"Everton"ga qarshi derbi, hatto yoshlar darajasidagi mini-derbi bo'lsa ham, hech qachon zerikarli o'tmaydi.
Uchrashuvning so'nggi daqiqalarida hisob 1:1 bo'lib turgan pallada hakam jamoamiz U21 darvozaboni Xarvi Devisni maydondan chetlatdi. Barcha almashtirishlar allaqachon amalga oshirilganligi sababli, darvoza chizig'iga markaziy himoyachi Mor Talla Ndiaye o'tishiga to'g'ri keldi.
Biroq, ko'p o'tmay maydonda janjal yuzaga keldi va uning natijasiga ko'ra "Everton"ning bir futbolchisi ham qizil kartochka oldi. Shunday qilib, tarkiblar tenglashdi, ammo "Everton" darvozasida himoyachi emas, darvozabon qoldi.
Yakunda yoshlar o'rtasidagi Angliya chempionatining birinchi turida o'tli bahs durang bilan yakunlandi. Yoqimli jihatlardan biri — Jeyden Danns zaxiradan maydonga tushib, yarim soatdan ortiq vaqt o'ynadi.
Izohlar (0)
Izoh qoldirish uchun tizimga kiring.
Hozircha izoh yo'q. Birinchi bo'lib fikr bildiring!