Barchasi Transfer Matbuot Natijalar Umumiy ↔ Bog'langan

Paxtakor — yangiliklari Umumiy

Paxtakor va bog'liq yangiliklar

Toshkent shahri hokimi «Paxtakor» jamoasi bilan uchrashdi

Toshkent shahri hokimi «Paxtakor» jamoasi bilan uchrashdi

Toshkent shahar hokimi Shavkat Umurzoqov «Paxtakor» futbol klubi rahbariyati, murabbiylar shtabi va futbolchilar bilan uchrashuv o‘tkazdi.

“Paxtakor”: an’analarni saqlab qolish va yangi yutuqlar sari olg‘a intilish

🏟 Futbol — turli avlod, kasb va qarashga ega bo‘lgan insonlarni umumiy ishtiyoq, umid hamda g‘alabaga bo‘lgan ishonch bilan birlashtiruvchi millionlar o‘yini.

Toshkent shahar hokimi Shavkat Umurzoqov “Paxtakor” futbol klubi jamoasi — ma’muriyat va murabbiylar shtabi vakillari, jismoniy tayyorgarlik bo‘yicha mutaxassislar, jamoa sardori hamda futbolchilar bilan uchrashdi.

“Paxtakor” — milliy boylik, poytaxt va mamlakatimiz sporti tarixining bir qismi. Ushbu merosni asrab-avaylash klubni zamonaviy tendensiyalarga mos ravishda izchil rivojlantirishni talab etadi. O‘sish uchun muhim poydevor allaqachon mavjud: “Paxtakor” akademiyasi futbolchilarni tayyorlash bo‘yicha CIES Football Observatory global reytingida 46-o‘rinni egalladi.

🏟 Uchrashuvda zamonaviy futbol iste’dodlarni izlab topish, ularning kasbiy mahoratini oshirish, munosib mehnat sharoitlarini yaratish va halol sport raqobatini qamrab olgan butun bir ekotizim ekanligi ta’kidlandi. Uning negizini olimpiya qadriyatlari, o‘zaro hurmat va sog‘lom raqobat ruhi tashkil etadi.

💬 Uchrashuv jamoa a’zolari, jumladan, jamoa sardori bilan ochiq va samimiy muloqot ruhida o‘tdi. Unda klub faoliyatiga oid dolzarb masalalar, ularni hal etish bo‘yicha takliflar hamda ulkan maqsadlarga erishish uchun zarur shart-sharoitlar muhokama qilindi. Zamonaviy menejmentni joriy etish va “Paxtakor” tarixiga munosib imijni shakllantirishga alohida e’tibor qaratildi.

📈 Shuningdek, klubning moddiy-texnik bazasini yangilash va yaxshilash, xususan, futbolchilarni reabilitatsiya qilish va salomatligini tiklash, ularning jismoniy holatini bir maromda saqlash hamda mas’uliyatli o‘yinlarga to‘laqonli tayyorgarlik ko‘rish uchun zarur uskunalar bilan jihozlash masalalari ko‘rib chiqildi.

▫️ Umumiy vazifa: klub o‘yinchilarining fikr-mulohazalari asosida — jamoa an’analarini asrab-avaylash, uning salohiyatini to‘liq ro‘yobga chiqarish va yangi marralarni zabt etishdan iborat.

Superliga: Sentyabr oyining eng yaxshi murabbiyi nomzodlari e'lon qilindi

Superliga: Sentyabr oyining eng yaxshi murabbiyi nomzodlari e'lon qilindi

Superligada sentyabr oyining eng yaxshi murabbiyi bo'lishga nomzodlar ro'yxati e'lon qilindi.

⚽️ Superliga. Sentyabr oyining eng yaxshi murabbiyi (nomzodlar)

🟡 Kamoliddin Tojiyev (Paxtakor) — 3 o‘yin, 3 g‘alaba, to‘plar farqi 8:2

🔵 Ro‘ziqul Berdiyev (Nasaf) — 3 o‘yin, 3 g‘alaba, to‘plar farqi 13:3

🟡 Mirjalol Qosimov (OKMK) — 3 o‘yin, 2 g‘alaba, 1 mag‘lubiyat, to‘plar farqi 4:4

🔵 Timur Kapadze (Navbahor) — 3 o‘yin, 2 g‘alaba, 1 durang, to‘plar farqi 8:4

🟡 Anvar G‘ofurov (Surxon) — 3 o‘yin, 2 g‘alaba, 1 mag‘lubiyat, to‘plar farqi 3:3

Neftchi – Paxtakor uchrashuvi uchun chiptalar sotuvi boshlandi

Neftchi – Paxtakor uchrashuvi uchun chiptalar sotuvi boshlandi

O‘zbekiston Kubogi 1/8 finalidan o‘rin olgan “Neftchi” – “Paxtakor” uchrashuvi uchun chiptalar sotuvi boshlandi. Narxlar va sotib olish tartibi bilan tanishing.

O‘zbekiston Kubogi 1/8 final bosqichi doirasida 29-avgust kuni soat 19:00 da “Istiqlol” stadionida “Neftchi” – “Paxtakor” uchrashuvi bo‘lib o‘tadi.

📍Chiptalar “Istiqlol” stadioni kassalarida sotilmoqda.

💰Chipta narxlari har doimgidek — 30 000–50 000 so‘m etib belgilandi.
⭐️Oddiy sektorlar — 30 000 so‘m
⭐️VIP, 5-sektor — 50 000 so‘m

⏰Kassalar 10:00 dan boshlab faoliyat yuritadi.

⚠️DIQQAT: Har bir shaxsga 2 donadan ortiq chipta sotilmaydi!

Mazkur cheklov haqiqiy muxlislar uchun teng imkoniyat yaratish hamda chiptalarning noqonuniy qayta sotilishining oldini olish maqsadida joriy etilgan.

Sevimli jamoamizni “Istiqlol” stadionidan turib qo‘llab-quvvatlang!

Paxtakor hakamlar qaroridan norozi bo'lib, shikoyat kiritdi

Paxtakor hakamlar qaroridan norozi bo'lib, shikoyat kiritdi

Paxtakor klubi hakamlarning bahsli qarorlari yuzasidan norozilik bildirib, VAR audioyozuvlarini ochiqlashni talab qildi.

Superliga 18-turidan o'rin olgan "Paxtakor" - "Surxon" o'yinining 90+3-daqiqasida Hojimat Erkinov tomonidan urilgan gol hakamlar tomonidan bekor qilindi. "Paxtakor" jamoasi kamerasidan olingan kadrda ofsayd yo'qligi ko'rinib turibdi. Uni e'tiboringizga yana bir bor taqdim etamiz. Golni bekor qilish jarayonida VAR tizimi orqali hakamlarning qanday muloqotda bo'lgani biz uchun qiziq. Ofsayd ehtimoli bor futbolchi to'g'ridan-to'g'ri to'pga o'ynamagan, darvozabon to'pni bemalol qarshiliksiz to'xtatib, tepib yuborish jarayonida xatoga yo'l qo'ygan. Bu holatda o'yin davom ettirilib, navbatdagi holatga (faza) o'tib ketgani sababli golni VAR orqali bosh hakam o'zi ko'ribgina bekor qilishi mumkin - futbolchining raqibga xalal berish holati bo'yicha (o'yindan tashqari holat bo'lgan holatda). Qoidalarga ko'ra, himoyalanayotgan jamoa futbolchisi to'pga ongli o'ynagan-o'ynamaganini aniqlashda bosh hakam monitor oldiga chaqirilishi kerak.

To'p uzoq masofadan aniq ko'rinib turgan holda yetib kelgan, sekin harakatlangan, himoyalanayotgan jamoa futbolchisi to'pni nazorat qilish va tana harakatini muvofiqlashtirish uchun yetarli vaqtga ega holatda ofsaydni aniqlash VAR protokoliga ko'ra, bosh hakamni monitorga chaqirish orqali bekor qilinishi mumkin.

Biroq VAR hakami bu golni qanday qilib bekor qilgani bizga qorong'u. Agar biz shaffoflik, ochiqlik bilan ishlayotgan bo'lsak, unday holda VAR audioyozuvlarining O'zFHM tomonidan e'lon qilinishini kutamiz. PFLdan ham bu masalada ko'mak kutamiz, chunki PFL klublar huquqini himoya qilishda ishtirok etishi lozim. O'zbek futbolida adolat, ochiqlik va shaffoflikni istasak, unda har bir o'yinda muhokamalarga sabab bo'lgan holatlar audioyozuvlari ochiqchasiga taqdim etilsin.

Hakamlar tayinlanuvi borasida ham savollar yetarlicha. 5 yilga futboldan chetlatilgan va uzoq vaqt o'yinlarni boshqarish amaliyotisiz yurgan Jasur Muxtorov 2026-yilning o'zida, hakamlikka qaytganining to'laqonli birinchi yilida hozirgacha 11 bellashuvda bosh hakam sifatida ishladi. Birinchi mavsumning o'zida bunchalik ko'p o'yinlarda ishlash jahon darajasidagi hakamlarga ham nasib etmagan. O'yin davomida u futbolchilarimizga nisbatan ishlatilgan bir necha qo'polliklarni e'tiborsiz qoldirdi. Muxtorov 2 tur avval Toshkentda "Buxoro"ga qarshi bellashuvda raqib qo'pollik ishlatib urgan golni VARda ishlaganda inobatga olgandi. "Surxon" bilan bellashuvda VAR hakami Ravshan Abduvohidov 3 tur oldin jamoamiz ishtirokidagi o'yinda raqibning ko'plab qo'polliklarini e'tiborsiz qoldirgandi. Kecha VAR orqali chiqargan noto'g'ri qarori "Paxtakor"ni muhim ochkolardan mahrum qildi.

Hakamlar, ularning darajasi, ularning qanchalik vijdonan ishlayotgani hakamlik ishini tahlil qiluvchi va javobgar tashkilotlar tomonidan ko'rib chiqilib, bu borada ochiq bayonot berilishiga chaqiramiz.

Nasaf va Paxtakor jamoalari o'rtasidagi bahsda durang qayd etildi

Nasaf va Paxtakor jamoalari o'rtasidagi bahsda durang qayd etildi

O'zbekiston Superligasining 17-turidan o'rin olgan Nasaf va Paxtakor jamoalari o'rtasidagi uchrashuv durang natija bilan yakunlandi.

O'zbekiston Superligasi, 17-tur.

Nasaf - Paxtakor 1:1

Gol: Alibek Davronov (15, avtogol), Oybek Bozorov (70) - Sharof Muhitdinov (46)

Nasaf: A. Ne'matov, A. Davronov, A. Komilov, S. Bahromov, A. Shala, Z. Abdirahmatov, B. Abduxoliqov, Sh. Muhitdinov, O. Rustamov, M. Rahmatov, U. Eshmurodov.

Paxtakor: S. Quvvatov, Sh. Nasrullayev, Z. Tahsin, A. Mozgovoy, H. Alijonov, S. Sobirxo'jayev, A. Bo'riyev, D. Hamdamov, Flamarion, B. Resan, S. Chinedu.

70' Oybek Bozorov Nasafni jazoladi!

Bog'liq yangiliklar

Neftchi — Paxtakor uchrashuviga 18 777 nafar muxlis tashrif buyurdi

Neftchi — Paxtakor uchrashuviga 18 777 nafar muxlis tashrif buyurdi

O‘zbekiston kubogi nimchorak finalidan o‘rin olgan Neftchi — Paxtakor uchrashuviga 18 777 nafar muxlis tashrif buyurdi.

O‘zbekiston kubogi nimchorak finalidan o‘rin olgan Neftchi — Paxtakor uchrashuvini tomosha qilish uchun stadionga 18 777 nafar muxlis tashrif buyurdi.

Solishtirish uchun, bu ko‘rsatkich har bir mavsum kesimida turnirning so‘nggi to‘rt mavsumida nimchorak final bosqichining barcha uchrashuvlariga tashrif buyurgan muxlislarning umumiy sonidan ham ko‘proq bo‘ldi.