Isaan Khan xabariga ko'ra, «Arsenal» Xulian Alvaresning jarohatlar tarixi, fiziologik ko'rsatkichlari va o'yin ma'lumotlarini o'rganib chiqdi. Tahlillar natijasiga ko'ra, Alvares «Arsenal» talablariga to'liq javob beradi.
Endilikda potensial transfer birinchi navbatda futbolchining o'ziga bog'liq, ya'ni u bunday variantni ko'rib chiqishga tayyormi. Shu bilan birga, so'nggi vaqtlarda Alvaresning pozitsiyasi biroz yumshadi va u «Arsenal» taklifini eshitishga ochiqroq bo'lib qoldi, chunki «Atletiko» uni «Barselona»ga sotish niyatida emas.
Shuningdek, Mikel Arteta va «Arsenal»ning Xulian Alvaresga bo'lgan qiziqishi bugun paydo bo'lgani yo'q, klub uni bir necha oydan beri kuzatib kelmoqda. Yil boshida «Arsenal» xodimlariga Alvares haqida batafsil ma'lumot to'plash topshirig'i berilgan edi, bu uning jamoaga kerakli o'yinchi profiliga mos kelishini aniqlash uchun qilingan.
Izohlar (0)
Izoh qoldirish uchun tizimga kiring.
Hozircha izoh yo'q. Birinchi bo'lib fikr bildiring!