Roberto De Zerbi: «Endi Robertson jamoamiz uchun top-darajadagi futbolchi»

Roberto De Zerbi «Men in Blazers»ga bergan intervyusida Endi Robertsonning transferi hamda «Tottenxem»dagi kelajak rejalari haqida gapirdi.

🎤 Endi Robertsonning transferi haqida:

«Menga aynan Endi Robertson kerak, chunki u ham maydonda, ham maydon tashqarisida universal futbolchi, qolaversa, kuchli xarakterga ega. Men uning «Liverpul»dagi kabi o'ynashini, o'sha energiya, fidoyilik va ehtiros bilan harakat qilishini istayman, chunki u biz uchun top-darajadagi futbolchi. Yosh o'yinchilar Endidan o'rnak olishlarini xohlardim: u g'oliblik ruhini, kiyim almashtirish xonasida va maydonda o'zini qanday tutishni, xarakterni qanday namoyon etishni o'rgata oladi. Biz uchun bu ajoyib xarid».

🎤 Transferlar oynasi haqida:

«Transfer bozorida hali ishni yakunlamadik... Yangi mavsum boshlanishini intizorlik bilan kutyapmiz — o'ylayman-ki, boshqacha ambitsiyalar va aniqrog'i, boshqacha natijalar bilan».

🎤 Futbolchilarga bo'lgan talablar haqida:

«Faqatgina o'yin sifati yetarli emas. Men ushbu libosni kiyishdan faxrlanadiganlarni ko'rishni istayman».

🎤 «Tottenxem»ning natijalarini yaxshilash haqida:

«Biz muxlislarimiz va klubimiz uchun yashaymiz, ularga quvonch ulashish uchun. Bu katta chaqiriq, chunki jamoa ikki mavsumdan beri jadvalning quyi qismida qolib ketdi va biz bu vaziyatni o'zgartirmoqchimiz».

🎤 Klub rahbariyatining ambitsiyalari haqida:

«Klub egasi, direktorlar kengashi va qaror qabul qiluvchi insonlarning ambitsiyalari juda muhim va ular juda yuqori!».

🎤 Chempionlik uchun kurash haqida:

«Biz kuchliroq jamoa qurish uchun sharoit topishimiz kerak. O'tgan mavsumdagidan ham kuchliroq bo'lib, yana jadval cho'qqisi uchun kurashishimiz lozim».