Algemeen Dagblad xabariga ko'ra, Xavi kelasi dam olish kunlari o'zining ilk Eredivizi uchrashuvini stadiondan kuzatadi. Nashrning yozishicha, ispaniyalik mutaxassis Barselonada yashashda davom etadi.
Nashr ma'lumotlariga ko'ra, Xavi buni muammo deb bilmaydi, chunki Niderlandiya terma jamoasining ko'plab futbolchilari xorijda to'p surishadi. Shunga qaramay, yangi murabbiy Eredivizi o'yinlarida muntazam ravishda hozir bo'lishi kerak.
Jurnalist Marten Veyffels: "Agar seni AZ yoki Feyenoord o'yinlarida tribunada ko'rishsa, bu qiziqishni namoyon etadi va yaxshi munosabat yaratadi".
Sentyabr oyining birinchi haftasida Xavi chempionat o'yinlarini tomosha qilishni rejalashtirmoqda. Taxminlarga ko'ra, u 5-sentyabr kuni Ayaks - PSV uchrashuvidan boshlaydi. Avvalroq, o'sha kuni NEC - Feyenoord bahsi bo'lib o'tadi.
6-sentyabr kuni Xavi futbolchilarning dastlabki kengaytirilgan ro'yxatini tuzishi kerak. U e'lon qilinmaydi, lekin barcha tegishli klublarga yuboriladi. 18-sentyabr kuni esa terma jamoaning yakuniy tarkibi ma'lum qilinadi.
Izohlar (0)
Izoh qoldirish uchun tizimga kiring.
Hozircha izoh yo'q. Birinchi bo'lib fikr bildiring!