Martin Edegor «Chelsi»ga qarshi derbi haqida fikr bildirdi

Martin Edegor jamoa «Chelsi»ga qarshi derbiga tayyor ekanligini aytdi:

Butun hafta davomida «Chelsi» bilan o'yinga tayyorgarlik ko'rdik, shuning uchun, albatta, ularning o'yinini biroz ko'proq kuzatdik. O'ylaymanki, ular hozir hujumda juda yaxshi harakat qilishmoqda, sifatli hujumkor futbol namoyish etishmoqda. Ularda haqiqatan ham yaxshi futbolchilar bor va yozda yana bir nechta xaridlar amalga oshirishdi. Ularda har qanday vaziyatda muammo tug'diradigan darajada sifat bor, shuning uchun bu biz uchun jiddiy sinov va yaxshi kurash bo'ladi – biz bu o'yinni intiqlik bilan kutmoqdamiz. Bu mavsum boshidagi muhim o'yin. Ular ham, biz ham yaxshi boshladik, bu derbi, shuning uchun, albatta, bu juda muhim bahs.