So‘g‘diyona futbolchisi Petar Michin CA nashriga bergan intervyusida O‘zbekiston chempionati haqida o‘z fikrlarini bildirib o‘tdi.
So‘g‘diyona futbolchisi Petar Michin CA nashriga bergan intervyusida chempionatimiz haqida o‘z fikrlarini bildirib o‘tdi.
Oliy liganing qoldirilgan 15-tur uchrashuvida Sevinch So‘g‘diyona-W darvozasiga javobsiz 9 ta gol urib, yirik g‘alabani qo‘lga kiritdi.
Oliy liga. 15-tur (Qoldirilgan uchrashuv)
Sevinch 9:0 So‘g‘diyona-W
Lyudmila Karachik 10'
Diyora Habibullayeva 17', 26', 86'
Nilufar Qudratova 34', 84'
Ilvina Ablyakimova 43'
Zarina Norboyeva 53', 66'
Superliga 22-tur doirasidagi So'g'diyona hamda OKMK jamoalari o'rtasidagi uchrashuv durang bilan yakunlandi.
Superliga 22-tur doirasidagi So'g'diyona - OKMK uchrashuvi 0:0 hisobida yakunlandi.
Superliga 20-turidan o'rin olgan «So'g'diyona» – «Mash'al» uchrashuvidan so'ng muborakliklar bosh murabbiyi Sergey Lushchan matbuot anjumanida ishtirok etdi.
Sergey Lushchan: «Bu shunchaki uyat»
Superliga 20-turidan o'rin olgan «So'g'diyona» – «Mash'al» uchrashuvidan so'ng muborakliklar bosh murabbiyi Sergey Lushchan matbuot anjumanida ishtirok etdi.
Superliganing 20-turida So'g'diyona o'z maydonida Mash'alni 5:2 hisobida mag'lub etdi.
Superliga. 20-tur
So'g'diyona 5:2 Mash'al
O‘zbekiston Superligasida avgust oyining eng yaxshi futbolchisi nomi ma’lum bo‘ldi. Bu nomga "So‘g‘diyona" klubi vakili Lyupcho Doriyev loyiq ko‘rildi.
Avgust oyining eng yaxshi futbolchisi — Lyupcho Doriyev (So‘g‘diyona)
Superliga avgust oyining eng yaxshi futbolchisi bo'lishga nomzodlar ro'yxati e'lon qilindi.
⚽️ Superliga. Avgust oyining eng yaxshi futbolchisi (nomzodlar)
🔵 Husayn Norchayev (Navbahor) — 5 o‘yin, 6 gol
⚪️ Lyupcho Doriyev (So‘g‘diyona) — 5 o‘yin, 5 gol, 3 assist
🔴 Suhrob Nurulloyev (Lokomotiv) — 5 o‘yin, 2 gol, 2 assist
🔵 Vladimir Rodich (Buxoro) — 5 o‘yin, 3 gol, 1 assist
🟢 Vladimir Yovovich (Neftchi) — 5 o‘yin, 5 assist
O'zbekiston Superligasida avgust oyining eng yaxshi murabbiyi bo'lishga nomzodlar ro'yxati e'lon qilindi.
⚽️ Superliga. Avgust oyining eng yaxshi murabbiyi (nomzodlar)
🔵 Timur Kapadze (Navbahor) — 5 o‘yin, 5 g‘alaba, to‘plar farqi 13:4
🟢 Islom Ismoilov (Neftchi) — 5 o‘yin, 3 g‘alaba, 1 durang, 1 mag‘lubiyat, to‘plar farqi 12:4
🔵 Aleksandr Xomyakov (Buxoro) — 5 o‘yin, 3 g‘alaba, 2 durang, to‘plar farqi 11:5
⚪️ Ulugʻbek Baqoyev (Soʻgʻdiyona) — 5 o‘yin, 4 g‘alaba, 1 mag‘lubiyat, to‘plar farqi 9:6
O'zbekiston kubogi 1/8 finali doirasidagi So'g'diyona va QMU Jayxun uchrashuvi yakunlandi.
🚨 O'zbekiston kubogi. 1/8 final
⚪️ SO'G'DIYONA 2:0 QMU JAYXUN🟡
So'g'diyona bosh murabbiyi Jayxun ustidan qozonilgan g'alaba va jamoaning o'yini haqida fikr bildirdi.
So'g'diyona matbuot xizmati xabariga ko'ra:
O'yindan oldin yigitlarga har qanday raqibga hurmat bilan munosabatda bo'lish kerakligini aytgan edik. Kim bilan o'ynashimizdan qat'i nazar — Pro liga bo'ladimi yoki Superliga — barchaga hurmat bilan qarash lozim. Birinchi bo'limning dastlabki qismi biroz zerikarli o'tdi: to'p nazorati bo'ldi, ammo darvoza tomon xavfli hujumlar bo'lmadi. Birinchi bo'limning ikkinchi yarmida esa zarbalar berila boshladi, gol urdik. Ikkinchi bo'lim ham xuddi shu ssenariy bo'yicha davom etdi. 2:0 hisobida g'alaba qozonib, keyingi bosqichga yo'l oldik. Yigitlarga g'alaba uchun minnatdorchilik bildiraman. Endi O'zbekiston superligasining navbatdagi turiga tayyorgarlik ko'ramiz.
Jayxun jamoasi haqida ikki og'iz so'z... Yosh, istiqbolli yigitlar. Harakat qilishyapti, murabbiyning ko'rsatmalarini bajarayotgani ko'rinib turdi. Tartibli o'yin ko'rsatishdi. Ayrim vaziyatlarda, ayniqsa, uzoqdan berilgan xavfli zarbalar orqali gol urishlari ham mumkin edi. Umuman olganda, jamoa intiluvchan va umidli. O'ylaymanki, yaqin kelajakda ularning orasidan Superligada to'p suradigan futbolchilar yetishib chiqadi.
Neftchi futbolchilari Vladimir Yovovich, Nurmuhammad Abdug‘aniyev va Muxsinjon Ubaydullayevlar jamoa mashg‘ulotlari oldidan taqdirlandilar va tabriklandilar.
Jamoamiz navbatdagi uchrashuvga qizg‘in hozirlik ko‘rmoqda. Bugun kechki mashg‘ulotlar oldidan "Neftchi"-"So‘g‘diyona" bahsining eng yaxshi futbolchisi, deb topilgan Vladimir Yovovichga "Muxlislar mehri" sovrini tantanali ravishda topshirildi.
Shu bilan birga yaqinda tavallud ayyomini nishonlagan yosh himoyachimiz Nurmuhammad Abdug‘aniyev hamda kecha o‘g‘il farzand ko‘rgan tajribali himoyachimiz Muxsinjon Ubaydullayevlar ham jamoadoshlari tomonidan jonli koridor orqali tantanali ravishda olqishlandilar.
Superliga 18-tur yakunlariga ko'ra, turning ramziy terma jamoasi tarkibi ma'lum bo'ldi.
Superliga 18-tur yakunlariga ko'ra, turning ramziy terma jamoasi tarkibi ma'lum bo'ldi.
«So'g'diyona» bosh murabbiyi Ulug'bek Baqoev «Andijon»ga qarshi o'yindan keyin o'z fikrlari bilan o'rtoqlashdi.
«So'g'diyona» bosh murabbiyi Ulug'bek Baqoev «Andijon»ga qarshi o'yindan keyingi matbuot anjumanida ishtirok etdi.
— O'yinda ikki teng kuchli raqib o'zaro bahs olib bordi. Umuman olganda, butun uchrashuv davomida yaxshi, ishonchli o'yin bo'ldi. To'p nazorati, xavfli hujumlar ham «Andijon» tomonidan, ham bizning jamoa tomonidan bo'ldi. Birinchi taym — 0:0, ikkinchi taymda ham xuddi shunday holat kuzatildi. Ularda ham vaziyatlar bo'ldi, bizda ham.
Rostini aytsam, hisob 0:0 bo'lib qoladi, deb o'ylagandim. Ammo futbolchimiz mahorati va vaziyatni ijro etishi o'z so'zini aytdi. U gol urdi, juda chiroyli gol bo'ldi. Shuning uchun jamoamizni, futbolchilarimizni o'zini ayamagani, o'yin intizomi va g'alaba bilan tabriklamoqchiman! Endi keyingi o'yinga tayyorlanamiz. «Andijon» jamoasiga esa keyingi uchrashuvlarda omad va yaxshi o'yin tilayman.
— Bugungi kunga kelib, u yaxshi o'ynayapti, jamoaga foyda keltiryapti. Agar u bo'lmay qolsa, keyin bu savolga javob berishim mumkin. Hozir bu savolga javob berish qiyin. Menimcha, uning vaziyatlarni ijro etishi umuman olganda jamoaga natija olib kelyapti. Biz uning kuchli tomonlarini bilamiz. Shuning uchun uni ayrim o'yin vaziyatlaridan ozod qilishga harakat qilamiz, toki u uchrashuv davomidagi vaziyatlarni yakunlay olsin. Unda bu yaxshi chiqyapti. Agar Doriev bo'lmasa... bilmadim, qandaydir o'ynaymiz, ehtimol.
— Hozir bu haqda aniq aytish qiyin. Hozir shifokor o'z ishini qiladi, oyog'ini tekshirib ko'radi. Ertaga MRT qilishadi. Menimcha, tizzasida jiddiy jarohat yo'q. U yerda nimadir bo'lgan, xolos. Yaxshi natija bo'lishidan umid qilamiz. 👍
Murabbiy Andijonga qarshi kechgan bahs, Doriyevning o'yini va jarohat olgan Golban haqida fikr bildirdi.
O‘yin haqida fikringiz?
O‘ylaymanki, bugun ikkita teng kuchli jamoa o‘zaro bahs olib bordi. Har ikki jamoa to‘pni nazorat qilishga harakat qilib, vaziyatlar yaratishga urindi. Birinchi taymda ham, ikkinchi bo‘limda ham deyarli bir xil ssenariy takrorlandi. To‘g‘risi, men o‘yin 0:0 hisobida yakun topsa kerak deb o‘yladim. Lekin Doriyevning chiroyli goli jamoamizga g‘alaba keltirdi. Gʻalaba bilan muxlislarimizni tabriklayman. "Andijon" jamoasiga keyingi bahslarda omad. Endi biz navbatdagi uchrashuvga hozirlik ko‘ramiz.
Doriyev oxirgi uchrashuvlarda o‘zini ko‘rsatib kelmoqda va gollar uryapti. Doriyevsiz jamoani qanday tasavvur qila olasiz?
Ayni paytda Doriyev jamoamizda o‘ynayapti va ko‘p foyda keltiryapti. Doriyevsiz qanday o‘yin namoyish etishimiz haqida hozir biron gap ayta olmayman. Agar usiz o‘ynab ko‘rsak, shundan so‘ng gapirishim mumkin. Biz o‘yinchilarimizning kuchli-kuchsiz tomonlarini bilamiz. U o‘zini yaxshi ko‘rsatishi uchun kerak paytda ba’zi ishlardan ozod qilganmiz. Hozircha unda hammasi yaxshi ketyapti.
O‘yin oxirlarida Golban jarohat oldi. Uning holati qanday?
Bu borada shifokorimiz bilan hali to‘liq gaplashmadim. MRT qilgach hammasi oydinlashadi deb o‘ylayman. Menimcha, bu jarohat og‘ir emas. Tez orada safimizga qaytishiga umid qilamiz.
Samandarjon Mavlonqulov «So'g'diyona» jamoasi bilan shartnoma imzoladi.
⚪️ «So'g'diyona» klubi Samandarjon Mavlonqulovni o'z safiga qo'shib oldi.
Murabbiy mag'lubiyat sabablari, jamoa himoyasidagi muammolar hamda klubdagi moliyaviy qiyinchiliklar haqida o'z fikrlari bilan o'rtoqlashdi.
— O'yin haqidagi fikringiz?
— Fikr aytmasdan ketsa ham bo'ladi-ya (kuladi). Xo'sh, nimadir aytishning o'zi mushkul. 1:3 hisobida imkoniyatni boy berdik. Haqli mag'lubiyat bo'ldi, himoyada bunaqa o'yin ko'rsatmasligimiz kerak edi. Hozir nimadir orzu qila olmaymiz, ishlashda davom etamiz, oldimizda boshqa variant yo'q. Raqibni g'alaba bilan tabriklayman. Bugun g'alaba qozonganimizda bu biz uchun olti ochkoga teng bo'lardi. Lekin afsus...
— Bugun asosiy gollarni Lyupcho Doriyev urdi.
— Nega shunday bo'lganini Doriyevning o'zidan so'rash kerak. U yaxshi futbolchi. Agar unga jarima maydonchasi yaqinida zarba yo'llash imkonini bersangiz, odatda gol bilan tugaydi. Boshqalar ura olmadi, lekin Doriyev urdi.
— Azizbek Choriyevning o'yini haqidagi fikringiz?
— Markaziy himoyada muammolar borligi sabab shu futbolchini o'ynatdik. O'rinbosarlarimizdan to'rt nafari muntazam asosiy tarkib bilan shug'ullanib kelyapti. Xolmatovni, Choriyevni ko'rdingiz. Tez orada boshqa o'yinchilarni ham ko'rasiz. Choriyev himoyada zo'r o'ynadimi? Yo'q. Lekin birinchi o'yini bo'lgani uchun yomon emas.
— Ibrohimovning jarohati haqida?
— U tizzasidan jarohat oldi va tez orada sog'ayib safimizga qaytadi deb umid qilib qolamiz.
— "Bunyodkor" mablag' yo'qligi sabab safar o'yiniga bora olmadi. "Mash'al"da ham moliyaviy qiyinchiliklar bor. Klubning boshiga "Bunyodkor" holati tushmasmikin?
— "Bunyodkor"dagi vaziyatni to'liq bilmayman. Bizda esa holat boshqalar kabi, qariyb yarim yildan beri maosh olmayapmiz. "Bunyodkor" o'yinini boshqa kunga qoldirish imkoniyati ko'rib chiqilsa bo'lardi, yanayam aniqini bilmadim. Hammamiz vaziyat o'nglanishiga umid qilyapmiz. Superliganing yarim jamoasida qiyinchilik bor deb o'ylayman. Tez orada hammasi joyiga tushsa kerak.
Superliga 14-turidan o'rin olgan «Lokomotiv» – «So'g'diyona» uchrashuvidan so'ng mehmonlar bosh murabbiyi Ulug'bek Baqoyev matbuot anjumanida qatnashdi.
Superliga 14-turidan o'rin olgan «Lokomotiv» – «So'g'diyona» (3:1) uchrashuvidan so'ng mehmonlar bosh murabbiyi Ulug'bek Baqoyev matbuot anjumanida ishtirok etdi.
«Qizilqum» jamoasi Otabek Jo'raqo'ziyev bilan shartnoma imzolaganini rasman e'lon qildi.
«Qizilqum» klubi o'z safiga yangi o'yinchini qo'shib oldi. Jamoa Otabek Jo'raqo'ziyev bilan shartnoma imzolaganini ma'lum qildi. 🔴
"Neftchi" yarimhimoyachisi Jamshid Iskandarov "So'g'diyona"ga qarshi o'yinda eng yuqori masofani bosib o'tgan futbolchi bo'ldi.
"So'g'diyona" – "Neftchi" uchrashuvida Jamshid Iskandarov 11,2 km masofani bosib o'tdi.
Bu ko'rsatkich mazkur bahsda maydonga tushgan barcha futbolchilar orasidagi eng yuqori natija bo'ldi.
Oʻzbekiston chempionati doirasidagi Soʻgʻdiyona hamda OKMK jamoalari oʻrtasidagi uchrashuv mehmonlarning gʻalabasi bilan yakunlandi.
Soʻgʻdiyona - OKMK 1-2
Superliga 22-turidan o'rin olgan So'g'diyona - OKMK uchrashuvi 1:2 hisobida yakunlandi. Bosh murabbiy Ulug'bek Baqoyev o'yin haqida fikr bildirdi.
Superliga 22-turidan o'rin olgan So'g'diyona - OKMK uchrashuvi 1:2 hisobida yakunlandi. Uchrashuvdan so'ng jamoamiz bosh murabbiyi Ulug'bek Baqoyev matbuot anjumanida ishtirok etdi.
O‘yinni yaxshi boshladik, ikki tomon ham hujum qildi, vaziyatlar bo‘ldi. Standart vaziyatdan gol urdik. Ikkinchi bo‘limda o‘yinimiz ko‘ngildagidek chiqmadi. Gol urishimiz mumkin bo‘lgan vaziyatlar ham bo‘ldi, ammo uchrashuv oxirida ikkita gol o‘tkazib yubordik. Bu — futbol, o‘yinni 90 daqiqa davomida to‘liq o‘tkazish kerak. Futbolchilarga e’tirozim yo‘q, fidoyiliklari uchun rahmat. Endi keyingi uchrashuvga tayyorgarlik ko‘ramiz.
Superliganing 22-turida OKMK "So‘g‘diyona" mehmoni bo‘lib, irodali g‘alabani qo‘lga kiritdi.
Superliga doirasidagi “So‘g‘diyona” va OKMK jamoalari o‘rtasidagi uchrashuv yakuniga ko‘ra, olmaliqliklar 1:2 hisobida g‘alaba qozondi.
Bahsning dastlabki daqiqalaridan boshlab jamoalar hujumkor futbol namoyish etdi. OKMK bir necha bor xavfli hujumlar uyushtirgan bo‘lsa-da, “So‘g‘diyona” 25-daqiqada hisobni ochishga muvaffaq bo‘ldi. Burchak zarbasidan uzatilgan to‘pni Filip Ivanovich bosh bilan aniq zarba orqali darvozaga yo‘llab, mezbonlarni oldinga olib chiqdi.
Birinchi bo‘limning qolgan qismida OKMK hisobni tenglashtirishga harakat qildi. Biroq Biroq “So‘g‘diyona” himoyasi ishonchli harakat qildi va jamoalar tanaffusga 1:0 hisobida yo‘l oldi.
Ikkinchi bo‘lim boshlanishi bilan OKMK tarkibida uchta o‘zgarish amalga oshirildi. Bu o‘zgarishlar mehmonlarning hujumdagi faolligini oshirdi. 83-daqiqada standart vaziyatdan keyin yuzaga kelgan vaziyatdan Papava unumli foydalanib, hisobni tenglashtirdi — 1:1.
Oradan atigi to‘rt daqiqa o‘tib, OKMK yana bir bor raqib darvozasini ishg‘ol qildi. 87-daqiqada Sentokuning uzatmasidan so‘ng Nodir Abdurazzoqov bosh bilan aniq zarba yo‘llab, jamoasini hisobda oldinga olib chiqdi — 1:2.
Har ikki gol epizodlari VAR tomonidan tekshirildi va hakamlar tomonidan gollarni hisoblash bo‘yicha yakuniy qaror tasdiqlandi.
Uchrashuvning qo‘shib berilgan daqiqalarida “So‘g‘diyona” hisobni tenglashtirishga urinib ko‘rdi. Biroq OKMK futbolchilari himoyada ishonchli harakat qilib, yakuniy hushtakkacha ustunlikni saqlab qoldi.
Natijada OKMK uchrashuv davomida hisobda ortda borishiga qaramay, ikkinchi bo‘limning so‘nggi qismida ikkita gol urib, 1:2 hisobida kambek g‘alabasini qo‘lga kiritdi.
Superliga. 22-tur.
“So‘g‘diyona” — OKMK 1:2
Gollar: Filip Ivanovich (24) — Giorgi Papava (82), Nodirbek Abdurazzoqov (87)
Bosh hakam: Ahrol Risqullayev
Yordamchi hakamlar: Alisher Usmonov, Adhamjon Rixsiboyev
To'rtinchi hakam: Feruzbek Xidoyatov
VAR hakami: Abdurashid Xudoyberganov
AVAR hakami: Shoxruh Maqsudov
Nazoratchi: Rustam Bobomurodov
Kamissar: Oybek Davletmuratov
"So'g'diyona": 27.Milan Mitrovich, 6.Behruzbek Asqarov (7.Petar Michin, 46), 22.Abdulazizxon Abdurashidov (18.Igor Golban,71) 3.Islomjon Qobilov, 4.Behruz Jumatov, 13.Filip Ivanovich, 10.Javohir Qahramonov (33.Shohjahon Sultonmurodov,65) 32.Nodirjon Soyibov, 8.Jamshid Boltaboyev, 28.Samandarjon Mavlonqulov (19.Zabihillo O'rinboyev, 46), 14.Lyupcho Doriyev.
Zaxira: 74.Bayram Najafaliev, 20.Fazliddin Omonkeldiyev, 9.Jenan Zaymovich, 77.Oybek Nurmatov, 2.Zoir Jo'raboyev
"OKMK": 23.Hamidullo Abdunabiyev, 3.Shahzod Toirov (44.Abror Karimov, 46), 6.Avazbek O'lmasaliyev, 88.Siavash Haqnazari (11.Ali Abdurahmonov, 74), 4.Mirjamol Qosimov (28.Arihiro Sentoku,46), 5.Giorgi Papava, 9.Aziz Xolmurodov (27.Urosh Koyich, 74), 19.Ahmadullo Muqimjonov, 8.Abubakr Rizo Turdialiyev, 17. Nodirbek Abdurazzoqov, 77.Ivan Peshich (10.Asadbek Sobirjonov, 46)
Zaxira: 21.Hazratjon Tursunqulov, 35.Javohir Ilyosov, 22.Saidafzalxon Ahrorov, , 28.Abror Sarimsoqov
Ogohlantirishlar: Avazbek O'lmasaliyev (62), Nodirbek Abdurazzoqov (89), Ali Abdurahmonov (90+4), Urosh Koyich (90+5) — Behruz Jumatov (90+5)
O'zbekiston Superligasi doirasidagi bahsda So'g'diyona OKMK ustidan minimal hisobda g'alaba qozondi. Yagona gol muallifi Filip Ivanovich.
🟢 ⚪️ SO‘G‘DIYONA 1:0 OKMK 🟡
⚽️ Filip Ivanovich, 25 (1:0)
Superliga 22-turidan o'rin olgan bahsda So'g'diyona OKMK ustidan 1:0 hisobida g'alaba qozondi. Yagona gol muallifi Fillip Ivanovich.
Superliga. 22-tur.
So'g'diyona — OKMK FK 1:0
Gollar: Fillip Ivanovich (24)
Neftchi Superliganing navbatdagi turiga tayyorgarlikni boshladi. Jamshid Iskanderov mashg'ulotlarga qaytdi, Vladimir Yovovich va Ibrohim Halil Yo'ldoshev esa tiklanmoqda.
SUPERLIGANING NAVBATDAGI TURIGA TAYYORGARLIK BOSHLANDI!
Jamoamiz bugundan Superliganing navbatdagi tur uchrashuviga tayyorgarlikni boshladi.
Yaxshi yangilik — jarohati sabab safdan chiqqan Jamshid Iskanderov bugungi mashg‘ulotlarda jamoa bilan birga shug‘ullandi.
Vladimir Yovovich va Ibrohim Halil Yo‘ldoshev esa ayni paytda reabilitolog nazorati ostida individual mashg‘ulotlarni davom ettirmoqda.
Tayyorgarlik davom etadi.
Superliga 21-tur doirasidagi Xorazm hamda So'g'diyona jamoalari o'rtasidagi bahs golsiz durang bilan yakunlandi.
Superliga 21-tur doirasidagi Xorazm hamda So'g'diyona jamoalari o'rtasidagi uchrashuv yakunlandi.
O'yin 0:0 hisobidagi durang bilan yakuniga yetdi. Uchrashuv statistikasi ham qayd etildi.
Jamoa bosh murabbiyi mag'lubiyatdan so'ng futbolchilarning saviyasi Superliga darajasiga mos emasligini va tarkibda jiddiy o'zgarishlar bo'lishini aytdi.
— O'yin haqidagi fikringiz?
— Bu shunchaki uyat. Bundan boshqa gap bo'lishi mumkin emas. Negaki avvalgi o'yinlardan so'ng matbuot anjumanida aytgandim: bizda buyog'iga yoshlar o'ynaydi. O'rinbosarlar, U-19 jamoamizdan futbolchilarni taklif etamiz degandim. Lekin o'z o'yinchilarimizga yana imkon berishga qaror qildik. Men o'z pozitsiyamni tushuntirishga harakat qildim, lekin asosiy tarkib o'ynasin degan qarorga kelindi. O'yinchilarimiz darajasi Superliga darajasiga mos emas. Bor gap shu. Men ushbu mavsumdagi to'rtinchi murabbiy bo'lsam kerak. Balki oltinchi, sakkizinchi, o'ninchi murabbiy ham kelishi mumkin. Bu yerda yaxshi odamlar, yaxshi yigitlar — lekin bu kasb emas.
— Vaziyatlar bo'lyapti, biroq gol urishga kelganda jamoa oqsayapti.
— Gol urishni qo'ya turaylik. Bizda muammo himoyada. Oldinda nima bo'lishi bizni unchalik o'ylantirmaydi. Biz istalgan jamoaga gol urishimiz mumkin. Lekin o'tkazib yuborilayotgan gollar-chi? O'zimizga o'zimiz muammo olib kelyapmiz. Asablar dosh bermayapti. O'ylashimcha, keyingi bahs tarkib borasida umuman boshqacha bo'ladi. Biz ochiqchasiga gaplashib oldik, kimga yoqmasa ketishi mumkin.
So'g'diyona bosh murabbiyi Mash'alga qarshi o'yindan so'ng o'z fikrlari bilan o'rtoqlashdi va jamoasining o'yiniga baho berdi.
Biz bugungi uchrashuv strategik jihatdan juda muhim va kerakli ekanini bilardik. Yigitlarni faqat gʻalabaga tayyorlagan edik. Oʻyinga keladigan boʻlsak, tezkor gol urdik. Keyin esa maʼlum vaqt, taxminan 20 daqiqalar davomida «Mashʼal» jamoasi toʻliq oʻyinga kirishib, agressiv harakat qildi va koʻplab xavfli vaziyatlar yaratdi. Nazarimda, ular 3–4 ta toʻp kiritishi ham mumkin edi. Biroq himoyada yigitlar vazifasini uddaladi, darvozabon ham ajoyib oʻynadi. Keyin biz yana ikkita gol urdik, soʻng toʻp oʻtkazib yubordik. Lekin umuman olganda, bugungi gʻalabaga toʻla loyiq edik. Yigitlarga oʻyinga borini bergani va koʻrsatgan oʻyini uchun minnatdorchilik bildiraman. Endi navbatdagi bahsga tayyorgarlik koʻramiz.
Bugun yirik hisob qayd etildi. Oʻyin voqealari bunday rivojlanishini kutganmidingiz?
Bunday oʻyinni hech qachon oldindan bashorat qila olmaysiz. Chunki futbol oldindan aytib boʻlmaydigan oʻyin: u ijobiy tomonga ham, salbiy tomonga ham burilib ketishi mumkin. Shu bois yaratilgan vaziyatlarning aksariyatidan unumli foydalanganimiz ham hujumda, ham himoyada oʻyinimizni ancha yengillashtirdi.
O'zbekiston futbolida avgust oyining eng chiroyli goli muallifi nomi ma'lum bo'ldi. Bu nomga "Mash'al" futbolchisi Azizbek Choriyev loyiq ko'rildi.
⚽ Avgust oyining eng chiroyli goli muallifi — Azizbek Choriyev (Mash'al)
Championat.asia va Transfermarkt talqiniga ko'ra, Aleksandr Xomyakov avgust oyining eng yaxshi murabbiyi, Vladimir Rodich va Husayn Norchaev eng yaxshi futbolchi.
Championat.asia hamda Transfermarkt nashri talqiniga ko’ra Superligada avgust oyining eng yaxshilari deb topildi.
Ikki sayt hamkorligi doirasida Superliganing avgust oyidagi eng yaxshi murabbiyi va eng yaxshi futbolchisi aniqlandi. Avgust oyida Superliganing eng yaxshi murabbiyi Aleksandr Xomyakov bo'ldi. Uning boshchiligida Buxoro 5 ta o'yinda 3 ta g'alabaga erishdi (jumladan, O'zbekistonning amaldagi chempioni Neftchi ustidan 4:1 hisobida), shuningdek, safarda Paxtakor bilan durang o'ynadi (o'yin davomida 0:2 hisobida ortda qolib, 2:2). Xomyakov 44% ovoz to'pladi.
⚽ Superligada oyning eng yaxshi futbolchisi deb bir vaqtning o'zida ikki o'yinchi tan olindi: Buxoro vingeri Vladimir Rodich va Navbahor hujumchisi Husayn Norchaev 28 foizdan ovoz yig'ishdi. Rodich hisobida 5 ta o'yinda gol+pas tizimi bo'yicha 3+1 ochko bor, ular orasida Paxtakorga urilgan gol va Neftchiga qarshi g'alabali o'yindagi ikkita samarali harakat (bitta gol va bitta assist) mavjud.
Bir kunlik tanaffusdan so‘ng "Neftchi" futbolchilari navbatdagi mashg‘ulot jarayonlariga qaytishdi.
Bir kunlik hordiqdan keyin jamoamiz futbolchilari ertalab navbatdagi mashg‘ulotlarni o‘tkazishdi. Bugungi dasturdan asosan o‘yindan keyingi tiklanish jarayoniga mo‘ljallangan maxsus mashqlar o‘rin oldi.
Yigitlar maydonda katta ishtiyoq bilan mehnat qilishmoqda va keyingi o‘yinlarga jiddiy tayyorgarlik ko‘rishmoqda.
O'zbekiston kubogi 1/8 finalida «So'g'diyona» «Jayxun»ni mag'lub etib, keyingi bosqichga yo'l oldi. Uchrashuvdan so'ng Ulug'bek Baqoyev matbuot anjumanida qatnashdi.
O'zbekiston kubogi 1/8 final bosqichi doirasida «So'g'diyona» va «Jayxun» jamoalari o'rtasidagi uchrashuv yakunlandi. O'yin jizzaxliklarning 2:0 hisobidagi g'alabasi bilan yakunlandi.
Uchrashuvdagi gollarga Filip Ivanovich (33-daqiqada) va Abdulaziz Abdurashidov (89-daqiqada) mualliflik qilishdi.
Uchrashuvdan so'ng «So'g'diyona» bosh murabbiyi Ulug'bek Baqoyev matbuot anjumanida ishtirok etdi.
Superliga 19-turidan o'rin olgan bahsda Neftchi So'g'diyona ustidan yirik hisobda g'alaba qozondi.
Superliga 2026-yilgi mavsum 19-turidan o'rin olgan bahs yakunlandi.
Neftchi 3:0 So'g'diyona
⚽ Zoran Marushich 23, 58 (2-0)
⚽ Stipe Perica 90+9 (3-0)
Superliga 18-tur yakunlariga ko'ra, turning eng yaxshi futbolchilaridan iborat ramziy terma jamoa tarkibi ma'lum bo'ldi.
Superliga 18-tur yakunlariga ko'ra, turning eng yaxshi futbolchilaridan iborat ramziy terma jamoa tarkibi ma'lum bo'ldi.
Hojiakbar Abdullayev faoliyatini «So'g'diyona» safida davom ettiradi.
⚪️ «So'g'diyona» Hojiakbar Abdullayevni o'z safiga qo'shib oldi.
Andijon bosh murabbiyi Islom Ahmedov So'g'diyona bilan o'yindan so'ng jamoaning hujum chizig'ini kuchaytirish bo'yicha muzokaralar olib borilayotganini aytdi.
"So'g'diyona" - "Andijon" (1:0) o'yinidan keyin "Andijon" ustozi Islom Ahmedov matbuot anjumanida ishtirok etdi.
O'yinga keladigan bo'lsak, to'pni nazorat qildik, hujumlarga ham o'tdik. Baribir bizda hujumdagi tajovuzkorlik yetishmadi. Futbolchilarimiz borini berib harakat va mehnat qilishdi. Buning uchun ularga hech qanaqa e'tirozimiz yo'q. Hujumni yakunlashda kamchiliklarimiz ko'rinib qoldi.
- 10 avgust kuni yozgi transfer oynasi yopiladi. Jamoada yana yangi o'yinchilarni ko'rishimiz mumkinmi?
Bu masala bo'yicha rahbariyat bilan birga izlanyapmiz. Ayniqsa, hujum chizig'ini kuchaytirish bo'yicha istayapmiz. Bu borada bir-ikkita futbolchilar bilan muzokaralar olib boryapmiz. Baribir ularni o'z jamoalari bilan amaldagi shartnomalari borligi uchun ushbu jarayon biroz qiyin kechyapti.
- "Andijon"ni keyingi turda o'z uyida "Neftchi"ga qarshi vodiy derbisi kutmoqda. Bugungi mag'lubiyatdan keyin futbolchilarni ruhlantirish va bo'lajak jiddiy uchrashuvga tayyorlash rejasi qanday bo'ladi?
Hozircha yigitlarimizga ikki kunlik dam berdik. Futboldan biroz chalg'ib, oilasi bilan birga bo'lib, ruhiy tomonlama o'zlariga kelib olishlari uchun shunday qildik. 9 avgustdan o'z bazamizda yig'ilib vodiy derbisiga tayyorgarlik ko'ramiz. Bu o'yinni ko'rib chiqib, yo'l qo'yilgan kamchiliklar ustida ko'proq ishlaymiz.
Superliga 15-turidan o'rin olgan "Mash'al" – "So'g'diyona" uchrashuvidan so'ng "Mash'al" bosh murabbiyi Sergey Lushchan o'z fikrlari bilan o'rtoqlashdi.
Superliga 15-turidan o'rin olgan "Mash'al" – "So'g'diyona" (1:3) uchrashuvidan keyin "Mash'al" bosh murabbiyi Sergey Lushchan matbuot anjumanida ishtirok etdi.
Sergey Lushchan: "Agar g'alaba qozonganimizda bu biz uchun olti ochkoga teng bo'lardi".
Murabbiy Mash'al ustidan qozonilgan g'alaba, hakamlar bilan bahs va legioner Doriyevning shartnomasi haqida fikr bildirdi.
— O‘yin biz uchun juda yaxshi boshlandi. Darhol gol urdik. Birinchi bo‘limda o‘yinni to‘liq nazorat qildik, ikkinchi bo‘limda ham vaziyatlar yaratishda davom etdik. Yana tezkor gol urildi, undan keyin uchinchi gol ham keldi va o‘ynash ancha yengillashdi.
Biz "Mash'al" jamoasini yaxshi o‘rgangan edik. O‘yindan oldin ularni tahlil qilganmiz. Ular qarshi hujumlarda, ayniqsa qanotlardan juda tez harakat qiladigan jamoa.
Ketma-ket ikkita mag‘lubiyatdan keyin bugungi g‘alaba futbolchilarga, avvalo, ruhiy jihatdan katta ishonch berdi. Bu natija turnir jadvalidagi holatimiz uchun ham muhim edi.
Shu sababli yigitlarni g‘alaba bilan tabriklayman va endi O‘zbekiston chempionati navbatdagi uchrashuviga tayyorgarlikni davom ettiramiz.
— Birinchi bo‘limda "Mash'al"ning ilk goli urilganda siz yon hakamga qattiq e'tiroz bildirdingiz. Hatto ogohlantirish ham oldingiz. Nima sababdan aynan yon hakamga bunchalik e'tiroz qildingiz?
Men vaziyatni shunday ko‘rdimki, "Mash'al"ning hujumi vaqtida ularning futbolchisi to‘pni qo‘li bilan o‘ynadi. Shu sababli o‘yin to‘xtatilishi kerak edi.
Ammo hakam o‘yinni davom ettirdi va natijada "Mash'al" gol urdi. Men hakamlarga aynan shuni aytdim: mening fikrimcha, to‘p futbolchining qo‘liga tekkan edi. Bu qoida buzilishi hisoblanadi, shuning uchun gol hisobga olinmasligi kerak edi. E'tirozimning sababi shu.
Yosh futbolchilarga imkoniyat berish masalasida, bugun ikki nafar yosh futbolchini maydonga so‘nggi 7–8 daqiqalarda tushirdingiz. Bu ularning o‘yin amaliyoti uchun kam emasmi?
Maydonga tushish uchun avvalo futbolchi bunga loyiq ekanini isbotlashi kerak. Kimning saviyasi qanday bo‘lsa, shunga yarasha imkoniyat oladi.
Bugun ayrim futbolchilarga dam berdik, ayrimlari ko‘proq vaqt o‘ynadi. Yosh futbolchilar esa kecha yoshlar jamoasi safida ham maydonga tushishgandi. Bu odatiy jarayon.
Albatta, har bir futbolchi ko‘proq vaqt o‘ynashni xohlaydi. Lekin vaziyat shundayki, har qanday xato golga sabab bo‘lishi mumkin. Futbolda esa bitta gol ham o‘yin taqdirini o‘zgartirib yuboradi.
Biz raqibni hurmat qilamiz, futbolni hurmat qilamiz. Shu sababli ortiqcha tavakkal qilmaymiz va futbolchilarga zarur bo‘lgan vaqtni beramiz.
— Doriyev bilan shartnoma qancha muddatga tuzilgan? U yangi mavsumda ham jamoada qoladimi?
Yaqinda uning shartnomasi uzaytirildi. Nazarimda, uch yoki to‘rt yilga. Aniq muddatini rahbariyat yaxshi biladi.
Bugungi o‘yinini o‘zingiz ham ko‘rdingiz. Uning mahorati, fidoyiligi, maydondagi ishtiyoqi juda yuqori.
U yosh futbolchilarimiz uchun haqiqiy o‘rnak. Legioner futbolchi qanday harakat qilishi kerakligini amalda ko‘rsatmoqda.
U gol uradi, jamoaga foyda keltiradi, samarali o‘ynaydi. Nafaqat o‘yini, balki ruhiy tomondan ham yosh futbolchilarga yordam beradi va ularning rivojlanishiga hissa qo‘shadi.
Shu sababli unga alohida minnatdorchilik bildiraman.
“So‘g‘diyona” – “Neftchi” uchrashuvidan so‘ng Ikrom Aliboyev “Muxlislar mehri” sovrini bilan taqdirlandi.
Klub matbuot xizmati hamda bir guruh faol muxlislar tashabbusi bilan ta’sis etilgan “Muxlislar mehri” sovrini har bir uchrashuvdan so‘ng eng yaxshi o‘yin ko‘rsatgan futbolchini aniqlash maqsadida topshiriladi. G‘olib klub matbuot xizmati va ushbu sovrinni ta’sis etgan faol muxlislar hamkorligida aniqlanadi.
“So‘g‘diyona” – “Neftchi” uchrashuvining eng yaxshi futbolchisi sifatida Ikrom Aliboyev e’tirof etildi va u “Muxlislar mehri” esdalik sovg‘asi bilan taqdirlandi.
Taqdirlash marosimidan so‘ng Ikrom Aliboyevni jamoadoshlari an’anaga aylangan jonli “koridor” dan o’tkazdi.
Otabek Jo'raqo'ziyev «So'g'diyona»dan «Qizilqum» safiga o'tdi. Tomonlar mavsum oxirigacha mo'ljallangan shartnoma imzolashdi.
Otabek Jo'raqo'ziyev — «Qizilqum» futbolchisi!
Ushbu mavsumdan Jizzaxning «So'g'diyona» jamoasida to'p tepib kelayotgan yosh va umidli hujumchi, O'zbekiston kubogi sohibi Otabek Jo'raqo'ziyev endilikda «oltin izlovchilar» sharfini himoya qiladi. Klub rahbariyati futbolchi bilan mavsum oxirigacha shartnoma imzoladi.
Eslatib o'tamiz, 24 yoshli hujumchi ushbu mavsumda maydonda 511 daqiqa harakat qilib, o'z hisobiga 2 ta gol hamda bir golli uzatmani yozdirib qo'ygan. Uning klubdagi faoliyatiga omad va zafarlar tilab qolamiz!
Fikr qoldirish va reaksiya uchun tizimga kiring.