Adrian Liso «Sevilya»ga o'tmasligi mumkin. «Malyorka» futbolchi uchun «Saragosa» so'ragan summani to'lashga tayyor.
❌ Adrian Liso katta ehtimol bilan «Sevilya» safiga o'tmaydi.
Estadio Deportivo xabariga ko'ra, Yan Virgili sotilganidan so'ng, «Malyorka» Lisoni o'z safiga qo'shib olishni maqsad qilgan. Klub «Saragosa» talab qilayotgan va «Sevilya» to'lashga qurbi yetmagan summani to'lashga tayyor.
Aymar Blaskes "Valensiya"da qolish uchun kafolat talab qilmoqda. Futbolchi bilan "Saragosa" qiziqmoqda.
Aymar Blaskes faoliyatini "Valensiya"da davom ettirishga tayyor, ammo klub unga haqiqatan ham ishonch bildirayotgani borasida kafolat olishni istamoqda. Futbolchining asosiy maqsadi - joriy mavsumda La Ligada debyut qilish.
Shartnomani uzaytirish bo'yicha muzokaralar davom etmoqda. "Valensiya" agar futbolchining asosiy jamoadagi maqomi bo'yicha shart bajarilsa, kelishuvni ikki yilga, ya'ni 2027-yilning 31-yanvariga qadar uzaytirishi mumkin.
Korberan Blaskesning iqtidorini yuqori baholaydi va hozircha uni qo'yib yuborishni istamayapti. Futbolchining o'zi esa, agar istalgan kafolatni olmasa, ijaraga ketishga qarshi emas.
Bunday vaziyatda, agar "Valensiya" baribir futbolchini vaqtincha qo'yib yuborishga qaror qilsa, "Saragosa" ijara variantlaridan biri bo'lishi mumkin.
Fikr qoldirish va reaksiya uchun Telegram orqali kiring.