Brayan Kristante: «Chempionlar ligasida o'ynashni juda istaymiz»

Brayan Kristante Sky Sport nashriga bergan intervyusida «Roma»ning yangi mavsumdagi maqsadlari va jamoadagi muhit haqida gapirdi:

«Biz Chempionlar ligasida o'ynashni juda istaymiz. Bunga uzoq vaqt intildik va bir necha bor yaqin kelgandik. Unda ishtirok etayotganimizdan faxrlanamiz. Klubning u yerda bo'lishi muhim, chunki bu bizga transfer bozorida qo'shimcha turtki beradi. Biz bir-birimiz bilan har kuni muloqot qilamiz».

Pellegrini va Chempionlar ligasi haqida:

«So'nggi bir necha kun davomida u bilan aloqada bo'ldik, uni yana safimizda ko'rishni intiqlik bilan kutyapmiz. Chempionlar ligasida «Bernabeu»da o'ynashni istardim; yangi stadionda o'ynash va Mourinyuni yana ko'rish ajoyib bo'lardi».

«Kardiff» — «Roma» o'yinida Dibala bilan yuzaga kelgan tushunmovchilik haqida:

«Biz hammasini darhol hal qildik; bu maydonda boshlanib, o'sha yerning o'zida yakunlangan kichik kelishmovchilik edi».

Mavsumdagi maqsadlar haqida:

«Skudetto — bu orzu, ammo hozircha biron narsa deyishga erta; chempionat qiyin va juda raqobatbardosh. Biz Chempionlar ligasida muvaffaqiyatli ishtirok etishni istaymiz va yanvar oyiga kelib, chempionlik uchun kurashish maqsadida peshqadamlar qatorida bo'lishimizga umid qilamiz».

Terma jamoa va Manchini qo'l ostidagi yangi davr haqida:

«Manchini bilan ishlashdan faqat ijobiy xotiralar qolgan; biz muvaffaqiyatga erishib, muxlislarni xursand qilishga umid qilamiz. Maqsadimiz — qayta tiklanish va o'zimiz munosib bo'lgan o'rinlarga qaytish».