Jarohat olgan "Navbahor" vingeri Muhammadali G'iyosov shifoxonadan chiqib, klub qarorgohiga qaytdi. Futbolchi shifokorlar nazoratida qolmoqda.
"Bunyodkor" jamoasiga qarshi o'yin startini yuqori tempda boshlab, dastlab gol urib, keyin penalti ishlab, eng yaxshi o'yinchi bo'lib turgan, jamoamizning tezkor vingeri Muhammadali G'iyosov o'yinning 35-daqiqasida jarohat olib o'yingohdan tez tibbiy yordam mashinasida olib ketilgan edi.
Shifoxonaga olib ketilgan G'iyosov bir muddat shifoxonada bo'ldi. Unga zaruriy tibbiy yordam va muolajalar qilinib, futbolchining holati nazoratga olindi. Muhammadali bir nechta tibbiy ko'riklardan o'tkazildi. Hozirda futbolchi klub qarorgohiga qaytib keldi. U o'zini yaxshi his qilmoqda. Shunday bo'lsa-da, klub shifokorlari nazoratida turibdi. Umid qilamizki, Muhammadali G'iyosov tez orada jamoa safiga qaytadi. Futbolchi qachondan mashg'ulotlarga qo'shilishi tibbiy ko'riklarning natijasidan keyin ma'lum bo'ladi.
Kostromaning «Spartak» klubi legioner bilan bog'liq qoidabuzarlik tufayli ochkolaridan mahrum etilishi yoki turnirdan chetlatilishi mumkin.
«Spartak» klubi legioner bilan bog'liq muammo tufayli 5 ochkodan mahrum etilishi mumkin: Kostroma jamoasi tarkibida ishlash uchun ruxsatnomaga ega bo'lmagan xorijlik futbolchi ketma-ket 3 ta o'yinda maydonga tushdi. Gap yaqinda «Bunyodkor»dan o'tgan chernogoriyalik Marko Bugarin haqida bormoqda.
Uning Rossiyada qonuniy ishlashi uchun hujjatlar Ichki ishlar vazirligida ko'rib chiqilmoqda va futbolchi ularni hali qo'liga olmagan. Demak, u futbol o'ynash huquqiga ega emas. Biroq, Marko «Tekstilshik» (0:0), «Yenisey» (2:2) va «SKA-Xabarovsk» (3:1)ga qarshi o'yinlarda maydonga tushdi.
Shunday qilib: agar «Spartak» legionerdan qoidalarga zid ravishda foydalangani isbotlansa, jamoaga 3 ta texnik mag'lubiyat (0:3) yozilishi kerak. Bu Kostroma jamoasini 5 ochkodan mahrum qilib, turnir jadvalida 15-o'ringa tushirib yuboradi, Krasnoyarsk klubini esa 3-o'ringa ko'taradi.
Karp xabariga ko'ra, agar klub FNLga Bugarin uchun soxta yoki qoidabuzarlik bilan olingan ish ruxsatnomasini taqdim etgani aniqlansa, ish «Spartak»ning musobaqadan chetlatilishi bilan yakunlanishi mumkin.
Murabbiy mag'lubiyat sabablari, jamoa himoyasidagi muammolar hamda klubdagi moliyaviy qiyinchiliklar haqida o'z fikrlari bilan o'rtoqlashdi.
— O'yin haqidagi fikringiz?
— Fikr aytmasdan ketsa ham bo'ladi-ya (kuladi). Xo'sh, nimadir aytishning o'zi mushkul. 1:3 hisobida imkoniyatni boy berdik. Haqli mag'lubiyat bo'ldi, himoyada bunaqa o'yin ko'rsatmasligimiz kerak edi. Hozir nimadir orzu qila olmaymiz, ishlashda davom etamiz, oldimizda boshqa variant yo'q. Raqibni g'alaba bilan tabriklayman. Bugun g'alaba qozonganimizda bu biz uchun olti ochkoga teng bo'lardi. Lekin afsus...
— Bugun asosiy gollarni Lyupcho Doriyev urdi.
— Nega shunday bo'lganini Doriyevning o'zidan so'rash kerak. U yaxshi futbolchi. Agar unga jarima maydonchasi yaqinida zarba yo'llash imkonini bersangiz, odatda gol bilan tugaydi. Boshqalar ura olmadi, lekin Doriyev urdi.
— Azizbek Choriyevning o'yini haqidagi fikringiz?
— Markaziy himoyada muammolar borligi sabab shu futbolchini o'ynatdik. O'rinbosarlarimizdan to'rt nafari muntazam asosiy tarkib bilan shug'ullanib kelyapti. Xolmatovni, Choriyevni ko'rdingiz. Tez orada boshqa o'yinchilarni ham ko'rasiz. Choriyev himoyada zo'r o'ynadimi? Yo'q. Lekin birinchi o'yini bo'lgani uchun yomon emas.
— Ibrohimovning jarohati haqida?
— U tizzasidan jarohat oldi va tez orada sog'ayib safimizga qaytadi deb umid qilib qolamiz.
— "Bunyodkor" mablag' yo'qligi sabab safar o'yiniga bora olmadi. "Mash'al"da ham moliyaviy qiyinchiliklar bor. Klubning boshiga "Bunyodkor" holati tushmasmikin?
— "Bunyodkor"dagi vaziyatni to'liq bilmayman. Bizda esa holat boshqalar kabi, qariyb yarim yildan beri maosh olmayapmiz. "Bunyodkor" o'yinini boshqa kunga qoldirish imkoniyati ko'rib chiqilsa bo'lardi, yanayam aniqini bilmadim. Hammamiz vaziyat o'nglanishiga umid qilyapmiz. Superliganing yarim jamoasida qiyinchilik bor deb o'ylayman. Tez orada hammasi joyiga tushsa kerak.
Muhammadjon Hakimov Paxtakorga qarshi bahsda Bunyodkor tarkibida Superligada debyut qilib, joriy mavsumning eng yosh futbolchisiga aylandi.
Muhammadjon Hakimov Paxtakorga qarshi bahsda Bunyodkor tarkibida Superligada debyut qildi va ushbu mavsum maydonga tushgan eng yosh futbolchiga aylandi (16 yosh, 295 kunlik).
Ma'lumot uchun, 2025-yilda ham Bunyodkor jamoasi futbolchisi mavsumda maydonga tushgan eng yosh futbolchiga aylangan edi.
Paxtakor O‘zbekiston chempionatida o‘zining 2200-golini urdi. Bu natijaga Bunyodkorga qarshi o‘yinda Doston Hamdamov erishdi.
Paxtakor O‘zbekiston chempionatida 2200-golini urdi. Bunyodkor bilan uchrashuvda Doston Hamdamov kiritgan to‘p «sherlar»ning O‘zbekiston chempionatidagi 2200-goliga aylandi.
Bunyodkor futbolchisi Bilolxon Toshmirzayev jamoa qarorgohidagi noqulay sharoitlar va o'yinga tayyorgarlik jarayonidagi muammolar haqida so'zlab berdi.
Bilolxon Toshmirzayev Bunyodkor klubidagi hozirgi holat haqida gapirdi.
Kecha, o'yindan bir kun avval jamoamiz qarorgohida chiroq o'chib qolgan va bir kun davomida u yerda chiroqsiz o'tirdik. Aniqrog'i uxlay olmadik. O'yin kuni kunduz vaqti 2 soatga uxlab oldik. O'yin kuni toliqib qolgandik, charchoq bor edi. Kulguli tuyulishi mumkin, ammo bu rost.
"Mash'al" bosh murabbiyi Sergey Lushchan O'zbekiston futbolidagi holat bo'yicha o'z fikrlarini bildirib o'tdi.
Superliga 17-turidan o'rin olgan "Qizilqum" – "Mash'al" (2:0) uchrashuvidan so'ng "Mash'al" bosh murabbiyi Sergey Lushchan matbuot anjumanida ishtirok etdi.
Sergey Lushchan: "Terma jamoa Jahon chempionatiga chiqqanidan keyin futbolda bum bo'lishi kerak edi, lekin vaziyat boshqacha tus oldi".
Murabbiy "Mash'al"ga qarshi o'yin, hakamlar bilan bog'liq vaziyat va Doriyevning klub bilan shartnomasini uzaytirgani haqida gapirib o'tdi.
O'yin haqida fikringiz?
Uchrashuvni yaxshi boshladik, tezkor vaziyat sodir etib gol urdik. Ikkinchi taym boshida ham tezkor to'p kiritdik, uchinchi golni urganimizdan so'ng yengil o'yinga o'tdik. Shundan so'ng "Mash'al" ham o'z imkoniyatidan foydalandi. Raqib qanotlar orqali qarshi hujumda o'ynashini bilardik va shunga ko'ra hozirlik ko'rgandik. Ikkita ketma-ket mag'lubiyatdan so'ng yutib olganimiz yaxshi bo'ldi. Futbolchilarimiz ruhi ko'tarildi, turnir jadvalida o'z mavqeimizni yaxshilab oldik. Jamoamiz muxlislarini g'alaba bilan tabriklayman.
"Mash'al"ning hisobga olinmagan golida yon hakamga ko'p e'tiroz bildirdingiz va natijada sariq kartochka oldingiz. Nima uchun aynan qanot hakamiga ko'p e'tirozlar bo'ldi?
Menga holat shunday ko'rindiki, "Mash'al"ning hujumi paytida raqib o'yinchisi to'pni qo'li bilan o'ynadi. Bu vaziyatda o'yinni to'xtatish kerak bo'ladi, lekin bahs davom ettirildi va "Mash'al" gol urdi. Shu bois men hakamga o'z fikrimni aytdim.
Maydonga yoshlarni o'yin tugashiga kam vaqt qolganida tushirdingiz. O'yin amaliyoti uchun bu kamlik qilmaydimi?
Superligada o'ynash uchun avvalo buni isbotlash kerak. Biz murabbiylar futbolchilarni kuzatib boramiz va shunga qarab ularning maydonda harakat qilishini belgilaymiz. Kim nimaga loyiq bo'lsa, shuni oladi. Shuning uchun bugun ba'zilarga dam berdik, ba'zilar ko'p o'ynadi, ba'zilar kam. Bu borada ish ketyapti. To'g'ri, hamma ko'proq o'ynashni xohlaydi, lekin har bir xato golga olib kelishi mumkin. Shu bois har qanday raqibni hurmat qilgan holda o'yin ko'rsatamiz. Shuningdek, tavakkal qilishni xohlamayman.
Doriyevning klub bilan qancha muddat shartnomasi bor va kelasi yil ham jamoada qoladimi?
Doriyev yaqinda klub bilan shartnomasini uzaytirdi. Adashmasam, uch-to'rt yilga uzaytirdi. Uning o'yinga o'zini bag'ishlashi, mahorati bizga qo'l kelyapti. Doriyev ko'zi yonib futbol o'ynaydi. Shu qatorda yoshlarga o'rnak bo'lib kelyapti va legioner sifatida maydonda o'zini namunali tuta olyapti.
Superliga 15-turidan o'rin olgan "Mash'al" – "So'g'diyona" uchrashuvidan so'ng "Mash'al" bosh murabbiyi Sergey Lushchan o'z fikrlari bilan o'rtoqlashdi.
Superliga 15-turidan o'rin olgan "Mash'al" – "So'g'diyona" (1:3) uchrashuvidan keyin "Mash'al" bosh murabbiyi Sergey Lushchan matbuot anjumanida ishtirok etdi.
Sergey Lushchan: "Agar g'alaba qozonganimizda bu biz uchun olti ochkoga teng bo'lardi".
U21 chempionati 15-turida Bunyodkor jamoasi uchrashuvga kelmagani uchun texnik mag'lubiyat qayd etildi.
U21 chempionati 15-tur o'yinlari davom ettirildi.
Bunyodkor U21 klubi Qizilqum bilan uchrashuvga kelmagani uchun o'yin bekor qilindi va Qizilqum U21 jamoasiga 3:0 hisobidagi texnik g'alaba, Bunyodkor U21 jamoasiga esa 0:3 hisobidagi texnik mag'lubiyat yozildi.
O‘zbekiston Respublikasi Prezidentining qarori asosida Bunyodkor futbol klubiga 5 milliard so‘m miqdorida mablag‘ ajratildi.
Bunyodkor jamoasining ashaddiy ishqibozlarini xotirjam qilgan holda shuni ma’lum qilamizki, klubimizga hukumatimiz tomonidan amaliy yordam berila boshlandi. Xususan, kecha O‘zbekiston Respublikasi Prezidentining 2026 yil 24 martdagi PQ-107-son “Sport sohasini moliyalashtirish mexanizmlarini takomillashtirish va sohaga tadbirkorlik sub’yektlarini jalb qilishni kengaytirish chora-tadbirlari to‘g‘risida”gi qarori asosida Bunyodkor futbol klubiga 5 milliard so‘m ajratildi.
Buning uchun yurtimizda futbolni yanada rivojlantirish yo‘lida katta islohotlar olib borayotgan davlatimiz rahbariga va hukumatimiz rasmiylariga o‘z minnatdorchiligimizni bildiramiz! Bunyodkor Superliganing navbatdagi uchrashuvlariga reja asosida tayyorgarlik ko‘rishda davom etadi.
Bunyodkor futbol klubi moliyaviy qiyinchiliklar yuzasidan rasmiy bayonot berib, vaziyatdan chiqish bo‘yicha ishlar olib borilayotganini ma’lum qildi.
Bugun ijtimoiy tarmoqlarda tarqalgan xabarlarga o‘z munosabatini bildirgan holda quyidagilarni ma’lum qiladi: avvalo Bunyodkor futbol klubining bugungi kuni uchun qayg‘urayotgan OAV xodimlari, muxlislar, bloggerlarga minnatdorchilik bildiramiz.
Klubimiz iqtisodiy tomondan qiyin kunlarni boshdan o‘tkazayotgani rost. Ammo o‘zining ajoyib tarixi, katta infratuzilmasi, ikki yulduzli akademiyasiga ega klubimiz vaziyatdan chiqish uchun jiddiy ish olib bormoqda.
Xususan, davlatimiz rahbarining qarori bilan hukumatimiz tomonidan ajratilishi lozim bo‘lgan mablag‘larni klub hisob raqamiga yo‘naltirishni tezlashtirish, qolaversa, klubga homiy biriktirish masalalari bo‘yicha ishlar jadallashgan. Jamoamiz ishqibozlarini xotirjam qilgan holda shunga umid qilamizki, davlatimiz rahbari yurtimizda futbolga juda katta e’tibor qaratayotgan bir davrda Bunyodkor futbol klubidagi vaziyat hukumatimiz tomonidan e’tiborsiz qoldirilmaydi.
Shuhrat Maqsudov «Bunyodkor» futbol akademiyasining bosh direktori etib tayinlandi. Mutaxassis o‘zbek futbolidagi boy tajribasi bilan akademiyaga hissa qo‘shadi.
Shuhrat Maqsudov o‘zbek futbolida katta tajriba va boy faoliyatga ega mutaxassis bo‘lib, futbolchi va murabbiy sifatida ko‘plab yutuqlarga erishgan. Ularning bilim va tajribasi Akademiyada yosh futbolchilarni tarbiyalash, zamonaviy futbolni rivojlantirish hamda iqtidorli yoshlarni professional futbolga tayyorlash yo‘lida muhim ahamiyat kasb etadi.
Shuhrat Maqsudovni yangi lavozimi bilan samimiy tabriklaymiz va ulkan muvaffaqiyatlar, mustahkam sog‘lik hamda Akademiyamiz ravnaqi yo‘lida yangi zafarlar tilaymiz.
Doston Hamdamov "Bunyodkor" darvozasiga kiritgan to'p "Paxtakor"ning O'zbekiston chempionatidagi tarixiy 2200-goliga aylandi.
"Bunyodkor" bilan uchrashuvda Doston Hamdamov kiritgan to'p "Sherlar"ning O'zbekiston chempionatidagi 2200-goliga aylandi.
Milliy chempionatlardagi ilk golimizni Oleg Sinelobov 1992-yil Kosonsoyda "Kosonsoychi" jamoasi darvozasiga urgan. 100-gol esa Shuhrat Maqsudov hisobiga yozilgan. Himoyachi bo'lishiga qaramay, Ulug'bek Ro'zimov ikki bor yubiley gollari muallifiga aylangan. Zayniddin Tojiyev, Aleksandr Geynrix va Igor Sergeyev ham shunday natijaga erishganlar. Geynrix "Paxtakor"ning 1000-golini urgani e'tiborga molik. 2005-yil Toshkentda "Metallurg"ga qarshi bellashuvda u bunga muvaffaq bo'lgan. 2000-gol 2022-yil Bekoboddagi bahsda Aziz Turg'unboyev hisobiga yozilgan.
Quyida yubiley gollar mualliflari bilan tanishing:
1 - Oleg Sinelobov 100 - Shuhrat Maqsudov 200 - Ulug'bek Ro'zimov 300 - Ulug'bek Ro'zimov 400 - Samad Narziqulov 500 - Igor Shkvirin 600 - Soli Qurbonov 700 - Leonid Koshelev 800 - Server Jeparov 900 - Zayniddin Tojiyev 1000 - Aleksandr Geynrix 1100 - Iheruome Uche 1200 - Zayniddin Tojiyev 1300 - Aleksandr Geynrix 1400 - Sherzod Karimov 1500 - Oybek Qilichev 1600 - Stanislav Andreyev 1700 - Igor Sergeyev 1800 - Marat Bikmayev 1900 - Igor Sergeyev 2000 - Aziz Turg'unboyev 2100 - Abdulla Abdullayev 2200 - Doston Hamdamov
