Giovanni Di Lorenzo: «Arsenal»ga qarshi o'yinda mukammal o'yin ko'rsatishimiz kerak

Giovanni Di Lorenzo «Arsenal»ga qarshi o'yin oldidan matbuot anjumanida fikrlarini bildirdi:

Biz yaxshi natija qayd etishga va turnirni ko'tarinki ruhda boshlashga qat'iy qaror qildik. So'nggi haftalardagi xatolarni tahlil qildik va ertaga kechqurun «Arsenal»ga qarshi yaxshi o'yin ko'rsatishga tayyormiz. Bir taymda uchta gol o'tkazib yuborish – biz xursand bo'ladigan holat emas. Bir nechta xatolarga yo'l qo'ydik va ertadan boshlab o'yinimizni yaxshilashimiz kerak. Bu turnirda har bir xato uchun jazolashadi. Biz mukammal o'ynashimiz shart.

Allegri bizdan yanada tajovuzkor bo'lishni, to'pga egalik qilganda uni yaxshiroq nazorat qilishni, to'psiz holatda esa kurashishni talab qilmoqda. Dastlabki o'yinlarda hali 100 foiz tayyor bo'lmasligimiz mumkin, ammo o'yinimizni yaxshilash uchun shu jihatlar ustida ishlayapmiz.

O'yin jasorat talab qiladi, chunki biz o'tgan yili finalga chiqqan jamoa bilan to'qnash kelamiz. Bu bizning nimalarga qodir ekanligimizni ko'rsatadigan muhim va hayajonli bahs bo'ladi. Bu o'tgan yilgiga qaraganda yaxshiroq ishtirok etishni istaydigan musobaqamiz.