Joze Mourinyo «Inter»ga qarshi o'yin oldidan fikrlari bilan o'rtoqlashdi

Joze Mourinyoning «Inter»ga qarshi o'yin oldidan o'tkazilgan matbuot anjumani:

«Real Betis»dan uchralgan mag'lubiyatdan keyingi jamoa holati haqida:

O'yinchilar xafa bo'lishdi, lekin sindirishmadi. Hozir ular to'liq tiklanishdi va ertangi o'yinga tayyor.

«Inter» bilan bog'liq xotiralar haqida:

Menda turli lahzalar bo'lgan — sovrinlar yutganman va penaltilar seriyasida yutqazganman. Lekin hozir bu haqda o'ylamayapman.

O'yingacha «Inter» men uchun ko'p narsani anglatadi, lekin o'yin vaqtida bu shunchaki navbatdagi raqib bo'ladi.

Diskvalifikatsiyalar tufayli yo'qotishlar haqida:

Men variantlarimizni oshkor qilmayman. Taqvim va vaziyat shunday bo'ldiki, «Inter»ga qarshi bizga uch nafar o'yinchi yordam bera olmaydi. Boshqa hech narsa demayman.

«Real Madrid» bilan yana Chempionlar ligasini yutish istagi haqida:

Bu shunchaki Chempionlar ligasidagi g'alaba emas — bu «Real Madrid» bilan g'alaba.

Mening bu yerdagi birinchi davrim 2013-yilda yakunlangan va allaqachon tarixning bir qismiga aylangan. O'shanda men ko'p yillar chorak finalga chiqa olmagan jamoani qabul qilib olgandim. O'shandan beri «Madrid» ko'plab sovrinlarni qo'lga kiritdi.

G'alaba qozonishni istaymanmi? Albatta. Mening g'alabaga bo'lgan chanqoqligim o'sha-o'sha.

Hozirgi «Real Madrid» haqida:

O'yinchilar o'tgan mavsumni og'ir o'tkazishdi va hozir g'alaba qozonishni juda istashmoqda. Lekin bizga birinchi navbatda barqarorlik topish va mavjud muammolarni tuzatish kerak.

«Real Betis» bilan o'yindagi hakamlik haqida:

Biz «Betis»ga yutqazdik, chunki vaziyatlardan foydalana olmadik. Men hakamlik tufayli yutqazdik, demayapman.

Lekin men penalti nega qayta ijro etilmaganini tushunmoqchiman. Agar VAR qoidani bilmagan bo'lsa — bu jiddiy muammo. Agar bilgan bo'lsa-yu, boshqa sabab bilan aralashmagan bo'lsa — undan ham yomon. Nega hech bo'lmasa bosh hakamga epizodni monitorda ko'rishni taklif qilishmadi?

Hatto qayta penaltida ham biz yana gol urolmasligimiz mumkin edi. Lekin «Real Madrid» murabbiyi sifatida men tushuntirish olishni istayman.

Va yana bir savol: nega Vinisius sardor sifatida hakamdan tushuntirish so'rashga uringanda sariq kartochka oldi? Bizga sardorning bunga haqqi bor, deyishadi. Men sababini tushunmoqchiman.

Endrik haqida:

U maksimal 5–10 daqiqa o'ynashga tayyor, chunki jamoaga endi qaytdi va o'rtoqlik o'yinlarini o'tkazib yubordi.

U hujumda o'ynaydi. Xavotir olmanglar, Endrik na o'ng qanot himoyachisi, na yarim himoyachi bo'lib maydonga tushadi.