FC Buxoro — yangiliklari

Uchrashuv yakunlandi. Milliy jamoa Suriya ustidan yirik hisobda gʻalaba qozondi.

O‘zbekiston 4:1 Suriya

Gollar: Sherzod Esanov 28’, Akmal Mozgovoy 44’, Husayn Norchayev 48’, 90’ — Suriya 90+3’.

Bugun «Andijon» futbol klubi qarorgohi muhim uchrashuvga mezbonlik qildi. O‘zbekiston futbol hakamlar markazi direktori Ma’mur Saidqosimov hamda mamlakat hakamligini rivojlantirish yo‘nalishida mas’ul etib tayinlangan Farhod Abdullayev klub qarorgohiga tashrif buyurib, jamoa a’zolari bilan ochiq muloqot o‘tkazdi.

E’tiborlisi, hakamlik masalalari bo‘yicha klublar bilan bevosita muloqotlarni yo‘lga qo‘yish tashabbusining dastlabki uchrashuvi aynan «Andijon»dan boshlandi.

Ma’lumot o‘rnida, Farhod Abdullayev 2021–2026-yillar davomida Saudiya Arabistonida hakamlar departamenti boshlig‘i sifatida faoliyat yuritgan. Endi esa u yurtimizga qaytib, O‘zbekistonda hakamlik tizimini yanada rivojlantirish va takomillashtirish jarayonida mas’uliyatli vazifaga tayinlandi.

Uchrashuvda «Andijon» klubi rahbariyati, murabbiylar shtabi, futbolchilar hamda muxlislar ishtirok etdi. Suhbat davomida hakamlik va VAR tizimiga oid dolzarb masalalar ochiq muhokama qilindi, ishtirokchilar o‘zlarini qiziqtirgan savollarga javob oldilar.

Mutaxassislar tomonidan ekranda turli o‘yin epizodlari namoyish qilinib, ularning hakamlik nuqtayi nazaridan tahlili ham o‘tkazildi. Bu esa uchrashuvni oddiy muloqotdan ko‘ra amaliy va mazmunli tus olishiga xizmat qildi.

Shuningdek, endi klublar hakamlik bilan bog‘liq savol, taklif yoki tushunmovchiliklar yuzaga kelgan taqdirda maxsus platforma orqali murojaat qilishlari va tegishli mutaxassislardan javob olishlari mumkinligi ma’lum qilindi.

Uchrashuvda muxlislar ham o‘z fikr va mulohazalarini bildirib, hakamlik tizimiga oid takliflarini o‘rtaga tashladilar. Murabbiylar va futbolchilar esa amaliyotda uchrayotgan masalalar yuzasidan o‘z tavsiyalarini bildirishdi.

Eng muhimi, bu jarayonda asosiy e’tibor — ochiqlik, muloqot va muammolarni birgalikda hal etishga qaratilmoqda.

O‘zbekiston futbol hakamlar markazi vakillari klublar bilan bevosita muloqotlarni davom ettirishini, bildirilgan fikr va takliflar esa hakamlik tizimini takomillashtirish jarayonida inobatga olinishini ta’kidladi.

«Andijon» futbol klubi rahbariyati o‘z navbatida bunday ochiq muloqot va tashrif uchun minnatdorlik bildirdi.

Demak, hakamlik haqidagi muloqot endi maydondan tashqarida ham ochiq davom etadi. Yangi yondashuvning ilk manzili esa — «Andijon» bo‘ldi. 👍

O'zbekiston milliy terma jamoasi 21-sentyabr kuni navbatdagi o'quv-mashg'ulot yig'inini boshlaydi.

Bosh murabbiy Fabio Kannavaro tomonidan Buxoro jamoasi yetakchisi Sherzod Esanov ham jalb etilgan!

Yig'in doirasida terma jamoamiz Eron, Suriya hamda Koreya Respublikasiga qarshi xalqaro o'rtoqlik uchrashuvlarida ishtirok etadi.

Surxon professional futbol klubi jamoamizning sobiq futbolchisi Oleksandr Kasyanning vafoti munosabati bilan uning oila a’zolari va yaqinlariga chuqur hamdardlik bildiradi.

Championat.asia hamda Transfermarkt nashri talqiniga ko’ra Superligada avgust oyining eng yaxshilari deb topildi.

Ikki sayt hamkorligi doirasida Superliganing avgust oyidagi eng yaxshi murabbiyi va eng yaxshi futbolchisi aniqlandi. Avgust oyida Superliganing eng yaxshi murabbiyi Aleksandr Xomyakov bo'ldi. Uning boshchiligida Buxoro 5 ta o'yinda 3 ta g'alabaga erishdi (jumladan, O'zbekistonning amaldagi chempioni Neftchi ustidan 4:1 hisobida), shuningdek, safarda Paxtakor bilan durang o'ynadi (o'yin davomida 0:2 hisobida ortda qolib, 2:2). Xomyakov 44% ovoz to'pladi.

⚽ Superligada oyning eng yaxshi futbolchisi deb bir vaqtning o'zida ikki o'yinchi tan olindi: Buxoro vingeri Vladimir Rodich va Navbahor hujumchisi Husayn Norchaev 28 foizdan ovoz yig'ishdi. Rodich hisobida 5 ta o'yinda gol+pas tizimi bo'yicha 3+1 ochko bor, ular orasida Paxtakorga urilgan gol va Neftchiga qarshi g'alabali o'yindagi ikkita samarali harakat (bitta gol va bitta assist) mavjud.

Anvar G'ofurov ishtirokidagi o'yindan keyingi matbuot anjumani 🎙️

Bugungi uchrashuv haqida fikrlaringiz?

Bugun yaxshi jamoaga qarshi maydonga tushdik. Raqibning hujumkor jamoa ekanini va kimga qarshi o'ynayotganimizni yaxshi bilardik. Biz uchun har bir o'yinda ochko juda muhim ekanini futbolchilarga tushuntirgan edik.

O'ylaymanki, ko'p o'yinlarda natija borasida mag'lub bo'layotgan bo'lsak-da, o'yin sifati va maydondagi harakatlarimiz borasida raqiblardan ortda qolayotganimiz yo'q. Albatta, bu yaxshi ko'rsatkich, lekin jamoaga natija ham kerak. Ishonamanki, biz bu natijaga albatta erishamiz.

Bugungi o'yin oson kechmadi. Yigitlarga katta rahmat aytmoqchiman. Ular maydonda bor kuch va imkoniyatlarini ishga solib, mehnat qilishdi.

Shuningdek, Termizdan uzoq masofani bosib o'tib, bizni o'z stadionimizda yolg'izlatib qo'ymagan muxlislarimizga alohida minnatdorchilik bildiraman. Ularning qo'llab-quvvatlashi futbolchilarimizga katta dalda bo'ldi.

Bu o'yinda qizil kartochka ham o'z so'zini aytdi. Shundan so'ng futbolchilar xato qilmaslikka, bir-birini qo'llab-quvvatlashga va jamoaviy harakat qilishga harakat qilishdi. Bu, albatta, ijobiy holat.

Qizil kartochkadan so'ng yosh jamoangizni qanday ruhlantira oldingiz?

Men har bir futbolchimga ishonaman. Bu ishonch maydonda bo'ladimi yoki maydondan tashqarida bo'ladimi — farqi yo'q. Yakuniy kengaytirilgan tarkibga kirmagan futbolchi ham, maydonga tushgan har bir futbolchi ham o'z vazifasini bajarishi va bor kuchini berishga tayyor bo'lishi kerak.

Bizda, albatta, o'zimizga yarasha kamchiliklar bor. Lekin eng muhimi — har bir futbolchi o'z vazifasini to'g'ri bajarishi va jamoa uchun borini berishi kerak. Men futbolchilarimga ishonaman.

Bugun ustozingizga qarshi maydonga tushdingiz. Keyingi turda esa «Bunyodkor» jamoasiga qarshi o'ynaysiz. Qanday o'yin kutyapsiz?

Bizni oldinda kubok o'yini ham kutib turibdi. Albatta, futbolda hech narsani oldindan aytib bo'lmaydi. Agar kimdir natijani oldindan aniq bila olganida, ehtimol, u jahon chempioni bo'lar edi.

Har safar chempionlar va kuchli jamoalar o'zgarib turayotgan ekan, demak, biz ham doimo ishlashimiz va har bir o'yinga jiddiy tayyorgarlik ko'rishimiz kerak.

«Bunyodkor»ga qarshi ham qiziqarli va mazmunli o'yin bo'ladi, deb o'ylayman. Biz har bir uchrashuvga alohida tayyorgarlik ko'ramiz va maydonga maksimal natija uchun chiqamiz.

Superliga, 19-tur

Qo'qon-1912 1:0 Buxoro

Asta sekinlik bilan maydondagi ustunlikni qaytarmoqdamiz

«Buxoro» jamoasi tarkibiga yaqinda kelib qo’shilgan tajribali futbolchi Quvondiq Ro’ziyev kecha debyut uchrashuvini o’tkazib, o’z hisobiga assist yozdirib qo’ydi. Mahoratli futbolchi klub matbuot xizmatiga intervyu berib, dastlabki taassurotlari bilan o’rtoqlashdi.

– Quvondiq aka, avvalambor «Buxoro» tarkibidagi debyut uchrashuvingiz va qo’lga kiritilgan ishonchli g’alaba bilan tabriklaymiz! Birinchi o’yiningizda chiroyli assistni amalga oshirdingiz. Dastlabki taassurotlaringiz qanday?

– Avvalambor Buxoro ahlini muhim g’alaba bilan tabriklayman. Barcha futbolchilar murabbiylarimiz ko’rsatmalarini astoydil bajarishga harakat qildi va o’ylagan rejalarimiz amalga oshdi. O’yin oxirigacha sabr qildik va ijobiy natijani qo’lga kiritdik. Debyut uchrashuvimda jamoam g’alabasiga hissa qo’shganimdan xursandman.

– Jamoamiz tarkibiga kelib qo’shilganingizga hali ko’p bo’lmadi, moslashish jarayonlari qanday kechmoqda?

– Jamoaga asta-sekin moslashyapman. Bu yerda ham oldin bir jamoada harakat qilgan bir nechta do’stlarim bor. Ko’rinib turibdi, jamoamiz juda ahil va yaxshi kollektiv yig’ilgan, shu sababli moslashish jarayoni oson kechmoqda.

– «Buxoro» jamoasiga transfer oynasining so’nggi kunida kelib qo’shildingiz. Jamoamizga kelish varianti qanday paydo bo’ldi? Qaror qabul qilishda nimalar muhim bo’ldi?

– Jamoaga kelishimga direktorimiz Shavkat Salomovning hissasi katta bo’ldi. Murabbiy meni o’z jamoasida ko’rishni xohlashini tushuntirdi. Shu sababli jamoaning ko’rsatayotgan o’yini va turnir jadvalidagi o’rnidan kelib chiqib, «Buxoro» taklifini o’ylab o’tirmasdan qabul qildim.

– Ayni vaqtda «Buxoro» jamoasi musobaqa jadvalida kuchli uchlikda bormoqda. Jamoaning potensialini qanday baholaysiz?

– Jamoamizning yuqori uchlikda turishi to’satdan bo’lib qolgani yo’q. Buning tagida katta mehnat bor, nafaqat futbolchilar, murabbiylar, butun rahbariyat, hammaning mehnati yotibdi. Shu sababli hozirgi kunda Superligada yuqori o’rinlarda bo’lish men o’ylaymanki, ajoyib natija. Chunki «Navbahor», «OKMK», «Nasaf» kabi kuchli jamoalar bilan qizg’in kurash kechmoqda va bu oxirigacha davom etsa kerak.

– Keyingi turda sobiq jamoangiz «Neftchi» klubiga qarshi maydonga tushamiz. Mazkur bellashuvdan nimalar kutyapsiz?

– Albatta, amaldagi chempionlarga qarshi o’ynash har doim qiziq bo’ladi. Menimcha, o’yin kuni muxlislar stadionni to’ldirishadi. Tabiiyki, biz muxlislar qarshisida har doim g’alaba uchun to’p suramiz. Muxlislar qo’llab-quvvatlashi bizga qo’shimcha kuch bag’ishlaydi. Shu sababli g’alaba qozonish uchun bizda imkoniyat bor deb o’ylayman va buning uchun maydonda bor kuchimizni ishga solamiz.

– Buxorolik muxlislar mavsum davomida sizdan ko’p narsa kutishadi. Boisi jamoamiz tarkibidagi eng tajribali futbolchilardan biri siz…

– Buni juda yaxshi his qilib turibman. Jamoaga yordam berish uchun kelganman. Bu har bir futbolchining vazifasi deb o’ylayman. Jamoa chempionat oxirida kuchli uchlikdan joy olishi uchun bor kuchim bilan harakat qilaman. Muxlislar ishonchi uchun katta rahmat aytib qolaman.

Quvondiq Ro'ziyev faoliyatini Buxoro jamoasida davom ettiradi 🔵

“Buxoro” jamoasi transfer oynasining so'nggi kunida tajribali yarim himoyachi Quvondiq Ro'ziyevni o'z safiga qo'shib oldi. ✅

Birinchi davrada “Navbahor” safida to'p surgan futbolchi “Buxoro” bilan shartnoma imzoladi.

Ma'lumot uchun, Quvondiq Ro'ziyev 1994-yilda tavallud topgan. Faoliyati davomida “Lokomotiv”, “Turon”, “Qo'qon-1912”, “Sri Pahang” (Malayziya), “Neftchi” hamda “Navbahor” kabi klublar safida to'p surgan. Ro'ziyev futbolchilik faoliyatida 300 dan ortiq rasmiy bellashuvlarda maydonga tushgan.

Klub rahbariyati va murabbiylar shtabi Quvondiq Ro'ziyevning ulkan tajribasi va mahoratiga, yangi marralarni zabt etishda, hal qiluvchi pallalarda ishonchli o'yin ko'rsatib, jamoaning g'alabalari va yutuqlarini mustahkamlashda muhim rol o'ynashiga ishonch bildiradi.

“Buxoro” ahil oilasiga xush kelibsan, Quvondiq! 🔵

Jamoamiz bosh murabbiy Aleksandr Xomyakovning uchrashuv haqida fikrlari:

Kutganimizdek, o‘yin juda og‘ir kechdi. Ayniqsa, bahsning so‘nggi daqiqalari juda keskin o‘tdi. Bu oson o‘yin bo‘lmasligini avvaldan bilardik. Yigitlarga rahmat aytaman. Ular uzoq vaqtdan keyin o‘z maydonimizda o‘ynashdi va muxlislarimizni xursand qilishni istashdi. Birinchi bo‘limda, ayniqsa uning boshlanishi va o‘rtalarida rejalashtirgan ishlarimizning ko‘pi amalga oshdi, yaxshi imkoniyatlar yaratdik. Ammo ikkinchi bo‘limda, ayniqsa o‘yin oxirida, son jihatidan ustun bo‘lishimizga qaramay, kelishilgan rejadan chetga chiqib ketdik. Hujum qilish o‘rniga hisobni saqlab qolishga harakat qilib, past blokda himoyalanishga o‘tib oldik. Yaxshiyamki, hisobni saqlab qolishga erishdik. Eng muhimi, bugun uch ochkoni qo‘lga kiritganimizdan xursandman.

— Bugungi g‘alaba bilan tabriklaymiz. Raqib bir kishi kam bo‘lib qolganidan keyin nega qarshi hujumlar kamayib ketdi? Bu hisobni saqlab qolish uchun qilingan taktika edimi yoki futbolchilar berilgan vazifani bajara olishmadimi? Qarshi hujumlarda tezlik yetishmadi, ko‘p holatlarda to‘pni ushlab qolish bilan cheklanishdi.

Ikkinchi bo‘lim boshlarida raqib darvozasi oldida imkoniyatlarimiz bo‘lmadi, deb aytolmayman. Lekin 60-daqiqalardan keyin jismoniy jihatdan kuch yetishmay qoldi. Raqibning zaxiradan tushgan futbolchilari o‘yinga yaxshi kirishdi va himoyamizga katta bosim o‘tkazishdi. Bizda esa zaxiradan tushgan futbolchilar o‘yin ritmiga to‘liq moslasha olishmadi va jamoaga kutilgan darajada yordam bera olishmadi. Shuning uchun ham aytamanki, bu juda og‘ir o‘yin bo‘ldi, oxirgi daqiqalari esa haqiqiy asab sinoviga aylandi. Afsuski, ikkinchi bo‘limda asosan himoyalanishga majbur bo‘ldik. Ammo eng muhimi — natijani saqlab qoldik. Hozirgi vaziyatda uch ochko olganimizdan mamnunman. Balki ayrim vaziyatlarda mahorat yetishmadi, ayrim paytlarda esa sabr kamlik qildi. Lekin futbolchilarning fidoyiligi har doimgidek yuqori darajada bo‘ldi. Ular bor kuchini maydonda qoldirishdi.

— Filipovichni qachon maydonda ko‘rishimiz mumkin? Uning jarohati haqida ham ma’lumot bersangiz.

Filipovich tiklanish jarayonini deyarli yakunladi. Ma’lumotlarga ko‘ra, u to‘liq sog‘ayish arafasida va yaqin kunlarda jamoa mashg‘ulotlariga qaytadi. U tezroq safga qaytib, avvalgidek jamoaga yordam berishini umid qilyapmiz.

— Yaqinda Bashelaishvili jamoani tark etdi. Uning o‘rniga akademiyadan yana futbolchi jalb qilish imkoniyati bormi? Iqtidorli o‘yinchilar ko‘p, ammo hozircha faqat ikki nafar yosh futbolchiga imkoniyat berilmoqda. Buning sababi nimada?

Biz Bashelaishvili bilan shartnomani bekor qildik. Uning o‘rniga boshqa futbolchini jalb qilish masalasini hozircha ko‘rib chiqmayapmiz. Albatta, jamoani kuchaytirish uchun kamida yana bir-ikki nafar futbolchi kerakligini yaxshi tushunaman. Hozircha vaziyat shu.

— Jamoa nega 90 daqiqa davomida bir xil sur’atda o‘ynay olmayapti? Buning asosiy sababi nima, deb o‘ylaysiz?

O‘zi qaysi jamoa 90 daqiqa davomida bir xil tempda o‘ynay oladi? Buning iloji yo‘q. Biz kuchga asoslangan futbol o‘ynaymiz. Hozirgi iqlim va ob-havo sharoiti butun o‘yin davomida doimiy pressing va bosim o‘tkazish imkonini bermaydi. Qolaversa, «Lokomotiv»ga qarshi tinimsiz bosim bilan o‘ynash ham xavfli. Ular pressingdan yaxshi chiqib keta oladi va himoya ortida katta bo‘shliqlar qoldirishimizga sabab bo‘ladi. Bu esa katta tavakkalchilik. Faqat chiroyli futbol ko‘rsatish uchun ochilib o‘ynab, keyin o‘z darvozamiz oldida muammoga duch kelishning hech qanday ma’nosi yo‘q. Ayni paytda taqvim juda zich, ob-havo ham og‘ir. Futbolchilarni to‘liq tiklab olishga ulgurmayapmiz. Jarohatlar, charchoq — bularning hammasi to‘planib bormoqda. Amalda deyarli bir xil tarkib bilan o‘ynayapmiz. Futbolchilar robot emas, ular ham inson. Shuning uchun ulardan har doim bir xil darajadagi tempni talab qilish qiyin. Shu bois yana bir bor yigitlarga bugungi maydonda ko‘rsatgan fidoyiligi uchun minnatdorchilik bildiraman.

«Andijon» klubi yozgi transferlar vaqtida tarkibiga qo'shib olgan 25 yoshli himoyachi Nodirxon Ne'matxonov jamoaga moslashuv jarayoni va kelajakdagi maqsadlari haqida gapirib o'tdi.

«Andijon»ga qo'shilganimdan juda xursandman. Murabbiylar shtabi tomonidan menga taklif bo'ldi. Eng zo'r variant, o'zimga ham «Andijon» juda yoqadi. Birinchi navbatda muxlislari. Bunday ishqibozlari bor jamoada o'ynash har qanday futbolchining orzusi deb o'ylayman. Chunki bunday atmosferada futbolchi maza qiladi. O'ylab o'tirmasdan bu taklifga rozi bo'ldim.

Ne'matxonov klubdagi infratuzilma va mashg'ulotlar darajasiga yuqori baho berdi:

«Andijon» haqida menda ma'lumot bor edi. Ammo bu yerga kelib futbol uchun hamma sharoit borligini ko'rib o'zim ham hayron qoldim. O'zbekistonda futbol shunchalik o'sayotganiga yana amin bo'lyapman. Bu yerdagi bazada hamma narsa futbol uchun. Mashg'ulotlar professional darajada. Tiklanish jarayonlari, trenajyor zali, basseyn – hamma narsa zo'r.

Himoyachi jamoa safidagi tajribali futbolchilardan o'rganishga tayyorligini ham ta'kidladi:

Bu yerda futbolchilarning saviyasi juda yuqori. O'yindan-o'yinga hamma ochilib boryapti. O'zini nimaga qodirligini ko'rsatyapti. Menga bulardan o'rganadigan narsam ko'p. Islom To'xtaxo'jaev, Nemanya Chalasan kabi futbolchilar ancha tajribali himoyachilar. Ulardan ko'p narsa o'rganyapman, menga yoqyapti.

"Lokomotiv" bosh murabbiyi Mirko Yelichich o'tgan o'yin borasida o'z fikrlari bilan o'rtoqlashdi:

"O'yinni ko'proq nazorat qilgandik. Ikki ochko yo'qotdik"

Rasman! Azizxon Isaqov “Buxoro” jamoasi futbolchisi!

Ikkinchi davra oldidan tarkibni kuchaytirish va sog’lom raqobatni shakllantirish maqsadida jamoamiz ilk transferni amalga oshirdi! ✅

Mavsumning birinchi qismini “Qo’qon-1912” jamoasida o’tkazgan iqtidorli darvozabon Azizxon Isaqov endilikda jamoamiz sharafini himoya qiladi!

Ma’lumot uchun Azizxon Isaqov
23-dekabr 2000-yilda tavallud topgan. “Paxtakor” akademiyasi tarbiyalanuvchisi faoliyati davomida “Paxtakor”, “Surxon”, “Qo’qon-1912” kabi klublar darvozasini qo’riqlagan. Klublar miqyosida jami 72 uchrashuv o’tkazib, 25 ta o’yinda darvozasi daxlsizligini saqlab qolgan.

Klub rahbariyati va murabbiylar shtabi Azizxon Isaqovning iqtidori va mahorati yangi marralarni zabt etishda, hal qiluvchi pallalarda ishonchli o‘yin ko‘rsatib, jamoaning g‘alabalari va yutuqlarini mustahkamlashda muhim rol o‘ynashiga ishonch bildiradi.

⚽️ O’zFHM mutaxassislari “Buxoro” jamoasi a’zolari bilan uchrashdi.

Bugun 🔵 “Buxoro” futbol klubi qarorgohida O‘zbekiston futbol hakamlar markazi direktori Ma’mur Saidkasimov hamda mamlakat hakamligini rivojlantirish yo‘nalishida mas’ul etib tayinlangan Farhod Abdullayevlar tashrif buyurib, jamoa a’zolari bilan ochiq muloqot o‘tkazdi.

Ma’lumot o‘rnida, Farhod Abdullayev 2021–2026-yillar davomida Saudiya Arabistonida hakamlar departamenti boshlig‘i sifatida faoliyat yuritgan. Endi esa u yurtimizga qaytib, O‘zbekistonda hakamlik tizimini yanada rivojlantirish va takomillashtirish jarayonida mas’uliyatli vazifaga tayinlandi.

Uchrashuvda “Buxoro” klubi rahbariyati, murabbiylar shtabi, futbolchilar hamda muxlislar ishtirok etdi. Suhbat davomida hakamlik va VAR tizimiga oid dolzarb masalalar ochiq muhokama qilindi, ishtirokchilar o‘zlarini qiziqtirgan savollarga javob oldilar.

Mutaxassislar tomonidan ekranda turli o‘yin epizodlari namoyish qilinib, ularning hakamlik nuqtayi nazaridan tahlili ham o‘tkazildi. Bu esa uchrashuvni oddiy muloqotdan ko‘ra amaliy va mazmunli tus olishiga xizmat qildi.

Shuningdek, endi klublar hakamlik bilan bog‘liq savol, taklif yoki tushunmovchiliklar yuzaga kelgan taqdirda maxsus platforma orqali murojaat qilishlari va tegishli mutaxassislardan javob olishlari mumkinligi ma’lum qilindi.

O‘zbekiston futbol hakamlar markazi vakillari klublar bilan bevosita muloqotlarni davom ettirishini, bildirilgan fikr va takliflar esa hakamlik tizimini takomillashtirish jarayonida inobatga olinishini ta’kidladi.

Sherzod Esanov — milliy terma jamoadagi ilk gol!

“Buxoro” jamoasi to‘purari Sherzod Esanov yakuniga yetgan O‘zbekiston 4:1 Suriya bellashuvida milliy terma jamoamiz safida ilk bor asosiy tarkibda maydonga tushib, o‘zining debyut golini kiritdi! 🔥

Futbolchimizni ushbu muhim natija bilan muborakbod etamiz! Sherzodga kelgusida bundan-da ulkan zafarlar, yangi gollar va muvaffaqiyatlar tilaymiz!

Uchrashuvdan so‘ng jamoamiz yetakchisi Sherzod Esanov o‘z fikrlarini bildirib o‘tdi.

O‘zbekiston milliy terma jamoasi 21-sentyabr kuni navbatdagi o‘quv-mashg‘ulot yig‘inini boshlaydi. Bosh murabbiy Fabio Kannavaro jamoamizning ikki nafar a’zosi - Muhammad Hakimov hamda Azizbek To‘lqinbekovni ham mazkur yig‘inga jalb qildi. Terma jamoamiz yig‘in doirasida Eron, Suriya hamda Koreya Respublikasiga qarshi xalqaro o‘rtoqlik uchrashuvlarida maydonga tushadi. Osiyo chempionatiga tayyorgarlik ko‘rayotgan termamiz va “qaldirg‘ochlarimiz”ga omad va zafarlar tilab qolamiz!

Fabio Kannavaro boshchiligidagi O‘zbekiston milliy terma jamoasi yig‘inga kirishadi.

O‘zbekiston milliy terma jamoasi 21-sentyabr kuni navbatdagi o‘quv-mashg‘ulot yig‘inini boshlaydi.

Yig‘in doirasida terma jamoamiz Eron, Suriya hamda Koreya Respublikasiga qarshi xalqaro o‘rtoqlik uchrashuvlarida ishtirok etadi. Bosh murabbiy Fabio Kannavaro tomonidan yig‘inga jalb etilgan futbolchilar ro‘yxati bilan tanishing.

Ma’lumot uchun: O‘zbekiston olimpiya terma jamoasining 5 nafar futbolchilari mazkur yig‘inga jalb qilingan. Biroq, ushbu futbolchilar ayni paytda Yaponiyada bo’lib o’tayotgan Osiyo o’yinlarida ishtirok etmoqda.

Eslatib o‘tamiz: Eronga qarshi uchrashuv chiptalarini “Istiqlol” stadioni kassalarida hamda iTicket.uz'ning Toshkent shahridagi sotuv shoxobchalaridan xarid qilishingiz mumkin.

70 🔵 Navbahorda o'zgarishlar

Vanja Ilich, Ruslanbek Jiyanov, Benjamin Teydi.

Husayn Norchayev, Alex Fernandes, Asadbek Raximjonov.

So'nggi yangiliklar

Toshkentda “Lokomotiv”ga mag‘lub bo‘ldik

“Mash’al” U21 safarda mag‘lub bo‘ldi

Jamoamizdan yirik hisobda g'alaba!

Mirko Yelichich: To‘liq 90 daqiqa yopiq futbol o‘ynab bo‘lmasligini bilardik

Mirko Yelichich: - "Mash’al"ni oxirigacha kurashayotgani bilan tabriklayman. Ular maydonda qo‘rqmay harakat qilishmoqda. O‘yin oson kechmadi. To‘liq 90 daqiqa "yopiq" futbol o‘ynab bo‘lmasligini bilardik. Baribir zonalar ochilib qolardi. To‘xtovsiz bosim qilishimiz kerak muhim edi.

- Jamoa to‘rtinchi o‘ringa ko‘tarilib oldi. Bu siz uchun nimani anglatadi?
- To‘qqizta o‘yin qoldi. Biz musobaqa jadvaliga qaramayapmiz. O‘yinimizni yaxshilashni maqsad qilganmiz. Birinchi navbatda jamoa o‘yini va uni yaxshilash. Shunda ko‘nglim to‘ladi.

- Demak, bugungi o‘yindan qoniqdingizmi?
- Menga nechanchi o‘rinni egallashimiz muhim emas, ochig‘i. Muhimi, ushbu mavsumdan ko‘proq futbolchilarni tarbiyalash. Faqat egallaydigan o‘rnimiz eng muhimi emas.

- Ja’far Bahodirovni maydonga tushirishingizga sabab hisob bo‘ldimi yoki o‘yindan oldin ham shuni reja qilganmidingiz?
- Jamoaga ko‘proq kuch kerak edi. Temurxo‘ja va Sardor charchab qolishdi. Abduholiqov to‘psiz ham ko‘p harakat qilmoqda. Ja’far esa kuchga to‘la bo‘lib maydonga tushdi.

- To‘rt kundan so‘ng Kubokda "Bunyodkor" bilan o‘ynaymiz, keyin esa besh kun o‘tar-o‘tmas "Neftchi" bilan. Tiklanishga vaqt yetyaptimi?
- Yo‘q. Shunchaki qanday tiklanish tizimi o‘zgaradi. Biz hozir e’tiborni o‘yindagi jarayonlarga qaratdik. Shuning uchun, hozir qanday yo‘l tutishni bilamiz. "Bunyodkor"ga qarshi "Mash’al" bilan qilgan o‘yinimizni qilmaymiz.

- Yelichich jamoalari juda barqaror o‘yin namoyish etadi va sekinlik bilan o‘yinni yaxshilab boradi. Qaysi mashhur murabbiylarni kuzatasiz va ulardan nimalarni o‘rganasiz?
- Mening sevimli jamoam - "Liverpul". Klopp davridagi futbol yoqardi. Juda intensiv edi. O‘yinni nazorat qilish bo‘yicha esa "Barselona", o‘z vaqtida Byelsa ham "Lids"da yaxshi ishlagandi. Hozir "Komo"ni misol sifatida keltira olaman. Fabregas ko‘p narsani o‘zgartirdi. Men uchun muhimi pozision o‘yin.

Superliga, 21-tur. Lokomotiv o'z maydonida Mash'alni 3:0 hisobida mag'lub etdi.

Gollar: Temurxo'ja Abduxoliqov, 56 (1:0), Temurxo'ja Abduxoliqov, 85 (2:0), Jafar Bahodirov, 90+1 (3:0).

Superliga - 2026. 21-tur

Buxoro - Navbahor

1:4

No comment....

O‘yin haqida fikrlaringiz

Assalomu alaykum. Qiziqarli va murosasiz o‘yin bo‘ldi. Har ikki jamoaga ham ochko juda zarur edi. Shunga qaramay, yaxshi futbol namoyish etildi.

Men uchun “Bunyodkor” jamoasi begona emas. Ularning futbol falsafasi va o‘yin uslubini yaxshi bilaman. Qaysi tarkib bilan maydonga tushishidan qat’i nazar, ular doimo yaxshi futbol ko‘rsatishga harakat qiladi.

Bizning futbolchilar ham bugun yaxshi o‘yin namoyish etishdi, juda katta mehnat qilishdi. Ular bu uchrashuvda bizga ochko qanchalik muhimligini yaxshi anglashgan edi.

Termizdan kelib, jamoamizni qo‘llab-quvvatlagan muxlislarimizga alohida minnatdorchilik bildiraman. Ularning yordami biz uchun juda muhim.

“Surxon” so‘nggi o‘yinlarda gol ura olmayapti. Jamoaga hujumchi qanchalik yetishmayapti?

Buni faqat men emas, statistika ham ko‘rsatib turibdi. Bu muammo nafaqat bizda, balki ko‘plab jamoalarda ham mavjud.

Albatta, kerakli vaziyatlarda maydonning holati ham o‘z ta’sirini ko‘rsatishi mumkin. Olmaliqdagi stadion maydonida biroz notekislik va namlik bor edi. Lekin bu bizning vaziyatlardan foydalana olmayotganimizga asosiy sabab bo‘lmasligi kerak.

Biz juda ko‘p vaziyatlar yaratyapmiz. Mirjalol Qosimov ham ta’kidlaganlaridek, jamoamiz yetarlicha imkoniyatlar yaratyapti, ammo yakuniy nuqtada muammo bor.

Bugun ham yaxshi vaziyatlar yaratdik, lekin ularni golga aylantirishda qiynaldik. Yosh futbolchilarimiz bor, ammo ularga vaqt kerak. Agar ular mavjud imkoniyatlardan samarali foydalana olishsa, balki bugun boshqa darajada — legioner sifatida faoliyat yuritayotgan bo‘lishardi.

Biz ishlashda davom etamiz. Balki jamoamiz uchun yana yangi futbolchi kashf etarmiz.

“Guliston”ga qarshi o‘yinda kutilmagan natija qayd etildi va jamoa kubokni tark etdi. Bunga nima sabab bo‘ldi?

Bu natija kimlargadir kutilmagan tuyulishi mumkin. Ammo “Guliston” juda yaxshi shakllangan jamoa.

Guruh bosqichida “Buxoro” ham ushbu jamoaga mag‘lub bo‘lgan edi. “Buxoro” har bir uchrashuvga astoydil tayyorgarlik ko‘radigan, juda ahil jamoalardan biri. Har bir futbolchisi o‘yin oxirigacha bor kuchini berishga harakat qiladi. Ularni shartli ravishda “Bavariya”ga o‘xshatish mumkin — mashinadek bir maromda harakat qiladigan jamoa. Ammo ular ham “Guliston”ga mag‘lub bo‘lishdi. Bizning o‘sha uchrashuvimizda ham vaziyatlar bo‘lgan, biroq ulardan foydalana olmadik. Futbolda bunday holatlar bo‘lib turadi. Qaysi jamoa doimo yutadi? Hatto “Real Madrid” ham quyi liga vakiliga mag‘lub bo‘lgan holatlar bor. Menimcha, futbolning qiziq tomoni ham shunda.

“Surxon” “Guliston”ga qarshi o‘yinga raqibni mensimasdan tushgan degan fikrga qo‘shilasizmi?

Yo‘q, bunga qo‘shilmayman. Bizning tarkibimizda yosh futbolchilar ham maydonga tushdi. Ularga qachondir imkoniyat berishimiz kerak.

Biz deyarli bir tarkib bilan o‘yinlar o‘tkazib kelyapmiz. Futbolchilarga dam berishimiz, yoshlarimizga ham ishonch bildirishimiz zarur.

Xudo ko‘rsatmasin, asosiy tarkibdagi biror futbolchi jarohat olsa yoki kartochkalar sababli maydonga tusha olmasa, uning o‘rniga kimni tushiramiz? Yosh futbolchiga imkon bermasak, u o‘z-o‘zidan tajriba orttirmaydi.

Yosh futbolchi “Menga o‘n ta o‘yindan beri imkon berishmayapti, ammo birdaniga mendan katta natija talab qilishyapti”, deb o‘ylashi mumkin. Bu esa to‘g‘ri emas.

Biz ularga imkoniyat berishimiz, ishonishimiz kerak. Besh qo‘l barobar emas, albatta. Lekin har bir futbolchiga imkoniyat berib, uning imkoniyatlarini ko‘rishimiz zarur. “Guliston”ga qarshi uchrashuvda ham vaziyatlar bo‘lgan.

Birinchi bo‘limda standart vaziyatlar ko‘p bo‘ldi, ammo ulardan foydalana olmadi jamoa. Ikkinchi bo‘lim esa qiziqarliroq kechdi. Zaxiradan maydonga tushgan futbolchilar o‘yinga qanchalik ta’sir ko‘rsatdi?

Biz har bir futbolchimizga ishonishimiz kerak. Ularga asta-sekin imkoniyat berib borishimiz zarur. Agar imkoniyat bermasak, ular tajribani qanday orttiradi? PlayStation o‘ynab o‘rganishmaydi-ku. Ular maydonga tushishi, xato qilishi va shu xatolar ustida ishlashi kerak.

Keyin biz ularni tahlil qilib, xatolarini ko‘rsatib, tushuntirishimiz lozim.

Navbahor klubi matbuot va media xizmati talqiniga ko'ra "Navbahor" - "Lokomotiv" (1:1) uchrashuvining eng yaxshi futbolchisi - Husayn Norchayev ⭐️

Superliga. 20-tur

Navbahor 1:1 Lokomotiv

Gollar: Husayn Norchayev, 40 (1:0).

Avgust oyining eng yaxshi futbolchisi — Lyupcho Doriyev (So‘g‘diyona)

⚽ Avgust oyining eng yaxshi murabbiyi — Timur Kapadze (Navbahor)

⚽️ Superliga. Avgust oyining eng yaxshi futbolchisi (nomzodlar)

🔵 Husayn Norchayev (Navbahor) — 5 o‘yin, 6 gol

⚪️ Lyupcho Doriyev (So‘g‘diyona) — 5 o‘yin, 5 gol, 3 assist

🔴 Suhrob Nurulloyev (Lokomotiv) — 5 o‘yin, 2 gol, 2 assist

🔵 Vladimir Rodich (Buxoro) — 5 o‘yin, 3 gol, 1 assist

🟢 Vladimir Yovovich (Neftchi) — 5 o‘yin, 5 assist

Buxoro futbol klubi safida 2023-yilgi mavsumda to‘p tepgan ukrainalik futbolchi Aleksandr Kasyanning vafoti munosabati bilan marhumning oila a’zolari, yaqinlari va barcha muxlislariga chuqur hamdardlik bildiramiz.

⚽️ Superliga. Avgust oyining eng yaxshi murabbiyi (nomzodlar)

🔵 Timur Kapadze (Navbahor) — 5 o‘yin, 5 g‘alaba, to‘plar farqi 13:4

🟢 Islom Ismoilov (Neftchi) — 5 o‘yin, 3 g‘alaba, 1 durang, 1 mag‘lubiyat, to‘plar farqi 12:4

🔵 Aleksandr Xomyakov (Buxoro) — 5 o‘yin, 3 g‘alaba, 2 durang, to‘plar farqi 11:5

⚪️ Ulugʻbek Baqoyev (Soʻgʻdiyona) — 5 o‘yin, 4 g‘alaba, 1 mag‘lubiyat, to‘plar farqi 9:6

🔵 Buxoro klubi XXI asrdagi eng yaxshi mavsumini o‘tkazmoqda. Jamoa 19 turdan so‘ng 34 ochko to‘plagan bo‘lib, mazkur natija klub tarixidagi uchinchi eng yaxshi start bo‘lmoqda.

🔙 Faqatgina 1995 va 1996-yilgi mavsumlarda Buxoro jamoasi 19 turdan so‘ng hozirgidan ko‘proq ochko jamg‘arishgan edi. Har ikkalasida ko‘hna shaharliklar mavsumni 5-pog‘onada yakunlagan. Sizningcha, Aleksandr Xomyakov jamoasi mavsum so‘ngida qaysi o‘rindan joy oladi?

Kecha bo'lib o'tgan Qo'qon-1912 — Buxoro uchrashuvi Aleksandr Xomyakov uchun O'zbekiston Superligasida bosh murabbiy sifatidagi 250-o'yini bo'ldi. 🔵

Superliga 19-turidan o'rin olgan "Qo’qon-1912" – "Buxoro" (1:1) uchrashuvidan keyin "Buxoro" bosh murabbiyi Aleksandr Xomyakov matbuot anjumanida ishtirok etdi.

Aleksandr Xomyakov: “Futbolni tushunadiganlar bunday bahsda durang qayd etish omadli natija deb hisoblashadi. Shu sababli yigitlarga rahmat, taslim bo'lishmadi. Natija adolatli deb o'ylayman.

- O'yin davomida hakamning qarorlaridan norozi bo'ldingiz va sariq kartochka bilan jazolandingiz.

- Hammaga sariq berishdi, hatto qizil kartochka ham ko'rsatishdi. Futbolchi markazda o'ynayapti, atrofi to'la o'yinchi. U qaerga qochib keta oladi? Hujumni to'xtatish… Qanaqa hujumni to'xtatish? Balki “traktovka”lar o'zgargandir. Har safar yangi nimadir chiqadi. Hozir hujumchilaga juda oson. Ular shunchaki tirsakni topadi va yiqiladi. Futbol hozir baletga yaqinlashib boryapti.

- “Neftchi” bilan bahsdan so'ng sovrinli o'rinlar uchun kurashamiz degandingiz. Bunday o'yin bilan medallar uchun kurashish mumkinmi?

- Medallar uchun kurashish haqida gapirganimni eslay olmadim. Balki boshqacha tarjima qilishgandir. Bunday o'yin? Qolgan jamoalar bu stadionda yaxshiroq o'ynayaptimi? Bu yerda qandaydir futbol ko'rsatish qiyin. Tepada qolishga harakat qilamiz deganman va bu ishni uddasidan chiqyapmiz.

- “Neftchi” bilan bahs oxirida “Buxoro” futbolchilari to'p bilan raqib ustidan kulishni boshladi. Bu sizning ko'rsatmangizmidi?

- Bitta shunaqa vaziyat bo'ldi. Shu haqida aytayotgan bo'lsangiz kerak. Hammamiz insonmiz, hammamizda hissiyotlar bor. To'g'ri, hunuk vaziyat bo'ldi. Hammamiz hissiyotga berilamiz.

- “Qo'qon-1912”ning maydoni holati “Buxoro” o'yini sifatiga ta’sir qildimi?

- O'zingiz ko'rib turibsizku. Nima deyishimni xohlayapsiz? O'ynashga ruxsat berishyaptimi, demak mumkin. Maydon hamma uchun bir xil edi. Hozir ko'plab maydonlarning sifati buzilgan.

Superliga 17-turidan o'rin olgan "Buxoro" – "OKMK" (2:0) uchrashuvidan keyin "Buxoro" bosh murabbiyi Aleksandr Xomyakov matbuot anjumanida ishtirok etdi.

Avvalo, sizlarni ham g‘alaba bilan tabriklayman. O‘yin juda og‘ir kechdi. Albatta, oson bo‘lmasligini oldindan taxmin qilgandik. Raqib jamoa, mening nazarimda, yaxshi o‘yin ko‘rsata oladigan jamoalardan biri. Ularga qarshi harakat qilish juda qiyin bo‘ldi.

Yaxshiyamki, yana bir bor yigitlar sabr-toqat namoyon qilishdi. Bugun sabr qilish, o‘z imkoniyatlarimizni kutish juda muhim edi. Biz aynan shu vaziyatlarni kutishimiz kerak edi.

Umuman olganda, hamma narsa ham reja bo‘yicha kechmadi. Birinchi taymda ikki nafar himoyachimizdan ayrildik. Keyin o‘yin oxirida yana bir himoyachimiz qizil kartochka oldi.

Shunga qaramay, juda hissiyotlarga boy, ko‘p kuch talab qilgan o‘yin bo‘ldi. Yana bir bor aytaman, yigitlar haqiqiy qahramonlik ko‘rsatishdi. O‘yin oxirigacha bardosh berib, g‘alabani qo‘lga kiritishdi. Buning uchun ularga katta rahmat aytaman.

Quvondiq Ro'ziyev Navbahor klubi bilan tuzilgan mehnat shartnomasini bekor qildi.

Mirko Yelichich: "Buxoro"ni g'alaba bilan tabriklayman. Bu jamoa turnir jadvalida 3-o'rinda turishi bejiz emas. Ularga qarshi o'ynash oson bo'lmagan. O'z navbatida futbolchilarimga ham rahmat aytaman. Bugun ikkala jamoa uch ochko uchun o'ynadi. Jamoamning kurashuvchanligidan mamnunman.

- Qizil kartochka haqida fikringiz.

Hozir kichik xatolar kechirilmayapti. Vaziyatni oldindan his qilish kerak edi. Bu vaziyat, ha, balki qizil kartochkadir. Lekin o'yinning bir qismi ekansan, barchasini his qilib turish kerak. Bugun ikkala jamoada ham e'tibor ko'proq hakamlarga qaratildi. Biroq bu narsa hech kimga yordam bermaydi.

🔵 Andijon klubidan yangi futbolchilarni ro‘yxatdan o‘tkazish taqiqi olib tashlandi.

«Buxoro» klubi o'z tarkibini yangi futbolchi bilan kuchaytirib oldi. Jamoa Azizxon Isaqovni rasman o'z safiga qo'shib olganini e'lon qildi.