Superliga 23-turidan o'rin olgan Neftchi va Xorazm jamoalari o'rtasidagi bahs 2:2 hisobidagi durang bilan yakunlandi.
Superliga 23-turidan o'rin olgan bahsda Neftchi va Xorazm jamoalari durang qayd etishdi.
Uchrashuvda gollar mualliflari: Rafael Tavaresh, 8 (0:1), Stipe Peritsa, 25 (1:1), Rafael Tavaresh, 36 (1:2), Jamshid Iskanderov, 62 (2:2).
«Xorazm» futbolchisi Suhrob Izzatov jamoaning ligada qolish imkoniyatlari haqida fikr bildirdi.
Suhrob Izzatov: «Xorazm» bilan ligada qolish vazifasini uddalay olamiz»
Yaqinda futbolchi Tribuna.uz uchun eksklyuziv intervyu berishga qaror qildi.
Liga Umumiy yig‘ilishi Nazorat-taftish komissiyasi tarkibini 100 foiz ovoz bilan tasdiqladi.
Liga Umumiy yig‘ilishi Nazorat-taftish komissiyasi tarkibini 100 foiz ovoz bilan tasdiqladi.
O'zbekiston futboli mavsumini «kuz-bahor» tizimiga o'tkazish bo'yicha Liga ishchi rejasi taqdim etildi. Yakuniy qaror barcha tomonlar bilan kelishilgan holda qabul qilinadi.
Umumiy yig'ilish vakillariga klublar futboli mavsumini kuz-bahor tizimiga o'tkazish bo'yicha Liga ishchi rejasi taklif qilindi.
Bu borada yakuniy qaror bevosita klublar, O'zbekiston futbol assotsiatsiyasi, futbol jamoatchiligi vakillari va boshqa tegishli tashkilotlar bilan kelishilgan tartibda qabul qilinadi.
O‘zbekiston Professional futbol ligasi Umumiy yig‘ilishida Nazorat-taftish komissiyasining yangi tarkibi bir ovozdan ma’qullandi.
⚽️ Liga Umumiy yig‘ilishi Nazorat-taftish komissiyasi tarkibini 100 foiz ovoz bilan tasdiqladi
Xorazm klubi O‘zbekiston chempionati yuqori divizionida o‘zining 300-uchrashuvini o‘tkazdi. Jamoa Qizilqumga qarshi bahs bilan ushbu marraga yetdi.
Xorazm Superligadagi 300-o‘yinini o‘tkazdi
Kecha Qizilqum'ga qarshi bahs Urganch klubi uchun O‘zbekiston chempionati yuqori divizionidagi 300-uchrashuv sifatida tarixda qoldi
300 o‘yin
74 g‘alaba
56 durang
170 mag‘lubiyat
To‘plar farqi 332:589
OKMK bosh murabbiyi Mirjalol Qosimov "Xorazm"ga qarshi kechgan O'zbekiston kubogi bahsi haqidagi fikrlari bilan o'rtoqlashdi.
Mirjalol Qosimovning “Xorazm”ga qarshi o’yindan so’ng bildirgan fikrlari
— O'yin haqida fikringiz?
— Ikki jamoa ham g'alaba uchun harakat qildi. O'z imkoniyatlarimizdan foydalanib keyingi bosqichga chiqdik. Kubok bahslari bitta o'yindan iborat bo'lgani uchun yarimta vaziyatni ham golga aylantirishga to'g'ri keladi. Kecha ko'rdik, "Andijon" jamoasi 2:0 hisobida oldinda bora turib uchrashuv 2:2 hisobida tugadi va "Andijon" penaltilar seriyasida g'alaba qozondi.Bugun "Xorazm" jamoasi ham jangovor o'yin ko'rsatdi, oxirigacha kurash olib bordi. Qiziqarli o'yin bo'ldi deb hisoblayman. Keyingi bosqichga chiqqanimizdan xursandman. Endi chempionatning navbatdagi turiga hozirlik ko'ramiz. Stadionga kelgan muxlislarga ham o'z minnatdorchiligimizni bildiramiz.
— O'yinga bir kun qolganida "Xorazm"ga yangi murabbiy tayinlandi. Bu sizning tayyorgarligingizga qanday ta’sir qildi?
— Albatta, o'yindan oldin har bir detalni inobatga olamiz. Raqib safida bugun ayrim yetakchilar o'ynamadi va boshqalar o'zini ko'rsatishga harakat qildi. Bu o'z navbatida boshqa o'yinchilarga imkon beradi. Bugun Kubokka xos bo'lgan dramatik o'yin guvohi bo'ldik.
“Xorazm” PFK bosh direktori lavozimida o‘zgarish yuz berdi. Ro‘zimboy Ahmedov o‘rniga Xursandbek Matkarimov vaqtincha bosh direktor etib tayinlandi.
“Xorazm” PFK rahbariyatida o‘zgarish yuz berdi. Klub bosh direktori lavozimida faoliyat yuritib kelgan Ro‘zimboy Ahmedov bilan tuzilgan mehnat shartnomasi bekor qilindi. Xursandbek Matkarimov “Xorazm” PFK bosh direktori vazifasini vaqtincha bajaruvchi etib tayinlandi.
Xursandbek Matkarimovga yangi mas’uliyatli faoliyatida muvaffaqiyat va omad tilaymiz!
Xorazm futbol klubi rahbariyatida kadrlar o‘zgarishi amalga oshirildi.
Xorazm klubi rahbariyatida o‘zgarish.
Mahalliy mutaxassis Vali Sultonov «Xorazm» professional futbol klubiga bosh murabbiy etib tayinlandi.
Vali Sultonov — “Xorazm” PFK bosh murabbiyi
“Xorazm” professional futbol klubiga mahalliy mutaxassis Vali Sultonov bosh murabbiy etib tayinlandi.
Vali Sultonov jamoaning qolgan uchrashuvlarida bosh murabbiy sifatida faoliyat olib boradi.
Yangi bosh murabbiyga jamoamiz bilan birgalikda oldinda turgan uchrashuvlarda yuqori natijalarga erishish, klub oldiga qo‘yilgan maqsad va vazifalarni muvaffaqiyatli amalga oshirish yoʻlida zafarlar tilab qolamiz.
Murabbiy Xorazmga qarshi kechgan bahs va sun'iy qoplama bilan bog'liq qiyinchiliklar haqida o'z fikrlari bilan o'rtoqlashdi.
— Xo‘sh, eng birinchi muammo — bu, albatta, sun’iy qoplama bo‘ldi. Tabiiy chimdan sun’iy maydonga o‘tish... ochig‘ini aytsam, aynan shundan xavotirda edik. Shunga yarasha o‘zimizga o‘yin uchun aniq bir reja tuzib oldik.
Birinchi bo‘limda tashabbus «Xorazm» tomonida bo‘ldi. To‘p nazoratini ushlab turishdi, hujumlar tashkil qilishdi, xavfli vaziyatlar yaratishdi. Birinchi bo‘limda, to‘g‘risi, bizda hamma narsa ham o‘xshayvermadi.
Ikkinchi bo‘limda esa o‘yin jonlandi, ancha hujumkor ko‘rinish oldi. Keyin bir qator almashtirishlarni amalga oshirdik, zaxiradan tushgan futbolchilarimiz o‘yinni kuchaytirishdi. Umuman olganda, fikrimcha, bu durangga loyiq bahs bo‘ldi.
Qisqasi, «Xorazm» uchun ham, biz uchun ham... xolisona aytganda, bugun ikki jamoa ham durangga loyiq o‘yin ko‘rsatdi.
Yigitlarga maydonda borlarini berishgani va umuman butun o‘yin uchun minnatdorchilik bildiraman. «Xorazm» jamoasiga esa kelgusi bahslarda omad tilayman. Rahmat.
Superliga 21-tur doirasidagi Xorazm hamda So'g'diyona jamoalari o'rtasidagi bahs golsiz durang bilan yakunlandi.
Superliga 21-tur doirasidagi Xorazm hamda So'g'diyona jamoalari o'rtasidagi uchrashuv yakunlandi.
O'yin 0:0 hisobidagi durang bilan yakuniga yetdi. Uchrashuv statistikasi ham qayd etildi.
Mirjalol Qosimov “Xorazm”ga qarshi o'yindan so'ng o'z fikrlari bilan o'rtoqlashdi.
Matbuot anjumani. Mirjalol Qosimovning “Xorazm”ga qarshi o’yindan so’ng bildirgan fikrlari
Championat.asia sayti talqiniga ko'ra, OKMK — "Xorazm" uchrashuvining eng yaxshi futbolchisi deb Umidjon Ergashev topildi.
Championat.asia sayti talqiniga ko'ra, OKMK — "Xorazm" (1:0) uchrashuvining eng yaxshi futbolchisi — Umidjon Ergashev ⭐️
Superliga 20-turidan o‘rin olgan bahsda OKMK o‘z maydonida “Xorazm”ni Siavash Haqnazari goli evaziga mag‘lub etdi.
Superliga doirasida OKMK “Xorazm”ga qarshi bahs olib borib, 1:0 hisobida g‘alaba qozondi. “Konchilar” muhim uch ochkoni qo‘lga kiritdi.
Uchrashuvning dastlabki daqiqalaridan OKMK hujumkor futbol namoyish etdi. 13-daqiqada Nodir Abdurazzoqovning zarbasi darvozaning tashqi tomoniga tegdi. Oradan ikki daqiqa o‘tib esa OKMK hisobni ochdi. Siavash Haqnazari maydon markaziga yaqin hududdan yo‘llagan aniq zarbasi bilan jamoamizni oldinga olib chiqdi.
“Xorazm”ning 17-daqiqadagi goli o‘yindan tashqari holat sabab hisobga olinmadi.
19-daqiqada Aziz Xolmurodov xavfli hujumni yakunlab, zarba berdi. “Xorazm” darvozaboni Umidjon Ergashev to‘pni qaytardi. 21-daqiqada “Xorazm” jarima maydonidagi vaziyat VAR orqali ko‘rib chiqildi, biroq penalti belgilanmadi. 26-daqiqada Nodir Abdurazzoqov birga-bir vaziyatga chiqdi, ammo darvozabon yana seyv bilan OKMKning ikkinchi goliga yo‘l qo‘ymadi.
Ikkinchi bo‘limda OKMK hisobdagi ustunlikni saqlab qolish bilan birga, qarshi hujumlarda xavfli vaziyatlar yaratdi. 51-daqiqada Aziz Xolmurodovning zarbasini Ergashev qaytardi. 75-daqiqada esa Hazratjon Tursunqulovning kuchli zarbasi ham darvozabon tomonidan bartaraf etildi.
Qolgan vaziyatlarda OKMK himoyasi ishonchli harakat qilib, minimal ustunlikni saqlab qoldi. Yakuniy hushtakdan so‘ng OKMK 1:0 hisobidagi g‘alabani rasmiylashtirdi va noxush an’anaga barham berdi!
Superliga. 20-tur.
OKMK FK — “Xorazm” 1:0
Gollar: Siavash Haqnazari (15)
Bosh hakam: Nayim Qosimov. Yordamchi hakamlar: Zufar Eliboyev, Elnur Doniyorov. Zaxira hakami: Salohiddin Akramov. VAR: G‘ayrat Jo‘rayev. AVAR: Dias Galeyev. Nazoratchi: Bobur Haydarov. Komissar: Akmal Rahmatov.
OKMK tarkibi: 23.Hamidullo Abdunabiyev, 3. Shahzod Toirov, 4. Mirjamol Qosimov (28. Arihiro Sentoku, 84), 5. Giorgi Papava, 7. Dilshod Ahmadaliyev, 9. Aziz Xolmurodov (27. Urosh Koyich, 74), 10. Asadbek Sobirjonov, 17. Nodirbek Abdurazzoqov (21. Hazratjon Tursunqulov, 74), 19. Ahmadullo Muqimjonov, 44. Abror Karimov, 88. Siavash Haqnazari.
“Xorazm” tarkibi: 77. Umidjon Ergashev, 9. Sardorbek Azimov (71. Umid Sultonov, 61), 13. Elzio Lohan (6. Nurjahon Muzaffarov, 46), 15. Diyor Ortiqboyev, 17. Danil Nugumanov, 22. Sunnatulloh Hamidjonov (12. Maksim Shiryayev, 46), 25. Matiya Rom, 55. Azizbek Pirmuhammadov, 90. Ulug‘bek Hoshimov, 94. Rustam Abduhamidov (79. Aziz Ahrorov, 79), 96. Rafael Sabinyo (34. Suhrob Izzatov, 61).
Ogohlantirishlar: Rafael Sabinyo (39), Diyor Ortiqboyev (82).
«Andijon» hujumchisi Martin Boake «Paxtakor»ga qarshi o'yin oldidan o'z fikrlari bilan o'rtoqlashdi.
Martin Boake: «Biz o'z o'yinimizni namoyish qilishimiz kerak. Muhimi shu»
«Andijon»ning italiyalik hujumchisi Martin Boake o'tgan turda qahramonga aylandi. U «Bobur arena»da «Xorazm» jamoasiga qarshi bo'lib o'tgan uchrashuvda zaxiradan maydonga tushib raqib darvozasini ishg'ol qildi va uning yagona goli «Burgutlar»ga uch ochko keltirdi.
Endilikda u jamoasi bilan «Paxtakor»ga qarshi o'tadigan navbatdagi muhim bellashuvga jiddiy hozirlik ko'ryapti. Muxlislar esa ushbu hujumchidan yana gollar kutishlari tabiiy.
Boake o'tgan turdagi goli va bo'lajak o'yin borasida bir qator savollarga javob qaytardi.
- Martin, hozirgi vaqtda «Paxtakor»ga qarshi muhim uchrashuvga tayyorgarlik jarayoni qanday kechmoqda?
- Bilasizmi, biz har doimgidek, yaxshi va qattiq mehnat qilyapmiz. O'yinga jiddiy tayyorgarlik ko'ryapmiz.
- Uch uchrashuvlik diskvalifikasiyadan so'ng «Xorazm»ga qarshi bahsda maydonga qaytdingiz va jamoaga g'alabani taqdim etgan yagona golni urdingiz. Zaxiradan maydonga tushayotganingizda gol urishingizni his qilganmidingiz?
- Men yaxshi o'ynash va jamoaga yordam berishga e'tibor qaratdim. Xudoga shukr, gol urish imkoniyati berildi va men undan foydalandim. Albatta, jamoamning g'alabasiga hissa qo'shganimdan juda xursandman.
- Diskvalifikasiya paytida motivasiyangiz va g'alabaga bo'lgan intilishingiz yanada kuchaydimi?
- Yanada yaxshiroq harakat qilish uchun o'zimni rag'batlantiryapman. Chunki qizil kartochka olib, xato qildim. Shuning uchun buni doim yodda tutib, bundan keyin bunday xatolarni takrorlamaslikka va har doim yaxshiroq o'ynashga harakat qilaman.
- O'zbekiston chempionatida eng kuchli hujumchi kim, deb hisoblaysiz?
- Aytishim mumkinki, bu ligadagi barcha hujumchilar yaxshi. Birortasini ajratib ko'rsatmayman.
- Chempionatimizda siz uchun noqulay himoyachilar bormi?
- Rosti, bilmayman (kuladi).
- «Paxtakor»ga qarshi uchrashuvdan nimalar kutyapsiz? Yana bir gol urishingizga qanchalik ishonchingiz komil?
- Keling, Xudo bizga nima berishini ko'ramiz. Lekin biz o'z o'yinimizni namoyish qilishimiz kerak. Men uchun eng muhimi shu.
- Ayni paytda hisobingizda uchta gol bor. Chempionat yakuniga qadar nechta gol urishni xohlardingiz?
- Umid qilamanki, hali ko'p-ko'p gollar uraman.
Superliga 19-turidan o'rin olgan bahsda Andijon o'z maydonida Xorazmni mag'lub etdi. Uchrashuv taqdirini Martin Boakye hal qildi.
Superliga 19-turidan o'rin olgan bahsda Andijon o'z maydonida Xorazm bilan kuch sinashdi.
Uchrashuv taqdirini 87-daqiqada Martin Boakye tomonidan kiritilgan yagona gol hal qildi.
Jamoamiz bosh murabbiyi Islombek Ismoilovning “Neftchi” - “Xorazm” uchrashuvidan soʻng bildirgan fikrlari.
Jamoamiz bosh murabbiyi Islombek Ismoilovning “Neftchi” - “Xorazm” uchrashuvidan soʻng fikrlari
Birinchi liga 16-turidan o'rin olgan Qo'qon-1912 va Neftchi jamoalari o'rtasidagi bahs yakunlandi. Afsuski, jamoamiz mag'lubiyatga uchradi.
Birinchiligi, 16-tur
Qo'qon-1912 ⚔️ Neftchi 1:2
Uchrashuv yakunlandi. Afsuski jamoamiz to’liq ustunlik qilgan bahsda mag’lub bo’ldik
PFL Ijroiya qo‘mitasiga klublar vakillarini saylash tartibi o‘zgardi. Endilikda vakillar mintaqalar bo‘yicha saylanadi.
Liga Ijroiya qo‘mitasining klublar vakillari mintaqalar bo‘yicha saylanadi.
O‘zbekiston professional futbol ligasi Ustavining yangi tahriri 100 foiz ovozi bilan tasdiqlandi.
⚽️ O‘zbekiston professional futbol ligasi Ustavining yangi tahriri 100 foiz ovozi bilan tasdiqlandi
Umumiy yig‘ilish yakunlariga ko‘ra, Maqsud Karimov O'zbekiston Professional futbol ligasi Ijroiya qo‘mitasiga saylandi.
Umumiy yig‘ilish G‘arbiy mintaqadan Maqsud Karimovni Ijroiya qo‘mitasiga sayladi.
Birinchi turda Maqsud Karimov va Shavkat Salomov 50 foizdan kam ovoz olgani tufayli, Liga Ustaviga ko‘ra ikkinchi tur o‘tkazildi va unda Xorazm klubi vakili g‘alaba qozondi.
«Andijon» yarim himoyachisi Aleksandr Andronikashvili jarohati va reabilitatsiya jarayoni haqida gapirib berdi.
Aleksandr Andronikashvili: «Dunyoning eng buyuk klublari ham shunday muxlislarga ega bo'lishni orzu qilsa kerak»
«Andijon»ning gruziyalik tayanch yarim himoyachisi Aleksandr Andronikashvili o'z o'yinlari bilan muxlislar mehrini qozongani shubhasiz. Shu bois u jamoada o'z o'rniga ega bo'ldi. Biroq futbolda jarohat degan yoqimsiz holat ham bo'lib, bu har bir o'yinchi bilan sodir bo'lishi mumkin.
Afsuski, Andronikashvilida ham aynan jarohat yuz berdi va natijada davolanish uchun Gruziyaga yo'l olishiga to'g'ri keldi. Unga oyog'idagi chov sohasining yallig'lanish sindromi tashxisi qo'yilgan bo'lib, futbolchi aynan shu yo'nalishda davolanish jarayonida. E'tiborlisi, Gruziya terma jamoasi shifokori futbolchimizni davolamoqda. Albatta, klub shifokori ham futbolchi bilan doimiy aloqada va nazorat qilib bormoqda.
O'z navbatida Aleksandr Andronikashvili jarohati bo'yicha klub matbuot xizmatiga intervyu berdi.
- Sandro yaxshimisiz? Jarohatingiz sababli Gruziyada davolanib kelmoqdasiz. Ayting-chi, davolanish jarayoni qanday davom etmoqda?
- Assalomu alaykum. Ha, hozir Gruziyada va eng yaxshi shifokorlar nazorati ostida reabilitatsiya jarayonini o'tayapman. Barcha zarur muolajalarni olmoqdaman. Buning sababi — Andijonda bunday imkoniyatlar mavjud emas
- Aslida bu jarohat qachon sodir bo'lgandi?
- Bu jarohatni Urganchning «Xorazm» jamoasiga qarshi o'yinda olganman.
- Umuman olganda, o'zingizni qanday his qilyapsiz va jamoaga qachon qo'shilasiz?
- O'zimni ancha yaxshi his qilyapman. Allaqachon reabilitatsiya mashqlarini boshladim. Yaqin orada jamoa bilan mashg'ulotlarga kirishishimga umidim katta. Albatta, bu reabilitatsiya jarayoni qanday kechishiga bog'liq.
- Muxlislar sizni qo'llab-quvvatlagan holda tezroq qaytishingizni kutishmoqda. Ular uchun nima deya olasiz?
- Muxlislarga chuqur minnatdorchiligimni bildirmoqchiman. Chunki ularning ulkan qo'llab-quvvatlashini doimo his qilib turaman. Maydonga qaytib, ularga quvonch ulashishni intiqlik bilan kutyapman. O'ylaymanki, dunyoning eng buyuk klublari ham shunday muxlislarga ega bo'lishni orzu qilsa kerak.
- Oldin ham shunday jarohat bilan davolanganmisiz?
- Ha, avval ham shunga o'xshash jarohat olganman. Shuning uchun tezroq tiklanish va imkoni boricha tezroq jamoaga yordam berish uchun qanday davolanish kerakligini yaxshi bilaman.
- Hozirda qanday muolaja va reabilitatsiya jarayonlarini olyapsiz?
SIS
TECAR
US Therapy
EMS
Manual Therapy
Kinesiotherapy
PRP
Izoh:
SIS — yuqori intensivlikdagi elektromagnit stimulyatsiya terapiyasi
TECAR — TECAR-terapiya, to'qimalarni tiklash va qon aylanishini yaxshilashga qaratilgan fizioterapiya
US Therapy — ultratovush terapiyasi
EMS — elektromiostimulyatsiya
Manual Therapy — manual terapiya
Kinesiotherapy — kinezioterapiya, harakat va maxsus mashqlar orqali reabilitatsiya
PRP — trombotsitlarga boy plazma terapiyasi.
Shuningdek, «Andijon» klubi shifokori Olimjon Ne'matov Andronikashvilining jarohati haqida shunday dedi:
«Andronikashviliga qo'yilgan diagnoz — ARS sindromi. Bu jarohatni tezda davolab yuborishning aniq va qisqa yo'li yo'q. Faqat dori-darmonlar bilan uni qisqa vaqt ichida bartaraf etib bo'lmaydi.
Bundan jarohat kompleks terapiya asosida davolanadi. Davolash jarayonida asosiy e'tibor LFK va maxsus, ya'ni spesifik mashqlarga qaratiladi. Qolgan muolajalar esa asosan simptomatik davolashdan iborat. Andijonda esa PRP va TECAR terapiyasi kabi davolash usullaridan foydalanish imkoniyati bo'yicha ayrim muammolar bor.
Umuman olganda, bu jarohatni davolash ma'lum vaqt talab qiladi. Buning asosiy sabablaridan biri — ushbu sohaning anatomik jihatdan o'ziga xos xususiyatlarga ega ekanidir».
Vali Sultonov OKMKga qarshi kechgan O'zbekiston Kubogi uchrashuvidan so'ng o'z fikrlari bilan o'rtoqlashdi.
Vali Sultonovning OKMKga qarshi o’yindan so’ng bildirgan fikrlari
— O'yin haqida fikringiz?
— Uchrashuv juda chiroyli va qiziqarli kechdi. Avvalambor Olmaliq jamoasini g'alaba bilan tabriklayman. Bazan chempionatda ham shunday qiziq o'yinni ko'rmasligimiz mumkin. Bir so'z bilan aytganda, muxlislarga yoqadigan futbol kechdi desa bo'ladi.
— Bundan 13 kun avval "Xorazm" shu stadionda OKMK mehmoni bo'lgandi. Albatta, shu o'yinni ham ko'rib chiqqan bo'lishingiz tabiiy. O'sha bahs bilan solishtirganda nimalarni o'zgartira oldingiz?
— To'g'ri savol berdingiz. Jamoani kecha qabul qilib oldim va endi birinchi mashg'ulotni o'tkazdik. Bugun esa Kubokda rasmiy uchrashuvda maydonga tushdik. Afsus, to'liq tarkib bilan o'ynay olmadik, 6-7 nafar futbolchimizda jarohat bor va ular uyda qolishgan. Ko'rsatilgan o'yin uchun futbolchilarga rahmat aytaman, oxirigacha kurash olib bordik.
Mirjalol Qosimovni juda hurmat qilaman, buni ko'pchilik biladi, u kishini o'zimga ustoz deb hisoblayman. Shogird ustozdan o'tmasa, shogird emas deyishadi-ku, bugun shunga yaqin kelgandik. Olmaliq jamoasiga O'zbekiston Kubogida omad tilab qolaman.
OKMK O‘zbekiston Kubogi 1/8 finalida «Xorazm»ni mag‘lub etib, chorak finalga yo‘l oldi. Siavash Haqnazari dubl qayd etdi.
OKMK jamoasi O‘zbekiston Kubogi 1/8 final uchrashuvida «Xorazm»ni 2:1 hisobida mag‘lub etib, chorak final yo‘llanmasini qo‘lga kiritdi! 🔥
Uchrashuvning dastlabki daqiqalarida jamoalar ehtiyotkor harakat qildi. OKMK bir necha bor xavfli hujumlar uyushtirib, hisobni ochishga yaqin keldi. 60-daqiqada esa hakam tomonidan belgilangan penaltini Siavash Haqnazari aniq ijro etib, jamoamizni oldinga olib chiqdi — 1:0.
«Xorazm» 87-daqiqada hisobni tenglashtirib, uchrashuvni yanada keskinlashtirdi — 1:1. Biroq so‘nggi daqiqalarda OKMK bosimni oshirdi. VAR ko‘rigidan so‘ng jamoamiz foydasiga yana bir penalti belgilandi. 90+9-daqiqada Siavash Haqnazari imkoniyatdan unumli foydalanib, dublini rasmiylashtirdi va OKMKga muhim g‘alabani taqdim etdi — 2:1.
O‘zbekiston kubogi. 1/8 final.
OKMK FK — «Xorazm» 2:1
Gollar: Siavash Haqnazari (60, pen), (90+9, pen) — Umidbek Sultonov (87).
Bosh hakam: Umidjon Rahimjonov. Yordamchi hakamlar: Sardor Sodiqov, Abdurahmon Shukurullayev. Zaxira hakami: Sanjar Nazarov. VAR: Doston Rahmonov. AVAR: Shohnur Yo'ldoshev. Nazoratchi: Baxtiyor Tog'aev. Komissar: Diyor Xotamqulov.
OKMK: 23.Hamidullo Abdunabiyev, 4.Mirjamol Qosimov, 5.Giorgi Papava, 6.Avazbek O'lmasaliyev, 7.Dilshodbek Ahmadaliyev, 8.Abubakr Rizo Turdialiyev, 9.Aziz Xolmurodov, 17.Nodirbek Abdurazzoqov, 19.Ahmadullo Muqimjonov, 27.Urosh Koyich, 88.Siavash Haqnazari.
Zaxira: 1.Muhammad Ubaydullayev, 3.Shahzod Toirov, 10.Asadbek Sobirjonov, 11.Ali Abdurahmonov, 21.Hazratjon Tursunqulov, 22.Saidafzalxon Ahrorov, 28.Arihiro Sentoku, 30.Abror Sarimsoqov, 77.Ivan Peshich.
«Xorazm»: 77.Umidjon Ergashev, 5.Abbosjon Otaxonov, 6.Nurjahon Muzaffarov, 9.Sardor Azimov, 10.Rafael Tavares, 12.Maksim Shiryayev, 22.Sunnatulloh Hamidjonov, 34.Suhrob Izzatov, 79.Azizjon Ahrorov, 88.Abror Xo'sinov, 96.Rafael Sabino Dos Santos.
Zaxira: 33.Nikolo Stoshich, 3.Ravshonbek Sultanov, 7.Timur Ismoilov, 11.Danila Ejov, 17.Daniil Nugumanov, 23.Sarvar Bekchanov, 41.Ismandiyor Ummatov, 55.Azizbek Pirmuhammedov, 71.Umidbek Sultonov.
Ogohlantirishlar: Ahmadullo Muqimjonov (31), Avazbek O’lmasaliyev (76), Asadbek Sobirjonov (90+1) — Nurjahon Muzaffarov (73), Sunnatulloh Hamidjonov (77), Abbosjon Otaxonov (90+13).
Xorazm PFK bosh murabbiyi Sergey Tokov bilan tuzilgan mehnat shartnomasi o‘zaro kelishuvga ko‘ra bekor qilindi.
Xorazm PFK bosh murabbiyi Sergey Tokov boshchiligidagi murabbiylar shtabi bilan o‘zaro kelishuv asosida tuzilgan mehnat shartnomasi bekor qilindi.
Xorazm PFK rahbariyati Sergey Tokov hamda murabbiylar shtabi a’zolariga klubdagi faoliyati, jamoa rivoji yo‘lidagi mehnati va qo‘shgan hissasi uchun minnatdorlik bildiradi.
Klub Sergey Tokov va murabbiylar shtabiga kelgusidagi professional faoliyatida muvaffaqiyat va omad tilaydi.
OKMK futbolchisi Siyavash Haqnazari «Xorazm»ga qarshi o'yindan so'ng Tribuna.uz nashriga bergan intervyusida o'z goli haqida fikr bildirdi.
Siyavash Haqnazari: «Bu faoliyatimdagi eng chiroyli gol emas»
OKMKning eronlik futbolchisi «Xorazm»ga qarshi bellashuvdan keyin Tribuna.uz uchun eksklyuziv intervyu berdi.
Superliga 20-turida "Paxtakor" o'z maydonida "Andijon"ni 3:0 hisobida mag'lub etdi. Gollarga Tahsin, Sobirxo'jayev va Abdumajidov mualliflik qilishdi.
Superliga 20-turidan o'rin olgan "Paxtakor" - "Andijon" uchrashuvi yakunlandi. O'yinda hisob 3:0 ko'rinishida qayd etildi.
Gollar: Tahsin 21, Sobirxo'jayev 29, Abdumajidov 69.
"Paxtakor" matbuot xizmati xabariga ko'ra, "AKFA" bilan "Paxtakor" yanada kuchli!
Andijon va Xorazm jamoalari o'rtasidagi uchrashuvda muxlislar ovoz berish yo'li bilan o'yinning eng yaxshi futbolchisi sifatida Martinni tanlashdi.
🏅 UCHRASHUVNING ENG YAXSHISI
Bugun bu unvon — senga, Martin! 👏
⚽️ 87-daqiqa. Bir zarba — va uch ochko bizniki bo'ldi. Yakuniy hisob — Andijon 1:0 Xorazm.
Muxlislar 588 ta ovoz berdi. Ulardan 170 tasi — 29% — senga tegishli.
Keyingi o'rinlarda:
· Andronikashvili — 97 ovoz
· Sulaymonov — 91 ovoz
· Potapov — 64 ovoz
Tabriklaymiz, Martin! Shu ishonch, shu o'yin davom etsin — omad hamisha yoningda bo'lsin. 💙❤️
Bunday o'yinlar uchun butun jamoaga rahmat 🙌
Ovoz bergan har bir muxlisga rahmat — tanlov sizniki edi.
Andijon yarim himoyachisi Damir Temirov Xorazm ustidan qozonilgan g'alaba va o'yin borasidagi taassurotlari bilan o'rtoqlashdi.
Andijon jamoamiz Superliga 19-tur doirasida Bobur arenada Xorazmga qarshi bo'lib o'tgan uchrashuvda 1:0 hisobida g'alaba qozonib, uch ochkoni qo'lga kiritganidan xabaringiz bor.
Uchrashuvni to'liq o'tkazgan va g'alabaga o'z hissasini qo'shgan yarim himoyachi Damir Temirov bellashuv borasida klub matbuot xizmatiga o'z fikrlarini quyidagicha bildirdi:
Juda zo'r va tomoshabop o'yin bo'ldi. Haqli g'alabaga erishdik, deb o'ylayman. Hisob 0:0 bo'lib turganda ham asabiylashganimiz yo'q, chunki o'yinni 90 daqiqa nazorat qildik.
Gol urgandan keyin emosiyaga berilib, o'yin nazoratini va konsentrasiyani yo'qotmaslikni o'yladik. Xudoga shukurki, g'alaba qozonib, muxlislarimizni xursand qila oldik, - dedi Temirov, klub matbuot xizmatiga.
O'zbekiston chempionati doirasidagi Andijon va Xorazm jamoalari o'rtasidagi uchrashuv statistikasi.
🔵 Andijon 1:0 Xorazm
📊 Uchrashuv statistikasi
Andijon va Xorazm o'rtasidagi uchrashuvdan so'ng mehmonlar bosh murabbiyi Sergey Tokov o'yin haqidagi fikrlari bilan o'rtoqlashdi.
Andijon - Xorazm (1:0) o'yinidan keyingi matbuot anjumanida mehmonlar bosh murabbiyi Sergey Tokov qatnashdi.
O'yindan keyingi fikrim shuki, uchrashuv og'ir va kurashlarga boy bo'ldi. Bitta xato o'yin taqdirini hal qildi. Kim xato qilsa, o'sha mag'lub bo'ladi. Afsuski, xatoga biz yo'l qo'ydik. Andijonni g'alaba bilan tabriklayman.
- Xorazm jamoasi birinchi bo'limdan boshlab besh nafar himoyachi bilan o'ynadi. Bu Andijonning o'yiniga moslashish maqsadida qilingan qaror edimi? Ikkinchi bo'limda esa bitta himoyachini kamaytirib, to'rt himoyachi bilan o'ynab, yarim himoyaga yana bir futbolchini qo'shish mumkin emasmidi?
Menimcha, birinchi bo'limni yomon o'tkazmadik. Besh nafar himoyachi bilan o'ynashimiz himoyalanishga qaratilgan taktika emas edi. Agar e'tibor bergan bo'lsangiz, oldinda pressing qilish uchun to'rt nafar futbolchini qoldirgan edik. SHuning uchun ikkinchi bo'limda... balki biroz chuqurroq o'ynab qoldik. Ehtimol, bunga charchoq ham sabab bo'lgandir. Sun'iy maydondan tabiiy chimli maydonga moslashish ham biroz qiyin kechdi. Qaysidir ma'noda, o'yinda jismoniy jihatdan bizga yangilik, ya'ni kuch yetishmadi. Bundan tashqari, jarohat olgan futbolchilarimiz ham bor. Shu sababli hozircha o'yinni kuchaytirish biroz qiyin bo'lmoqda. Lekin bizning maqsadimiz himoyada o'ynash emas edi. Aksincha, yuqoriroq o'ynashga, pressing qilishga harakat qildik. Ikkinchi bo'limda esa biroz kuchimiz kamayib qoldi.
- Xorazm jamoasi kuchli jamoalarga qarshi yaxshi o'yin ko'rsatyapti. Lekin o'rtamiyona jamoalarga qarshi o'ynaganda qandaydir sustlik sezilayotgandek...
Buni nimaga asoslanib aytyapsiz? Qaysi jamoalarni o'rtamiyona deb hisoblaysiz? Andijonni o'rtamiyona jamoa deb hisoblaysizmi? Agar mana shunday tarkibga ega jamoani o'rtamiyona deb hisoblasangiz, unda nima deyishni ham bilmayman. Demak, biz umuman boshqa darajada ekanmiz. Raqib jamoa tarkibida shunday futbolchilar borki, legionerlari ham yaxshi. Shaxsan men Andijonni o'rtamiyona jamoa deb hisoblamayman. Sizlarda yaxshi murabbiy ham, yaxshi jamoa ham bor. Menimcha, bunday futbolchilar tarkibi va shu murabbiy bilan jamoa bemalol sovrinli o'rinlar uchun kurasha oladi. To'g'ri, qaysidir o'yinlarda nimadir o'xshamayotgan bo'lishi mumkin. Men klubning ichki ishlarini bilmayman. Ammo jamoa yaxshi shakllantirilgan. Zaxiradan ham yaxshi futbolchilar maydonga tushmoqda. Bular yuqori darajadagi jamoalarda o'ynagan va yetarlicha yaxshi o'yinlar ko'rsatgan futbolchilar.
- Zaxiradan maydonga tushgan futbolchilar o'yinni qanchalik kuchaytira oldilar?
Rostini aytsam, ulardan o'yinni ko'proq jonlantirishini kutgandim. Ammo u kutilgan natijani bera olmadi. Balki yosh futbolchi biroz hayajonlanib, o'zini yo'qotib qo'ygandir. O'yinni kuchaytirishini xohlagandik, ammo, afsuski, buning uddasidan chiqa olmadi.
- Stoshich nima uchun zaxirada qoldirilyapti?
Biz boshqa darvozabonni ham tarkibimizga qo'shdik va u Stoshich bilan raqobatda ustun keldi. Bugungi kunda murabbiylar shtabi fikriga ko'ra, u kuchliroq. Shu sabalbi hozir aynan Umid Ergashev o'ynamoqda.
Andijon bosh murabbiyi Islom Ahmedov Xorazmga qarshi kechgan qiyin g'alaba va jamoa tarkibidagi o'zgarishlar haqida gapirdi.
"Andijon" - "Xorazm" (1:0) uchrashuvidan so'ng jamoamiz ustozi Islom G'ulomovich Ahmedov matbuot anjumanida ishtirok etdi.
Bugungi g'alaba bilan barcha andijonlik muxlislarimizni chin qalbimizdan tabriklaymiz. O'yinga kelsak, oson kechmadi. Bundan buyog'iga ham jamoalar yetarlicha qarshilik ko'rsatishadi. Oson uchrashuvlarning o'zi yo'q. Bu nimadan dalolat? Barcha klublar kuchayib boryapti. Shuning uchun bu uchrashuv oson bo'lmasligini oldindan bilgandik. Shu sababli futbolchilarga tushuntirdik. Ularga rahmat aytamiz, muvozanatni yo'qotmasdan oxirigacha hujumkor o'ynashga harakat qilishdi. Himoyalanayotgan jamoaga gol urish juda ham qiyin. Lekin qanotlarni o'zgartirdik va oxirida raqib darvozasiga yo'l topa oldik.
- Jamoa «Neftchi» bilan yaxshi o'ynagandi. Oxirgi ikkita turda esa kreativlik yetishmagandek. Raqibga moslashib o'ynayotgandek taassurot uyg'otyapti. Kuchlilarga qarshi kuchliroq va o'rtamiyonalarga qarshi shunga yarasha o'ynayotgandek...
Unday demagan bo'lardim. Chunki hozir aytganimdek, kuchsiz jamoaning o'zi yo'q. «Xorazm»ning o'yinlarini ham tahlil qilganimizda juda yaxshi o'yin ko'rsatishgan. Kuchsiz deb hisoblamayman. Himoyalanayotgan jamoaga qarshi o'ynash qiyinroq. Ochiq, hujumkor o'ynaydigan klublarga qarshi bellashuvlarda bizda vaziyatlar ko'proq bo'ladi. Chunki oldinga o'tayotganda orqada bo'sh hududlar paydo bo'ladi. Himoyaviy o'ynayotgan jamoalarni yorib o'tish biroz qiyinroq kechyapti.
- «Xorazm» birinchi daqiqadan besh nafar himoyachi bilan o'ynadi. Har bir jamoada A va B rejalar bo'ladi. Ikkinchi bo'lim boshidanoq ikki nafar hujumchi bilan o'ynasa bo'lmasmidi?
Rejamizda bor edi. O'yinni boshidan o'zgartirib yuboradigan bo'lsak, o'xshamay qolishi mumkin. Chunki markazni berib qo'yishimiz hech gap emasdi. Unday bo'lsa, to'pni nazorat qila olmay qolishimiz ham mumkin edi. Agar gol urmaydigan bo'lsak, yana ikkinchi hujumchini ham tushirish rejamizda bor edi.
- Zaxiradan maydonga tushgan o'yinchilardan ko'nglingiz to'lgan bo'lsa kerak. G'alabaga Cheran, Sulaymonov, Boake kabi futbolchilar ham o'z hissalarini qo'shishdi...
Zaxiradan maydonga tushib o'yinni yanada kuchaytirib berishyapti, ko'nglimiz to'ldi. G'alabaga yuqori hissasini qo'shishdi.
- Shoxmalik Komilov zaxirada qolyapti. Buni sababi nimada?
Shoxmalik juda iqtidorli o'yinchi. Imkoniyat bo'ladi. Ochig'i, bizda markazda raqobat juda kuchli. Shoxmalik mashg'ulotlarda o'zini yaxshi ko'rsatyapti. Albatta, unga ham imkoniyat beramiz.
- «Andijon» U21 ishtirokidagi o'yinlarda negadir asosiy jamoa murabbiylar shtabini ko'rmaymiz...
Doim YouTube tarmog'i orqali o'yin to'g'ridan-to'g'ri efirga uzatiladi va biz kuzatib boramiz. Qolaversa, uchrashuvdan keyin shaxsan o'zim o'yinni yana takroran ko'rib chiqaman. Murabbiylar bilan bu xususida maslahatlashamiz, gaplashamiz. Ular nazoratsiz qolmagan. Doim yoshlar jamoamiz o'yinlarini ham tahlil qilamiz. Faqat bizda o'yindan bir kun oldingi mashg'ulotimiz ko'pincha o'yin vaqtiga to'g'ri kelib qolayotgani uchun bora olmayapmiz. Lekin albatta, vaqt topamiz.
- Muhammadkarim Toirov qaydnomada ko'rinmadi...
Kechagi mashg'ulotimizda mikrojarohat olib qoldi. Xudo xohlasa, «Paxtakor» bilan o'yingacha safga qaytadi, degan umiddamiz.
Superliganing 19-turida “Andijon” o'z uyida “Xorazm”ni qabul qilib, Martin Boakening goli evaziga g'alabaga erishdi.
Superliganing 19-turida “Andijon” jamoamiz o'z uyida Urganchning “Xorazm” klubini qabul qildi. 😍
O'tgan turda safardan g'alaba bilan qaytgan “Burgutlar” bu safar ham muxlislar qarshisida ularni yana g'alaba bilan xursand qilish vazifasi qo'yilgandi.
O'yin esa tabiiyki, ikkala jamoa uchun ham murosasiz va shiddatli tarzda kechdi. Bellashuv davomida Islom Ahmedov shogirdlari raqib darvozasi oldida bir qator xavfli hujumlarni uyushtirishdi. G'alabaga munosib o'ynagan “Burgutlar” yakunda ketma-ket hujumlardan birini gol bilan yakunlashdi.
Qanotdan Bekzod Sulaymonovning uzatmasini Martin Boake darvozaga joylab qo'ydi. Bosh murabbiyning topqirligi ham ish berdi. Boisi, zaxiradan maydonga tushirgan o'yinchilar bevosita gollarda ishtirok etishdi.
Umuman olganda, “Andijon”ning har bir o'yinchisi o'ziga yuklatilgan vazifani sharaf bilan uddaladilar va munosib g'alabaga erishgan holda o'z ishqibozlarini yana bir bor quvontirdi. Oʼyindan keyin doimgidek, gʼalaba muxlislar bilan birgalikda ajoyib tarzda nishonlandi.
G'alabalar bardavom bo'lsin! Keyingi manzil esa 4 sentabr kuni “Paxtakor”!
“Andijon” - “Xorazm” - 1:0 (0:0).
25 avgust. Andijon. “Bobur arena” stadioni. 6883 tomoshabin.Hakamlar: Firdavs Norsafarov, Alisher Usmonov, Xusan Xudoyberdiev
Zaxira hakami: Abdurasul Qayumbaev
VAR: Doston Rahmonov
AVAR: Shoxnur YUldashev
Nazorachi: Sulton Zaylobiddinov
Komissar: Jalolxon Inog'omxo'jaev“Andijon”: Artyom Potapov, Abdurahmon Komilov (Odil Abdumajidov, 83), Nemanya Chalasan, Islom To'xtaxo'jaev, Mahmud Maxamadjonov, Aleksandr Andronikashvili, Xumoyunmirzo Iminov (Dragan Cheran, 62), Damir Temirov, Imeda Ashortia (Aziz Turg'unboev, 74), Po'latxo'ja Xoldorxonov (Bekzod Sulaymonov, 62), Rustam Turdimurodov (Martin Boake, 74).
“Xorazm”: Umidjon Ergashev, Sunnatilloh Hamidjonov (Suhrob Izzatov, 72), Matiya Rum, Maksim Shiryaev, Alves Lusio (Nodir Abduhaliqov, 80), Diyor Ortiqboev, Sardor Azimov (Daniil Nugumanov, 65), Aziz Pirmuhammedov, Rustam Abduhamidov (Nurjahon Muzaffarov, 80), Rafael Das Santos, Ulug'bek Hoshimov (Rafael Tavares, 80).
Gol: Martin Boake, 86 – 1:0.
Ogohlantirishlar: Imeda Ashortia, 51. Aziz Turg'unboev, 89 – Nodir Abduxaliqov, 83. Diyor Ortiqboev, 90+1.
Fikr qoldirish va reaksiya uchun tizimga kiring.