KMI Konsa va Ballard epizodi bo'yicha yakuniy qarorini e'lon qildi

Rasman: KMI paneli Konsa — Ballard epizodida belgilangan penalti bo'yicha o'z xulosasini taqdim etdi:

Epizod: penalti belgilangan. Ezri Konsaning Den Ballardga nisbatan foli, 54-daqiqada sodir bo'lgan.

Maydondagi hakam qarori bo'yicha xulosa: xato — 0:5.

VAR harakati bo'yicha xulosa: to'g'ri — 3:2.

VAR aralashmasligi kerak edi, chunki hakamning qarori «yaqqol va ko'zga tashlanadigan xato» hisoblanmaydi.

KMI paneli: VARning aralashmaslik qarori uchta ovozga qarshi ikkita ovoz bilan qo'llab-quvvatlandi. Komissiya a'zolarining ko'pchiligi har ikki o'yinchi harakatlarini hisobga olgan holda, maydondagi hakamning qarori «yaqqol va ko'zga tashlanadigan xato» darajasiga yetmagan deb hisoblashdi.

Qanday qilib KMI hakam qarorini xato deb topib, shu bilan birga VARning aralashmaganini to'g'ri deb hisobladi?

Komissiya a'zolari avval bosh hakam qarorini alohida baholashadi, so'ngra VAR harakatlarini ko'rib chiqishadi. Bunda Premer-ligada VAR aralashuvi uchun yuqori darajadagi talab o'rnatilganini hisobga olish muhim. Mazkur holatda komissiya hakam haqiqatan ham xato qilgan va penalti belgilamasligi kerak edi degan xulosaga keldi. Biroq, bu xato VAR aralashuvi uchun belgilangan mezonlarga mos keladigan darajada yaqqol va ko'zga tashlanadigan bo'lmagan. Shu sababli, VAR bosh hakamning xatoli qaroriga qaramay, epizodga aralashmasdan rasman to'g'ri yo'l tutgan.

Mo'jiza, boshqacha bo'lishi ham mumkin emas. 🙂‍↕️🫰💷