Arsenal Vinisius Junior uchun katta taklif bilan chiqqandi

"Arsenal" Vinisius Juniorga Premer-liga tarixidagi eng yirik moliyaviy paketlardan birini taklif qildi.

U bilan APLning asosiy yuziga aylanish, o'z brendini ham moliyaviy, ham global miqyosda yangi bosqichga olib chiqish, shuningdek, "Oltin to'p"ni yutish uchun real imkoniyatga ega bo'lish imkoniyatlari muhokama qilingan. Unga dunyoning eng kuchli ligasida o'zini sinab ko'rish va "Arsenal"ni Chempionlar ligasini yutish yo'lida yetaklash taklif etilgan.

Men klubning ushbu transfer bozoridagi ba'zi harakatlarini tanqid qilganman, ammo bu safar rahbariyat, Berta va Mikel jahon futbolidagi eng yaxshi chap qanot hujumchisini "Arsenal"ga olib kelish uchun qo'lidan kelgan barcha ishni qildi.

Vaqti kelganda, biz barcha tafsilotlarni aytib beramiz, chunki bu haqiqiy "amerikancha tog'lar" (keskin o'zgarishlar) bo'ldi. Hatto kecha ham klub bitim muvaffaqiyatli yakunlanishiga maksimal darajada ishongan edi — taklif qilingan paket va "Arsenal" vakillarining bevosita o'yinchi hamda uning atrofidagilar bilan o'tkazgan suhbatlari tufayli.

Biroq, yakunda Vinisius, ko'rinishidan, "Real" bilan shartnomani uzaytiradi va "Arsenal" endi hujum hamda himoyani kuchaytirish uchun bozorni o'rganmoqda.