Barchasi Transfer Matbuot Umumiy ↔ Bog'langan

Paxtakor — yangiliklari Transfer

Paxtakor va bog'liq yangiliklar

Yozgi transfer oynasidagi o'zgarishlar: kelganlar va ketganlar
FC PAKHTAKOR ↗ Transfer

Yozgi transfer oynasidagi o'zgarishlar: kelganlar va ketganlar

#Neftchi #Paxtakor #Navbahor #Andijon #Ayman Hussayn #Muhammadqodir Hamraliyev

Yozgi transfer oynasi doirasida jamoaga kelib qo'shilgan va tarkibni tark etgan futbolchilar ro'yxati.

Yozgi transfer oynasidagi o'zgarishlar

Kelganlar:
Ayman Hussayn - "Al Karma", Iroq (erkin agent)
Murtazo Puraliganji - "Persepolis", Eron (erkin agent)
Abdurahmon Aliqulov - "Rozenxeym 1860", Germaniya (erkin agent, U-21)
Erkinjon Erkinov - "Toktogul", Qirg'iz Respublikasi (erkin agent, proliga)
Arslan Vepayev - "Arqadag'", Turkmaniston (erkin agent, proliga)
Dilshod Sharofiddinov - "Neftchi" (U-21, erkin agent)

Ketganlar:
Pyotr Pajishek - KuPS, Finlyandiya (erkin agent)
Shahzod Azmiddinov - "Al Salmiya" Kuvayt (ijara)
Rustam Turdimurodov - "Andijon" (ijara)
Muhammadqodir Hamraliyev - "Navbahor" (transfer)

Jamoa ichidagi o'tishlar:
Farruh Agayev U-21 - Proliga
Abdusamad Saidov Proliga - U-21
Amirsaid Kamolxonov Proliga - U-21

Fikr bildirish
Muhammadqodir Hamraliyev – «Navbahor» futbolchisi
FC NAVBAHOR ↗ Transfer Bog'langan

Muhammadqodir Hamraliyev – «Navbahor» futbolchisi

#Paxtakor #Navbahor #Dinamo Sanarqand #Olimpik #Muhammadqodir Hamraliyev

O'zbekiston milliy terma jamoasi himoyachisi Muhammadqodir Hamraliyev «Navbahor» bilan shartnoma imzoladi.

✔️ Muhammadqodir Hamraliyev – «Navbahor» futbolchisi!

O'zbekiston milliy terma jamoasi a'zosi Muhammadqodir Hamraliyev jamoamiz bilan shartnoma imzoladi.

Ushbu futbolchi 2001-yil 6-iyul kuni Farg'ona shahrida tug‘ilgan. Ampluasi – himoyachi.

Faoliyati davomida «Dinamo» (Samarqand, 2020-2021-yillar), «Olimpik» (Toshkent, 2022-yil) jamoalarida o'ynagan, 2023-yildan buyon «Paxtakor» (Toshkent) safida o'ynayotgandi.

Bundan tashqari, Muhammadqodir Hamraliyev O'zbekiston U-23 (2021-2024) terma jamoasi tarkibida maydonga tushgan va 2023-yildan buyon O'zbekiston milliy terma jamoamiz a'zosi sanaladi.

Muhammadqodir Hamraliyevga «Navbahor» tarkibida yorqin o‘yinlar namoyish etib, «lochinlar»ning zafarlariga o‘zining munosib hissasini qo‘shishiga tilakdoshmiz.

Jamoamizda xush ko'rdik, Muhammadqodir!

🔵 «Navbahor» PFK matbuot xizmati.

Fikr bildirish
Xorazm klubi uch nafar futbolchi bilan shartnoma imzoladi
XORAZM PFC ↗ Transfer Bog'langan (5)

Xorazm klubi uch nafar futbolchi bilan shartnoma imzoladi

#Xorazm #Sardor Azimov #Maksim Shiryayev #Rafael dos Santos Tavaresh

Xorazm klubi o'z safiga uch nafar yangi futbolchi – Sardor Azimov, Maksim Shiryayev va Rafael dos Santos Tavareshni qo'shib oldi.

Xorazm klubi o'z safiga uch nafar yangi futbolchini qo'shib oldi. Jamoa tarkibini Sardor Azimov, Maksim Shiryayev hamda Rafael dos Santos Tavaresh to'ldirdi.

Fikr bildirish
Ruslan Roziyev «Qizilqum» futbolchisiga aylandi
QIZILQUM PFK ↗ Transfer

Ruslan Roziyev «Qizilqum» futbolchisiga aylandi

#Neftchi #Paxtakor #Qizilqum #Metallurg #Ruslan Roziyev

Iqtidorli hujumchi Ruslan Roziyev «Qizilqum» jamoasi safiga kelib qo'shildi.

✅ Ruslan Roziyev — «Qizilqum» futbolchisi!

Jamoamizning hujum chizig’ini kuchaytirish maqsadida navbatdagi transfer amalga oshirildi.

Faoliyati davomida Belarusiyaning «Neftan», Qirg’izistonning «Bishkek Siti», Toshkentning «Paxtakor», Bekobodning «Metallurg» hamda Farg’onaning «Neftchi» jamoalarida faoliyat yuritgan iqtidorli hujumchi Ruslan Roziyev endilikda «oltin izlovchilar» sharafini himoya qiladi.

24 yoshli hujumchi poytaxtning «Paxtakor» klubi akademiyasi tarbiyalanuvchisi hisoblanadi. Faoliyati davomida 75 dan ortiq o’yinda maydonga tushib 20 dan ziyod gol urishga erishgan.

Ruslanga jamoamizdagi faoliyati davomida omad tilab qolamiz!

Fikr bildirish
Andijon uch nafar futbolchi bilan shartnoma imzoladi
FC ANDIJON ↗ Transfer Bog'langan

Andijon uch nafar futbolchi bilan shartnoma imzoladi

#Paxtakor #Navbahor #FC Surxon #Andijon #Shohmalik Komilov #Artyom Potapov #Nodirxon Ne'matxonov

Andijon klubi yozgi transfer oynasi doirasida Artyom Potapov, Nodirxon Ne'matxonov va Shohmalik Komilov bilan shartnoma imzolaganini e'lon qildi.

Artyom Potapov, Nodirxon Ne'matxonov va Shohmalik Komilov Andijonning yangi futbolchilari!

Yozgi seleksiyada tarkibni yanada kuchaytirish maqsadida transfer oynasi ochilganidan unumli foydalangan jamoamiz uch nafar futbolchilar bilan rasman kelishuvga erishdi. Bular – darvozabon Artyom Potapov, himoyachi Nodirxon Ne'matxonov va yarim himoyachi Shohmalik Komilov.

Artyom Potapov - 1994 yilning 28 iyun kuni Rossiyaning Orenburg shahrida tavallud topgan. Ampluasi darvozabon. Faoliyati davomida Rossiyaning Akron, Krasnodar 2, UFA 2, Mordoviya, Krilya Sovetov, SKA Xabarovsk, Xorvatiyaning Luko, Belarusning Torpedo Minks, Minsk, Qozog'istonning Qaysar, Armanistonning Alashkert va Ararat klublari sharafini himoya qilgan. U 2023 yilda yurtimizga kelgan va hozirga qadar Surxon bilan Xorazmda faoliyat olib borgan. Joriy mavsumning dastlabki qismida Artyom termizliklar safida 2 ta o'yin maydonga tushgan. Faoliyati davomida esa 231 ta o'yin o'tkazgan.

Nodirxon Ne'matxonov – 2001 yilning 14 iyun sanasida Toshkentda tavallud topgan. Ampluasi himoyachi. Paxtakor klubi tarbiyalanuvchisi. Bunga qadar u Paxtakor U21, OKMK U21, Sho'rtan, Neftchi va Surxon jamoalarida to'p tepgan. Ne'matxonov mavsumning dastlabki qismida termizliklar tarkibida 11 ta uchrashuvda maydonga tushdi. Faoliyati davomida 80 ta o'yinda ishtirok etgan.

Shohmalik Komilov – 2000 yilning 14 mart kuni Qashqadaryoda tavallud topgan. Ampluasi – yarim himoyachi. Shu kunga qadar Nasaf, Dinamo, Turon, Buxoro, Merani Martvili (Gruziya) va Navbahor klublarida faoliyat olib borgan. Joriy yilgi mavsumning dastlabki qismida namanganliklar safida 11 ta uchrashuvda maydonga tushdi va 2 ta gol muallifi va 1 ta assist qayd etdi. Faoliyati mobaynida 134 ta o'yinda qatnashgan, 17 ta gol urgan.

Ishonamizki, ushbu futbolchilar jamoamizning yangi g'alabalariga munosib hissa qo'shgan holda muxlislarning ishonchni oqlaydi.

Jamoamizning ahil oilasiga xush kelibsizlar! 👍

Fikr bildirish
Mash'al ikki nafar himoyachini tarkibga qo'shib oldi
FCMASHAL.UZ ↗ Transfer Bog'langan

Mash'al ikki nafar himoyachini tarkibga qo'shib oldi

#Mash`al #Tohir To'xtasinov #Farrux Ibragimov

Muborakning Mash'al klubi himoyachilar Tohir To'xtasinov va Farrux Ibragimov bilan shartnoma imzoladi.

Muborakning Mash'al futbol klubi tarkibni kuchaytirish ishlarini davom ettirmoqda. Jamoa o'zbekistonlik himoyachilar Tohir To'xtasinov hamda Farrux Ibragimov bilan shartnoma imzoladi.

22 yoshli Tohir To'xtasinov asosan chap qanot himoyachisi sifatida harakat qiladi. U faoliyati davomida So'g'diyona sharafini himoya qilgan hamda O'zbekiston U-20 yoshlar terma jamoasi safida 4 ta uchrashuvda maydonga tushgan. Tezkorligi, hujumga faol qo'shilishi va qanotdagi ishonchli o'yini bilan ajralib turadigan futbolchi Mash'al himoya chizig'ida raqobatni yanada kuchaytirishi kutilmoqda.

Farrux Ibragimov esa 1996 yil 15 may kuni Toshkent shahrida tug'ilgan. U markaziy himoyachi sifatida to'p suradi, shuningdek, zaruratga qarab chap va o'ng qanot himoyasida ham harakat qila oladi. Faoliyati davomida O'zbekiston chempionatining bir qator jamoalari safida o'ynab, Superliga va Pro-ligada boy tajriba to'plagan. So'nggi mavsumlarda esa Xorazm sharafini himoya qilib kelgan.

Mash'al futbol klubi Tohir To'xtasinov va Farrux Ibragimovni jamoamiz safiga qo'shilgani bilan samimiy qutlaydi. Ularga Muborak klubi safida muvaffaqiyatli mavsum, omadli o'yinlar, mustahkam sog'liq va yorqin g'alabalar tilaymiz!
Fikr bildirish
Stefan Chinedu «Paxtakor» safiga qo'shildi
FC PAKHTAKOR ↗ Transfer

Stefan Chinedu «Paxtakor» safiga qo'shildi

#Paxtakor #FC Surxon #Stefan Chinedu

«Paxtakor» nigeriyalik hujumchi Stefan Chineduni mavsum oxirigacha «Surxon»dan ijaraga oldi.

«Paxtakor» nigeriyalik hujumchi Stefan Chineduni mavsum oxirigacha «Surxon»dan ijaraga oldi. 26 yoshli futbolchi joriy mavsum termizliklar safida 14 ta rasmiy uchrashuvda maydonga tushib, 11 ta gol va 2 ta golli uzatmaga mualliflik qilgan.

O'zbekistonga kelguniga qadar u faoliyati davomida Xorvatiyaning «Neretvanats», «Xayduk», «Dugopole», «Solin», Albaniyaning «Dinamo», Bosniya va Gersegovinaning «Shiroki Briyeq», Serbiyaning «Radnichki» va «Radnich» klublarida to'p tepgan.

«Paxtakor»ga xush kelibsan, Stefan!
Fikr bildirish

Bog'liq yangiliklar

Murtazo Puraliganji "Paxtakor" mashg'ulotlariga qo'shildi
FC PAKHTAKOR ↗ Transfer Bog'langan

Murtazo Puraliganji "Paxtakor" mashg'ulotlariga qo'shildi

#Paxtakor #Nasaf #Paxtakor #Nasaf #Murtazo Puraliganji

Jamoamiz 16-avgust kuni Qarshida "Nasaf" bilan o'tadigan o'yinga tayyorgarlikni boshladi. Bugundan yangi futbolchimiz Murtazo Puraliganji ham mashg'ulotga qo'shildi.

Jamoamiz 16-avgust kuni Qarshida "Nasaf" bilan o'tadigan o'yinga tayyorgarlikni boshladi. Bugundan yangi futbolchimiz Murtazo Puraliganji ham mashg'ulotga qo'shildi.

Fikr bildirish
Rustam Turdimurodov «Andijon» safiga qaytdi
FC ANDIJON ↗ Transfer Bog'langan

Rustam Turdimurodov «Andijon» safiga qaytdi

#Paxtakor #Andijon #Rustam Turdimurodov

Rustam Turdimurodov «Paxtakor»dan «Andijon» safiga qaytdi. Hujumchi joriy mavsumning ikkinchi qismini «burgutlar» safida o'tkazadi.

Yozgi transfer oynasi yopilishi arafasida «Andijon» jamoasi tarkibni iqtidorli hujumchi Rustam Turdimurodov bilan kuchaytirdi.

Rustam 2004 yilning 4 aprel kuni Toshkentda tavallud topgan. Futbolchi uchun jamoamiz begona emas. U 2024 yilda «Andijon»ga qo'shilgan va 2025 yilning yarmigacha faoliyat olib borgan. O'shanda Rustam «Burgutlar» tarkibida bir yarim yil mobaynida 43 ta o'yinda maydonga tushib, 11 ta gol muallifiga aylangan.

Joriy yilning birinchi yarmini «Paxtakor»da o'tkazgan hujumchi 13 ta uchrashuvda 5 ta gol urdi. Oradan bir yil o'tib, «Paxtakor» hujumchisi yana o'zi uchun qadrdon bo'lgan «Andijon»ga qaytdi.

Ishonamizki, Rustam mavsumning ikkinchi qismida o'zining ajoyib o'yinlari va gollari bilan jamoamizga foyda keltiradi. Jamoamizning ahil oilasiga qaytganing bilan, Rustam!
Fikr bildirish
Murtazo Puraliganji – «Paxtakor» futbolchisi
FC PAKHTAKOR ↗ Transfer Bog'langan

Murtazo Puraliganji – «Paxtakor» futbolchisi

#Paxtakor #Paxtakor #Murtazo Puraliganji #Persepolis

Eronlik himoyachi Murtazo Puraliganji «Paxtakor» safiga kelib qo'shildi. Tomonlar yil oxirigacha mo'ljallangan shartnoma imzolashdi.

Eronlik tajribali himoyachi jamoamiz bilan yil oxirigacha mo'ljallangan shartnoma imzoladi.

34 yoshli himoyachi faoliyati davomida Eronning «Naft» va «Persepolis», Xitoyning «Tianjin» va «Shenzhen», Qatarining «Sadd» va «Arabi», Belgiyaning «Eupen» klublarida o'ynagan. Klublar safida 300ga yaqin o'yinlarda maydonga tushgan. Eron terma jamoasi safida 54 bahsda 3 gol muallifiga aylangan. U 2018 va 2022-yilgi jahon chempionati final bosqichlarida asosiy futbolchi sifatida ishtirok etgan. U jamoamizga «Persepolis»dan erkin agent maqomida kelib qo'shildi.

Biz Puraliganji o'zining boy tajribasi va ishonchli o'yinlari bilan jamoamizga yordam berishiga ishonamiz.

«Paxtakor»ga xush kelibsan, Murtazo!

Fikr bildirish
Nodirxon Ne'matxonov: «Andijon» muxlislari oldida o'ynash har bir futbolchining orzusi
FC ANDIJON ↗ Transfer Bog'langan

Nodirxon Ne'matxonov: «Andijon» muxlislari oldida o'ynash har bir futbolchining orzusi

#Paxtakor #FC Buxoro #FC Surxon #Andijon #Nodirxon Ne'matxonov #Islom To'xtaxo'jaev #Nemanya Chalasan

«Andijon»ning yangi himoyachisi Nodirxon Ne'matxonov jamoaga o'tishi, klubdagi sharoitlar va muxlislar haqida fikr bildirdi.

«Andijon» klubi yozgi transferlar vaqtida tarkibiga qo'shib olgan 25 yoshli himoyachi Nodirxon Ne'matxonov jamoaga moslashuv jarayoni va kelajakdagi maqsadlari haqida gapirib o'tdi.

«Andijon»ga qo'shilganimdan juda xursandman. Murabbiylar shtabi tomonidan menga taklif bo'ldi. Eng zo'r variant, o'zimga ham «Andijon» juda yoqadi. Birinchi navbatda muxlislari. Bunday ishqibozlari bor jamoada o'ynash har qanday futbolchining orzusi deb o'ylayman. Chunki bunday atmosferada futbolchi maza qiladi. O'ylab o'tirmasdan bu taklifga rozi bo'ldim.

Ne'matxonov klubdagi infratuzilma va mashg'ulotlar darajasiga yuqori baho berdi:

«Andijon» haqida menda ma'lumot bor edi. Ammo bu yerga kelib futbol uchun hamma sharoit borligini ko'rib o'zim ham hayron qoldim. O'zbekistonda futbol shunchalik o'sayotganiga yana amin bo'lyapman. Bu yerdagi bazada hamma narsa futbol uchun. Mashg'ulotlar professional darajada. Tiklanish jarayonlari, trenajyor zali, basseyn – hamma narsa zo'r.

Himoyachi jamoa safidagi tajribali futbolchilardan o'rganishga tayyorligini ham ta'kidladi:

Bu yerda futbolchilarning saviyasi juda yuqori. O'yindan-o'yinga hamma ochilib boryapti. O'zini nimaga qodirligini ko'rsatyapti. Menga bulardan o'rganadigan narsam ko'p. Islom To'xtaxo'jaev, Nemanya Chalasan kabi futbolchilar ancha tajribali himoyachilar. Ulardan ko'p narsa o'rganyapman, menga yoqyapti.

Fikr bildirish
Bobirjon Asqarov «Mash'al» futbolchisiga aylandi
FCMASHAL.UZ ↗ Transfer Bog'langan

Bobirjon Asqarov «Mash'al» futbolchisiga aylandi

#Paxtakor #Mash`al #Bobirjon Asqarov #Lokomotiv Tashkent

Muborakning «Mash'al» klubi himoyachi Bobirjon Asqarov bilan shartnoma imzolaganini rasman e'lon qildi.

Muborakning «Mash'al» futbol klubi Superliga ikkinchi davrasi oldidan tarkibni kuchaytirish ishlarini davom ettirmoqda. Jamoa o'zbekistonlik himoyachi Bobirjon Asqarov bilan shartnoma imzoladi.

27 yoshli futbolchi 1999-yil 2-sentabrda Toshkent shahrida tavallud topgan. U asosan markaziy himoya chizig'ida harakat qiladi, zarurat tug'ilganda tayanch yarim himoyachisi sifatida ham samarali o'ynay oladi. Shuningdek, u O'zbekiston U-23 terma jamoasi safida ham to'p surgan.

Futbolchilik faoliyati davomida Asqarov «Paxtakor» va «Lokomotiv» klublari sharafini himoya qilgan. U «Paxtakor» safida O'zbekiston Superligasi chempioni va mamlakat Kubogi sohibi bo'lgan. Shuningdek, «Lokomotiv» bilan Pro-liga chempionligini qo'lga kiritgan.

Markaziy himoyadagi tajribasi va g'oliblik ruhi bilan jamoamizga katta foyda keltirishiga ishonamiz. Xush kelibsiz, Bobirjon Asqarov! «Mash'al» safida omad va yorqin g'alabalar tilaymiz!
Fikr bildirish