Martin Edegor Bukayo Saka va «Chelsi»ga qarshi o'yin haqida gapirdi

Martin Edegor Bukayo Sakaning mavsum starti haqida:

«Bo'lgan golni yana ko'rish juda yoqimli. Biz undan aynan shuni kutamiz. Ko'rinishidan, u bu mavsumga juda yaxshi formada yetib keldi. O'tgan mavsumda jarohatlar unga biroz xalaqit bergan bo'lsa-da, hozir u futbolga juda chanqoq va bu mavsumni yanada yaxshiroq o'tkazishga ahd qilgan holda qaytdi. Biz buni o'yinlarda ko'ryapmiz va har kuni mashg'ulotlarda kuzatyapmiz. Bunday mehnat o'yinda natija berishi doim yoqimli. Umid qilamanki, gollar davomli bo'ladi».

«Chelsi» haqida:

«Biz butun hafta davomida «Chelsi»ga qarshi o'yinga tayyorgarlik ko'rdik, shuning uchun tabiiyki, so'nggi kunlarda ularga ko'proq e'tibor qaratdik. Nazarimda, hujumda ular hozircha juda yaxshi ko'rinishmoqda, sifatli hujumkor futbol namoyish etishmoqda. Ularda kuchli o'yinchilar ko'p, qolaversa, yozda ular yana kuchayishdi. «Chelsi»da har qanday vaziyatda muammo tug'dirish uchun yetarli darajada sifat bor, shuning uchun bizni jiddiy sinov va yaxshi kurash kutib turibdi. Biz bu o'yinni chin dildan kutyapmiz. Bu mavsumning ilk bosqichidayoq katta o'yin. Ular ham, biz ham yaxshi boshladik, ustiga-ustak bu derbi, shuning uchun, albatta, o'yin katta ahamiyatga ega. Biz g'alaba qozonib, o'z sur'atimizni saqlab qolishni va bu startni rivojlantirishni istaymiz. Biz uchun bu o'z sifatimizni yana bir bor ko'rsatish va cho'qqida qolish uchun yaxshi imkoniyat».