon qildi.
OKMK klubi Ivan Peshichning transferini rasman e'lon qildi. 🟡
Fikr qoldirish va reaksiya uchun tizimga kiring.