Liverpool Turkish Airlines bilan rekord darajadagi shartnoma imzoladi

Pol Joys ma'lumotlariga ko'ra:

🛑Klubda hisoblashlaricha, Turkish Airlines bilan tuzilgan bitim Premer-ligadagi eng qimmat homiylik shartnomasi bo'ladi, garchi avvalroq Manchester Yunayted o'zining Snapdragon bilan kelishuvi shunga yaqin summada ekanligini ma'lum qilgan bo'lsa ham.

🛑Bitim klubga har mavsum uchun 60 million funtdan ortiq daromad keltiradi. U 2027-yil 1-iyundan kuchga kiradi va joriy titul homiysi Standard Chartered o'rnini egallaydi, uning shartnomasi mavsumiga taxminan 50 million funtga baholangan edi. Aviakompaniya logotipi 2027/28-yilgi mavsumdan boshlab erkaklar, ayollar va yoshlar jamoalari o'yin liboslarining old qismida paydo bo'ladi.

🛑FSG 2010-yilda Liverpulni 300 million funtga sotib olganida, klubning yillik daromadi 184,9 million funtni tashkil etgan. Bunda umumiy tijorat daromadi 62,1 million funtga teng bo'lgan — endi esa Turkish Airlines bilan hamkorlikning bor-yo'g'i bir yili ushbu summaga tenglashadi.

🛑Turkish Airlines bilan muzokaralar o'tgan yili Standard Chartered eksklyuzivlik muddati tugaganidan so'ng boshlangan (bank ushbu muddatgacha o'z shartlarini ustuvor tartibda taklif qilishi mumkin edi, ammo buni amalga oshirmadi). Bitim FSG iyul oyida klub aksiyalarining 38 foizini 1892 Holdings kompaniyasiga sotguniga qadar yakuniy bosqichda edi.

🛑Dunyodagi to'rtinchi yirik aviakompaniya hisoblangan Turkish Airlines so'nggi 35 yil ichida Liverpulning uchinchi titul homiysi bo'ladi — Standard Chartered va Carlsberg'dan keyin — va klub tarixidagi atigi oltinchi titul homiysi hisoblanadi.