Devid Linch: «Liverpul» uchun himoyachi xarid qilish ustuvor vazifa emas

Devid Linch «Liverpul»ning himoya chizig'ini kuchaytirishi mumkinligi haqida o'z fikrlari bilan o'rtoqlashdi:

«Menda bo'lgan suhbatlardan kelib chiqib, «Liverpul» himoyachi sotib olmaydi, deb keskin ayta olmayman. Bu imkoniyat uchun eshiklar ochiq qolmoqda.

Shuni ayta olamanki, klub ichida bu hozir ustuvor vazifa deb hisoblanmayapti. Ular bir nechta hujumchini ko'zlashmoqda.

Agar himoyachi xarid qilishsa ham, bu transfer oynasining so'nggi kunlariga yaqinroq sodir bo'ladi, deb o'ylayman.

Agar siz «Liverpul» ikkita himoyachi oladi deb o'ylayotgan bo'lsangiz, umid bog'lamagan bo'lardim. Mening nazarimda, o'zim bilgan ma'lumotlarga tayanib aytadigan bo'lsam, bu juda va juda dargumon.

Eng real ssenariy shuki, agar himoyachi keladigan bo'lsa, u ushbu pozitsiyada universal o'yinchi bo'ladi».