Koul Palmer: "Yozda dam olib, qayta kuch to'pladim, men tayyorman"

🎙️ Koul Palmer Sky Sports uchun o'yin yakunida o'z fikrlari bilan o'rtoqlashdi:

O'tgan mavsum jarohatlar va boshqa sabablar tufayli qiyin kechgandi. Ammo yozda va qaytganimdan beri yanada ko'proq ishladim.

O'ylaymanki, barcha jarohatlardan so'ng ularning takrorlanmasligiga harakat qilishim va har kuni yanada ko'proq mehnat qilishim kerak edi. Nimalarga qodirligimni bilaman, shuning uchun ham shunday o'yin ko'rsata olaman.

• Yaqin do'sti Morgan Rojers bilan o'yin haqida:

O'sib ulg'ayayotganingda, do'stlaring bilan istalgan narsani birga qilishni xohlaysan. Shu sababli, u bilan birga eng yuqori darajada futbol o'ynash imkoniyati haqiqiy emasdek tuyuladi.

• APL mavsumining ilk o'yinidagi g'alaba haqida:

Bu muhim. Birinchi safar o'yini har doim qiyin kechadi, ammo biz bor kuchimizni berdik va g'alabaga erishdik.

• O'zi haqida:

Odatda men juda hissiyotli odam emasman, meni yaqindan biladiganlar hayotda hech narsadan ortiqcha tashvishlanmasligimni tushunishadi. Ammo yozda dam oldim, qayta kuch to'pladim va ha, men tayyorman. Men ochman.