Anis Hoj-Mussa va «Feyenoord» o'rtasidagi transfer mojarosi tafsilotlari

Anis Hoj-Mussa «Al-Ittihod»ga o'tishi barbod bo'lgan transferi atrofidagi vaziyatni yanada keskinlashtirdi.

Niderlandiyada transfer oynasi yopilgach, «Al-Ittihod» Hoj-Mussa bo'yicha bir necha bor taklif bilan chiqdi. «Feyenoord» hujumchi uchun 37,5 million yevrolik taklifni rad etdi, holbuki futbolchi besh mavsumda 50 million yevro atrofida maosh olishi mumkin edi. Shanba kuni hujumchi o'yin kuni jamoaviy tadbirlarga ikki marta kechikib keldi, shundan so'ng Jovanni van Bronkhorst uni tarkibdan chetlatdi.

Yakshanba kuni, Saudiya Arabistonida transfer oynasining so'nggi kunida tomonlar 40 million yevrodan ortiq summaga og'zaki kelishuvga erishdilar. Biroq, «Feyenoord» Saudiya Arabistonidan bank kafolatini talab qildi va aynan shu sababli kelishuv amalga oshmay qoldi.

Diqqatli muxlislar shuni payqashdiki, voqealardan so'ng Hoj-Mussa o'z profilidagi suratni o'zgartirgan: «Feyenoord» libosidagi surat o'rniga u Jazoir terma jamoasi futbolkasidagi suratni qo'ygan.