Diego Simeone «Liverpul»ga qarshi o'yin oldidan fikrlarini bildirdi

🚌 Diego Simeone «Liverpul»ga qarshi o'yin oldidan:

«Bilbaoda sodir bo'lgan voqea motivatsiya bilan bog'liq emasdi, bu diqqatning pasayishi edi. Aynan shu yerda biz yaxshi o'tkazayotgan o'yinimizni boy berdik. Endi biz ajoyib muhitga ega bo'lgan go'zal stadionga yo'l olmoqdamiz. Bizni nimalar kutayotganiga bardosh berish uchun kuchimiz yetadimi yoki yo'q, ko'ramiz».

«Atletiko» va «Liverpul» o'yin uslublaridagi farqmi? Men uslublarga unchalik ishonmayman; men intensivlikka ishonaman. To'pga egalik qilib ham darvoza tomon birorta ham aniq zarba bermaslik mumkin».

«Jamoaning hozirgi holati? Biz hali ko'p ishlashimiz kerak. Biz o'sish davridamiz: yangi futbolchilar ko'p, Xulian bilan bog'liq vaziyat bor va terma jamoadan kech qaytganlar ham bor. Bu hech kimni qiziqtirmaydi, lekin bu haqiqat. Biz qadam-baqadam oldinga siljishimiz va asta-sekin o'z ritmimizni topib olishimiz kerak».

«Serlot? U tiklanmoqda va biz uchun juda muhim. U bizga hozir jamoada boshqa hech kimda bo'lmagan narsani bera oladi».

«Biz hali shakllanish jarayonidamiz, ammo keyingi o'yindayoq o'sishni ko'rishni kutmoqdaman».

«Men Xulianni boshlang'ich tarkibda ko'rmayapman, lekin u o'yinda bizga yordam bera olishiga ishonaman».