Roberto De Zerbi transfer oynasi va jamoa holati haqida

🎤 Roberto De Zerbi transfer oynasi bunday o'tishini kutmaganini va yana bir futbolchi bilan shartnoma imzolashlari mumkinligini aytdi:

Men bunday transfer oynasini kutmagandim. O'ylaymanki, biz aniq bir pozitsiyaga yana bir o'yinchi olib kelishimiz mumkin. Kecha klub egalari, shuningdek, Yoxan Lange va Vinai Venkatesham bilan kechki ovqatda uchrashib, bu masalani muhokama qildik. Biz barchamiz bir fikrdamiz va juda yaxshi munosabatdamiz.

🎤 De Zerbi:

Savio va Marmush – bu bomba. Ularni qanday atashni xohlaysiz, bilmayman, lekin ular aniq shu darajadagi va kalibrdagi futbolchilar.

🎤 De Zerbi:

Jeyms Meddisonda jiddiy muammo yo'q. Shunchaki chap yelkasida og'riq bor. U mashg'ulot o'tkazmoqda, lekin ertaga o'ynay oladimi yoki yo'q, bilmayman.

🎤 Papa Matar Sarr haqida:

Sarr yaxshi holatda. Transfer oynasining so'nggi kunlarida u bilan nima bo'lishini ko'ramiz.

🎤 De Zerbi:

Men barcha o'yinchilar bilan juda ochiq gaplashdim. Agar ochiqchasiga gapiradigan bo'lsak, hech qanday kutilmagan holatlarni kutish kerak emas. Ketishni xohlagan o'yinchilar allaqachon ketishdi. Balki, klubni tark etishni istaydigan va hozirda taklif kutayotgan yana bir nechta futbolchimiz bordir. Biz ham kutmoqdamiz. Siz bu yerda qolayotganingizdan faxrlanishingiz kerak. Biz yangi o'yinchilar bilan hissiyotlarga boy loyiha quryapmiz.

🎤 Omar Marmush haqida:

Biz uchun ajoyib xarid, zo'r o'yinchi. Yana bir buyuk futbolchi. Barchamiz uni o'yinchi sifatida yaxshi ko'ramiz va u o'z imkoniyatlarini to'liq ko'rsata olishiga umid qilamiz. U bizga hujumda ko'proq variantlar bera oladi. Bizga hujum chizig'ida gol ura oladigan ko'proq o'yinchilar kerak. U juda tezkor futbolchi. Yaxshi ishlaydi. Juda aqlli. U murabbiy kabi fikrlaydi. Maydonning turli pozitsiyalarida o'ynay oladi.