Paxtakor — yangiliklari ↔ Bog'langan

✔️ Muhammadqodir Hamraliyev – «Navbahor» futbolchisi!

O'zbekiston milliy terma jamoasi a'zosi Muhammadqodir Hamraliyev jamoamiz bilan shartnoma imzoladi.

Ushbu futbolchi 2001-yil 6-iyul kuni Farg'ona shahrida tug‘ilgan. Ampluasi – himoyachi.

Faoliyati davomida «Dinamo» (Samarqand, 2020-2021-yillar), «Olimpik» (Toshkent, 2022-yil) jamoalarida o'ynagan, 2023-yildan buyon «Paxtakor» (Toshkent) safida o'ynayotgandi.

Bundan tashqari, Muhammadqodir Hamraliyev O'zbekiston U-23 (2021-2024) terma jamoasi tarkibida maydonga tushgan va 2023-yildan buyon O'zbekiston milliy terma jamoamiz a'zosi sanaladi.

Muhammadqodir Hamraliyevga «Navbahor» tarkibida yorqin o‘yinlar namoyish etib, «lochinlar»ning zafarlariga o‘zining munosib hissasini qo‘shishiga tilakdoshmiz.

Jamoamizda xush ko'rdik, Muhammadqodir!

🔵 «Navbahor» PFK matbuot xizmati.

Xorazm klubi o'z safiga uch nafar yangi futbolchini qo'shib oldi. Jamoa tarkibini Sardor Azimov, Maksim Shiryayev hamda Rafael dos Santos Tavaresh to'ldirdi.

Murtazo Puraliganji – «Paxtakor» futbolchisi!

✍️ «Paxtakor» matbuot xizmati

👍 «AKFA» bilan «Paxtakor» yanada kuchli!

Elit Chempionlar ligasi saralash o'yiniga tayyorgarlik boshlandi. 11 avgust kuni "Al-Husayn"ga qarshi maydonga tushamiz.

Ayman Hussayn «Paxtakor» futbolchisi!

«Paxtakor» matbuot xizmati xabariga ko'ra, «AKFA» bilan «Paxtakor» yanada kuchli!

Jamoamiz bosh murabbiy Aleksandr Xomyakovning uchrashuv haqida fikrlari:

Kutganimizdek, o‘yin juda og‘ir kechdi. Ayniqsa, bahsning so‘nggi daqiqalari juda keskin o‘tdi. Bu oson o‘yin bo‘lmasligini avvaldan bilardik. Yigitlarga rahmat aytaman. Ular uzoq vaqtdan keyin o‘z maydonimizda o‘ynashdi va muxlislarimizni xursand qilishni istashdi. Birinchi bo‘limda, ayniqsa uning boshlanishi va o‘rtalarida rejalashtirgan ishlarimizning ko‘pi amalga oshdi, yaxshi imkoniyatlar yaratdik. Ammo ikkinchi bo‘limda, ayniqsa o‘yin oxirida, son jihatidan ustun bo‘lishimizga qaramay, kelishilgan rejadan chetga chiqib ketdik. Hujum qilish o‘rniga hisobni saqlab qolishga harakat qilib, past blokda himoyalanishga o‘tib oldik. Yaxshiyamki, hisobni saqlab qolishga erishdik. Eng muhimi, bugun uch ochkoni qo‘lga kiritganimizdan xursandman.

— Bugungi g‘alaba bilan tabriklaymiz. Raqib bir kishi kam bo‘lib qolganidan keyin nega qarshi hujumlar kamayib ketdi? Bu hisobni saqlab qolish uchun qilingan taktika edimi yoki futbolchilar berilgan vazifani bajara olishmadimi? Qarshi hujumlarda tezlik yetishmadi, ko‘p holatlarda to‘pni ushlab qolish bilan cheklanishdi.

Ikkinchi bo‘lim boshlarida raqib darvozasi oldida imkoniyatlarimiz bo‘lmadi, deb aytolmayman. Lekin 60-daqiqalardan keyin jismoniy jihatdan kuch yetishmay qoldi. Raqibning zaxiradan tushgan futbolchilari o‘yinga yaxshi kirishdi va himoyamizga katta bosim o‘tkazishdi. Bizda esa zaxiradan tushgan futbolchilar o‘yin ritmiga to‘liq moslasha olishmadi va jamoaga kutilgan darajada yordam bera olishmadi. Shuning uchun ham aytamanki, bu juda og‘ir o‘yin bo‘ldi, oxirgi daqiqalari esa haqiqiy asab sinoviga aylandi. Afsuski, ikkinchi bo‘limda asosan himoyalanishga majbur bo‘ldik. Ammo eng muhimi — natijani saqlab qoldik. Hozirgi vaziyatda uch ochko olganimizdan mamnunman. Balki ayrim vaziyatlarda mahorat yetishmadi, ayrim paytlarda esa sabr kamlik qildi. Lekin futbolchilarning fidoyiligi har doimgidek yuqori darajada bo‘ldi. Ular bor kuchini maydonda qoldirishdi.

— Filipovichni qachon maydonda ko‘rishimiz mumkin? Uning jarohati haqida ham ma’lumot bersangiz.

Filipovich tiklanish jarayonini deyarli yakunladi. Ma’lumotlarga ko‘ra, u to‘liq sog‘ayish arafasida va yaqin kunlarda jamoa mashg‘ulotlariga qaytadi. U tezroq safga qaytib, avvalgidek jamoaga yordam berishini umid qilyapmiz.

— Yaqinda Bashelaishvili jamoani tark etdi. Uning o‘rniga akademiyadan yana futbolchi jalb qilish imkoniyati bormi? Iqtidorli o‘yinchilar ko‘p, ammo hozircha faqat ikki nafar yosh futbolchiga imkoniyat berilmoqda. Buning sababi nimada?

Biz Bashelaishvili bilan shartnomani bekor qildik. Uning o‘rniga boshqa futbolchini jalb qilish masalasini hozircha ko‘rib chiqmayapmiz. Albatta, jamoani kuchaytirish uchun kamida yana bir-ikki nafar futbolchi kerakligini yaxshi tushunaman. Hozircha vaziyat shu.

— Jamoa nega 90 daqiqa davomida bir xil sur’atda o‘ynay olmayapti? Buning asosiy sababi nima, deb o‘ylaysiz?

O‘zi qaysi jamoa 90 daqiqa davomida bir xil tempda o‘ynay oladi? Buning iloji yo‘q. Biz kuchga asoslangan futbol o‘ynaymiz. Hozirgi iqlim va ob-havo sharoiti butun o‘yin davomida doimiy pressing va bosim o‘tkazish imkonini bermaydi. Qolaversa, «Lokomotiv»ga qarshi tinimsiz bosim bilan o‘ynash ham xavfli. Ular pressingdan yaxshi chiqib keta oladi va himoya ortida katta bo‘shliqlar qoldirishimizga sabab bo‘ladi. Bu esa katta tavakkalchilik. Faqat chiroyli futbol ko‘rsatish uchun ochilib o‘ynab, keyin o‘z darvozamiz oldida muammoga duch kelishning hech qanday ma’nosi yo‘q. Ayni paytda taqvim juda zich, ob-havo ham og‘ir. Futbolchilarni to‘liq tiklab olishga ulgurmayapmiz. Jarohatlar, charchoq — bularning hammasi to‘planib bormoqda. Amalda deyarli bir xil tarkib bilan o‘ynayapmiz. Futbolchilar robot emas, ular ham inson. Shuning uchun ulardan har doim bir xil darajadagi tempni talab qilish qiyin. Shu bois yana bir bor yigitlarga bugungi maydonda ko‘rsatgan fidoyiligi uchun minnatdorchilik bildiraman.

🔵 Andijon klubidan yangi futbolchilarni ro‘yxatdan o‘tkazish taqiqi olib tashlandi.

"Bunyodkor" bilan uchrashuvda Doston Hamdamov kiritgan to'p "Sherlar"ning O'zbekiston chempionatidagi 2200-goliga aylandi.

Milliy chempionatlardagi ilk golimizni Oleg Sinelobov 1992-yil Kosonsoyda "Kosonsoychi" jamoasi darvozasiga urgan. 100-gol esa Shuhrat Maqsudov hisobiga yozilgan. Himoyachi bo'lishiga qaramay, Ulug'bek Ro'zimov ikki bor yubiley gollari muallifiga aylangan. Zayniddin Tojiyev, Aleksandr Geynrix va Igor Sergeyev ham shunday natijaga erishganlar. Geynrix "Paxtakor"ning 1000-golini urgani e'tiborga molik. 2005-yil Toshkentda "Metallurg"ga qarshi bellashuvda u bunga muvaffaq bo'lgan. 2000-gol 2022-yil Bekoboddagi bahsda Aziz Turg'unboyev hisobiga yozilgan.

Quyida yubiley gollar mualliflari bilan tanishing:

1 - Oleg Sinelobov
100 - Shuhrat Maqsudov
200 - Ulug'bek Ro'zimov
300 - Ulug'bek Ro'zimov
400 - Samad Narziqulov
500 - Igor Shkvirin
600 - Soli Qurbonov
700 - Leonid Koshelev
800 - Server Jeparov
900 - Zayniddin Tojiyev
1000 - Aleksandr Geynrix
1100 - Iheruome Uche
1200 - Zayniddin Tojiyev
1300 - Aleksandr Geynrix
1400 - Sherzod Karimov
1500 - Oybek Qilichev
1600 - Stanislav Andreyev
1700 - Igor Sergeyev
1800 - Marat Bikmayev
1900 - Igor Sergeyev
2000 - Aziz Turg'unboyev
2100 - Abdulla Abdullayev
2200 - Doston Hamdamov

"Xorazm" bilan bellashuvdan so'ng jamoamiz bosh murabbiyi matbuot anjumanida qatnashdi.

O'yin haqida gapiradigan bo'lsak, uchrashuv boshidayoq o'tkazib yuborilgan gol baribir ozgina ruhiy ta'sir ko'rsatdi. Keyin o'zimizga keldik, gol urdik, yaxshi vaziyatlar yaratdik. Yigitlar bugun yaxshi harakat qilishdi, oxirigacha kurashishdi. Ikkinchi golni ham kiritdik va yana ko'plab vaziyatlar bo'ldi, biroq ulardan foydalana olmadik. Endi, bu – futbol. Har o'yinda shunday kurashmasak, g'alaba qozona olmaymiz. Bugun barcha yigitlar kurashib, oxirigacha o'ynab, juda muhim g'alabani qo'lga kiritishdi. Ularning barchasiga rahmat aytaman.

O'tgan uchrashuvda ham 1:0 dan keyin himoyaga o'tib olgandik. Hozir buning ustida ishlayapmiz, yigitlar bilan gaplashyapmiz. Balki, bu ozgina ruhiy holat bilan bog'liqdir. Xudo xohlasa, bu kamchilikni bartaraf etamiz. Biz ularga "orqaga yotib olinglar", demayapmiz, balki ular ham gol o'tkazib yuborishdan qo'rqishyaptimi, bilmadim. Lekin bu jihat ustida ishlayapmiz, chunki ko'p o'yinlarda shu holat kuzatilyapti.

Elit Chempionlar Ligasida "Paxtakor" taqvimi bilan tanishing:

1-tur, 14 sentyabr
Al Ahli - Paxtakor

2-tur, 12 oktyabr
Paxtakor - Al Qadsiya

3-tur, 26 oktyabr
Eyr Fors - Paxtakor

4-tur, 2 noyabr
Paxtakor - Al Nassr

5-tur, 23 noyabr
Al Ittihod - Paxtakor

6-tur, 7 dekabr
Paxtakor - Traktor

7-tur, 8 fevral
Paxtakor - Istiqlol

8-tur, 15 fevral
Al Hilol - Paxtakor

Neftchi 2026/27-yilgi Osiyo Chempionlar Ligasi Elite musobaqasining liga bosqichida G‘arb mintaqasida ishtirok etadi. Farg‘ona klubi liga bosqichida jami 8 ta uchrashuv o‘tkazadi — 4 tasi o‘z maydonida, 4 tasi safarda.

Neftchining liga bosqichidagi taqvimi:

14 sentabr, 2026
Neftchi — Air Force
📍 Farg‘ona, Istiqlol stadioni
⏰ 18:45

12 oktabr, 2026
Al Nassr — Neftchi
📍 Ar-Riyod, King Saud University Stadium
⏰ 21:15

26 oktabr, 2026
Neftchi — Al-Ittihad
📍 Farg‘ona, Istiqlol stadioni
⏰ 18:45

2 noyabr, 2026
Tractor — Neftchi
📍 Maskat, Sultan Qaboos Sports Complex
⏰ 20:00

23 noyabr, 2026
Neftchi — Al Hilal
📍 Farg‘ona, Istiqlol stadioni
⏰ 18:45

7 dekabr, 2026
Esteghlal — Neftchi
📍 ***
⏰ ***

9 fevral, 2027
Neftchi — Al Ahli Saudi
📍 Farg‘ona, Istiqlol stadioni
⏰ 18:45

15 fevral, 2027
Al Qadsiah — Neftchi
📍 Dammam, Prince Mohammed Bin Fahd Stadium
⏰ 21:15

Birinchi uchrashuv 14 sentabr kuni Farg‘onada Air Forcega qarshi, liga bosqichining so‘nggi bahsi esa 15 fevral kuni safarda Al Qadsiahga qarshi bo‘lib o‘tadi.

OFK Chempionlar ligasi Elit bosqichi uchun qur'a tashlash marosimi o'tkazildi. Unda O'zbekiston sharafini himoya qiladigan Neftchi va Paxtakor jamoalarining raqiblari ma'lum bo'ldi.

🟢 Qur’a tashlash marosimi boshlandi

O’zbek futboli afsonalaridan biri Odil Ahmedov bugungi qur’a tashlash marosimida assistent maqomida qatnashmoqda.

Shuningdek, Yasushi Endo ham huddi Odil Ahmedovdek tadbirning asosiy ishtirokchisi hisoblanadi, har ikki Osiyo yulduzi ayni paytda OFK sahnasiga chiqib kelishdi.

Qur’a mexanizmi qatnashchilarga tushuntirilmoqda.

Demak, boshlandi, asosiy qismga o’tamiz.

Neftchi - C2

Safarda:

Al-Nassr

Istiqlol

Traktorsozi

Al-Qodisiya

Uyda:

Al-Hilol

Al-Ahli

Air Force

Al-Ittihod

Bugun sevimli jamoamiz Neftchi AFC Champions League Elite 2026/27 musobaqasidagi raqiblarini bilib oladi. 🌏🏆

Kimlar Neftchiga qarshi maydonga tushadi? Qaysi grandlar Farg‘onaga tashrif buyuradi? Qaysi stadionlarda jamoamizni yana bir bor Osiyo maydonida ko‘ramiz?

Qur’a tashlash marosimi: 🕚 13:00 | Toshkent vaqti

Qur’ani birgalikda kuzatamiz!

OFK Chempionlar ligasi 2 musobaqasining guruh bosqichida Nasaf jamoasining raqiblari ma'lum bo'ldi.

Bugun Kuala-Lumpurda OFK Chempionlar ligasi Elit hamda OFK Chempionlar ligasi 2 musobaqalari uchun qur’a tashlanadi.

11:00 | OFK Chempionlar ligasi 2 (Nasaf)

13:00 | OFK Chempionlar ligasi Elit (Neftchi, Paxtakor)

Bugun Malayziya poytaxti Kuala-Lumpur shahrida Osiyo qitʼasining eng nufuzli klublar musobaqasi — OFK Chempionlar Ligasi Elite yangi mavsumi liga bosqichiga qurʼa tashlash marosimi bo‘lib o‘tadi.

Musobaqa formati

Ishtirokchilar soni: Yangilangan formatga ko‘ra, turnirda jami 32 ta jamoa kurash olib boradi.

Mintaqaviy taqsimot: Jamoalar geografik jihatdan G‘arb va Sharq mintaqalariga ajratilgan.

O‘yinlar tartibi: Har bir klub liga bosqichida 8 ta turli raqibga qarshi maydonga tushadi — 4 ta o‘yin o‘z maydonida va 4 ta uchrashuv safarda o‘tkaziladi.

Savatchalar va «Neftchi»ning o‘rni

Farg‘onaning «Neftchi» klubi musobaqaning G‘arb mintaqasida 2-savatchadan joy olgan. Mazkur savatchada Farg‘ona jamoasidan tashqari Saudiya Arabistonining «Al-Nassr», Birlashgan Arab Amirliklarining «Shabab Al-Ahli» hamda Iroqning «Air Force SC» klublari ham o‘rin olgan.

Mamlakat himoyasi tamoyili

Qurʼa jarayonida amaldagi reglamentga muvofiq mamlakat himoyasi tamoyili qo‘llaniladi:

Bitta assotsiatsiya (mamlakat) sharafini himoya qilayotgan klublar ushbu bosqichda o‘zaro raqib bo‘la olmaydi. Shu sababli vakillarimiz «Neftchi» va «Paxtakor» liga bosqichida o‘zaro to‘qnash kelmaydi.

Boshlanish vaqti

Qurʼa tashlash marosimi Toshkent vaqti bilan soat 13:00 da start oladi.

🏆 OFK Chempionlar ligasi 2026/27 mavsumi guruh bosqichida «Al-Hilol» jamoasining dastlabki raqiblari aniqlandi:

«Paxtakor»

«Al-Shamal»

🎲 Seshanba kuni bo'lib o'tadigan qur'a tashlash marosimi o'yinlar qayerda o'tkazilishini aniqlab beradi: uchrashuvlarning biri Ar-Riyodda, ikkinchisi esa Qatar yoki O'zbekistonda bo'lib o'tadi.

Jamoamiz 16-avgust kuni Qarshida "Nasaf" bilan o'tadigan o'yinga tayyorgarlikni boshladi. Bugundan yangi futbolchimiz Murtazo Puraliganji ham mashg'ulotga qo'shildi.

Murtazo Puraliganji Toshkentga yetib keldi!

Paxtakor OFK Chempionlar ligasi Elit guruh bosqichi ishtirokchisi!

«Andijon» jamoasi «Paxtakor» futbolchisi Rustam Turdimurodovni ijaraga oldi. 🔵

«Navbahor» klubi Muhammadqodir Hamraliyevni oʻz safiga qoʻshib oldi. 🔵

Yozgi transfer oynasi yopilishi arafasida «Andijon» jamoasi tarkibni iqtidorli hujumchi Rustam Turdimurodov bilan kuchaytirdi.

Rustam 2004 yilning 4 aprel kuni Toshkentda tavallud topgan. Futbolchi uchun jamoamiz begona emas. U 2024 yilda «Andijon»ga qo'shilgan va 2025 yilning yarmigacha faoliyat olib borgan. O'shanda Rustam «Burgutlar» tarkibida bir yarim yil mobaynida 43 ta o'yinda maydonga tushib, 11 ta gol muallifiga aylangan.

Joriy yilning birinchi yarmini «Paxtakor»da o'tkazgan hujumchi 13 ta uchrashuvda 5 ta gol urdi. Oradan bir yil o'tib, «Paxtakor» hujumchisi yana o'zi uchun qadrdon bo'lgan «Andijon»ga qaytdi.

Ishonamizki, Rustam mavsumning ikkinchi qismida o'zining ajoyib o'yinlari va gollari bilan jamoamizga foyda keltiradi. Jamoamizning ahil oilasiga qaytganing bilan, Rustam!

"Paxtakor" va "Al-Husayn" jamoalari o'yini oldidan matbuot anjumanida murabbiy Emilian Karas hamda futbolchi Bashar Resan ishtirok etdi.

Karas: - Bir necha oy oldin Iordaniya futboli haqida hech narsa bilmas edim. Iordaniya terma jamoasining darajasi ancha yuqori ekan. Jahon chempionatida munosib ishtirok etishdi. Adashmasam, "Al-Husayn"ning 7 nafar yoki undan ko'proq futbolchisi mundialda ishtirok etdi. Shuningdek, "Al-Husayn"ning Kubok va Chempionatdagi natijalarini kuzatib bordim. Jamoa tarkibida yaxshi futbolchilar bor. Vaziyatdan foydalanib, muxlislarni stadionga chorlab qolamiz. Muxlislarning qo'llab-quvvatlashi biz uchun juda muhim.

Biz Superligada ko'p ochko yo'qotdik. "Buxoro"ga qarshi so'nggi o'yinda barchasi yaxshi edi. O'yinni nazorat qilayotgandik. Men buni jismoniy holat bilan bog'lamayman. Menimcha, muammo konsentratsiyada bo'ldi. O'zingiz bilasiz, 2:0 hisobi futboldagi eng noqulay hisoblardan biri. Raqibning birinchi golini esa o'zingiz ko'rdingiz. Shundan so'ng ularda ruhiy ustunlik va ishtiyoq paydo bo'ldi. Biz yana shunday vaziyatlar takrorlanmasligi ustida ishlayapmiz.

Aynan qanday o'yin namoyish etishimizni aniq ayta olmayman. Hech qaysi bir jamoa maydonga yutqazamiz deb chiqmaydi, buni bilasiz. Ushbu bosqich bir o'yindan iborat. Bu esa juda muhim omil omil. Ko'plab hisobga olishimiz kerak bo'lgan jihatlar bor, ob-havo. Ertaga "Paxtakor" g'alaba olib keladigan o'yin namoyish etadi.

Resan: - Ertaga oson o'yin bo'lmaydi. "Al-Husayn"ning ko'plab futbolchilari Jahon chempionatida o'ynadi. Biz to'rt kun oldin "Buxoro"ga qarshi o'ynadik. Ikkita mashg'ulot o'tkazishga ulgurdik, biri tiklanish uchun va ikkinchisi taktik mashg'ulot. Nasib ertaga yaxshi natijaga erisha olamiz. "Al-Husayn" hali yangi mavsumda o'yin o'tkazmadi. Shuning uchun murabbiylar shtabi raqibni o'rganishda biroz qiyinchilikka duch kelgan bo'lishi mumkin.

Ayman Osiyodagi eng yaxshi hujumchilardan biri. U mundialda qanday o'ynaganini ko'rdingiz. Mundialga saralashda ko'plab gol urdi va mundialning o'zida ham. U mendan Superliga darajasini va hayot qanday ekanligini so'radi. Men O'zbekistonda mahalliy chempionat kuchliligini aytdim. Hozir bir uch nafar iroqlik bir jamoada o'ynamoqdamiz. Biz "Paxtakor"ga ko'proq yordam berishimiz kerak.

To'rt hafta oldin maydon yaxshi holatda edi. Ertangi o'yinni "Paxtakor" uchun emas, o'zbek futboli uchun tomosha qilishadi. Qolaversa, ochiq futbol o'ynaydigan jamoalar uchun maydon holati yaxshi bo'lishi o'ta muhim. Ertaga bunday kamchiliklarga e'tibor bermay, faqatgina natija haqida o'ylaymiz. Maydon holati bizga hech qanday muammo tug'dirmaydi.

Paxtakor klubi eronlik himoyachi Murtazo Puraliganjini o'z safiga qo'shib oldi. 🟡

Eronlik tajribali himoyachi jamoamiz bilan yil oxirigacha mo'ljallangan shartnoma imzoladi.

34 yoshli himoyachi faoliyati davomida Eronning «Naft» va «Persepolis», Xitoyning «Tianjin» va «Shenzhen», Qatarining «Sadd» va «Arabi», Belgiyaning «Eupen» klublarida o'ynagan. Klublar safida 300ga yaqin o'yinlarda maydonga tushgan. Eron terma jamoasi safida 54 bahsda 3 gol muallifiga aylangan. U 2018 va 2022-yilgi jahon chempionati final bosqichlarida asosiy futbolchi sifatida ishtirok etgan. U jamoamizga «Persepolis»dan erkin agent maqomida kelib qo'shildi.

Biz Puraliganji o'zining boy tajribasi va ishonchli o'yinlari bilan jamoamizga yordam berishiga ishonamiz.

«Paxtakor»ga xush kelibsan, Murtazo!

OFK klublar musobaqalari talablariga ko'ra, Chempionlar ligasida zarur litsenziyaga ega bo'lgan Emilian Karas bosh murabbiy sifatida rasmiy tadbirlarda ishtirok etadi. U o'yin qaydnomasi, matbuot anjumanlari va boshqa rasmiy tadbirlarda "Paxtakor" bosh murabbiyi sifatida qatnashadi.

Superliga 16-turidan o'rin olgan "Paxtakor" – "Buxoro" (2:2) uchrashuvidan keyin "Buxoro" bosh murabbiyi Aleksandr Xomyakov matbuot anjumanida ishtirok etdi.

- O'yin haqida fikringiz?

O'yindan va natijadan qoniqdim. Muhimi, nima uchun bu erga kelganimizni futbolchilarga uqtira oldik. To'g'risi, 2:0dan keyin vaziyatni o'nglashimizga ishonmagandim. Futbolchilarimizga rahmat, ular xarakter ko'rsata olishdi. Biz o'yinni tashlab yubormadik, jiddiy raqibga qarshi durang qayd eta oldik.

- "Paxtakor"ga qarshi alohida yondashuv bo'ldimi?

Albatta, biz har bir raqibdan kelib chiqib tayyorgarlik ko'ramiz. O'tkazib yuborilgan gollarni oladigan bo'lsak, o'tkazmasak ham bo'lardi, lekin xatolar yuzaga keldi. Aytib o'tganimdek, ikkita gol o'tkazganimizdan so'ng hammasi tugashi ham mumkin edi, ammo tavakkalga qo'l urdik. Men hamma sirlarni ochmoqchi emasman. Shuni aytishim mumkin, har bir o'yinga o'z rejamiz bo'yicha hozirlik ko'ramiz. Bu yerda eng muhimi, tanaffusdan keyin o'yinni tashlab yubormaslik edi. Shunday qildik va oxirigacha o'ynadik. Jamoamizdagi hamma mas'uliyatni oxirigacha his qilib turibdi. Zaxiradan tushganlarning o'yinni kuchaytirgani ham yordam berdi.

- Jamoangiz safarda "Paxtakor" bilan durang qayd etdi, lekin umumiy o'yinlarni oladigan bo'lsak, "Buxoro" mehmonda "Mashal" bilan "Navbahor"ni mag'lub eta olgan. Safar uchrashuvlarida nima yetishmayapti?

Biz o'z imkoniyatlarimizni juda yaxshi bilamiz va shuni bilgan holda o'z o'yinimizni namoyish etamiz. Futbolda xatolarni kechirish mumkin, lekin o'yinchi harakat qilmasa buni kechirib bo'lmaydi. Jamoamizdagi hamma buni yaxshi biladi. To'g'ri, ko'p uchrashuvlarda omad yuz o'girdi. "Surxon"ga mag'lub bo'ldik. OKMK bilan yaxshi o'ynab yutqazdik. Turli sabablarga ko'ra, yutqazyapmiz. Aniq sababini bilmayman. "Buxoro" uchinchi o'rinda va buni ko'pchilik yaxshi deb qabul qilyapti. Shunga qaramay, qo'lni tushirmaymiz, har bir bahs biz uchun muhim. Klublardagi moliyaviy holatni zo'r deb bo'lmaydi, shundan kelib chiqib yuqori o'rinni saqlab qolish biz uchun o'ta muhim sanaladi.

- Mavsum oxirigacha uchinchi o'rinni saqlab qolish uchun jamoaning kuchi etadimi?

Men yil boshidayoq maqsadimiz har bir o'yinda bor kuchni ishga solish deb aytganman. Hozir ham shu fikrdaman, o'yinchilarimiz maydonda borlarini berishini xohlayman. Biz uchun hozircha kelajak yo'q, biz uchun faqat bugun bor. Agar hozirgi o'rnimizni chempionat oxirigacha saqlab qolsak yaxshi bo'lardi. Lekin men uchinchi o'rin uchun kurashamiz deb baralla gapirmayman. Bu katta gapirish bo'ladi. Aytib o'tganimdek, hozirgi kun bilan yashayapmiz. O'yinni o'tkazdikmi, biroz dam olib keyingi bahsga hozirlik ko'ramiz. Avvalgi xizmatlar biz uchun rol o'ynamaydi, bugungi o'yinni o'ylashimiz kerak.

Paxtakor jamoasi bilan shartnoma imzolagan Ayman Husaynning faoliyatiga nazar tashlaymiz.

«Andijon»ning o'z maydonida «Paxtakor»ga qarshi o'tgan uchrashuvi shiddatli va keskin kurashlar ostida o'tdi, faqat gol yetishmadi. Qolaversa, qizil kartochkalar bilan ham yodda qoladigan bo'ldi. Mezbonlardan ikkita, mehmonlardan bir nafar o'yinchi maydondan chetlatildi.

Uchrashuvdagi dastlabki qizil kartochka «Andijon»ning serbiyalik himoyachisi Nemanya Chalasanga ko'rsatildi.

Futbolchi esa «Paxtakor»ga qarshi o'yin, qizil kartochka va stadiondagi muhit haqida intervyu berdi.

- Nemanya, o'yin sizda qanday taassurot qoldirdi?

- O'ylaymanki, agar biz maydonda 11 ga 11 bo'lib qolganimizda g'alaba qozonishimiz mumkin edi. Menda shunday ichki tuyg'u bor edi. Qolavresa, ishqibozlarimiz bizni faqat oldinga undashdi va ularning daldasi, ko'magida albatta gol kiritgan bo'lardik.

- O'yin chog'ida uch marta qizil kartochka ko'rsatildi, shulardan biri sizga. O'sha holatni qanday izohlab bergan bo'lardingiz?

- Men olgan qizil kartochkaga kelsak, to'pni maydon markazidagi Cheranga uzatmoqchi bo'ldim. Lekin raqib mening bu rejamni oldindan o'qidi va to'pni egallab oldi. Qo'limdan keladigan yagona ish – qoidani buzishdan iborat edi. Bu mening xatoim va jamoaga pand berib qo'yganimni yaxshi tushunib turibman. Martinga kelsak, u qizil kartochkaga munosib ish qilmagandi.

- Maydonda yuz bergan voqealardan kelib chiqib, xulosa qilsak, 0:0 natijasi o'yinga mos keladimi?

- Rostini aytsam, o'yin oxirida deyarli tengma-teng tarkib bilan to'p surganimizda bemalol bellashuvni yutgan bo'lardik. Boya aytganimdek, muxlislarimiz bizga g'alaba qozonishimizga yordam berishardi. Kamchilik bo'lib o'ynab, 0:0 hisobidagi durangga kelsak, buni yomon natija deb hisoblab bo'lmaydi. Natijadan ko'nglim to'ldi.

- Olgan qizil kartochkangiz faoliyatingizdagi nechanchisi?

- Men tez-tez qizil kartochka oladigan o'yinchilar sirasiga kirmayman. O'ylaymanki, agar xotiram pand bermayotgan bo'lsa, bu faoliyatimdagi uchinchi qizil kartochkadir.

- Stadiondagi muhit sizga yoqdimi?

- Stadiondagi muhit har doim ham qoyilmaqom darajada. Bu borada ishqibozlarimizga teng keladigani yo'q. Ularning bizga ko'rsatayotgan beqiyos darajadagi qo'llab-quvvatlashlari uchun katta rahmat aytaman.

- Birinchi davra nihoyasiga yetdi. Jamoaning ishtirokini qanday baholaysiz?

- Futbolda har doim o'sish va rivojlanish uchun joy qoladi. Mavsumning ikkinchi qismida xatolarimizni to'g'rilashimizga va yanada kuchliroq o'yin namoyish qilishga harakat qilamiz.

- Qizil kartochka olgan paytingizda ishqibozlar sizni qarsaklar bilan kuzatib qo'yishdi. Shundan so'ng kiyim xonaga yo'l oldingiz. Jamoani ozchilik bo'lib qoldirganingizdan va gol o'tkazib yuborish ehtimoli borligini o'ylab, bundan qay darajada qayg'urdingiz?

- Yashirmayman, men juda ham bundan qayg'urdim. Albatta, muxlislarning meni maydondan olqishlar bilan kuzatib qo'yishgani yuragimni to'lqinlantirib yubordi. Ularga buning uchun katta rahmat aytmoqchiman. Tabiiyki, jamoaga pand berib qo'yar ekansan, albatta bundan iztirobga tushasan. Ishqilib, durang natijani ushlab qolaylik, yutqazib qo'ymasak bo'ldi, degan fikr xayolimdan ketmadi.

- Qizil kartochka olganingizdan so'ng Boake ham ortingizdan kiyimxonaga qizil kartochka olgan holda yo'l oldi. Uni kiyimxonada ko'rganingizdan hayron qolgandirsiz?

- Martinning ham kiyimxonaga tushganini ko'rib to'g'risi hayron qoldim. Ammo bu futbol va ushbu o'yinda istalgan voqea yuz berishi mumkin. Maydonda doim katta bosim hukmronlik qiladi. Ba'zi-ba'zida ehtiroslar ustunlik qilib, qoida buzganingni ham bilmay qolar ekansan.

«Paxtakor» klubi iroqlik hujumchi Ayman Hussaynni o'z safiga qo'shib olganini e'lon qildi. 🟡

«Andijon» - «Paxtakor» (0:0) uchrashuvidan so'ng mezbonlar ustozi Islom Ahmedov matbuot anjumanida savollarga javob berdi.

O'yinni qiyin o'tishini bilardik. «Paxtakor» grand jamoa, tarkibida kuchli futbolchilar borligini bilamiz. Kuchli murabbiyga ega. Shuning uchun og'ir kechishini sezgandik, shunga qarab tayyorgarlik ko'rdik. O'z falsafamizdan kechmagan holda iloji boricha to'pni nazorat qilish, hujumkor o'yin ko'rsatishga harakat qildik. Baribir «Paxtakor» bunga qarshilik ko'rsatdi va biz xohlagandek o'yin ko'rsata olmadik. Raqib kuchli edi. O'z maydonimizda muxlislarimizni g'alaba bilan xursand qilishni istagandik. Lekin durang bo'lib qoldi.

- Bitta uchrashuvda ikkita qizil kartochka – bu tartib-intizom masalasida o'ylantiradigan holat. Bu bo'yicha qanday izoh berasiz?

Birinchi vaziyatga keladigan bo'lsak, himoyachimiz pas orqali vaziyatdan chiqib ketmoqchi edi. Buni o'zimiz o'yinchilarimizga tushuntiramiz. Ha, xato bo'ldi. Oxirgi folni qo'lladi. Bu yerda tajovuzkorlik yo'q edi. Bu vaziyatda o'zini to'xtata olmasligi ham mumkin, chunki u oxirgi himoyachi. Darvozaga to'p kirib ketishi mumkinligini o'ylagan holda o'z-o'zidan raqibni ushlab qolish holati bo'ladi. Ikkinchi vaziyatni oqlamagan bo'lardim. To'g'ri aytyapsiz, ko'rib chiqib tegishli chora ko'ramiz.

- Ko'pchilik yana Xamidullo Karimovdan gol kutgandi. Bu futbolchi belgilangan vaqtda tushmagandek tuyuldi. U haqida fikr bildirsangiz.

Avvalgi o'yinlarda Karimov o'yin oxirlarida maydonga tushayotgandi. Bugun esa biroz ertaroq maydonga tushirdim. Ko'proq vaqt bermoqchi bo'ldik. Lekin majburiy o'zgarishlar ham bo'ldi, jarohati sababli o'yinchimiz o'yinni oxirigacha davom ettira olmadi. Xohlaysizmi-yo'qmi, Xamidullo Karimovga qarshi milliy jamoa o'yinchisi o'ynadi. O'zini imkoniyatini ko'rsatish qiyin bo'ladi.

- Maydon markazini kuchaytirish maqsadida Shoxmalik Komilovni maydonga tushirsangiz bo'lmasmidi?

Bo'lardi. Ammo Shoxmalik jamoamizga yaqindagina qo'shildi. O'yin falsafamizni tushuntirib boryapmiz. Vaqti kelib, uni ham maydonga tushiramiz.

- Qanot himoyachisi Mahmud Maxamadjonov o'zini yaxshi tomondan ko'rsatayotgandi. Almashtirilishiga nima sabab bo'ldi?

Majburiy o'zgarish bo'ldi. Uning o'zi jarohati sababli zaxiraga olishimizni so'radi. Natijada almashtirishga majbur bo'ldik.

«Andijon» hamda «Paxtakor» (0:0) bahsidan so'ng «Paxtakor» ustozi Kamoliddin Tojiev matbuot anjumanida qatnashdi.

O'yinni qiyin bo'lishini bilardik. Yigitlarga tushuntirgandik. Futbolchilar o'z saviyasida o'yin ko'rsatishdi. Butun bahs davomida yaxshi o'yin ko'rsatdik. Gol urdik, hisoblanmadi. G'alaba qozonishga berishmadi, «Andijon» jamoasi emas, bunaqa o'ynash qiyin.

- «Andijon» jamoasi emas, deb aytib o'tdingiz. To'liqroq izoh bera olasizmi?

O'zlari bilishadi, ko'rganlar ham bilishadi. «Andijon» yaxshi jamoa. Lekin bugun biz ochko yo'qotdik. Bizga har bir ochko juda muhim.

- Matbuot anjumanlarida doimo o'yinchilar to'g'risida to'liq ma'lumot berib kelgansiz. Rustam Turdimurodovni «Andijon»ga o'tishi qanchalik haqiqat?

Bilmayman, bu haqida eshitmaganman. Bu gap qaerdan chiqdi, bilmayman!

- Qaydnomadan o'rin olishmagan Xojimat Erkinov va Hojiakbar Alijonovda jarohat bormidi?

Hojimat shu yerda edi, tiklana olmadi. Kichik jarohati bor. Alijonovda ham biroz jarohat bor.

- Qizil kartochka ko'rsatilgan vaziyatga izoh bera olasizmi?

Ko'rib chiqishimiz kerak. Ko'rmasdan turib gapira olmaymiz. Ko'rganimizdan keyin aytsa bo'ladi.

- «Paxtakor» chempionlik uchun kurashyapti. Bugungi durang jamoangizni chempionlik yo'lidagi imkoniyatlariga qanchalik ta'sir qiladi?

Hali chempionatni yarmi oldinda. Oldinda ikkinchi davra turibdi, ko'p o'yinlar bor. Hozir hamma ochko yo'qotyapti. Barcha jamoalar kuchli, yengil bo'lmaydi. Baribir biz oxirigacha kurashamiz. Oldimizda maqsadimiz bor. Faqat keyingi o'yinlarni yutishga harakat qilamiz.

Andijondagi bellashuvdan so'ng "Paxtakor" bosh murabbiyi matbuot anjumanida qatnashdi.

Tojiyev: - O'yin qiyin bo'lishi aniq edi. Yigitlarga buni tushuntirdik va jamoa yaxshi o'yin namoyish qildi deb o'ylayman. Bugun g'alaba qozonishimizga yo'l qo'yishmadi, lekin sabab "Andijon" jamoasi emas. Ularda yaxshi jamoa bor, lekin bugun biz ochko yo'qotdik.

Alijonov va Erkinov kichik jarohati tufayli o'ynay olishmadi. Qizil kartochkalar berilgan vaziyatlarni hali ko'rib chiqmadim.

Mavsumning rosa yarmi oldinda. Hamma ochko yo'qotmoqda va yo'qotadi. Keyingi o'yinlarni yutishga harakat qilamiz.

«Andijon» klubi yozgi transferlar vaqtida tarkibiga qo'shib olgan 25 yoshli himoyachi Nodirxon Ne'matxonov jamoaga moslashuv jarayoni va kelajakdagi maqsadlari haqida gapirib o'tdi.

«Andijon»ga qo'shilganimdan juda xursandman. Murabbiylar shtabi tomonidan menga taklif bo'ldi. Eng zo'r variant, o'zimga ham «Andijon» juda yoqadi. Birinchi navbatda muxlislari. Bunday ishqibozlari bor jamoada o'ynash har qanday futbolchining orzusi deb o'ylayman. Chunki bunday atmosferada futbolchi maza qiladi. O'ylab o'tirmasdan bu taklifga rozi bo'ldim.

Ne'matxonov klubdagi infratuzilma va mashg'ulotlar darajasiga yuqori baho berdi:

«Andijon» haqida menda ma'lumot bor edi. Ammo bu yerga kelib futbol uchun hamma sharoit borligini ko'rib o'zim ham hayron qoldim. O'zbekistonda futbol shunchalik o'sayotganiga yana amin bo'lyapman. Bu yerdagi bazada hamma narsa futbol uchun. Mashg'ulotlar professional darajada. Tiklanish jarayonlari, trenajyor zali, basseyn – hamma narsa zo'r.

Himoyachi jamoa safidagi tajribali futbolchilardan o'rganishga tayyorligini ham ta'kidladi:

Bu yerda futbolchilarning saviyasi juda yuqori. O'yindan-o'yinga hamma ochilib boryapti. O'zini nimaga qodirligini ko'rsatyapti. Menga bulardan o'rganadigan narsam ko'p. Islom To'xtaxo'jaev, Nemanya Chalasan kabi futbolchilar ancha tajribali himoyachilar. Ulardan ko'p narsa o'rganyapman, menga yoqyapti.

Artyom Potapov, Nodirxon Ne'matxonov va Shohmalik Komilov Andijonning yangi futbolchilari!

Yozgi seleksiyada tarkibni yanada kuchaytirish maqsadida transfer oynasi ochilganidan unumli foydalangan jamoamiz uch nafar futbolchilar bilan rasman kelishuvga erishdi. Bular – darvozabon Artyom Potapov, himoyachi Nodirxon Ne'matxonov va yarim himoyachi Shohmalik Komilov.

Artyom Potapov - 1994 yilning 28 iyun kuni Rossiyaning Orenburg shahrida tavallud topgan. Ampluasi darvozabon. Faoliyati davomida Rossiyaning Akron, Krasnodar 2, UFA 2, Mordoviya, Krilya Sovetov, SKA Xabarovsk, Xorvatiyaning Luko, Belarusning Torpedo Minks, Minsk, Qozog'istonning Qaysar, Armanistonning Alashkert va Ararat klublari sharafini himoya qilgan. U 2023 yilda yurtimizga kelgan va hozirga qadar Surxon bilan Xorazmda faoliyat olib borgan. Joriy mavsumning dastlabki qismida Artyom termizliklar safida 2 ta o'yin maydonga tushgan. Faoliyati davomida esa 231 ta o'yin o'tkazgan.

Nodirxon Ne'matxonov – 2001 yilning 14 iyun sanasida Toshkentda tavallud topgan. Ampluasi himoyachi. Paxtakor klubi tarbiyalanuvchisi. Bunga qadar u Paxtakor U21, OKMK U21, Sho'rtan, Neftchi va Surxon jamoalarida to'p tepgan. Ne'matxonov mavsumning dastlabki qismida termizliklar tarkibida 11 ta uchrashuvda maydonga tushdi. Faoliyati davomida 80 ta o'yinda ishtirok etgan.

Shohmalik Komilov – 2000 yilning 14 mart kuni Qashqadaryoda tavallud topgan. Ampluasi – yarim himoyachi. Shu kunga qadar Nasaf, Dinamo, Turon, Buxoro, Merani Martvili (Gruziya) va Navbahor klublarida faoliyat olib borgan. Joriy yilgi mavsumning dastlabki qismida namanganliklar safida 11 ta uchrashuvda maydonga tushdi va 2 ta gol muallifi va 1 ta assist qayd etdi. Faoliyati mobaynida 134 ta o'yinda qatnashgan, 17 ta gol urgan.

Ishonamizki, ushbu futbolchilar jamoamizning yangi g'alabalariga munosib hissa qo'shgan holda muxlislarning ishonchni oqlaydi.

Jamoamizning ahil oilasiga xush kelibsizlar! 👍

Paxtakor O‘zbekiston chempionatida 2200-golini urdi. Bunyodkor bilan uchrashuvda Doston Hamdamov kiritgan to‘p «sherlar»ning O‘zbekiston chempionatidagi 2200-goliga aylandi.

Toshkent derbisidan so'ng Kamoliddin Tojiyev matbuot anjumanida qatnashdi.

Tojiyev: - Bahsni yaxshi boshladik, ilk daqiqadayoq juda qulay vaziyatdan foydalana olmadik. Ko'plab imkoniyatlarni ko'kka sovurdik. Shu sababli o'yin oxiri yana asabiy kechdi. Kamchiliklar ustida ishlayapmiz. Mashg'ulotlarda buni yigitlarga ko'rsatyapmiz. Vaziyatlar yetarlicha bor, ulardan aniq foydalansak bas. Keyingi uchrashuvlarda ijobiy o'zgarishlar qilishga intilamiz. Uzoq muddatli tanaffusdan keyin ruhan tiklanishimiz qiyin kechmoqda. Buni tuzatishga urinamiz.

Tez orada yana bir hujumchi bilan shartnoma imzolashimiz kutilmoqda. Bu bizga yordam beradi deb o'ylayman.