Vilko van Sxayk va Ferri de Xaan niderland futbolining Yevropadagi holatidan jiddiy xavotirda. NEC va "Xerenven" rahbarlari Erediviziya klublarini o'ta yoqimsiz ssenariy kutayotganiga ishonishadi.
O'tgan mavsumda Niderlandiya UEFA koeffitsiyentlar jadvalida oltinchi o'rinni Portugaliyaga boy berdi. Endilikda faqat mamlakat chempioni Chempionlar ligasiga to'g'ridan-to'g'ri yo'llanma oladi. Agar Niderlandiya top-10 talikdan chiqib ketsa, hatto chempion ham yevrokuboklarda kafolatlangan to'g'ridan-to'g'ri o'ringa ega bo'lmaydi.
De Xaan fikricha, niderland klublari Yevropada eng kuchli tarkiblarini maydonga tushirishi va koeffitsiyentlar jadvali uchun imkon qadar ko'proq ochko jamg'arishi o'ta muhim.
Vilko van Sxayk: "Hozir biz virtual tarzda sakkizinchimiz, ammo raqobat juda jiddiy - Gretsiya, Turkiya, Serbiya, Xorvatiya va Norvegiya. Futbolimiz uchun vaziyat og'ir, biz botqoqdamiz. Biz pastga tushishda davom etyapmiz".
Izohlar (0)
Izoh qoldirish uchun tizimga kiring.
Hozircha izoh yo'q. Birinchi bo'lib fikr bildiring!