Gari Nevill: «Arsenal» bu mavsum chempion bo'ladi

🗣 Gari Nevill «Arsenal»ning APLdagi imkoniyatlari haqida o'z fikrlarini bildirib o'tdi:

«O'tgan hafta yangi mavsumni muhokama qilayotganimizda, bu eng oldindan aytib bo'lmaydigan va qiziqarli mavsum bo'lishini o'ylagandim. Bizda yangi murabbiylar, ko'plab yangi o'yinchilar va yuqori pog'onalarda ko'plab o'zgarishlar bor.

«Arsenal» bu mavsum APLda katta farq bilan g'olib chiqishi kerak. «Tottenxem» mag'lub bo'lganini, «Manchester Yunayted» yutqazganini, «Liverpul» zo'rg'a g'alaba qozonganini, «Manchester Siti» esa o'z uyida g'alaba qozonish uchun qiynalganini ko'rdik…

Turnir jadvalining yuqori qismida biz kutgan oldindan aytib bo'lmaslik holati aynan birinchi turda kuzatildi. Hamma narsa men taxmin qilganimdek sodir bo'ldi. Hozir «Arsenal» o'ziga juda ishongan holda harakat qiladi. Men hech qachon bunchalik amin bo'lmaganman – mavsum oxirida uyalib qolishim ham mumkin, ammo birinchi o'yindan so'ng, biz Premer-liga chempioni bo'ladigan jamoani ko'rayotganimizga mutlaqo ishonchim komil.

Menimcha, «Chelsi» tarkibi, yevrokuboklarda ishtirok etmasligi va ajoyib murabbiyi tufayli ikkinchi o'rinni egallaydi. Haqiqatan ham «Chelsi» bu yil «Arsenal» bilan raqobatlashib, ikkinchi o'rin uchun kurashish imkoniyatiga ega deb hisoblayman», – dedi Nevill Sky Sports podkastida.